لارمى والزواج

[ام اشراق]

السلام عليكم ورحمة الله وبركاته

​

مساء الخير ياناس اللمة كيراكم دايرين ان شاء ملاح
اسمحولى اذا زدمت عليكم وجيت بلا عارضة على خاطرش اولة مرة ندخل هذ الخيمة:d لابغات ياك جيت وجبتلكم موضوع تقصروا عليه
درت دورة فى هذ الكولوار مالقيت حتى واحد اجبد على سوجى اللى راه شايع هذ ليام على القانون الجديد الخاص بوثيقةالخدمة الوطنية والزواج كانوا الامر مهمكش يا الشاشرة والشيرات صح راهم ايقولوا اشاعة بصح لو كان يرجع امر واقع كيفاه رايحين تتصرفوا :s:s:s
بصح انا على حساب ماشفت تقول لشيرات قطعوا لياس ياك14 مليون بايرة ماقدتش نزيدوا نطلعوا فى النيمرو
اماالشاشرة جاتهم على القوسطو نى زواج نى مسؤولية نى تكسار الراس تحيا العزوبية:up:
اللى جوز لارمى تاعو سلك لها ايوجد كوارطوا ويتكل على مولاه
والى مازال اروح يعقب فرضوا ويجى
ماتخافوش هذ القانون حتى ويلا كان قاسى بصح راح يجيب بالمصلحة
اولا المهور رايحة تهبط وبلاك تولى فى مبلغ رمزى برك
ثانيا موالين الطفلة هما اللى يخطبوا وبلاك يدفعوا المهر
ثالثا جابلى ربي كداروا الوثيقة مع عقد الزواج رايحين يعطولكم حتى السكانى كل شى ممكن فى بلادى
رابعا نسبة العنوسة رايحة تنقص والكل يتزوج ويكونو اسعداء::p:d:d
وانتم واش قولكم

اسمحولى اذا ماتوفقتش فى طرح المشكل والاشكالية هذى اول مرة وداود ليعاود:d
وربي يجيب اللى فيها الخيرو تحيا دزاير

 

[السلطانة]

وعليكم السلام

اعتماد سريع للموضوع ولي عودة للتعقيب ان شاء الله
أهلا وسهلا بيك أختي نورتي واش راك تهدر ^^

 

[ام اشراق]

وعليكم السلام

اعتماد سريع للموضوع ولي عودة للتعقيب ان شاء الله
أهلا وسهلا بيك أختي نورتي واش راك تهدر ^^

وبيك اهلا حبيبتى ساندى مشكورة على الاعتماد
رانى نستنى ولى بلخف وعلقلى على الموضوع

 

[♫الباحثة عن الحظ♫]

ههههههههههههههههههه الله لا تربحك
حطيتي يدك على الجرح اه يا طلفة
شفتي القصة الاخيرة هادي الي عندو كارت جون ولا فوت سلك سلكة والي راحت عليه واش يدير
ههه مي مشكيتش يطبقوه اصلا قالو اشاعة
​

 

[ام اشراق]

ههههههههههههههههههه الله لا تربحك
حطيتي يدك على الجرح اه يا طلفة
شفتي القصة الاخيرة هادي الي عندو كارت جون ولا فوت سلك سلكة والي راحت عليه واش يدير
ههه مي مشكيتش يطبقوه اصلا قالو اشاعة
​

هههه شفتى الخرجة الجديدة مانعرف منين راهم ايجيبوا فى هذ المعلومات ايديروا فى النش
كنت نستنى كاش واحد يكتب على الموضوع مكان والوايملا غامرت وكتبت بصح والله ماعرفت منين نبدا:d

 

[Ma$Ter]

السلام عليكم
انا سمعت بهاذ الحكايات فى الفايس بوك بصح ما امنتش ^^
اذا الحكابة صح راح تزيد نسبة العنوسة اكثر واكثر

​

 

[ام اشراق]

السلام عليكم
انا سمعت بهاذ الحكايات فى الفايس بوك بصح ما امنتش ^^
اذا الحكابة صح راح تزيد نسبة العنوسة اكثر واكثر

​

وعليكم السلام خويا حكيم
ايه راهم ايقولو غير اشاعات بصح لوكان تولى صح
يخرجوا الشيرات والشاشرة ايديروا مظاهرات وخلاص :d

 

[Hakan]

