- إنضم
- 13 جوان 2011
- المشاركات
- 14,546
- نقاط التفاعل
- 19,274
- النقاط
- 971
- محل الإقامة
- الشرق و الغرب الجزائري
- الجنس
- أنثى
السلام عليكم ورحمة الله تعالى و بركاته
مرحبا بناس اللمة ،إن شاء الجميع يكونوا بخير
مكانش لي ميعقلش على الكارثة لي دارتها هذيك لي يقولولها الشابة سهام كي صرحت و قالت 5 جويلية هو شخصية : الشهيد 5 جويلية :s كاين بزاف لي دخله الشك في هذه الشخصية الغائبة عن قائمة الشهداء ، حاجة كبيرة اكتشاف عظيم قالوا راح يرشحوها لتنال جائزة نوبل للإكتشافات الشخصية :d و الطامة الكبرى معندهاش بزاف توفيت الأديبة أسيا جبار ربي يرحمها و يغفر ليها شخصية معروفة عند الأخرين عكس الجزائريين ، أستاذ قبل المحاضرة تكلم عليها في بضع كلمات حتى تسمع الطلبة يقولوا شكون هذي وينها بلاد :-o ، عيطلي واحد تعرفيها آمنة هذي لي راه يهدر عليها
و لي قالتلهم اسكتوا و أنا راح نغطيكم في حصة في النهار صريح جدا نتاع 5 شهداء و شهيدات وحد العبقور راهم يحوسوا عليه باه يكرموه هو تاني قالهم الشهيد هواري بومدين :down: بلا مننسوا لي فاتحين سيبار كنت نطلب من التلاميذ بحوث على الشهداء و على يوم العلم نعقل واحد جاي فرحان معلمة درت بحث حول الشهيد عبد الحميد ابن باديس ، قلتله البارح شاقرينا على يوم العلم ، تعرفنا على الشخصية أيا شاولا هذا الشهيد قالي مول السيبار قالي راه شهيد معلمتك متعرفش :sport01: و حكاية أخرى مديرة مدرسة متعرفش الأعياد الوطنية :down:كارثة تلقاه أستاذ و لا أستاذة ، طالب و لا طالبة ، طبيب و لا طبيبة و الثقافة عندهم 0
علاه منستغلوش الوقت في المطالعة ، في البحث ، في المعرفة ؟
علاه وقتنا غير تمسخير و شكيل في الشكيل ؟
صفحات في الفايس بوك عجب فالعجب : يما زوجيني ، هذا راجلي ماشي ........
أقوال هتلر، بايرة و أفتخر ، روما و لا نتوما ، علاه منلقوش صفحات نتاع ثقافة و إذا نلقوها نلقوها مهجورة اعجاب 1 و لا 20
طولت عليكم باينة نخليكم و اليكم الخط للتعليق :regards02:
آخر تعديل بواسطة المشرف:
