كيكة الكوكوط من مطبخي

[السلطانة]

السلام عليكم ورحمة الله وبركاته

جربت كيكة الكوكوط فجبتلكم الوصفة
المقادير :
4 بيضات +كاس سكر +كاس زيت +2 مغارف كاكاوو +شوي vاني +خميرة الحلوى +مغرفة نيسكافي ذايبة في كاس ماء +قرصة ملح +3كيسان ونص فرينة
الطريقة :
نخلط البيض +السكر مليح بعدها نزيد الكاكاوو والفانيلا والملح وبعدها الفرينة والخميرة

بعدها تدهني الكوكوط بشوي زيت وفرينة
وتفرغي فيها الخليط

تخليها تطيب نصف ساعة على نار هادئة
والشكل النهائي :
التزيين انتي حرة
درت شوكولا وشانتيي ومن فوق ومن داخل تفاح
ولاتحبيها تطلعلك أكثر دوبلي المقادير
وطيبي في كوكوط كبيرة
ملاحظة :
متغلقيش الكوكوط برك بالصفارة

شهية طيبة
​

 

[آمِيْرَتُه]

السلام عليك
جاتك هايلة
بصحتكم و يعطيك الصحة

 

[ندى الأيام]

خرجتلك تهبل
بالصحة ليكم

 

[Silent Hill]

السلام على من اتبع الهدى
ربي يهنينا الواحد يدخل هنا كشره تتكمش شهيتونا
ربي يبارك مي الله غالب ،
تبانلي ندير دوموند يسكروا المنتدى هذا ...​

 

[السلطانة]

السلام عليك
جاتك هايلة
بصحتكم و يعطيك الصحة

الله يسلمك منمن نورتي الموضوع ^^

 

[السلطانة]

خرجتلك تهبل
بالصحة ليكم

الله يسلمك ندى نورت اختي

 

[السلطانة]

السلام على من اتبع الهدى
ربي يهنينا الواحد يدخل هنا كشره تتكمش شهيتونا
ربي يبارك مي الله غالب ،
تبانلي ندير دوموند يسكروا المنتدى هذا ...​

:dأنت فعلا شرير
أي تفضل هز كول متخليهاش في قلبك :p
نورت خويا حسام

 

[هدوء المطر]

وعليكم السلآم ورحمة الله
يعطيك الصحة ختي على الوصفة.​

 

[samah06]

تبارك الله عليك يا ساندي
ابداعاتك لاتنتهي
بصحتكم حبيبتي

 

[ضآحكة مستبشرة]

يعطيك الصحة ختي على الوصفة.
​

 

[الورد الأحمر]

نقطة ضعفي الكيكات نمووووت عليهم
غدوة ان شاء الله نخرج نعدي للباتيسخي سخفتيني ههه
يعطيك الصحة شوشو وبصحتكم حبوبة
سلام