حياتنا بين البارح و اليوم

[آمِيْرَتُه]

السلام عليكم ورحمة الله تعالى و بركاته


مرحبا بناس اللمة القدماء و الجدد بلا شنوفة :d

ليوم بغيت نحكي على حيآتنا بين البارح و اليوم

و أنا قاعدة مع آختي كانت ماميشكو تتفرج حتى شفناهم دارو أرشيف الفهامة :-o
نطقت آختي و قالتلي ياحسراه على الفهامة شافكرهم بيها اليوم
و بدات تحكي دقول عندها 70 عام عجوز ههه قالتلي شفتي ليامات لي فاتو يا ريت يرجعو
و بدا الأرشيف يطلع ههه ، بوكيمون ، سالي ، الفهامة، الجمعي فاميلي ، برج الأبطال و القائمة طويلة
لمهم حسيت روحي كبرت بقرون و أنا مازلت صغيرة و مسرارة ههه :$
كنت نتمنى نكبر و تتبدل حياتي و بعد مالحقت لشي لتمنيته تمنيت لوكان يرجع بيا زمان :-r
يامات حلوة و حلاوتها في نية ناسها
نتفكر وقت كانت الجزائر تلعب في كأس افريقيا في تونس يامات ميتنسوش
كان يقرى معايا واحد يجيب راديو في كرطابه و نداور gاع عليه و البروف يعيط سقمو رواحكم و لا برا عليا و حنا فرحانين هو مطردناش مي على جال الجزائر خرجنا بسبة gاع مكانش
حياتنا تبدلت بزاف بزاف بزاف و عوض التمني باه يفوت العام و يجي عام جديد رجعنا نتمنوا الوقت يرجع بينا للزمان
في رايكم علاه حياتنا سماطت و مرجعتش حاجة فيها حلوة ؟
العباد تبدلوا و لا شاه ؟
في رايكم البارح خير و لا اليوم ؟












​

 

[السلطانة]

وعليكم السلام
فكرتيني في كلشي تبدل في 2004 كاساندرا هبلت وشرات r4
كاساندرا مخلوعة في روحها لويس دافيد باصا على جالها شتاوالا شتاولا شتاكاين

والله يابرج الأبطال خخخخ وسميرة زيتوني
وطاطا ليندا وحيوه ياأطفال

كانت ايامات زينة صح
ديما يقولك لي فات يبقى احلى منلي جا
ماكانش احلى من ايام البراءة
والله ياحكاية الراديو في القسم خخخخخ
زعم الشعب كل يدهش فيه ويحبو يديرو النش حتى يجي الاستاذ يتفرقو
لايتحرقو
في رايكم علاه حياتنا سماطت و مرجعتش حاجة فيها حلوة ؟
كاين حوايج عادو حلوين :p
بصح كاين حوايج حنا منقدروش نرجعوهم علاديك يجونا صماطو وكاين تاني ناس كنا نحبوهم وتعلقنا بيهم في الماضي نلقاوهم فجأة خرجو من حياتنا
العباد تبدلوا و لا شاه ؟
ايه ايه العبد راه يتبدل صح
سواء بفعل الظروف وسواء يتبدل هاكداك مع الوقت
في رايكم البارح خير و لا اليوم ؟
البارح مليييييييييييح بزاف في امور صعيب ترجع من جديد
واليوم تاني فيه حوايج ملاح
انا نقول في زوج مليوحين

شكرا اختي

​

 

[secret de coeur]

وعليكم السلام منيني
اهلا لعجوزة ولا شيبانية :d
ايه كبرنا صح مي الزمان كبّرنا
يابنتي راه يجري راني نغمض عيني يصبح عليا لحال
وقت فات كنا نحسو بالحال كيفاش يمشي بينا دك اليوم تقول راكي تحيبلي لافيتاس
بكري كنا نتلمو ع مايدة وحدة وناكلو ونتفرجو نشرة فاليتيمة :-r دك كل واحد ياكل واحدو بيسك كل واحد فاين راه الي برا والي مكونكتي والي يتفرج فشومبغ تعو
مابقاتش بنة
وحنا نقولو هكا والي كبر منا واسم يقولو :s :-o عليها يقولو علينا جيل جايح خخخ والي منا كثر ههه
ايا سلامو غاضني لحال كي بقيت نهدر
تفكرت روحي غير مين كنت نجي نجري من الكولاج باش نتفرج ساندي بال خخخخ

