من هديك الخطرة ما خربشتش لهنا
والله منتدى واش راك تهدر عندو بنة وحدها ولومبيونص لي فيه مكانش في بلاصة خلاف
الموهيم نهار الجمعة كي العادة نـgفض على درعيا مع الميناج ،، هدا تسياق وهادي غبرة تتمسح وهادي خرّج لحوايج تضربهم الشمس ...الخ ام علابالهم لبنات كيفاش الحطة خخخخ
تحكم نص نهار مع الدار سيرتو كي تكون وحدة براسها كي حالتي مكاش اللي يعاون
ونحط إذاعة سيرتا فالبوغطابل مشمرة ونصرش
(بوغطابلي مسكين نوكيا تع ليتوش فيه غير الراديو حتى من لاكارط ميموار صوطات – الباطري عادت طيح مليار فالساعة عالم فقير خخخخ
قالي خطيبي نشريلك كوندور وطيشي عليك هادا قتلو عندنا كليماتيزوغ فالدار يكتر خيرك
خخخخخخ)
المهم على العشرة تجي حصة فتاوي على الهوا في إذعة سيرتا اللي نستناها بالريق الناشف وهاد المرة الحصة على الديون والقروض والربا ...الخ
اللي يعيط يسقسي غير على الصوارد وسلفتلو وحابة نقترض من البانكا ...الخ
بون مراحش نحكيلكم على الأسئلة التي جازت فالحصة كاملين سينو ما نكملش ليوم
مي لفتت انتباهي وحد الفكرة
وهي ظاهرة مش جديدة واللي تتعلق بـ " التحايل على القوانين"
والناس اللي حاطين رواحهم شاطرين ويكلحو فالدولة ولا في بعضهم البعض
الموهيم نهار الجمعة كي العادة نـgفض على درعيا مع الميناج ،، هدا تسياق وهادي غبرة تتمسح وهادي خرّج لحوايج تضربهم الشمس ...الخ ام علابالهم لبنات كيفاش الحطة خخخخ
تحكم نص نهار مع الدار سيرتو كي تكون وحدة براسها كي حالتي مكاش اللي يعاون
ونحط إذاعة سيرتا فالبوغطابل مشمرة ونصرش
(بوغطابلي مسكين نوكيا تع ليتوش فيه غير الراديو حتى من لاكارط ميموار صوطات – الباطري عادت طيح مليار فالساعة عالم فقير خخخخ
المهم على العشرة تجي حصة فتاوي على الهوا في إذعة سيرتا اللي نستناها بالريق الناشف وهاد المرة الحصة على الديون والقروض والربا ...الخ
اللي يعيط يسقسي غير على الصوارد وسلفتلو وحابة نقترض من البانكا ...الخ
بون مراحش نحكيلكم على الأسئلة التي جازت فالحصة كاملين سينو ما نكملش ليوم
مي لفتت انتباهي وحد الفكرة
وهي ظاهرة مش جديدة واللي تتعلق بـ " التحايل على القوانين"
والناس اللي حاطين رواحهم شاطرين ويكلحو فالدولة ولا في بعضهم البعض
نستقبل مكالمة وألو
ألو صباح الخير الشيخ، جمعة مباركة
علينا وعليكم أختي تفضلي
الشيخ حبيت نسقسيك،، كاينة وحدة حابة تطلق من راجلها باش تولي تسلك في دراهم تع باباها المتوفي
وقالت بعدما نولي ندي دراهم بابا نرجع نعقد مع راجلي مي بالفاتحة برك (يعني زواج عرفي)
وش الحكم تع هاد الأمر؟ والسلام عليكم
لا حول ولا قوة إلا بالله ، نجاوبك ان شاء الله ، ونستقبل مكالمة اخرى ألو
ألو السلام عليكم الشيخ ،، جمعة مباركة
علينا وعليك أختي تفضلي بالسؤال
الشيخ أنا سلفت دراهم لواحد وهو وعدني كي يدي حصتو من ورث باباه يرجعهملي
مي نهار ورث راح سجل كل ميراثو على أساس هبة لمرتو وولى ما يملك والو
ومين نقولو وقتاش ترجعلي أمانتي يقولي حتى نهار ينوب ربي
وأنا محتاجة عندي أولاد صغار
ما حاولتيش تلجئي للقضاء
والله يا الشيخ الدين راه موثق عند كاتب بالعدل
وعلاش ما رحتيش تشكي؟
حتى لو شكيت يا الشيخ ما يقدرو يديرولو والو كلشي باسم مرتو ما يقدرو يحجزولو على أي شيء
وزيد القانون الجزائري ألغى عقوبة الإكراه البدني يعني ما رح نربح والو
لا حول ولا قوة إلا بالله العلي العظيم
بون الإجابات تع الشيخ على أسئلة الأختين راهي واضحة
كل هذا لا يجوز سواء التحايل على القانون ولا تكلاح الناس بخدع كشفوها من الثغرات القانونية
هوما في بالهم راهم شطار وكلحو الدولة ولا كلحو بعضاهم :up: مي معلابالهمش بلي راهم ياكلو في مال حرام :down:
القانون الجزائري لما صرف منحة للمطلقة أو الأرملة تع باباها المتوفي خاطرش علابالو باللي ما عندها حتى مدخول ومكانش اللي يصرف عليها
كيفاش يا عجابا يا ربي عندك راجلك ملزم أنو يصرف عليك وعلى جالت زوج دورو تطلقي منو وتعاودي تعقدي بالفاتحة برك؟
أصلا دوكا القانون الجزائري يعاقب الأئمة اللي يهزو الفاتحات بدون عقد مدني
يعني إذا لقاو إمام يعقدهم راهم كي شغل تحايلو على القانون مرتين:down:
كاين بعض الناس يحبو الدراهم اللي تجي بالساهل:down:
على كل حال هاد الدراهم ما يباركش فيها ربي
وبالنسبة للحالة الثانية يعني والله كارثة
أنا شفت الراجل اللي يحقر الراجل ولا المرا اللي تكلح لمرا
مي عمري ما شفت راجل يطمع في ولية ،، ديجا نهار سلف من عندها راهي طيحة كبيرة
ونهار طالبت بحقها وليت تتهرب منها،، معليش اتهرب كيما تحب مي ما تقدرش تتهرب نهار توقفو بين يدين ربي ويسألك علاش كليتلها حقها؟؟
رح تقتص منك هاد المرة مش دراهم وإنما تاخذ من حسناتك وتعطيك سيئاتها
"يوم لا ينفع مال ولا بنون إلا من أتى الله بقلب سليم"
مش هادو برك الحالات اللي كاينين
كي كنت نخدم في مكتب الإعلام الالي (لحكاية هادي عندها تقريبا عامين)
جات وحدة حابة تماركي تقرا بالمراسلة
قاتلي راني عاودت العام (2 ثانوي) بمعدل 9.65 هكداك وحاوزني وكتبولي فكشف النقاط تنتقل إلى الحياة العملية
مي مبعد رجعوني نقرا وانا كوم عندي معدل 9 فوق الخمسين
والكشف حطولي فيه بلي محاوزة نقدر نماركي فالثالثة ثانوي بالمراسلة
قتلها وتقراي عالجيهتين :s
قاتلي ايه نورمال :d
قتلها وكون تنجحي بالمراسلة (تدي الباك) كيفاش ديري فالليسي؟ (انا ساذجة والله ههههه:d)
قاتلي: والله ما يعرفهم واحد باي باي
انا قعدت بلا راس والله مين كنت قدها ما نعرفش الطلعة مالهبطة:s
وهي ماهيش خايفة لا يفيقو بيها وتتحكم قادرة حتى تباصي نورمال
اي وي جيل مجلجل كيما قالها رؤوف خليف شي كبير يا عمرااااااااااي :d
دوكا إليكم الخط نخليكم تهدرو شوية على هاد الظاهرة
واللي فاتت عليه من قبل يحكيلنا بالاك نستفادو وما نتكلحوش
سلام
آخر تعديل:
