شعب غير قابل للتدريس !

[: Imane :]

بسم الله الرحمان الرحيم

السلام عليكم و رحمة الله تعالى و بركاته




يومكم سعيد يا اعضاء اللمة الكرام

هذا اول موضوع ليا في هذا القسم
بعنوان : شعب غير قابل للتدريس !!!


~~~~~~~~~~


اليوم . . و الحمد لله ، صب عندنا الثلج << أخييييراا

و بغزارة تاني ، ما شاء الله

حكم و ولات الدنيا بيضا و الهدوء و السكينة و منظر الثلوج المتساقطة و لا اروووع

الحمد لله صب كي راحو الاولاد لديارهم على 12 يعني الثلج حكم قبل ما يخلصوه و هوما يلعبو

المهم . .


المشكل بدا ، مع الطلاب تع الليسي الله يبارك عليهم !

تكون تمشي رايح تقرا لاباس عليك ، تلقى القنابل تجي من حيث لا تدري

حتى تلقى الضربة ، و مش اي ضربة ، و كأنها رصاصة ولا حجرة !

انا شحال من مرة يقيسوني ، روحت للدار مكسسرة << تعبير مجازي برك ، و مش غير انا عشراات الطلاب !

تطلع راسك منين الباب تع الليسي تلقا جيش متجهز من اجل الحرب قدامو

ذاك هو مصدر القنابل القاتلة ، يهزو الثلج يخدمو منو كرة صلبـــة يعني يكركبو مليييييح و يرموه

و انت شوف واش تدير ، تهرب . . . تتكسر . . . تطيح . . . تتعور . . . حاول تخرج برك بأقل اضرار ممكنة

تجري راح تزلق في الثلج و تطيح ، تحبس تجيك الضربة و تكسرك ! :/

و ربي هو اللي سترنا اليوم و روحنا على رجلينا و قادرين نمشيو

المهم . . . مبعد كي دخلنا لليسي اجتمعو في الساحة و بداو يرميو في الثلج على الاقسام

انا زعما طلعت باش نحتمي من الحرب هذي ، ساع لقييتهم يرميو فوووق ، و يقدرو يوصلوها للأقسام

شحال من واحد قاسوه ، و شحال من زجاج نافذة تكسر ، مبعد حنا اللي ندفعوا ثمن

كي نقراو في البرد

حابة نفهم وين رايحين هكا ، يديروا هكا زعما باش ما نقراوش ! ؟ و هام خرجونا و ما قريناش كامل

حاجة تفرح هذي !

<< و اصبح احداث الشغب في مؤسسة تربوية مدعاة للفخر ! >>

كي يخرجوا تلقاهم فرحانين داروا انجاز الله يبارك

الحالة هذي ما تعجبش ! الاولاد يلقاو اي سبة باش ما يقراوش !

يصب الثلج ما نقراوش

تلعب ليكيب ناسيونال ما نقراوش

هذاك النهار زعما تع السنة الثالثة داروا اضراب على جال العتبة ما قراوش

في وقت الاضراب ما يقرواش حتى اذا كان الاستاذ غير مضرب !