 

[آمِيْرَتُه]

وعليكم السلام
فكرتيني في كلشي تبدل في 2004 كاساندرا هبلت وشرات r4
كاساندرا مخلوعة في روحها لويس دافيد باصا على جالها شتاوالا شتاولا شتاكاين

والله يابرج الأبطال خخخخ وسميرة زيتوني
وطاطا ليندا وحيوه ياأطفال

كانت ايامات زينة صح
ديما يقولك لي فات يبقى احلى منلي جا
ماكانش احلى من ايام البراءة
والله ياحكاية الراديو في القسم خخخخخ
زعم الشعب كل يدهش فيه ويحبو يديرو النش حتى يجي الاستاذ يتفرقو
لايتحرقو
في رايكم علاه حياتنا سماطت و مرجعتش حاجة فيها حلوة ؟
كاين حوايج عادو حلوين :p
بصح كاين حوايج حنا منقدروش نرجعوهم علاديك يجونا صماطو وكاين تاني ناس كنا نحبوهم وتعلقنا بيهم في الماضي نلقاوهم فجأة خرجو من حياتنا
العباد تبدلوا و لا شاه ؟
ايه ايه العبد راه يتبدل صح
سواء بفعل الظروف وسواء يتبدل هاكداك مع الوقت
في رايكم البارح خير و لا اليوم ؟
البارح مليييييييييييح بزاف في امور صعيب ترجع من جديد
واليوم تاني فيه حوايج ملاح
انا نقول في زوج مليوحين

شكرا اختي

​

آهلا شوشو شكرا على الاعتماد و على التزواق هه
مهما يكون اليوم مليح مي البارح هارب عليه
نقعد حياتي نتمنى نرجع يا لوكان غير 2012 فمابالك 2004

 

[آمِيْرَتُه]

وعليكم السلام منيني
اهلا لعجوزة ولا شيبانية :d
ايه كبرنا صح مي الزمان كبّرنا
يابنتي راه يجري راني نغمض عيني يصبح عليا لحال
وقت فات كنا نحسو بالحال كيفاش يمشي بينا دك اليوم تقول راكي تحيبلي لافيتاس
بكري كنا نتلمو ع مايدة وحدة وناكلو ونتفرجو نشرة فاليتيمة :-r دك كل واحد ياكل واحدو بيسك كل واحد فاين راه الي برا والي مكونكتي والي يتفرج فشومبغ تعو
مابقاتش بنة
وحنا نقولو هكا والي كبر منا واسم يقولو :s :-o عليها يقولو علينا جيل جايح خخخ والي منا كثر ههه
ايا سلامو غاضني لحال كي بقيت نهدر
تفكرت روحي غير مين كنت نجي نجري من الكولاج باش نتفرج ساندي بال خخخخ

آهلا
واه الحاجة معاك الشيبانية :p
ياحسراه كنت نديه جري باه نتفرج بوكيمون واه الشارفة لي راكي تشوفي فيها كنت نموت على بيكا بيكا هههه
منظنش جيلنا و الله مكان كيفه حتى لي كانوا قبلنا معاشو كيفنا هه ياو تحيا حنا سكتي برك طلعي المورال شوية
كي نتفكر نهار لي كنت نتفرج سالي و هي تبكي نبكي الدم و الحجر ههه
مرسي عليك على المرور حبيبتي

 

[Ryry_Ndj]

