روحي يادزاير روحي بالسلامة

[SOFIANE020]

السلام عليكم




ان شاء الله راكم بخير
ياخوتي سمحولي مي لالجيري باي باي :cray01:
هايلكم التالية
امتحان اللغة الفرنسية موضوع على حياة الشاب خالد بعد ما كانت صوره في زجاجات الخمر صبحت في امتحانات اولادنا
هدا هو مستوى المدرسة الجزائرية وين راكم يا الاساتذة ربي يحاسبك والله
الحجة تاعهم قالك باش الاولاد ينجذبوا للغات الاجنبية
وعلاه خلاصوا الشخصيات الوطنية
حاجا توشي في القلب قمة الانحطاط

​

 

[السلطانة]

وعليكم السلام
والله كارثة يااخي نزيدوها للكوارث لي راه يعيشها قطاع التربية حاليا
الشاب خالد !!
موضوع فرض عليه شغل راه حاجة كبيرة مثلا
وهاز راس بلادنا
هوما ظني عندهم في البرنامج تاع الفرونسي يقراو على شخصية ويديرولهم مغنيين
يعني الحاجة الباهية لي يقريوها عليهم الغناء وماكانش درس يقولهم الغنا حرام !
يقولك داخلة في la culture !
الشطيح والرديح
بارك الله فيك أخي
:regards01:

​

 

[♫الباحثة عن الحظ♫]

سلام عليكم
هههههههههههههههههههههههههه على خالد ايواه
واش انساو ما قالولهم اكمل الجملة ماني نادم على ليام ههههههههههههههههههه
ياخي حالة هادي هي وين وصلنا تعلمنا تافه وتافه جدا جدا
واش تحب بلادي ميكي
ياو زعما الثقافة يثقف رسانهم ههه شكرا
​

 

[anissa 13]

المدارس الجزائرية راه فيها حتى الواي واي ولا اي اي مانعرفش اسمو الصحيح
من قلة المواضيع هداك واش لقاو
علاش ماداروش شخصية اسلامية ؟ كاين غي الشاب خالد كشخصية معروفة ؟
ياريت نشوف هاد الاساتدة اللي حطو هاد الموضوع
ربي يهدي ماخلق
وين رايحة بلادي ووين رايح ياشعب بلادي
مشكور اخي
​

 

[Ma$Ter]

ربي يجيب الخير
هذا ما نقول ​

 

[BLEU PEARL]

كيما نعبر قليل
نضمنلك لوكان قالتلهم أكتبولي فقرة على أغنية C*EST LQ VIE راهم كامل يدوا 8/8 فالتعبير عليها
سياسة تقتل مجتمعنا وحتى الأساتذة؟؟؟ياللعار​

 

[حمزةusma]

من يحاسب من

 

[Hakan]

3atcha 3aycha ecouté moi ​

 

[أم منيــــــر]

والله حاجة يندى لها الجبين
كملوا كااااامل الشخصيات العظمى في العالم حتى نحكيو على الشاب خالد في فرض في المدرسة الجزائرية؟
يا للعا يا للعار فعلا نهار سمعتها مصدقتش حتى راني نشوفها بعيني
التعليم كان رايح للهاوية غير بشوي ودرك كجات بن غبريط راح يطيح على راسو ضربة واحدة
كارثة نتع الصح
كما قال واحد مرنيش حاب نتخيل كفاش تكون دزاير بعد 30سنة بهاد الجيل الصاعد الهابط المنحط اخلاقيا وتربويا وعلميا الا من رحم ربي
​

 

[ضآحكة مستبشرة]

يآ خويآ هآد لبلآد معوجة
و شيء ما يصلح فيها
غاب الدين و كلشي ولى بالمقلوب
مي يدور زمان و نفكروهم فالماضي العيان
الله يهدينا
انا كرهت هاد البــــــــــــــلآد
ربي يخرجني منها بخير و على خير​

 

[SOFIANE020]

الا يوجد هنا استاذ يبين لنا اويعطينا حجة مقنعة

 

[آمِيْرَتُه]

السلام عليك
كل شي ممكن في الجزائر
ياو القراية راحت بكري من 2008 مشفنا خير

 

[zagane]

السلام عليكم

خاص يدرسوهم في التربية الاسلامية الرسومات الكريكاتورية المسيئة للرسول عليه الصلاة والسلام ويقولو ليهم هده حرية التعبير والدين

الشخصيات الجزائرية الفرنكفونية كثيرة وابرزها مالك بن نبي ولا ما يحبوهش لان شخصيته وكتبه تدرس في امريكا واسرائيل مشي الداب خالد
راحت الجزائر كيما قلت بارك الله فيك

 

[السلطانة]

الا يوجد هنا استاذ يبين لنا اويعطينا حجة مقنعة

وماذا عساه يقول الأستاذ المسكين !!!
الأستاذ الذي أُمِر بالتدريس وتطبيق ماطُلب منه وسيحاسب لو حاد عما قررته الوزارة وماجاء في المنهاج !!
ذاك الدستور المحرم الاحتجاج عنه !
شكرا طاطا بن غبريط وشكرا لكل من كان قبلكِ استمرّوا واصلوا

 

[Ra Off]

والله ولادنا في خطر يا جماعة
منظومة تربوية منحطّة بكامل مرادفات الكلمة

برنامج دراسي مظغوط انسان كبير ويفجرو فما بالكم بطفل صغير !!!
أساتذة بــلا مستوى .. ولا خبرة إلا من رحم ربّك

هذا واقع
بحوث التلاميذ يخدمهم مول السيبار
وحتــى الامتحانات يخدمهم مول السيبار

واش بقا فيها ؟؟
​

 

[anissa 13]

برنامج دراسي مظغوط انسان كبير ويفجرو فما بالكم بطفل صغير !!!

​

​

 

[SOFIANE020]

وماذا عساه يقول الأستاذ المسكين !!!
الأستاذ الذي أُمِر بالتدريس وتطبيق ماطُلب منه وسيحاسب لو حاد عما قررته الوزارة وماجاء في المنهاج !!
ذاك الدستور المحرم الاحتجاج عنه !
شكرا طاطا بن غبريط وشكرا لكل من كان قبلكِ استمرّوا واصلوا

لالا يا اختي ساندريلا الاستاذ المسكين مسؤل بدرجة كبيرة
حين تعلق الامر بمطالبهم -رفع الاجور وتحسين حقوقهم وقفوا وقفة رجل واحد
اما حين تعلق الامر باولادنا لم يحركوا ساكن
مع احترامي لا اوافقك

 

[بنت الـ25]

كي تكون وحدة كي بن غبريط وزيرة للتربية
واش يجيك من هاد القطاع؟
فاقد الشيء لا يعطيه أخي الكريم
​

 

[red rose]

صح التعليم ولا كارثة
هي صح كاين في البروقرام تاع اولى متوسط يقراو على شخصية
مشهورة و مام انا قريت بصح كانو يديرونا شخصيات ثورية برك
يعني خارج هاذ النطاق مكاش
+
و الله ماشفيت وكتاه قريت ارتيكل
يقولو فيه بلي معلمة ضربت تلميذة كسرتلها وجها
و السبب التلميذة كتبت في الكراس بالستيلو حمر
الله يهديهم هاذ النوعية من الاساتذة و كل احترامي للاساتذة لي راهم
يعلمو من كل قلبهم
​

 

[ام اشراق]

روحى يادزاير روحى بالسلامة
روح ياالتعليم روح بالسلامة فى وسط مناهج تتغير كل مرة
ولاو اطفالنا فئران تجارب لمقررات دراسية فاشلة
وزيد رجعت حتى منحطة
المرة الجاية ويلا دروا سؤال من هذ النوع فى الباك ماتنخلعوش مثلا من هو مكتشف رقصة الواي الواي
عادى ياك مازال ماصبوش منهاج صحيح اتبعوه كل شي قيد التجربة
ربي يجيب الخير لهاذ لبلاد
وشكرا اخ سفيان على المواضيع القيمة