و الادارة ! الله غالب ما تقدر تدير والو

ما نطولش عليكم في الهدرة بزاف

حابة نعرف اذا الظاهرة عندكم كاينة تاني ؟

اختم قولي و نقولكم دمتم في رعاية الله و حفظه ،



















​

 

[السلطانة]

وعليكم السلام اعتماد للموضوع ولي عودة للتعقيب ان شاء الله

 

[قيس محمد]

ههههههههههههه
الله يكون بعووونك يا مسكينة
نصيحة لا تهربي ولا تركضي
كركبي الثلج واضربيهم باش تنتصري بلحرب
احنا عنا خلص الثلج من اسبوعين وكانت عنا عطلة للمؤسسات الحكومية والخاصة والحمدالله قاع الشعب فرحوا بيه
والقراية بعدييين

 

[قيس محمد]

انا مش قادر نتخيل الثلج بقسنطينة ... اكيد رااائع

 

[AmiR@RoRo]

وعليكم السلام

اودي الظاهرة هادي مش برك عندكم تقدري تقولي فلجزاير كامل هكا شعب تاعنا داير

حنا هادي شحال ما صبش عنا مي نهار كان صاب كانو يرجمو مش يلعبو لقيناهم يحطو حجرة فوسط الثلج ويرميو

منعرف وين رايحين بلفهامه هادي

وكما قلتي يحوسو اي سبب باش ما يقراوش

حنا مرات غير استاد واحد يكون داير اضراب ايا يروحو يقولك لا راهم كامل مضربين ومايسالوش عليهم

وكي يجو الاساتذه يلقاو 10 ولا يقراو

منعرف كفاش يخمو هادو تحير فيهم والله

ربي يهدي ما خلق


مشكورة اختي على الطرح​

 

[: Imane :]

وعليكم السلام اعتماد للموضوع ولي عودة للتعقيب ان شاء الله

شكرا لك
ان شاء الله
بانتظارك ^^

​

ههههههههههههه
الله يكون بعووونك يا مسكينة
نصيحة لا تهربي ولا تركضي
كركبي الثلج واضربيهم باش تنتصري بلحرب
احنا عنا خلص الثلج من اسبوعين وكانت عنا عطلة للمؤسسات الحكومية والخاصة والحمدالله قاع الشعب فرحوا بيه
والقراية بعدييين

ههههههه
ما نقدرش نكركب الثلج ، ههههه يديا يجمدو
الحمد لله ، ديتو فيها عطلة D:
و حنا اذا كمل الثلج هكا منقراوش خلاص
ششكرا لك على المرور بالموضوع و الرد
انرت ^^ تحياتي

​

 

[: Imane :]

انا مش قادر نتخيل الثلج بقسنطينة ... اكيد رااائع

نعم راائع ، الثلج يزيد قسنطينة جمالا فوق جمالها ^^

​

وعليكم السلام

اودي الظاهرة هادي مش برك عندكم تقدري تقولي فلجزاير كامل هكا شعب تاعنا داير

حنا هادي شحال ما صبش عنا مي نهار كان صاب كانو يرجمو مش يلعبو لقيناهم يحطو حجرة فوسط الثلج ويرميو

منعرف وين رايحين بلفهامه هادي

وكما قلتي يحوسو اي سبب باش ما يقراوش

حنا مرات غير استاد واحد يكون داير اضراب ايا يروحو يقولك لا راهم كامل مضربين ومايسالوش عليهم

وكي يجو الاساتذه يلقاو 10 ولا يقراو

منعرف كفاش يخمو هادو تحير فيهم والله

ربي يهدي ما خلق


مشكورة اختي على الطرح​

يعني الحكاية هذي في الجزاير كامل
ييييي حجرة ، هذو زادو فيها ، ميخمموش لوكان كاشماا يديرو حاجة في كاش واحد
ذنوب عليهم . . .
و غدوا ام يقولو اضراب ، يعني الاسبوع هذا تقدري تقولي راح
صح ، ربي يهدي من خلق
و مشكورة على ردك و تفاعلك في الموضوع
انرتِ ^^ تحياتي لكِ


​

 

[{مُدَلَّلَتُهُ}]

السلام عليكم و رحمة الله و بركاته

يا اختي شا نقولك هادي مشي غي عندكم .. الحالة راهي هاكا وين ما تروحي !

حنا طاح عندنا الثلج مي ما خرجتش :d خفت على راسي .. حتى يذوب و يديرلها ربي تاويل "راني في عطلة هاد ليام خير ما تحسبيني ما رحتش نقرا :p "

أما على يامات الليسي كي كنا نقراو أغلبية الوقت كان الوالد يديني و يجيبني باه ما نلقاش هاد المشكل psk كانو الولاد يلايمو في وسط الثلج زجاج ولا حجر ! يقيسك بيها تروحي فيها !

تقوليلي وين راه الحل .. .. .. ؟يبقى السؤال مطروح ! الإدارة ما تحكمش حتى داخل الليسي باه تحكم خارج الليسي . . . . و الأمن ماوش معمر راسو بيك . . . !
​

 

[FATIMA 19]

السّلآم عليكمـْ
فكّرتينيـ كيـ كنتْ في اللّيسي
يبدا يصب الثلج غير شويـ برك
يقوللنآ المدير امشيو تروْحو نموتو بالسعادة
ونبداو نلعبو مي لعب الذراري واعر
كي نعودو خارجين من الليسي نلقاو لابوليس فم الباب
لمكافحة الشغب ههههههه
هكذا باه نروحو سلاماتـ
مي يامات هايلينـْ وما يتعوضوشــ
​

 

[: Imane :]

السلام عليكم و رحمة الله و بركاته

يا اختي شا نقولك هادي مشي غي عندكم .. الحالة راهي هاكا وين ما تروحي !

حنا طاح عندنا الثلج مي ما خرجتش :d خفت على راسي .. حتى يذوب و يديرلها ربي تاويل "راني في عطلة هاد ليام خير ما تحسبيني ما رحتش نقرا :p "

أما على يامات الليسي كي كنا نقراو أغلبية الوقت كان الوالد يديني و يجيبني باه ما نلقاش هاد المشكل psk كانو الولاد يلايمو في وسط الثلج زجاج ولا حجر ! يقيسك بيها تروحي فيها !

تقوليلي وين راه الحل .. .. .. ؟يبقى السؤال مطروح ! الإدارة ما تحكمش حتى داخل الليسي باه تحكم خارج الليسي . . . . و الأمن ماوش معمر راسو بيك . . . !
​

ههههه هكا خير ما عندك وين تروحي ، تخرجي يكسروك ههههه
دبرتيها نتي ههههه الوالد انا ننوض الصباح ما نلقاهش هههه
حتى الاساتذة تخيلي استاذة تع العلوم قالتلنا علاش جيتو ؟
حتى الاساتذة تاني ظهر منهم العجب
و اليوم خرجونا تاني كيف كيف
الامن ما عندناش هذي اعمال شغب و تخريب من المفروض يتدخلو
بصح والو !
ربي يستر و يهدي من خلق
مشكورة على الرد ^^ انرتِ


​

 

[: Imane :]

السّلآم عليكمـْ
فكّرتينيـ كيـ كنتْ في اللّيسي
يبدا يصب الثلج غير شويـ برك
يقوللنآ المدير امشيو تروْحو نموتو بالسعادة
ونبداو نلعبو مي لعب الذراري واعر
كي نعودو خارجين من الليسي نلقاو لابوليس فم الباب
لمكافحة الشغب ههههههه
هكذا باه نروحو سلاماتـ
مي يامات هايلينـْ وما يتعوضوشــ
​

و عليكم السلام
هههههه صح حاجة تفرح
ههههههه
مليح كي تلقاو لابوليس ، حنا ماكان والوو
يديرو رايهم
صح يبقاو جامي تنسايهم
شكرا لك على المرور الجميل و الرد ^^
نورتِ
​

 

[السلطانة]

وعليكم السلام

شعب ناقص تاع الصح معندوش فن اللعب او الترويح عن النفس
بهدلونا يصب الثلج تقول معرف واش صرى
يشوفونا تاع اوروبا كيفاه قاعدين يشبعو ضحك
وكون يطلو على العفايس لي يديروهم باه يلعبو بالثلج يكتبو علينا مسلسل مايفضش
يعني المدرسة لي نورمالمون مكان تاع قراية ردوه
حدّث ولاحرج
:down::down:
صحيتي اختي على الموضوع لي يحكي على واش راه صاري في بلادنا
سلامي
​

 

[ilina loulou]

ههههههههههههه هدا هو الشعب الجزائري .. يلقالك الف عذر تبارك الله ... فعلا شعب غير قابل للتدريس ..لانو هو في حد ذاتو مدرس و يسوى الف معلم ... كم انت كبير ايها الجزائري ....

 

[بنت الـ25]

طوجوغ هاد الظاهرة أختي
منذ الأزل
انا دوكا فوتت مرحلة الدراسة بمراحل
مي نهار يصب الثلج ما نخدمش
الهجوم بكرات الثلج المتحجرة من الشباب اللي فالشارع منظر عادي عندنا
ما تمنع لا المتزوجة ولا المطلقة لا الكبيرة ولا الصغيرةلا اللي تمشي وحدها ولا اللي معاها راجل
حتى الحامل ما تمنعش إلا في حالة كانت كرشها لفمها تلقاي الرحمة نزلت على قلوبهم
نهار الأحد صب الثلج وحكم ما خدمتش مي كي عاد قاسي ما ذابش
اليوم الموالي جاتني حشومة منروحش نخدم والدنيا صاحية
رحت ويا ريتني لم أرح
في ماتش الذهاب هجوم فالشارع ينحو فيه من السيارات ومن على جوانب الطريق
وفي ماتش العودة طحت فاص آ فاص مع أطفال المتوسطة لي بحدانا رجموني
وليت نجري ونطلب في العفو والعافية من ربي ونوصل سلامات
الله غالب الثلج يصب ساعات مي ما قلناش ما تلعبوش ولكن في حدود الثقافة الثلجية
وعلاش تكعبر وتعصر حتى يولي كي الحجرة وممبعد تتبلى بتكسير نافذة ولا تكسير شخص؟

الدراسة فالجزائر اقراي عليها الفاتحة بارك الله فيك
​

 

[: Imane :]

وعليكم السلام

شعب ناقص تاع الصح معندوش فن اللعب او الترويح عن النفس
بهدلونا يصب الثلج تقول معرف واش صرى
يشوفونا تاع اوروبا كيفاه قاعدين يشبعو ضحك
وكون يطلو على العفايس لي يديروهم باه يلعبو بالثلج يكتبو علينا مسلسل مايفضش
يعني المدرسة لي نورمالمون مكان تاع قراية ردوه
حدّث ولاحرج
:down::down:
صحيتي اختي على الموضوع لي يحكي على واش راه صاري في بلادنا
سلامي
​

صح عندك الحق مايعرفوش يلعبو !
ربي يهديهم ، يبهدلو بينا "(
ما يقراو ما يخليو الناس اللي حابة تقرا تقرا !
ششكرا لك على مرورك و ردك
انرتِ : )


​

ههههههههههههه هدا هو الشعب الجزائري .. يلقالك الف عذر تبارك الله ... فعلا شعب غير قابل للتدريس ..لانو هو في حد ذاتو مدرس و يسوى الف معلم ... كم انت كبير ايها الجزائري ....

هههههه
نعم كبير انت ايها الشعب الجزائري خخخ
ششكرا على الرد و المرور بالموضوع
انرت ^^



​

 

[: Imane :]

طوجوغ هاد الظاهرة أختي
منذ الأزل
انا دوكا فوتت مرحلة الدراسة بمراحل
مي نهار يصب الثلج ما نخدمش
الهجوم بكرات الثلج المتحجرة من الشباب اللي فالشارع منظر عادي عندنا
ما تمنع لا المتزوجة ولا المطلقة لا الكبيرة ولا الصغيرةلا اللي تمشي وحدها ولا اللي معاها راجل
حتى الحامل ما تمنعش إلا في حالة كانت كرشها لفمها تلقاي الرحمة نزلت على قلوبهم
نهار الأحد صب الثلج وحكم ما خدمتش مي كي عاد قاسي ما ذابش
اليوم الموالي جاتني حشومة منروحش نخدم والدنيا صاحية
رحت ويا ريتني لم أرح
في ماتش الذهاب هجوم فالشارع ينحو فيه من السيارات ومن على جوانب الطريق
وفي ماتش العودة طحت فاص آ فاص مع أطفال المتوسطة لي بحدانا رجموني
وليت نجري ونطلب في العفو والعافية من ربي ونوصل سلامات
الله غالب الثلج يصب ساعات مي ما قلناش ما تلعبوش ولكن في حدود الثقافة الثلجية
وعلاش تكعبر وتعصر حتى يولي كي الحجرة وممبعد تتبلى بتكسير نافذة ولا تكسير شخص؟

الدراسة فالجزائر اقراي عليها الفاتحة بارك الله فيك
​

عندك الحق ! ما يمنع منهم حتى واحد
الله وحده اعلم وقتاش يتربى الشعب هذا !
ربي يصبرنا و يهدي من خلق
بارك الله فيك ^^ انرت


​

 

[*أوراق أمل *]

وصيلي ع الاضراب تاع 16 فالشهر لي راهم فرحانين بيه الناس حابة تقرا على جال الباك و هوما فرحانين -_-

 

[stelllo]

ف معظم الدول يفرحوا طلابها بالاجازات
اذا جا إعصار يتمنوا إجازة صبت شوي شتا ينتظروا الاجازة وهكذا ...
ربي يهدي

 

[*Prinçesse*]

ههه يا اختي الشعب الجزائري ماهوش نتاع قراية الا من رحم ربي يديرو الف عذر باش مايقراوش هكذا حنا تاني فالليسي نتاعنا يكسرو الكاروات غير باش نديرو اضراب الوغ هوما يخرجوهالنا زيروات ليبروف و يجو يقرونا و الله نقراو فالبرد حتى ليشوفاج ديفوا شاعلين ديفوا يطفيوهم ههه رانا في دزاير ماتنسايش ههه

مشكورة اختي على الموضوع ​

​

 

[قوقا]

رد: شعب غير قابل للتدريس !

فعلا شعب غير قابل للتمدرس ................... شكرا عل الالتفاته