السلا عليكم
فكرتيني في برج الابطال برنامج رائع ولفهامة تاني خاصة السكاتش نتاع هو وهي ههههههههههه
في رايكم علاه حياتنا سماطت و مرجعتش حاجة فيها حلوة ؟
الحياة فيها المر وفيها الحلو وعشنى ايام مليحة مستحيل ترجع
ربما تبدلت لان الايام اصبحت متشابهة يعني قتلنا الروتين اليومي
العباد تبدلوا و لا شاه ؟
لعباد يتبدلوا ماشي كامل مي لي يتبدل باختصار يبحث عن مصلحته وراحة البال ولا يبالي بالاخرين
في رايكم البارح خير و لا اليوم ؟
البارح فيه وعليه مي كل يوم تصرى حاجة مستحيل تعاود تصرالك تاني يوم وقد تحدث اشياء اجمل يعني في زوج ملاح
بوركتي اختي على الطرح الشيق للموضوع تقبلي مروري

 

[ضآحكة مستبشرة]

و عليكم السلآم امون
يعطيك الصحة لي فكرتينآ في يآمآت زمآن
خليني نكون خفيفة و ظريفة منطولش الهدرة

في رايكم علاه حياتنا سماطت و مرجعتش حاجة فيها حلوة ؟


لانو النآس تبدلت ولآ كل وآحد يعس في خوه
و كل واحد يحسد خوه
راحت البنة مع النية

العباد تبدلوا و لا شاه ؟

بيآن سيوغ لعبآد هومآ لي تبدلوآ مآشي الوقت

في رايكم البارح خير و لا اليوم ؟

شوفي كل مرآهو جآي الزمآن يبقى المآضي خير من الحآضر


سلآم​

 

[josefcom]

هههههههههههه والله غير تحسب لواحد راهو في 100 سنة وشوي صرف
تباااا كبرنا بلا وقت
المهم بلا مانطول
في رايكم علاه حياتنا سماطت و مرجعتش حاجة فيها حلوة ؟
لحاجات لحلوة في حياتنا كيما آمس كيما ليوم أختي مي حنا برك لي رانا نشوفو في لجهة لأخرى
العباد تبدلوا و لا شاه ؟
شاه ؟؟؟؟ لالا ناقة ماشي شاه ههههههههه
ايه غابت النية ومابقاتش لقلوب صافية والناس كامل تحسب لبعضاها بالصح مازال كاين لخير ومازال كاين ناس فيهم لخير ( مالقري قلال خلاص )
في رايكم البارح خير و لا اليوم ؟​

بيانسووور لبارح خير وكيما يقولو لعام لي يروح خير من لي يجي مالقري الفرد هو لي يقدر يتحكم في حياتو ويحاول يخليها أفضل وكيما نعرفو كامل أنو لي فات مانقدروش نرجعوه ولي جاي يعلمو ربي و حنا ما نملكو غير الوقت لحاضر لي رانا فيه ضرك ألوغ مادابينا نعيشوه كيما نحبو نحن
دمـــــــــتم بكل ود

 

[الورد الأحمر]

