برعاية ....ton mari

[♫الباحثة عن الحظ♫]

سلامووو راني زيد جيت هههههه

مكرهتوش مني



بون اليوم باغية نعرف وحدة الحاجة حيرتني
في خاطر خويا حكيم ههههههه:d

.........................
والله طيحتلي الشعر من راسي و مزال مش فهمتها

بون لبنات يكونو فور و حالة نورمال تحكي تضحك
وتتمهبل عادي

ايا فجاة تروح وتجي خاتم في الصبع فهمتوا
تخطبت ايه هاديك هي هههه

تولي اول حاجة تصاب بالشلل الكلامي ترجع قليلة لكلام
يا يما زعما هاديك هي المهبولة الي كانت البارحة ايا معليش

مشكل مجاتش تنقص لكلام ولا تمهبيل اي ترجع احنا و مش تحكي معانا
ها الطفلة شا صرالها

تخطبت مسمعتيش اعلا مين تتخطب ينقصو الحواس عن العمل

اه وي خطيبي ميحبش واش يحب يقول احنا البايرات شبهات
ولا واش بون قلنا معليش الطفلة مبقاش تضحك وتتمهبل تخاف من الهدرة و لعرب راكم تعرفو

نيميرو التلفون تبدله اه اسفة خطيبي قالي متمدهش لحتى واحد ميحبش ايم sorry اعلاه راه يشوفينا رجال ولا ولاد بون اوك
خطيبي هذا معلابالوش بلي انت عندك شخصية ولا انت حابسة مهم خطيبي يبقا كاين هههه

البارح و هي قاعدة تدور في الجامعة نهار طول
و ك دارت الميسيو رجعت بالطالون و مش تقيم واش واش ريحي ترونكيل بلاك تنفجري

والي تطلعلي الشعر و ديرلي لاطونسيو والسكر تحكي معاها نونو
انتم مزالكم صغار متفهموش اوووووووووووووو

المgملة ربطت راجل رجعنا احنا صغار و مش نفهمو

تجي تتفلسف عليك انتم لهبال هذا جياحة تكبرو وتشوفو
وين نكبرو ا بنت الناس رانا
كبار عليك احشمي شوي بارح

قاعدة تاكلي في الشيبس و تلعبي بالبوبية واليوم جاية تتفرعني علينا
نو mon mari ميحبش نو mon mari
قالي هاك نو mon mari يقولي هاك
ها طيري بيك و ب طوماري تاعك

هادي نضربك
براس نجيبك راقدة ياخي حالة

بارح وانت لخنونة تسيل و اليوم جيتي تجوعي علينا اهنا

و الي تقتلك مين تزوج ياو راحت خلاه هههههههههههه
نو انتم متعرفوش للزواج نو انتم راكم مزال مش جربتو نو انتم صغار

و ترجع متعرفكش و مين تفوت متقولكش بونجور
هي زوجت طلع لgراد

نموت ونعرف اعلاه الى تتخطب ولا تتزوج تتبدل
مش كل اكيد لكن البعض
والله يحيروني انا جاوبني الا تقدرو

​

 

[السلطانة]

اعتماد للموضوع

ههههه وي وي كاين بنات يتخطبو يتخلعو في عمرهم
وكي يتزوجو منحكيلكش
لي عودة ان شاءا لله باه نعقب على الموضوع

 

[نجيب]

بلاك ماكنتش تستنى روحها وين يجي نهار و تتزوج

 

[anissa 13]

ياودي ماتهدريش هاك راكي تنخطبي وتولي كيفهم ههههههه نضحك معاك
كاين اللي هاك شحال ينارفيوني ففففف
اتخطبتي بالبراكة عليك يابنيتي والتكبر علاه
الله يهدينا هدا مانقولو
مشكورة على الموضوع

​

 

[ثَسْكُورْثْ نَثْدُوكْلِي]

سلااااام عليكم
ووووووووووووووووووووو
برااااااااافوووو حنونة والله غير نستعرف بيك
هي الحاجة لتحيرني انا تاني صح
وراني نشوف فيها مع البنات صوا لف لجامعة ول لقاعدين برك في الدار ول ليخدمو
مانعرف زعما واشنو .....
بلاك ماتوقعوش يتزوجو كامل ....
بلاك مفششيييين بالزيادة.....
وبلاك مخصوصين شوية .....
مي دوتوتفاسو ربي يهدينا للخير ...
كل مرة واش من عفسة تخرج جديدة....
وعلى كل
كل وحدة كيفاش كانت عايشة في دارباباها
وحدة ناقصة حنان....
ولخرى مفششة هذاك مكان.....
و....
و.....
يعني بلاك نعذروهم بادشونص ول لا لا....

وان شاء الله احنا مانكونوش كيما هما ....
ايا ميغسي على السوجي الهايل بادشونص ...
ندير دورة لهنا نقرعج على تعليقات كاش مانستفادو احم احم ....
مع احتراماتي للجميع,,,,,,,,
​

 

[Ma$Ter]

السلام عليكم ورحمة الله امممم كل وحدة كيفاه انا نعرف بنات تخطبو ما تبدلوش حلاص بصح بعد الزواج تبدلو . المهم ربي ينوب علينا بنت حلال ^^

 

[ضآحكة مستبشرة]

شكرآآآآ عفريتة عالموضوع
هههههههههه قتلتيني بالضحك سيرتو تاع لبارح و لخنونة تسيل و اليوم جاية تتفرعني
لي عودة
السوجي 144444444444444444​

 

[ام اشراق]

السلام عليكم
جابلى ربى مايعودش عندهم وقت للتمهبيل برك اومبعد كتروحلهم الخلعة يرجعوا عادى
ياو ماتعيبوش ياجماعة قالك اللى يعيب يلحق :p:d
شكرا على الموضوع ياباد شونص الشقية :up:بصح يابن عمى ماطلقتى والوا وزيد نقولك خفى شوية من المواضيع ذوك تعودى صلعة قبل ماتفهمى وتكملى كامل المواضيع عسى روحك:d

 

[بثيــــنة 19]

أهلين وسهلين

يآ طفلة طليتي على مآي هآرت هههههه :p
إييييه وحدة تقرآ معآيآ كآنت مخطوبة لعآم لي فآت يآو تشوفيهآ وش دآرت فينآ
البوكيمونة تحولت صبغت زوج شعرآت بلصفر و دآرت شوي مآكيآج ولبست سبآط طآلون ومآننساش لخـــآتم لي دآرولهآ رآجلهآ وتجي تتكسل علينآ
آوو مزلتوآ تآفهين آوو حكآيآتكم يبهدلوآ آوو...إلخ
يآو رآجلي مايحبش كي نحكي ف موآضيعكم
آكبآروآ يآ لبنآت وهي لبآرح كآنت تلعب بالترآب
ونهآر قآتلي علآبالك أنتي تقعدي بآيرة مع عقليتك هآذي
حشمتني بنت الكلب :$ !
ولي قآتلهم أقعدوآ هنآ نهآر عيطلهآ لبروف بإسمهآ لمخلوقة رآيحة تندب ف مخهآ كيفآش أنآ مرت رآجل وهو يعيطلي بإسمي كون يسمع رآجلي كون يدير ويدير !

مآتخميش من ليوم يولي يعيطلك آآآ مرت الرآجل
بصح مرت رآجلهآ لي مآيحبش عليهآ وش رآهي دير هنآ :s
تآخدي رآيي روحي بانتي برآجلك عيشوآ على شواطئ الموزمبيق :down:
يخي حآلة يخي !
صحيتي حبوبة على ميضوعك الهآيل الهآيل

تقبلي مروري​

 

[سلسبيل ام عبد الرحمن]

السلام عليكم اختي على هذا الموضوع
الي راهم يتكبرو كي يتخطبوا هما الي ما جاتهومش في بالهم بلي يجي نهار و يتجوزوا
راهم يشوفو فيها معجزة هههه
المهم انا نوصي الي راهم مخطوبين غير بروفيتي و تمهبلي قد ما تقدري
امبعد تجي عند هذا ton mari تشوفي وجوه اخرى ما تخيلتيها
يولي من طوماري الى garde corps و بيانسور مع الاهل الحبايب الي راه ينسوك في احلامك الوردية
​

 

[نجيب]

الحمد لله كي جينا حنا ton mari.. هههههههه


الموضوع راه عليكم مشي علينا المهم حنا نستشفاو شوية فيكم

 

[♫الباحثة عن الحظ♫]

اعتماد للموضوع

ههههه وي وي كاين بنات يتخطبو يتخلعو في عمرهم
وكي يتزوجو منحكيلكش
لي عودة ان شاءا لله باه نعقب على الموضوع

اهلا وسهلا شوشو
راني نستنى فيك يا جميلة
​

 

[♫الباحثة عن الحظ♫]

بلاك ماكنتش تستنى روحها وين يجي نهار و تتزوج

اهلا وسهلا نجيب
هههههههههه قريت الردود القيت الكل تتفقو على النقطة هادي
والله بيزار انا نحير فيهم
نورت
​

 

[♫الباحثة عن الحظ♫]

ياودي ماتهدريش هاك راكي تنخطبي وتولي كيفهم ههههههه نضحك معاك
كاين اللي هاك شحال ينارفيوني ففففف
اتخطبتي بالبراكة عليك يابنيتي والتكبر علاه
الله يهدينا هدا مانقولو
مشكورة على الموضوع

​

اهلا و سهلا انوسة
والله منرجع كيفهم يا اختي
اعلاه نتخطب تزيد فيا حاجة باه نتكبر على الاخرين
ربي يخليك اختي نورت
​

 

[♫الباحثة عن الحظ♫]

سلااااام عليكم
ووووووووووووووووووووو
برااااااااافوووو حنونة والله غير نستعرف بيك
هي الحاجة لتحيرني انا تاني صح
وراني نشوف فيها مع البنات صوا لف لجامعة ول لقاعدين برك في الدار ول ليخدمو
مانعرف زعما واشنو .....
بلاك ماتوقعوش يتزوجو كامل ....
بلاك مفششيييين بالزيادة.....
وبلاك مخصوصين شوية .....
مي دوتوتفاسو ربي يهدينا للخير ...
كل مرة واش من عفسة تخرج جديدة....
وعلى كل
كل وحدة كيفاش كانت عايشة في دارباباها
وحدة ناقصة حنان....
ولخرى مفششة هذاك مكان.....
و....
و.....
يعني بلاك نعذروهم بادشونص ول لا لا....

وان شاء الله احنا مانكونوش كيما هما ....
ايا ميغسي على السوجي الهايل بادشونص ...
ندير دورة لهنا نقرعج على تعليقات كاش مانستفادو احم احم ....
مع احتراماتي للجميع,,,,,,,,
​

اهلا و سهلا سوسو
والله يا سوسو متقوليليش مفششة ومنعرف واش
صحا ربما ينقص تمهبيل وهاك تخطبت رجعت على زمت راجل
اكيد الناس وكلامهم شوي عيان
مي انك تولي حباباتك والي تعرفيهم صباح الخير متقوليهاش وتتفلسفي
انا نعرف متزوجين والله وحدة ما تتغير فور خلاه
ربي يهدي نورت
​

 

[الحلم الوردي]

السـلآم عليكي
هههههههههههه سبقتيني باسكو كنت حابة نديرو هذ الموضوع:p
والله كاينة منها هديا الوحدة كي تتخطب تولي انو غمال ومام تتبدل عليك في كل شيء
نوغمالمو الوحدة تكبار في عقلها ماشي تتبدل على وحدة تعرفها:s من كانت صغيرة
سيفغي كو كل شيء بالمكتوب:s
ومكاش قد الوحدة تكون كيما قبل وتتحسن في المعاملة نتاعها وزيد كي تتزوج مراهيش رايحة تبقى تحكي كي زمان
بالعكس تتبدل كل شيء
ربي يهديهم وخلاص
بارك الله فيكي حنونة
​

 

[الحلم الوردي]

حالياً الأعضاء النشيطين الذين يشاهدون هذا الموضوع :
33 (3 عضو و 30 ضيف):$
‏ملاك25, ‏boubou timothy, ‏Ma$Ter​

 

[♫الباحثة عن الحظ♫]

السلام عليكم ورحمة الله امممم كل وحدة كيفاه انا نعرف بنات تخطبو ما تبدلوش حلاص بصح بعد الزواج تبدلو . المهم ربي ينوب علينا بنت حلال ^^

اهلا وسهلا بيك حكيم
والله يا حكيم منحكيش على هادو
نحكي على الي تتخطب من ترجع متعرفكش من ههه
ان شاء الله ياربي
نورت
​

 

[♫الباحثة عن الحظ♫]

شكرآآآآ عفريتة عالموضوع
هههههههههه قتلتيني بالضحك سيرتو تاع لبارح و لخنونة تسيل و اليوم جاية تتفرعني
لي عودة
السوجي 144444444444444444​

اهلا و سهلا بطوطة راني نتسنى فيك نورت
​

 

[♫الباحثة عن الحظ♫]

السلام عليكم
جابلى ربى مايعودش عندهم وقت للتمهبيل برك اومبعد كتروحلهم الخلعة يرجعوا عادى
ياو ماتعيبوش ياجماعة قالك اللى يعيب يلحق :p:d
شكرا على الموضوع ياباد شونص الشقية :up:بصح يابن عمى ماطلقتى والوا وزيد نقولك خفى شوية من المواضيع ذوك تعودى صلعة قبل ماتفهمى وتكملى كامل المواضيع عسى روحك:d

اهلا وسهلا نونا
وي عارفة ربما تنقص التمهبيل حاجة باينه لعرب يهدرو ههه
والله والو انا نعرف انواع تولي تتكبر عليك
هههههههههه ديجا فرطست ههه
نورت
​