السلام عليكم اختي نور الهنا كاين واحد صاحبي قالي عليه وحنا رايحين في البيس نتاع الجامعة وهو زعفان زعما عندو سوسو وحاب يزوج المهم اعطيتهالو في وجهو وقتلو انتوما طيحتو علينا البق
هذي حاجة مليحة على الاقل اول حاجة اذا كان الواحد برزقو وبكلش يدير قالبو باللاكارت جون
وحاجة اخرى الطيح في السومنة نتاع النساء اللي دركا راهم ولاو كي السيارات يطلعو وما يهبطوش
هكاك تاني باش النساء نتاوعنا يزيدو يفقدو الامل تاني وتزيد تتربا اللي تتقلش دايما على الزواج وتحسب في روحها سندريلا
ياو سندريلا وما دومونداوش فيها لاكارت جون ياك صباطها فضحها على العموم شعاري قبل هذا القانون تحيا العزيوبية
وشعاري بعد هذا القانون اللي ان شاء الله يطبق
تحيا الخدمة الوطنية ولاكارت جون.​

 

[ام اشراق]

السلام عليكم اختي نور الهنا كاين واحد صاحبي قالي عليه وحنا رايحين في البيس نتاع الجامعة وهو زعفان زعما عندو سوسو وحاب يزوج المهم اعطيتهالو في وجهو وقتلو انتوما طيحتو علينا البق
هذي حاجة مليحة على الاقل اول حاجة اذا كان الواحد برزقو وبكلش يدير قالبو باللاكارت جون
وحاجة اخرى الطيح في السومنة نتاع النساء اللي دركا راهم ولاو كي السيارات يطلعو وما يهبطوش
هكاك تاني باش النساء نتاوعنا يزيدو يفقدو الامل تاني وتزيد تتربا اللي تتقلش دايما على الزواج وتحسب في روحها سندريلا
ياو سندريلا وما دومونداوش فيها لاكارت جون ياك صباطها فضحها على العموم شعاري قبل هذا القانون تحيا العزيوبية
وشعاري بعد هذا القانون اللي ان شاء الله يطبق
تحيا الخدمة الوطنية ولاكارت جون.​

يعطيك الصحة خويا راى من رايك:up:
بلاك القانون تكون عندو ايجابيات
وزيد لارمى مليح الراجل يتعلم المسؤولية يولى دارقاز والمهور تنزل والعنوسة تقل

 

[nina usma]

خخخخ شااابة هادي
ايا سيدي هوماا يتقلشو على لارمي خليهم يروحو يجوزوه على روحهم
انا الحمد لله راجلي المستقبلي عندو الكاارطة ههههه
صحيتي على الموضوع ..​

 

[ام اشراق]

خخخخ شااابة هادي
ايا سيدي هوماا يتقلشو على لارمي خليهم يروحو يجوزوه على روحهم
انا الحمد لله راجلي المستقبلي عندو الكاارطة ههههه
صحيتي على الموضوع ..​

ايا عندك الزهر يا نينة سلكتولها فى زوج لوكان ذوك راكى فى الطابور تستنى فى مول الكارطة:d
ربي يتمملك بخير حبيبتى ويهنيك

 

[نجيب]

مكانش منها 14 مليون بايرة و يزيدوا يصعبوها



غي اشاعات

 

[أم منيــــــر]

هادي مليحة بعد الفنيانين يروحو يجوزر لارمي نتاعهم
راني نشوف بزاف شباب من العائلة نتاعي عاطيها لرقاد ولماكلة والراحة
لا قراية لا خدمة وزيد التفشاش من الفوق كتهدرلو على لارمي ميحبش
هكدا كجاتهم في الزواج بسيف عليهم يروحو .....خليهم باش يقفزو شوي مليح لو كان تكون صح:up:
صحيتي على الخبر :regards01:
​

 

[knadja]

السلام عليكم اختي نور الهنا كاين واحد صاحبي قالي عليه وحنا رايحين في البيس نتاع الجامعة وهو زعفان زعما عندو سوسو وحاب يزوج المهم اعطيتهالو في وجهو وقتلو انتوما طيحتو علينا البق
هذي حاجة مليحة على الاقل اول حاجة اذا كان الواحد برزقو وبكلش يدير قالبو باللاكارت جون
وحاجة اخرى الطيح في السومنة نتاع النساء اللي دركا راهم ولاو كي السيارات يطلعو وما يهبطوش
هكاك تاني باش النساء نتاوعنا يزيدو يفقدو الامل تاني وتزيد تتربا اللي تتقلش دايما على الزواج وتحسب في روحها سندريلا
ياو سندريلا وما دومونداوش فيها لاكارت جون ياك صباطها فضحها على العموم شعاري قبل هذا القانون تحيا العزيوبية
وشعاري بعد هذا القانون اللي ان شاء الله يطبق
تحيا الخدمة الوطنية ولاكارت جون.​

b11111111111111111111111111

 