أهلا نوضوتو الموثوغ واقيلآ ههه :p
رآني طليت برك كسآئحة في اللمة وعجبني الموضوع
سجلت دخول أو عندي انشغآلآت أخرى
مع الـ Power point قتلوني لي بخوجي :p
اممم فكرتيني في زمان كنا نتلمو نتفرجو وكان بابا ما يخليناش نتفرجو
وقت لقراية وعندنا غير من لخميس للخميس يخلينا نسهرو ألوغ نتلمو كامل
ونتفرجو فيلم هندي نشفى في أبو ظبي كانو يلخميس يفوتو فيلم عالتسعة
واحنا نتفرجو ونفرحو هههه كان تشفاي على لهنودة زمان كانو أفلامهم
جايين شغل كوميديا ودراما ورومنسية واكشن في فيلم واحد هههه والمشاكل
ولي باقاغ عند لهنودة ما يفضوش ويبداو يتقابضو والحس تاع الضرب تقول
يديروه بفمهم تسمعي غير دش دش دش ههههههههههههههههههههههههههه
والدم تقول طماطم مرحية اسكتي برك مي كانت قمة السعادة عندنا هههه
ااامممم ونتفكر تاني زمان البوكيمون كنت كيفك وقتها كنت نقرى في الاكمالية
مع بعد تصوني تلقايني في الباب نخرج نجري نوصل نلهث للدار كي الكلب ههههه
نجري برك طول نطيش الكاغطابل ونبغونشي مع بيكاتشو وكانت تعجبني جيسي
وجيمس أشرار مي نحبهم الله غالب نحب الشـــر :p ...
بزاف حوايج كيما لفهامة كنت نتفرجها برج الأبطال ما تفرجتهاش بزاف
نشفى تاني كنت نتفرج وحد الحصة في تونس زمان كان السامبول تاعها بلفيولي
هههه تونس 7 كان تشفاي عليه يفوتو فيها حصة تاع الصغار واحد الكوميك
اسمو gـنوش ويغنيو لغناية تاع يقولو gـنّوش gـنّوشو متعنا بأحلى الأوقات
خلينا نعيش ونشوف أحلى حكايات ... gـنّوش gـنّوشو يا أحلى gـنّوش
هههه ومن بعد يقول هاذ قنوش بلي درك يفوتلنا ريمي ونولي نتفرج ريمي مي ماشي
لقديم هذاك الجديد ريمي الطفلة وبعدها يفوتو ازميرالدا ههه العمياء هذيك لي
يديرلها البطل الطبيب عملية وترجع تشوف اسمو خوسي ارماندو هههه ونشفى
الحلقة اللخرة ما خلانيش بابا نشوفها عموما وقتها كنت شوية كبيرة ومش تاع
كوميك خخخخ مي كنت نشوفو كومام ...بكري كانت السهرة حلوة كامل
في الطابلة لعشا وبعدها نبقاو نحكيو ودرك والو كل واحد ياكل وحدو وحتى وقت
الماكلة أنا شخصيا مبغونشية مع البوغطابل حتى مرات نتنشع يقولولي ولو طيشي
البوغطابل دقيقة واخطيك من النت ... بزااااف حوايج تبدلو على خاطر احنا
تبدلو معطياتنا وتبدلنا معاها وطبعا كيما احنا تبدلنا العيباد تبدلو وعجبتني
تاع (شاه) خخخخخخخ حسيت روحي حيوان اهئ اهئ اهئ
انا في رايي البارح خير عالاقل بالنسبة ليا على خاطر وقتها كنت أكثر
براءة من درك وبزاف حوايج صراولي نفضّل لو نرجع بالزمان باه
ما يصرآوليش ولا عالاقل ندير حسابي منهم وما نتبدلش في سبتهم
امممم موضوع رجعني لزمان كان عندنا تيليفيزيون في بيتنا نواغ اي بلون
وتاع بابا كولوغ وما يخليناش نتفرجو فيه وزمان كان التيلي تاع بابا
بلآ تيلي كوموند وينوض حتى لعندو باه يبدل لاشان هههه ومن بعد
تحرق نشفى عالنار كيفاه شعلت فيه كي درك وشرا واحد آخر بالتيلي
كوموند مي ماكانش وقتها كيما درك الباغابول كانو بكابل برك كولكتيف
فيه غير M6 TF1 France 2 Action وممنوعين علينا عندنا
غير اليتيمة اذا حبينا نتقلشو بالتيلي اون كولوغ ولاتيلي تاعنا كان ENIE
GRIS صغير في بيتنا نواغ اي بلون ما شكيتش كاين لي ما يعرفوش وباه
نشوفو اليتيمة لازمنا اونتان نبقاو نحركو فيه حتى تصفى الصورة ولي يجي يوقف
ولا يفوت حداه يبدا التبرقيش فيها والصوت يرجع تشششششششش هههههههه
وتخرجلنا البربوشة فيه كي يتحرك لونتان ونشفى مرة قلنا لاختي سقميه باه تتعدل
الصورة راحت ليه وهي بلحفى وقاستو ضربها الكوغون خرجو عينيها ههههههه
والله بزاف حوايج تفكرتهم مي مزروبة برك مع المشروع لي عندي من بعد نرجع
كان ما نسيتش لي في بالي وكان تفكرت حوايج وحد أخرين
هيا مغسي ديجا طولت ... سلآمو
​

 

