بعض تطبيقاتي لكيكات وحلويات

[روز]

السلام عليكم ورحمة الله وبركاته

هذه بعض الحلويات والكيكات ان شاءلله تنال اعجابكم

كيكة الشطرنج

بيسكو غولي

قريوش الوردة على طريقة الغالية ام ندى

بريوش على طريقتي والعجينة لحاملة المسك

الكيكة المخططة

بريوش على طريقة الغالية كوثر لوهرانية

كيكة بطريقة تزيين مختلفة

كيكة بالطرقة العادية

ان شاءلله تكون نالت اعجابكم تحياتي

تفضلو هنا
معجنات منوعة من مطبخي

وهنا

بعـض من أطـباقي خلال الأيام الماضية
​

 

[السلطانة]

وعليكم السلام يمممم

فنانة يعطيك الصحة

 

[مطبخ الأحلام]

الله يبااارك

من المعجبات بوصفاتك وتطبيقاتك وطريقة عرضك اخ اخ لازمني نجي ندير سطاج عندك

يعطيك الصحة روز
​

 

[مطبخ الأحلام]

روزتي اعطيني وصفة هاد بسكوي رولي

وبريووش

​

 

[Ryry_Ndj]

السلام عليكم
ماشاء الله مبدعة اختي ودي وتقديري لكي

 

[mimi53]

mmm alah yebarek wache had aibeda3 tesselam ayadi ya chatera

 

[روز]

وعليكم السلام يمممم

فنانة يعطيك الصحة

الله يسلمك ساندي تنوري دايما

 

[روز]

الله يبااارك

من المعجبات بوصفاتك وتطبيقاتك وطريقة عرضك اخ اخ لازمني نجي ندير سطاج عندك

يعطيك الصحة روز
​

اها راكي تتواضعي يا سوسو
ايا حطي اطباقك وخلي الناس تشوف الحطات والهمة
نورتي حبيبتي

 

[روز]

روزتي اعطيني وصفة هاد بسكوي رولي

4بيضات و4مغارف سكر طلعيهم مليح بالباتور حتى يصير لونهم ابيض
ثم بالمغرف الخشبية نخلط من فوق للتحت 4مغارف فرينة مغربلين مخلطين مع مغرف صغيرة خمارة قاطو خلطي بالعقل باش يبقى طالع

فرشي ورق الزبدة ولصقيه من تحت على المول بشوي عجين وفرغي عليه الخليط
ودخليه للفرن 10 فقط او 15د على الاكثر على حسب نوعية الفرن
بعد مايطيب الويه على فوطة مندية خليه حتى يبرد
بعدها ارجعي افتحي وديري عليه بالفرشاة شربات او عسل مخفف وحطي الحشو لي حبيتيه وارجعي لفيها وزينيها من فوق على ذوقك ورجعيها للثلاجة حتى تشد روحها

​

البريوش وصفة الغالية كوثر الوهرانية

فيه :
500غ فرينة وزوج مغارف سكر+ زوج مغارف لحظة ومغرف خمارة ولفاني وبيضة

ونعجنهم مليح بالماء او الحليب ملييييح ونضيف 100غ زبدة طرية
وندخلها في العجينة مليح ونخليها ترتاح
وامبعد نشكلوها كوريات صغيرة ونحشيها بالمعجون او الشكولة
وندهن الصينية ونخليهم يخمرو بعد مايخمرو
ندهنهم بصفار بيضة ممزوج بشوي حليب وشوي ماء الزهر ونرش عليها السمسم
وندخلها لفرن يكون مسخن مسبقا
ولما طيب ندهن الوجه بالناباج انا درت شوي عسل خاثر

 

[روز]

السلام عليكم
ماشاء الله مبدعة اختي ودي وتقديري لكي

وعليكم السلام
شكرا جزيلا وبارك الله فيك
تحيتي

 

[روز]

mmm alah yebarek wache had aibeda3 tesselam ayadi ya chatera

تسلميلي عزيزتي ميمي الله لا يحرمنا من طلتك

 

[أم منيــــــر]

السلام عليكم
الله يعطيك الصحة
كنت رايحة نطلبك على الوصفة نتع البريوش
بارك الله فيك لي حطيتيها
ماشاء الله عليك شاطرة
​

 

[ندى الورود]

يا و قتلتينا يا روز واش هذا الابداع
يعطيك الصحة
​

 

[حكايا الورد]

السلام عليكم ورحمة الله تعالى وبركاته

وعلى هذه الوصفة التي قمت (ي )بطرحها علينا

كل الشكروالتقدير لك على مشاركتك الرائعة والمميزة

وتمنياتي لكم بالتوفيق ومواصلة التميز معنا

وفي انتظار جديدك (ي) من الوصفات الجديدة والمميزة

لاتحرمونا مما تقدمونه عزيزتي عزيزة

نتمنى جديدكم القادم بفارغ الصبر

​

 

[روز]

شكرا ..شكرا خجلتوني ههه
المهم نستفادو من بعض
بارك الله فيكم

 

[روز]

الكيكة عادية مكونة
من 4بيضات وكأس سكر طلعيهم مليح حتى يصير لونها أبيض
بعدها أضيفي نصف كأس زيت و1خمارة قاطو و مبشور البرتقال وشوي عصير برتقال ونصف كأس حليب وكأس ونصف فرينة مغربلة
دخليهم يطيبو في مول يكون مربع أو مستطيل لما يطيبو
طلعي كريم شونتي لما تطلع أضيفي 3حبات جبن كيري و2مغارف سكر وخلطيهم مع بعض
ولما تبرد الكيكة مليييح لازم ماتكونش ساخنة حتى ماذوبش الكريمة
لما تبرد ضعي فوقها الكريمة وخليها للثلاجة تجمد بعدها قطعيها وزينيها بحبات الكرز

 

[طباخة زماني]

شكرا لك يااحلى rose

 

[¬Đỉaмơŋđ ✿]

وعليكم السلآم و رحمة الله و بركآته


مآشآء الله شكلها يشهّي
يعطيك ألف صحة أختي

​

 

[روز]

شكرا وبارك الله فيكم

 

[omarwa]

رد: بعض تطبيقاتي لكيكات وحلويات

امممم هائلين روزا سلمت يمناك بارك الله فيك اختي