قالك سرّاق الرّيح راه في حومتنا !

[السلطانة]

السلام عليكم ورحمة الله وبركاته

والله زمااااااان مكتبتش هنا
ان شاءا لله الجميع يكون بألف خير

حبيت نهدر على واحد الظاهرة تقلقني بزااااف ولي هيا

.
.
.
.
.
.
ذَهَبَ ولمْ يعُد
قال ولمْ يُنجِز
كذِبَ وفرحان !

أنا هاذو كون يجتمعو في شخص قاعد قدامي

نفضل أنو يتلف من قدامي قبل مانقصفو نهني منو البشرية

واش رايكم في ناس كيما هكا
يحكي معاك من ذاك
يقولك :كونك هاني غدوة هاذيك لافار تكون فارية
ترقد تنوض
تنوض ترقد
زلق طاح ناض وقف
ماكاين حتى حاجة !
مسكين مريض بمالادي اسمها
هفّ هفّ
ويزيد يكذب أنت تفلق ولا موت والله معلابالو بيك
السي بومهنّي

يعني علاه ميكونش صريح ويقولك
منقدرش ولا سامحني فوق يدي عادي أنت راح تفهم
مي لي يكذب مرة وزوج وعشرة توليلو عادة ويليق عليه اسم
سرّاق الريّح

كيفاه تكون معاملتكم مع هاذ النوع تاع الناس ؟
أنا مثلا نجربو مرة منها نكوي

لافامي سرّاق الريح منقدرش على التعامل معاها

وأنتم ؟



​

​

 

[السلطانة]

:s:s:s​

 

[حُلم عابرْ]

ناس يقلقوا لازم الواحد يديرلهم عفسة كيما هك باش يحسوا '' بدناءة فعلهم ''
منهم في النت يقولك احجر مكاني ولي عودة وهاذيك الطريق ماتشوفيهش حتى ينوب عليك ربي بفكرة جديدة

روماركيت تاريخ الكتابة وتاريخ الردّ ؟؟؟؟؟؟؟؟؟؟؟؟
​

 

[بنت الـ25]

صحيتي شوشو
شبيه منتدى واش راك تهدر رقد؟؟؟
؟؟؟؟؟؟؟؟؟؟
بون الموضوع تاعك يمسنا بزاف في حياتنا
هدا سراق الريح اللي تحكي عليه يا تلقايه يهف فيك برك وغير يبلعط (الريح فالشباك)
يا اما تلقايه يوعدك وعد وماش قادر ينفذو يعني لو بمقدورو ينفذو لكن النافع ربي الامكانيات محدودة
هاد النوع من البشر نكره نتعامل معاهم وعلى كل الدنيا علمتني ما نثيق في حتى واحد حتى نشوف قدامي الملموس
يعني في عوض ما تبقى توعدني وتبنيلي فالقصور روح افقز نفذ
سينو هني روحك ورقد بالوك وريتي البغلة تاعك خخخخخخخ
نشكروك شوشو عالموضوع الجميل ونستكثرو الخير نتاعك (كيما يقو خويا) خخخخ
​

 

[adel._dz]

لي يبيع الريح شكون يشريه ؟؟
طبعا يشريه الطماع
سوارد الطماع يديهم الكذاب
الوقاية خير من العلاج
ماتطمع ما تتخدع
ماتخدع ماتامن
​

 

[djillo20]

بارك الله فيك

 

[Ma$Ter]

السلام عليكم ورحمة الله
نعرف بزاف كيما هاذ الناس
علابالك يوالفو يفوتو الناس بالهدرة والكذب
وما يقدرش يبطل هاذ الفكرة خلاص
ربي يهدي
بارك الله فيك اختى ساندى
​

 

[ام اشراق]

وعليكم السلام ورحمة الله وبركاته
مشكورة اخت ساندى على الموضوع
هذ العباد تلقايهم فى كل مكان كالسوسة امصوا فى دم العباد . بعدا اللى عندو كاش مصلحة وتغلقوا كامل البيبان فى وجهوا يكون الفريسة السهلة مايرحموه مايخلوا رحمة ربي تنزل
والنوع الثانى الطماعين واصحاب الدراهم كما قال اخ عادل هذ النوعية هى سبب اللى خلات هذاالعينة من الناس فى تزايد . كامل عايشين بالهف
ربي يجرينا ويباعد علينا هذ العباد ويهدى ماخلق

 

[أم عبد الله]

اهلين سـآندي
موضوعكـ شباب مام انـآ عندي مدة مابنتش لهنـآ والا ف اي ركن ف المنتدى
بيـآع الهوا لهنـآ يقولولو زعما الريح يحكمو ويبيع فيه ويشري