[♫الباحثة عن الحظ♫]

سلاموووو ختيتو

والله عندك الحق انا تاني موالفة تصرالي نريح ونبقا نتفكر في ايام زمان والله نرجع نضحك من قلبي ياو مش نضحك حتى يرجعو عيوني يدمعو
يامات حلوة ياسر ياسر واش من هبال و اش من كوميك مرات ندخل للنث نروح نحط كوميك لقدم و نتفرج نتذكر ليامات واحيانا ندير ذكريات الطفولة الجزائرية و قعد نشوف حاجات كنا نديروهم نحير في روحي خخخخ زيماه كنا و زيماه رجعنا ايهيه والله فرق كبير

كيفاه كنا نضحكو بلا ما نخافو بلا ما نخممو في واش راح يصرا كانت امبيوص وحدها اي حاجة كانت تضحكنا و تنحي علينا الغمة

حتى وين نروح نشوف صوري لقدم كيفاه كنت نلبس هههههههههه نموت ضحك نقول ياخي بيريمي نشوف روحي تاع العصر الحجري مفهمتش كيفاه كانت مودة في وقت هداك وكنا نشوفو رواحنا حطة وشيك

بكري كنا نعيشو ببساطة و حلاوة لا توصف نشفى زيماه كنت نلعب و ندير العاب من غلاقات لقرع قال طبسي و بوبية وحدة نخيطولها ملابس و مغرفة كانت حطة صغيرة واش كنا نخترعو مش زي دورك كلش واجد ومستيكي

حتى التكنولوجيا فسدت علينا الحالة رجع واحد حاكم الميكرو ولاخر تابلات وواحد سمارت فون كل واحد لاهي في شغلي لا لمة لا قعدة الانترنت زادت حكمت علينا في كلش

مرات نشوف حاجة تاع بكري ونولي نضحك نروح للجماعة اع الدار نحكيلهم يضحكو مي عادي ضحكة زوح وتفرق الحالة ما بقاتش زي زمان

حتى لاحظي مين تكون جماعة مجمعة ياو واش من ضحك و هبال و قصرات تنسي بالنث بكلش

يبقا ايامات الزمان على قد ما يروحو ونشوفو لعوام نقول زي بعض لكن لوكان نطلو عليها صح نلقوها متغيرة خلاه خلاه ولا حاجة تشبه لاختها

يعطيك الصحة
​

 

[آمِيْرَتُه]

السلا عليكم
فكرتيني في برج الابطال برنامج رائع ولفهامة تاني خاصة السكاتش نتاع هو وهي ههههههههههه
في رايكم علاه حياتنا سماطت و مرجعتش حاجة فيها حلوة ؟
الحياة فيها المر وفيها الحلو وعشنى ايام مليحة مستحيل ترجع
ربما تبدلت لان الايام اصبحت متشابهة يعني قتلنا الروتين اليومي
العباد تبدلوا و لا شاه ؟
لعباد يتبدلوا ماشي كامل مي لي يتبدل باختصار يبحث عن مصلحته وراحة البال ولا يبالي بالاخرين
في رايكم البارح خير و لا اليوم ؟
البارح فيه وعليه مي كل يوم تصرى حاجة مستحيل تعاود تصرالك تاني يوم وقد تحدث اشياء اجمل يعني في زوج ملاح
بوركتي اختي على الطرح الشيق للموضوع تقبلي مروري

آهلا آختي
منورة الموضوع
مهما يكون يبقى البارح خير من اليوم

 

[آمِيْرَتُه]

و عليكم السلآم امون
يعطيك الصحة لي فكرتينآ في يآمآت زمآن
خليني نكون خفيفة و ظريفة منطولش الهدرة

في رايكم علاه حياتنا سماطت و مرجعتش حاجة فيها حلوة ؟


لانو النآس تبدلت ولآ كل وآحد يعس في خوه
و كل واحد يحسد خوه
راحت البنة مع النية

العباد تبدلوا و لا شاه ؟

بيآن سيوغ لعبآد هومآ لي تبدلوآ مآشي الوقت

في رايكم البارح خير و لا اليوم ؟

شوفي كل مرآهو جآي الزمآن يبقى المآضي خير من الحآضر


سلآم​

آهلا منورة الموضوع
طولي حبيبتي تحاسبك تقعدي للعشاء ههه
هذيك هي راكي كيفي تفضلي الماضي على الحاضر
بوركت حبوبتي

 

[آمِيْرَتُه]

هههههههههههه والله غير تحسب لواحد راهو في 100 سنة وشوي صرف
تباااا كبرنا بلا وقت
المهم بلا مانطول
في رايكم علاه حياتنا سماطت و مرجعتش حاجة فيها حلوة ؟
لحاجات لحلوة في حياتنا كيما آمس كيما ليوم أختي مي حنا برك لي رانا نشوفو في لجهة لأخرى
العباد تبدلوا و لا شاه ؟
شاه ؟؟؟؟ لالا ناقة ماشي شاه ههههههههه
ايه غابت النية ومابقاتش لقلوب صافية والناس كامل تحسب لبعضاها بالصح مازال كاين لخير ومازال كاين ناس فيهم لخير ( مالقري قلال خلاص )
في رايكم البارح خير و لا اليوم ؟​

بيانسووور لبارح خير وكيما يقولو لعام لي يروح خير من لي يجي مالقري الفرد هو لي يقدر يتحكم في حياتو ويحاول يخليها أفضل وكيما نعرفو كامل أنو لي فات مانقدروش نرجعوه ولي جاي يعلمو ربي و حنا ما نملكو غير الوقت لحاضر لي رانا فيه ضرك ألوغ مادابينا نعيشوه كيما نحبو نحن
دمـــــــــتم بكل ود

آهلا شيكور :p
ههه شاه شاولا :d
عندك الحق غابت النية و القلوب مبقاتش صافية و يبقى البارح خير من اليوم في كل شي
يعطيك الصحة على المرور
منور خويا

 

[آمِيْرَتُه]