[{مُدَلَّلَتُهُ}]

السلام عليكم

وي شفت هاد الخبر في الفيس بوك الناس كامل مخلوعين و البنات تقولك ياا و انا كنت ناوية نتزوج في الصيف بصح راجلي ما عندوش لاكارت هيهيهيهيهيهي

ما نعرف لا كان نيشان ولا لا .. لا كان نيشان راهي خلات بزاف شيرات نعرفهم غادي يبورو

جابولهم قالب جديد يتحججو بيه " و انت ضروك ما تجيش تخطب ؟ كيفاه نجي و انا ما عنديش الكارطة الصفرا الي يصفر وجهك u_u "
​

 

[شقشق]

هو الاصح نها مجرد اشاعة لاغير
وان صحت فهذا امر جيد يخدم بالدرجة الاولى شريحة الشباب

قد يستغرب البعض كيف للخدمة الوطنية ان تخدم المجتمع فاقول
لو تصورنا ان الخدمة الوطنية عبارة عن برنامج وهي كذالك في حقيقة الامر
برنامج ..كبرامج محبوب العرب ومطرب العرب وراقص العرب وموهوب العرب
ودلوع العرب ...

والجيش برنامج لاعداد رجال العرب ومجاهدي العرب وحامي حماة العرب
الحقيقة ان الخدمة الوطنية هي الحل الوحيد للتصدي لمؤامرة تخنيث الشباب العربي

حتى اني صرت اجوب الشوارع فاستغرب من دلع هذا ورقة ذاك ونعومة الاخر
تبا لزمن لانفرق فيه بين الذكر واللانثى
​

 

[السلطانة]

راني جيت راني جيت وجدو القصبة والعود والناي :p

انا تاني شفت هاد العفسة يحكيو عليها في الفايس بووك حسبتهم يتمسخرو برك
هيا وهي الحكاية هدرة وممكن تكون منها بالصح
لأنو في بلادنا وكل شي ء ممكن
هام دارو قانون هام نحاوه
هاو طل سلال اعلن عليه
هاو طل الغاه
كون يطبقوه تعود الحالة صعيبة تعود لاكارت شرط اساسي ينزاد لبقية الشرو ط
وكيماي قولو من بكري سيدي مليح وزادوه الهوا والريح :yahoo01:
شكر ااختي على الموضوع الرائع
نتمناو يزيدونا الاعضاء بالآراء تاعهم المتنوعة

​

 

[Hakan]

هو الاصح نها مجرد اشاعة لاغير
وان صحت فهذا امر جيد يخدم بالدرجة الاولى شريحة الشباب

قد يستغرب البعض كيف للخدمة الوطنية ان تخدم المجتمع فاقول
لو تصورنا ان الخدمة الوطنية عبارة عن برنامج وهي كذالك في حقيقة الامر
برنامج ..كبرامج محبوب العرب ومطرب العرب وراقص العرب وموهوب العرب
ودلوع العرب ...

والجيش برنامج لاعداد رجال العرب ومجاهدي العرب وحامي حماة العرب
الحقيقة ان الخدمة الوطنية هي الحل الوحيد للتصدي لمؤامرة تخنيث الشباب العربي

حتى اني صرت اجوب الشوارع فاستغرب من دلع هذا ورقة ذاك ونعومة الاخر
تبا لزمن لانفرق فيه بين الذكر واللانثى
​

يااخي اللي يخدم الراجل ماشي الخدمة الوطنية اللي يخدم الراجل باباه وماماه بالدرجة الثانية وبالدرجة الاولى الدين الاسلامي رانا شفناهم راحو فوتو الخدمة الوطنية راحو رجالة رجعو موسوسين
اللي حاب يكون راجل ياو الوراثة و الحمض النووي غير ما تقلقش روحك ني جيش ني والو رانا نشوفو فيهم ضابط اعلى ويضرب الكيف ويسب الرب هذي هي الرجلة اللي تحوسو عليها.​

 

[آمِيْرَتُه]

السلام عليك
اهلا آختي
القانون تحريشة برك من الطفل الجزائري للطفلة الجزائرية
حكاية مكانش منها يجيبو في الوقت برك

 

[ام اشراق]

مكانش منها 14 مليون بايرة و يزيدوا يصعبوها



غي اشاعات

ايه راهم ايقولو 14 مليون ومن الفوق رايحة تزيد