البرد القارص هههه...

[♫الباحثة عن الحظ♫]

سلام مرحبا كيفكم اهل اللمة

اليوم جاية نحكي انا والله نحكي مي نرقص رقص هههه

​

​

البرد ا جماعة البرد واش هذا تقول رانا في سيبيريا

​

​

في الصيف نحكو على الناموس والدخول التسللي تاعو أما في الشتاء راني حابة نحكي على البرد القارص هدا تاع
الصح قارص و يقرص هههههههه

​

​

تخرج للزنقة تلبس 20 لبسة والو تبرد تبرد يفوت الماء
يفوت تتشمخ ذراع يديك تقول راهم في كونجيلاتور
متقدرش حتى تبوجيهم جامدين

​

​

ديجا من تكون في لقراية ولا ليسي ولا الجامعة
تكون واقف ولا قاعد وترقص وحدك ههههه الاستاذ يهدر في جهة
وانت راك تهدر في جهة اخرى ههههههه حابيت تعرفو الجهة واش هههههههههه الدفى و لغطاء

و طبسي لوبيا سخووووون

و ميكرو و الرقادة وبيع لبلاد هه مهم متبوجيش في نواحي التبارات البردية القارصة

و تعجبني حاجة تهدر والدخان خارج من الفم تقول four راه داخل شاعل تبالي روحي في روسيا انا نورمال هههه

​

​

بون راك رجعت لدار ناس تروح تريح انا نروح للشوفاج ديراكت
نذوب لجليد في صباعي ونزيد ندفي روحي شوي
درجة حرارة الجسم تحت الصفر هههه

قالك تحدي الماء البارد مجربوش
تحدي شتاء الجزائر القارص ههههههههه

ديجا نكتب و نبرد ههه طول نروح نلبس ملابس تاع 10 عباد
ونقعد نبرد نزيد نحكم بلاصة وندير 10 غطاوات و انغمس هههه

والو متشوف غير صباعي في لكلافيي رايحين جايين ​

........................
.......
....

حابة نفهم برك ناس القطب الجانوبي زيماه عايشين
كومام البرد هم يجي يقعد يريح فوق كرسي
ثلج نورمال ما يصرالو والو

​

اهنا يقيسنا برد ايا نلبسو واش من بونيات
وواش من كاشنيات و مونتوات
و صبابط من كل انوع غير لتشوف غير عينيه هههه

و الحاجة الي تقتلني اكثر تقول بلعاني ولاما نعرف الشتاء تكون نورمال
حابسة كالم انا نخرج هي تبدى تقول عواصف
انا نفوت نتخبى تولي نورمال انا نزيد نخرج ترجع تقول ديرها بالعاني هههههههههههههههههههههه

​

البرد راه داير فينا حالة املا تغطو مليح مليح
و ردو بالكم من
لgريب راهي واعرة

........................................


وانتم وش راكم مع البرد هذا احكولتا
ربي يجيب الخير تحياتي

​

 

[السلطانة]

وعليكم السلام

اعتماد سريع للموضوع ولي عودة ان شاء الله

 

[~خفة روح~]

هههههههههه دلولة
شكرا على الموضوع

لا جانا البرددددددددد
الفراش ولا نهار قدام الفورنووووووووووووووووو​

 

[♫الباحثة عن الحظ♫]

هههههههههه دلولة
شكرا على الموضوع

لا جانا البرددددددددد
الفراش ولا نهار قدام الفورنووووووووووووووووو​

كل الشكر لكـِ ولهذا المرور الجميل
الله يعطيكـِ العافيه يارب
شفتي والله بزاف برد
ايه كاين ناس راهي تستمتع بالثلج والي مش عندو ههه
تقبلي ودي واحترامي
​

 

[أم منيــــــر]

السلام عليكم
والله حنا فوتنا يامات باردين بزاف مع لمطر والتلج ودرك الحال صاحي والشمس الله الله ما شاء الله
في البكرة كاين البرد وجليد تشوفيه فوق لحشيش كالتلج بصح كتطلع الشمس مليح تحسي بالدفئ
عندكم التلج ول غالبرد وحدو ؟
لخاطر شفت فالوسط والشرق ما زال يطيح التلج ولمطر
ربي معاك البرد صعيب ماشي يقرص برك لما يكون الريح بارد يعطيك بالصفعة للوجه
​

 

[ام اشراق]

حبيت نفهم منين راك ااجيبى فى هذ المواضيع هههههه
الله عطيك الخير
البرد راهووقتوا احنا اللى حاجة ماترضينااذا جاء البرد نقولوا البرررررررد وينت يسخن الحال
اذا جات السخانة وقتاش اجى البرد وهى رايحة
تسلمى يالغاليا على المواضيع
ودمتى متميزة

 

[♫الباحثة عن الحظ♫]

السلام عليكم
والله حنا فوتنا يامات باردين بزاف مع لمطر والتلج ودرك الحال صاحي والشمس الله الله ما شاء الله
في البكرة كاين البرد وجليد تشوفيه فوق لحشيش كالتلج بصح كتطلع الشمس مليح تحسي بالدفئ
عندكم التلج ول غالبرد وحدو ؟
لخاطر شفت فالوسط والشرق ما زال يطيح التلج ولمطر
ربي معاك البرد صعيب ماشي يقرص برك لما يكون الريح بارد يعطيك بالصفعة للوجه
​

اهلا و سهلا خالتي
تفاعلك مع موضوعي أفرحني
وأدخل البهجة في صفحتي
شفتي مي البرد بزاف بزاف
و زيد الريح واعر هههه
نورت
​

 

[♫الباحثة عن الحظ♫]

حبيت نفهم منين راك ااجيبى فى هذ المواضيع هههههه
الله عطيك الخير
البرد راهووقتوا احنا اللى حاجة ماترضينااذا جاء البرد نقولوا البرررررررد وينت يسخن الحال
اذا جات السخانة وقتاش اجى البرد وهى رايحة
تسلمى يالغاليا على المواضيع
ودمتى متميزة

اهلا و سهلا نونا
هههه من دماغي
والله عندك الحق
أسعدتني زيارتك لموضوعي
الله يعطيك العافية
نورت
​

 

[زهور96]

الله يعينكممممممم

 

[♫الباحثة عن الحظ♫]

الله يعينكممممممم

كل الشكر لكـِي ولهذا المرور الجميل
لكي ودي ومحبتي
دمتي بحفظ الله ورعايته​

 

[الباندي]

انا كي يجي البرد بزاف نبغي ناكل الدلاع مانيش عارف علاه تGول راني نتوحم ..ماعليش لاعلينا

البرد سامط غادي يطيحلك على النيف و الوذنين منيش علاه المناطق هاذ مفضلين عندو سيرتو الا كان نيفك كبير كارثة عظمى..ديله بوني وحده و في الشك.....

ديجا الموضوع التاعك كي قريتـــــــه بردت .....merci بادشونص

 

[♫الباحثة عن الحظ♫]

انا كي يجي البرد بزاف نبغي ناكل الدلاع مانيش عارف علاه تGول راني نتوحم ..ماعليش لاعلينا

البرد سامط غادي يطيحلك على النيف و الوذنين منيش علاه المناطق هاذ مفضلين عندو سيرتو الا كان نيفك كبير كارثة عظمى..ديله بوني وحده و في الشك.....

ديجا الموضوع التاعك كي قريتـــــــه بردت .....merci بادشونص

اه يا باندي ولسانك فينومان هههههههه
والله صح يحب المناطق وين يقلقك هههه
نورت خويا والله افرحني تواجدك
مرورك اسعدني حقا
و بصحتك الدلاع هه​

 

[سفيان اسلام]

اختي السلام عليكي ورحمة الله

طبعا هدا العام جا برد قاوي بزاف
صباح مين نروح نخدم يدربني البرد دربا كيما السيف
طبعا كون مدفيش روحك راح يقتلك البرد
بصح مين تجي 9 تكلي مكان والو
شكرا لكي اختي
وانشاء الله تربح البلاد ياربي
​

 

[♫الباحثة عن الحظ♫]

اختي السلام عليكي ورحمة الله

طبعا هدا العام جا برد قاوي بزاف
صباح مين نروح نخدم يدربني البرد دربا كيما السيف
طبعا كون مدفيش روحك راح يقتلك البرد
بصح مين تجي 9 تكلي مكان والو
شكرا لكي اختي
وانشاء الله تربح البلاد ياربي
​

و عليكم السلام ورحمة الله تعالى وبركاته
اهلا وسهلا باخي سفيان
خخخخخخخ صح مليحة على 9 يدفى احنا والو النهار طول بردددد
نورت خويا اسعدني مروروك و اهتمامك بالموضوع
​

 

[حمزةusma]

الحمد لله على كل حال
شكرا لك على الطرح

 

[♫الباحثة عن الحظ♫]

الحمد لله على كل حال
شكرا لك على الطرح

اهلا و سهلا اخي حمزة
الحمد لله يا ربي
ربي يخليك خويا سعدت بتواجدك
نورت تحياتي
​

 

[هُدُوء المَطَر]

السلام عليكم

واش نقولك اختي بادشونص le froid est citron :p قتلنا البرد

كي راني في الدار هاد ليام الخرجة و ما نخرجش التاقة و ما نحلهاش نخاف لا نبرد مي كي تكون القراية ما نحكيلكش خير ! كي تحلالك الرقدة تجيك صحبتك "نوضي يا موصيبة هبلتيني عندنا tp "

على العموم الحمد الله رانا في نعمة كاين الي مساكين في هاد البرد ما راهم صايبين وين يروحو ما راهم صايبين شا يلبسو ربي يفرجها عليهم و يرأف بحالهم

يعطيك الصحة على الموضوع الخفيف الظريف

سلآمي
​

 

[السلطانة]

راني جيت
ديجا راني لابسة
كيما خالتي منّانة لابسة ميات كتّانة :p
البرد صح كي جا جا ضربة وحدة
بصح البرد ولاالسخانة تاع الصيف ديك :cray02:
العبد يبرد يتخبى ويلبس خير من يسخن مايلقى مايدير يفولج :p:p:p
انا نحب الزاورة والبرد والمونطو والسيوانة والتقاشر
قمة السعادة عندي :d:d:d

​

 

[بثيــــنة 19]

أهلآآآ خيتو
لبرددددددد قآرص ولآ تشينة المهم برد بآرد بزآف ههههههه
أنا ولبرد قصة حب مستحيلة
كي يجي لبرد يحكمني تفنيين ومخي يتجمد ويدخل في سبات يعني كلش يطفى
نلبس لحوآيج بزااف حتى نحس في روحي رجل آلي مش قآدرة نتحرك وهكآك ونبقى بردددآنة
لاgريب مانحكيلكش منين يدخل الشتا وهي حبيبتي لي متخلينيش
يآوو لقرآية ونتفنين بآش نرووح ومن نهآر بدآ يصب الثلج وأحنا مش نقرآو طلوآ على قلبي :yahoo01: كون تشوفي لجامعة جاية في أعلى منطقة ف سطيف (الهضاب)
سيبيريا تآع صح نشوف غير ف الكائنات المتجمدة تمشي وتشطح
والثلج مدة طوييلة بآش يذوب
ما أحلى القعدة في الدآر قدام الشوفآج وشخشوخة سخونة :p
قلبي رآه بردددآن كون نكمل هكآ مانسكتش حتى يجي الربيع ههههههه
الحمدلله على كل حآل
يعطيك الصحة على الميضوع الهآيل^^
تقبلي مروري ​

 

[♫الباحثة عن الحظ♫]

السلام عليكم

واش نقولك اختي بادشونص le froid est citron :p قتلنا البرد

كي راني في الدار هاد ليام الخرجة و ما نخرجش التاقة و ما نحلهاش نخاف لا نبرد مي كي تكون القراية ما نحكيلكش خير ! كي تحلالك الرقدة تجيك صحبتك "نوضي يا موصيبة هبلتيني عندنا tp "

على العموم الحمد الله رانا في نعمة كاين الي مساكين في هاد البرد ما راهم صايبين وين يروحو ما راهم صايبين شا يلبسو ربي يفرجها عليهم و يرأف بحالهم

يعطيك الصحة على الموضوع الخفيف الظريف

سلآمي
​

اهلا سهل
بالغالية هدوء
متفكرنيش بلقراية مع البرد معاناة صح هههه
فيف الدار و الرقاد و لغطاء
نورت اختي سعدت بتواجدك يا غالية
​