أهلا نوضوتو الموثوغ واقيلآ ههه :p
رآني طليت برك كسآئحة في اللمة وعجبني الموضوع
سجلت دخول أو عندي انشغآلآت أخرى
مع الـ Power point قتلوني لي بخوجي :p
اممم فكرتيني في زمان كنا نتلمو نتفرجو وكان بابا ما يخليناش نتفرجو
وقت لقراية وعندنا غير من لخميس للخميس يخلينا نسهرو ألوغ نتلمو كامل
ونتفرجو فيلم هندي نشفى في أبو ظبي كانو يلخميس يفوتو فيلم عالتسعة
واحنا نتفرجو ونفرحو هههه كان تشفاي على لهنودة زمان كانو أفلامهم
جايين شغل كوميديا ودراما ورومنسية واكشن في فيلم واحد هههه والمشاكل
ولي باقاغ عند لهنودة ما يفضوش ويبداو يتقابضو والحس تاع الضرب تقول
يديروه بفمهم تسمعي غير دش دش دش ههههههههههههههههههههههههههه
والدم تقول طماطم مرحية اسكتي برك مي كانت قمة السعادة عندنا هههه
ااامممم ونتفكر تاني زمان البوكيمون كنت كيفك وقتها كنت نقرى في الاكمالية
مع بعد تصوني تلقايني في الباب نخرج نجري نوصل نلهث للدار كي الكلب ههههه
نجري برك طول نطيش الكاغطابل ونبغونشي مع بيكاتشو وكانت تعجبني جيسي
وجيمس أشرار مي نحبهم الله غالب نحب الشـــر :p ...
بزاف حوايج كيما لفهامة كنت نتفرجها برج الأبطال ما تفرجتهاش بزاف
نشفى تاني كنت نتفرج وحد الحصة في تونس زمان كان السامبول تاعها بلفيولي
هههه تونس 7 كان تشفاي عليه يفوتو فيها حصة تاع الصغار واحد الكوميك
اسمو gـنوش ويغنيو لغناية تاع يقولو gـنّوش gـنّوشو متعنا بأحلى الأوقات
خلينا نعيش ونشوف أحلى حكايات ... gـنّوش gـنّوشو يا أحلى gـنّوش
هههه ومن بعد يقول هاذ قنوش بلي درك يفوتلنا ريمي ونولي نتفرج ريمي مي ماشي
لقديم هذاك الجديد ريمي الطفلة وبعدها يفوتو ازميرالدا ههه العمياء هذيك لي
يديرلها البطل الطبيب عملية وترجع تشوف اسمو خوسي ارماندو هههه ونشفى
الحلقة اللخرة ما خلانيش بابا نشوفها عموما وقتها كنت شوية كبيرة ومش تاع
كوميك خخخخ مي كنت نشوفو كومام ...بكري كانت السهرة حلوة كامل
في الطابلة لعشا وبعدها نبقاو نحكيو ودرك والو كل واحد ياكل وحدو وحتى وقت
الماكلة أنا شخصيا مبغونشية مع البوغطابل حتى مرات نتنشع يقولولي ولو طيشي
البوغطابل دقيقة واخطيك من النت ... بزااااف حوايج تبدلو على خاطر احنا
تبدلو معطياتنا وتبدلنا معاها وطبعا كيما احنا تبدلنا العيباد تبدلو وعجبتني
تاع (شاه) خخخخخخخ حسيت روحي حيوان اهئ اهئ اهئ
انا في رايي البارح خير عالاقل بالنسبة ليا على خاطر وقتها كنت أكثر
براءة من درك وبزاف حوايج صراولي نفضّل لو نرجع بالزمان باه
ما يصرآوليش ولا عالاقل ندير حسابي منهم وما نتبدلش في سبتهم
امممم موضوع رجعني لزمان كان عندنا تيليفيزيون في بيتنا نواغ اي بلون
وتاع بابا كولوغ وما يخليناش نتفرجو فيه وزمان كان التيلي تاع بابا
بلآ تيلي كوموند وينوض حتى لعندو باه يبدل لاشان هههه ومن بعد
تحرق نشفى عالنار كيفاه شعلت فيه كي درك وشرا واحد آخر بالتيلي
كوموند مي ماكانش وقتها كيما درك الباغابول كانو بكابل برك كولكتيف
فيه غير M6 TF1 France 2 Action وممنوعين علينا عندنا
غير اليتيمة اذا حبينا نتقلشو بالتيلي اون كولوغ ولاتيلي تاعنا كان ENIE
GRIS صغير في بيتنا نواغ اي بلون ما شكيتش كاين لي ما يعرفوش وباه
نشوفو اليتيمة لازمنا اونتان نبقاو نحركو فيه حتى تصفى الصورة ولي يجي يوقف
ولا يفوت حداه يبدا التبرقيش فيها والصوت يرجع تشششششششش هههههههه
وتخرجلنا البربوشة فيه كي يتحرك لونتان ونشفى مرة قلنا لاختي سقميه باه تتعدل
الصورة راحت ليه وهي بلحفى وقاستو ضربها الكوغون خرجو عينيها ههههههه
والله بزاف حوايج تفكرتهم مي مزروبة برك مع المشروع لي عندي من بعد نرجع
كان ما نسيتش لي في بالي وكان تفكرت حوايج وحد أخرين
هيا مغسي ديجا طولت ... سلآمو
​

آهلا
خلاص نوضناه شايحبسه
مرحبا بيك يا السائحة المتخبية ههه
حكيتيلي قصة حياتك غير gوليلي شاكليتي قبل ماتجي هنا :p
يامات زمان و الله ميرجعو يا لوكان نحاولوهم
البارح يبقى حلو بحلاوة نية ناسه أما اليوم يبقى سامط بسماطة قلوب ناسه
هذي هي الدنيا لاخر يروح و لاخر يجي
و على Power point ربي جابك راني نسيته gاع كاش متعرفي حطيلي دروس خصوصية عليه نحتاجه في ماي :-r
و شاه ههه ضحكتيني ياو شاولا شاكاين
مشكورة على المرور و راكي ربحتي معنا حبة كابريس لي راني نسالهالك :down: