زفيطي بوسعادي من مطبخي

[السلطانة]

جبتلكم اليوم
الزفيطي البوسعادي
ولي مشهورة بيه ولاية المسيلة وناس بوسعادة
منلي تزوجت حبيت نطيبو مي هبت شويا
مالا درك جربتو باه كي نروح لداري تفرح بيا عجوزتي :p
وزيد سخفتني بيه صفصف هيا قلت نريسكي ونطيبو يافيها عجب تاع الدار يافيها ماعجبش

مهراس الحطب لي يتخدم بيه

المقادير والطريقة :
كمية فلفل حار
وانا زدتلو 2 روس فلفل حلو
حبات طماطم
ثومات
تشوطي كلشي على النار
تنظفيهم وتقطعيهم وتملحيهم وتزيدي معاهم كمية من الكسبر
وتحطيهم بالتدريج في المهراس وتهرسي
وتديري 2 خبزات كسرة بالماء والملح تطيبيهم وتفتفتيهم
على الفلافل لي هرستي
وتزيديلهم الما سخون وتهرسي مليح
وشهية طيبة
تفضلوا الصور :

حار

وباه نقصتلو الحرور زدتلو شوي زيت
وكاين لي حبو فيه الكسرة بزاف زدتلو

متشربوش وراه الما بركا

يخي كلاوه تاع الدار وعجبهم والحمد لله
سلكت

​

 

[الحلم الوردي]

جاك روعة
يعطيك الصحة على الوصفة
بصحتكم
​

 

[la_safa]

يمممممممم الله الله يآ شوشو
بآآين يششششهي ^^ و سيييير عجوزتك درك تفرج بيك :$
بآلآك حتى انا غدوآ نعآودو :p:d
بالصحة ^^
​

 

[أم عبد الله]

اهلين سـآندي
لبـآرح دارنـآ راحو للمسيلة وجابوهولي اول مرة نـآكلة حـآآآآآآآآآآآآآآآآر مانيش عـآرفة كيفـآش تآكلووه انتومـآ خخخخخخ
ع العموم ميرسي ع الوصفة يلزم نتقيدو بيهـآ ولا هه
سلامي​

 

[آمِيْرَتُه]

السلام عليك
يعطيك الصحة
هو معروف غير عند مسيلة و لا كاين ولايات في الشرق ياكلوه ؟​

 

[زينة الاسلام]

مشكورة اختي على تحضير الزفيطي الي هو اكلة تقليدية مسيلية و بوسعادية يا اختي الزفيطي تحضيرو بعدة طرق كاين بالفلفل الاخضر او الفلفل الاحمر اليابس او بالبصل ولونو حسب مقاديرو المهم هو البنة الحارة اختك في الله زينة الاسلام اوه نسيت حاجة يفضل ان ياكل الزفيطي في المهراس باش يحافظ على طعمه

 

[Mimi28]

يعطيك الصحة اخت ساندي كيما قاتلك الاخت زينة لازم يكون في مهراسو ويكون يشلفط وجاك شوية بيض حنا المهراس نديرو طماطم مركزة شوية برك باه يكون لونو حمر

 

[السلطانة]

جاك روعة
يعطيك الصحة على الوصفة
بصحتكم
​

الله يسلمك ملاك شكرا

يمممممممم الله الله يآ شوشو
بآآين يششششهي ^^ و سيييير عجوزتك درك تفرج بيك :$
بآلآك حتى انا غدوآ نعآودو :p:d
بالصحة ^^
​

ان شاء الله كي نطيبهولهم يعجبكم بركا ههعهعهع هوما يدوبليو الفلافل :p
الله يسلمك صفصف ان شاء لله تزيدي تعاوديه غدوة :p:p:p

اهلين سـآندي
لبـآرح دارنـآ راحو للمسيلة وجابوهولي اول مرة نـآكلة حـآآآآآآآآآآآآآآآآر مانيش عـآرفة كيفـآش تآكلووه انتومـآ خخخخخخ
ع العموم ميرسي ع الوصفة يلزم نتقيدو بيهـآ ولا هه
سلامي​

اهلين نينا
بصحتكم تاع الدار
وبصحتكم خخخخ اواه انا اول مرة ناكلو ودارنا تاني
دار راجلي لي يطيبوه لوكان مندورش بيه
فجأة رجعت نحب الحار من حيث لاأدري خخخخ
نورتي اختي

السلام عليك
يعطيك الصحة
هو معروف غير عند مسيلة و لا كاين ولايات في الشرق ياكلوه ؟​

وعليكم السلام اهلا منمن
هو معروف في مسيلة وبوسعادة وضواحيهم
في الشرق قالمة وعنابة والو :pنظن تاني تاع بسكرة يطيبوه ومنعرف
وتسبة واقيلا مادام طيبتو صفاء

 

[HAMZA USMA]

شكرااا على الوصفة وعلى الصور
​

 

[السلطانة]

مشكورة اختي على تحضير الزفيطي الي هو اكلة تقليدية مسيلية و بوسعادية يا اختي الزفيطي تحضيرو بعدة طرق كاين بالفلفل الاخضر او الفلفل الاحمر اليابس او بالبصل ولونو حسب مقاديرو المهم هو البنة الحارة اختك في الله زينة الاسلام اوه نسيت حاجة يفضل ان ياكل الزفيطي في المهراس باش يحافظ على طعمه

اهلا اختي
بيان سير اختي كل واحد وكيفاه يطيبو مي انا اعتمدت طريقة البوسعاديين
وانا درك في دارنا منيش في دار راجلي لوكان استعملت الفلافل تاعهم
تاع بوسعادة
اما البصل تاع دارنا ميحبوش محبيتش نحطهولهم درت غير الثوم
حبيت نديرلو ديكور على في الصحن اكيد اكلو في المهراس احلى
لكن تاع دارنا يتشركو بزاف ههههه
زينتهولهم في الصحن باه يعجبهم وياكلوه
شكرا اختي

يعطيك الصحة اخت ساندي كيما قاتلك الاخت زينة لازم يكون في مهراسو ويكون يشلفط وجاك شوية بيض حنا المهراس نديرو طماطم مركزة شوية برك باه يكون لونو حمر

الله يسلمك اختي
الطماطم يااختي تاع دارنا ميحبوش الحمرا بزاف
لي شراها بابا لونها كلار :d

 

[السلطانة]

شكرااا على الوصفة وعلى الصور
​

العفو حمزة
شكرا

 

[BLEU PEARL]

يعطيك الصحة ساندي امرأة وعليك الكلام​

 

[آمِيْرَتُه]

ايا مليح هنيتيني من الخبيط هههه​

 

[la_safa]

وتسبة واقيلا مادام طيبتو صفاء

لآآآآآ أبدآآ لآ في تبسة و لآ في قسنطينة بمآ أنو مآمآ من تم ههههه
انآ أصلآ شفتوو هنآ في اللمة دآرتو مرة عفآف هو بوسعآآدي 100%
و مآيعرفوهش هنآ خلآص هنآ :d ^^

مليحة نوّعووو سآعة على سآعة :-r
​

 

[prncess fifi]

اممم شهيتيني فهاد الليل ههه يعطيك الصحة ساندي:up: وبصحتكم
انا كنت نشوف ام ندى وابتسام يعملوه مي يقولو كو حاااااااار بزاف ,, كنت نحب نجربو ونخاف من الحار ههه
مي نجربو ان شاء الله ومانعملش بزاف الحار فيه
وتانيت نسقسيك حاجة ,لازم هداك المهراس ؟ لوكان نعملو في البلاندر :-oواش راح يصرا زعما ؟؟ههههههه
يا خي الصح في البنة ديالو :d​

 

[العروة الوثقى]

اممممممممم شهيتيني بالسلاطة مهراس

حنا عندنا شحال مدرناهش كي جينا لمسيلة وخالطنا السكان تعلمناه

بصح الكسرة حنا نديروها gـامدة يعني يابسة

ومنجريهوش بزاف يكون تقريبا كي الشخشوخة ناشف وحنا ناكلو

في المهراس هاذاك

يعطيك الصحة

 

[نبض الحياة]

السلآم عليكم
يعطيك الصحة شوشو حبيبتي
وبصحآآآتكم
​

 

[هدوء المطر]

وعليكم السلآم ورحمة الله تعالى وبركاته
يعطيك الصحة شوشو على المحآولة هه
في مسيلة ما يقولوش الزفيطي يقولو سلآطة مهراس، والشرط الأساسي فيهآ تكون حآآآرة بزاف، لوكان ما يعودش فيها الحرور واحد ما ياكلها، واللي عندو الكولون ولا ما يقدرش على الحرور يولي يدير زيت الزيتون،. والمهرآس يكون كبير بزآف على اللي حطيتيه،. كيما اللي رآه في الفوطو مثلآ:

ملآحظة:
1- سلآطة مهرآس مشهورة بيها غير ولآية المسيلة وضواحيها..!
2- جآمي تتحط في الطبسي، الحلآوة كي تتلم العآئلة على المهراس :up:
3- اللبن تقريبآ دائمآ متواجد مع سلآطة المهراس :-r
بصحتكم.​

 

[ام سراج الدين وملك]

باين بنين ساندي الله يسلم ايديك
سخفتيني بيه بصح انا هنا ماعنديش المهراس خسارة كون راني درتو
بصحتكم

 

[ضآحكة مستبشرة]

يعطيك الصحة ساندي
يبان يشهل للي يحبوا لحرور
مي انآ كونتخ حتى لتم
ميرسي​