سـآعـآتـ الواحد ينسى وساعـآتـ يكون كيمـآ قلتي وكل واحد وضروفو لي تمنعو
مي النسيـآن ياختي ماتنسـآيهش
وبالنسبة لي عـآيشيين بالهف راهم كترو وماعلاباليش الا هومـآ علابالهم بلي راهم يبيعو لكلام بالباطل والتنفيذ ماكاش خلاص
وانا تربيتـ ع حاجة ماتقولش ندير وانت ماراكش ضامن بلي تعيش للغدوة وقول الا كتب ربي
يعن يالا حاجة اليوم نقدر نقول بالاك ونديرهـآ مي الا طلبوني ع حاجة ف سمانة ولا كتر نقولهم والله مانضمنلكم
البعض يقدر مي كاين بزاف لي يحبك تكدبي عليه واتقولي وي استناوني انا ع الموعد

ايا شكيت خرجت ع الموضوع بزااف انا
سلامي​

 

[red rose]

شحال نكره هاذ الصنف الوعاد و لا يفي بالوعد

 

[السلطانة]

بارك الله فيك

شكرا

السلام عليكم ورحمة الله
نعرف بزاف كيما هاذ الناس
علابالك يوالفو يفوتو الناس بالهدرة والكذب
وما يقدرش يبطل هاذ الفكرة خلاص
ربي يهدي
بارك الله فيك اختى ساندى
​

ايه نظن راه طبع فيه وميقدرش يبدلو

وعليكم السلام ورحمة الله وبركاته
مشكورة اخت ساندى على الموضوع
هذ العباد تلقايهم فى كل مكان كالسوسة امصوا فى دم العباد . بعدا اللى عندو كاش مصلحة وتغلقوا كامل البيبان فى وجهوا يكون الفريسة السهلة مايرحموه مايخلوا رحمة ربي تنزل
والنوع الثانى الطماعين واصحاب الدراهم كما قال اخ عادل هذ النوعية هى سبب اللى خلات هذاالعينة من الناس فى تزايد . كامل عايشين بالهف
ربي يجرينا ويباعد علينا هذ العباد ويهدى ماخلق

صح اختي شكرا

اهلين سـآندي
موضوعكـ شباب مام انـآ عندي مدة مابنتش لهنـآ والا ف اي ركن ف المنتدى
بيـآع الهوا لهنـآ يقولولو زعما الريح يحكمو ويبيع فيه ويشري

سـآعـآتـ الواحد ينسى وساعـآتـ يكون كيمـآ قلتي وكل واحد وضروفو لي تمنعو
مي النسيـآن ياختي ماتنسـآيهش
وبالنسبة لي عـآيشيين بالهف راهم كترو وماعلاباليش الا هومـآ علابالهم بلي راهم يبيعو لكلام بالباطل والتنفيذ ماكاش خلاص
وانا تربيتـ ع حاجة ماتقولش ندير وانت ماراكش ضامن بلي تعيش للغدوة وقول الا كتب ربي
يعن يالا حاجة اليوم نقدر نقول بالاك ونديرهـآ مي الا طلبوني ع حاجة ف سمانة ولا كتر نقولهم والله مانضمنلكم
البعض يقدر مي كاين بزاف لي يحبك تكدبي عليه واتقولي وي استناوني انا ع الموعد

ايا شكيت خرجت ع الموضوع بزااف انا
سلامي​

راكي قستيها نينا العبد يقول ان شاءا لله نقدر على هاذيك الحاجة ماشي يوعد ويتناسى ويتهرب نروتي اختي

شحال نكره هاذ الصنف الوعاد و لا يفي بالوعد

صنف واحد مايحبو
شكرا اختي

 

[السلطانة]

صحيتي شوشو
شبيه منتدى واش راك تهدر رقد؟؟؟
؟؟؟؟؟؟؟؟؟؟
اهلين اهلين
راه عاد مدورمي :p:p:p:p:p
بون الموضوع تاعك يمسنا بزاف في حياتنا
هدا سراق الريح اللي تحكي عليه يا تلقايه يهف فيك برك وغير يبلعط (الريح فالشباك)
يا اما تلقايه يوعدك وعد وماش قادر ينفذو يعني لو بمقدورو ينفذو لكن النافع ربي الامكانيات محدودة
هاد النوع من البشر نكره نتعامل معاهم وعلى كل الدنيا علمتني ما نثيق في حتى واحد حتى نشوف قدامي الملموس
يعني في عوض ما تبقى توعدني وتبنيلي فالقصور روح افقز نفذ
سينو هني روحك ورقد بالوك وريتي البغلة تاعك خخخخخخخ
نشكروك شوشو عالموضوع الجميل ونستكثرو الخير نتاعك (كيما يقو خويا) خخخخ
​

ههههههه والله ياانتي
صحيتي على المرور المهبول :p

​

 

[السلطانة]

لي يبيع الريح شكون يشريه ؟؟
طبعا يشريه الطماع
سوارد الطماع يديهم الكذاب
الوقاية خير من العلاج
ماتطمع ما تتخدع
ماتخدع ماتامن
​

صح خويا شكرا
:regards01: