قائمة المشتريات للعرائس

[هُدُوء المَطَر]

سلآمو بنات كيراكم

الجهآز . . . كوشمار المرأة قبل ما تتزوج

ترقد تخمم شا خصها تنوض تخمم واش تشري

صراحة كآرثة -_- . . .

موضوع اليوم نجمعوآ فيه الحوايج الي تشريهم عروسة جديدة واش تحتاج

هاكا يكون مرجع لكامل العرآيس ما يعياو وهوما يحوسو ما يخدموو راسهم و يهبلوآ . . .

اليوم يستفادو بيه هوما و غدوة نسحقوه احنا و لي تزوجت و سهلها ربي راهي حاسة بالمعاناة تجي تعاوننا باه ما يصرالناش شا صرا فيها

هايا الفحلآت ورولنا شطارتكم

 

[هُدُوء المَطَر]

البدآية أكيد تكون معايا

​

 

[هُدُوء المَطَر]

​

 

[هُدُوء المَطَر]

​

 

[هُدُوء المَطَر]

​

 

[هُدُوء المَطَر]

هادو لي لقيتهم . . . واجدين ما خصهم والو *-*

يا الله البنات الي تشوفهم تقوللنا واش خاص ! و تحطو هي من عندها

puisque أنا ما عرفتش شا يزيدو يدو خخخ و مازال ما نتزوج

معلوماتي في مجال الجهاز فقيرة

 

[♫الباحثة عن الحظ♫]

مرحبا جميلتي
ايه انا قريت العنوان
صح مانيش عروسة
مي قلت بلاك نجي باه تشريلي انت حاجة هههه
ممم جيت نشوف برك ونتفرج واش يشرو لبنات العرائس
نعمر عيوني برك​

 

[هُدُوء المَطَر]

مرحبا جميلتي
ايه انا قريت العنوان
صح مانيش عروسة
مي قلت بلاك نجي باه تشريلي انت حاجة هههه
ممم جيت نشوف برك ونتفرج واش يشرو لبنات العرائس
نعمر عيوني برك​

أهلين بباد شونص الزينة

حتى انا مانيش عروسة هههههه بصح شفت العرايس نهار و هوما يجرو ملي يحطو عليهم الكلمة للي تولي عروسة

خالتي كي ركبت في la voiture و بدات ياا نسيت هادي نسيت هادي ياا حي ما شريتش هادي -_-

مالا قلت نبدا نوجد في la liste مادامه مازال الحال هههههه خير ماا تخلاص عليا مال

ps : مشي خسارة في اختي الي بغيتيها راهي ليك
​

 

[هُدُوء المَطَر]

شفتو هاكم ما فكرتونيش نسيت أهم حاجة هههه

الذهب

généralement العروسة تكون موجدا شوية من قبل psk لا قارعت لدراهم الشرط ما عندهم وين يقدو !

مالا مااادامك مازلتي بعيدة يا الزينة خطرة على خطرة و روحي ضربي دورة عند البيجوتري شري حاجة . . . تسحقيييهم مبعد
​

 

[السلطانة]

وعليكم السلام

أكيد موضوعك راه يفيد بزاف بنات
ونزيد نعاونكم ببعض روابط مواضيع سبق وان حطوهم الأخوات :

فتيات تفضلن بالدخول ( جهــاز أختي) றĭṩṤ❤Ṡoşσ
هدايا قدمتها اختي في أول صبيحة لها في بيت زوجها றĭṩṤ❤Ṡoşσ
الجزء الاول ** مخايد تاع فراشي** Ŝĥåĥĭйëž Ïķřăмơǖ
أِجِوآِءٍِْ مٍنِِْ عُرِْسٍ أخِتي + تَصِْديرَتهَآ றĭṩṤ❤Ṡoşσ
البعض من قنادري تع البيت من جهازي safinaz
حصري قنادري الثقالsafinaz

أجواء من خطوبتي
أجواء من الفاتحة تاعي
حاجات من جهازي الجزء الأول
جهازي الجزء الثاني
الجزء الثالث من جهازي
جزء رابع من جهازي
الجزء الخامس من جهازي صبابط
حزمتي تاع الدهب الجزء السادس من جهازي والأصعب ‏
فراش من جهازي -الجزء السابع-
من جهازي الجزء الثامن
الجزء التاسع من جهازي
هدايا
هدايا لأهل زوجي الجزء الأول
هدايا لأهل زوجي الجزء الثاني
هدايا أهل زوجي الجزء الثالث
​

​

‏الجزء العاشر من جهازي

الجزء رقم 11 من جهازي


فراشي 'جهازي ' بعد التزيين ‏

من تحضيرات عرسي حلويات وديكور
ْهآدآ وآش دينآ لعروستنآ مع الخاتم ~ْ

شورة بنت خالتي

تحضيرات عرسي أنا عروسة اللمة الجزائرية

حصريات فرح طبعا تفضلو لن تندموا ‏

:regards01:
​

​

 

[هُدُوء المَطَر]

بارك الله فيك شوشو على التثبيت و الإضافة الي عاونتينا بيها

ربي يرزقك بالذرية الصالحة
​

 

[هُدُوء المَطَر]

نصائح منا و منا

البنات ما تكتروش الجبب و les pyjamas راه كل يوم يخرج مودال جديد و تقتلك غي القنطة كي تشوفي الجديد و انت حوايجك مازالو جدد في الساشي

الفراش ماكان لاه تدي معاك بزاف . . . ياخي بالشوية و تعمري الدار انت و راجلك ما تكتريش على روحك les couvertures ; les couettes

الماكياج . . . ما تروحيش تجيبي الكوسميتيك كامل ! يتـpـيريماولك خسارة و ترميهم باطل ! اشري قد ما تستعملي

قبل ما تنخطبي كاين شي حوايج تقدري تشريهم و تخبيهم كيما les valises السبابط .. البلايغ .. التقاشر .. les colons . les tricots de pot . . . االحوايج الي ما يخسروش مع الوقت psk كي تكوني تجهزي هاد الحوايج الخفاف هوما الي تنسايهم و انت تحتاجيهم بزاف
​

 

[{مُدَلَّلَتُهُ}]

السلام عليكم و رحمة الله و بركاته

هادو لقيتهم في groupe عندي في الفيس بوك

jspr يعاونو الشيرات

​

 

[فريحة]

اريد افضل معطرللجسم

 

[@R@ZIK]

الله يبارك عليكم يا الشاطرات
نقصتوا بزاف على العرايس
يعطيك الصحة على الموضوع
​

 

[RoseBonbon]

رد: قائمة المشتريات للعرائس

يااااو قدما تشري تقولي قليل

والدقيقة التالية تروحي تزيدي تشري


حنا الجزائريات حاجة ما تعمرلنا عينينا ههههه

الله يهدينا

الوحدة تاخذ الأساسيات قبل.. والكماليات تخليهم هوما التوالا

 

[ملاك ملاكي]

رد: قائمة المشتريات للعرائس

مرسييي حبيبتي على المعلومات القيمة و الله نحيتي علينا شوية تخمام
الله يعطيك الف عافية
مع تحياآآآآآآآآآآتي انا ملاك​

 

[ش مس بريكة]

رد: قائمة المشتريات للعرائس

انا عندي عام خطبة ولحد الان ما كملتش جهازي والله ما لحقت كل ما نقول كملت تخرجلي حاجة جديدة والمشكل مانيش مدايرة كل مرة نشري حاجة حتان نكملها لالا لي تعجبني نشريها معى اني مديرة قائمة بصح تعبتنييييييييييييييي وما حبتش تخلاصصصصصصص

 

[مسك وعنبر]

رد: قائمة المشتريات للعرائس

السلام عليكم نشكركم على هاد الموضوع الهادف والمهم لينا كامل كبنات في رأيي حتى تسهال هملية شراء لوازم العروس لازم في اللول تعمل قائمة بأهم ما تحتاج ويكون الشراء بناء على اإحتياجات الضرورية والمنطقية يعني كاين بالزاف المشتريات ما عندها حتى فايدة وممكن المرأة ما تستعملهمش كامل يستحسن تشري الأمور اللي تستعملهم يوميا كيما الللبسة نتاع الخرجة واللبسة نتاع الدار الماكياج يستحسن ماتكترش منو وتشري ألي متعودة تديرو برك خاطر ممكن تنتهي مدة الصلاحية ويروح بلا فايدة ولبسة التصديرة كاين اللي يشرو لبسة بالاك موحال يزيدو يلبسوها بحكم المجتمع والعادات والتقاليد وإاى غيرها من الأمور وفي الأخير تبقى الحكمة ورجاحة العقل من أهم ما لازم تتمتع بيه أي عروس في إقتناء مستلزماتها

مع تحياتي القلبية

 

[إحســاس بــراءة]

رد: قائمة المشتريات للعرائس

يعطيكم الصحة على الافكار الرائعة سهلتو علينا
هااكا الواحدة تكون عندها فكرة على المشتريات