- إنضم
- 30 نوفمبر 2009
- المشاركات
- 4,286
- نقاط التفاعل
- 2,000
- النقاط
- 191
- العمر
- 31
- محل الإقامة
- سطيف
- الجنس
- أنثى
وآشْـ رآكمْـ ياناس اللّمة ؟
ان شآء الله تكونو لآباسـ
وصحّ ربيعكم
ههه عْلابالكم في الربيع حْنا عندنا في سطيف
نخدمو لمبرجة ولا لبراج والرفيس
ونشريو الحلوى
هيّا كليتـ شويْ بركـ ناضتــ ضرستي توجع
قتلتني وراكم علابالكمْـ بالْوجع نتاع الضرسة
آآآآآآآآي
قرّرتـ اليوم نروح نحّيــها
رحت الصباح دخلتـ عند dentist
قعدت على الكرسي نستنّا وقاعدة تواليـ مْرا كبيرة
مغطية على وجها في عمرها 50 سنة هكذاكــ
و أنا قاعدة نسمع في الـmusic نْتاع الشاب خلاص
حبيــبي انتي عمري و ..........
قاعدة نحوّس على مصدر الصوتـ
نشوف المْرا اللي توالي هي اللي مدايرة الزّردة
والكارثة واشنو هي؟؟؟
مكسْلة رجل فوق رجل على كرسي واحد
و مْريحة
كي شفتـ هذا المنظر تْشوكيتـ
ومبعدا فاتو زوج رجّالا شافوها وبداو يضحكو معاها
و متعجبين من القعدة اللي قاعدتها
وهي راهي ميتة بالضحك معاهم عاجبها الحال
قعدتـ حايرة فيهم والله عيبـ كبير
أنا حشمتـ في بلاصتها
والله يا أنا كي نديربرا كيتمان ننقّص في الصّوتـ
أصلا عدت نسمع غير الاناشيد الغنا يضعّف الايمان
ديجا هي واش قعدلها تسمع في الغنا
عادتـ الطفلة الصغيرة متربية خير من مْرا كبيرة
كي نشوف ناس كيما هكذا نقول الحمد لله اللي ربي فضّلني على ناس كيما هاذو و خلق فينا الحشمة و الحياء
هيا راني كثرتـ معاكم في الهدرة
ونتوما قولوليـ وآش رايكم في هاذي الظاهرة؟؟؟
واش يْليق لهاذي لمْرا؟؟؟
لوقيلا دبزة هههههه
هيا تهلاّو في ارواحكم
كانتـ معكم
fatima 19
fatima 19
آخر تعديل بواسطة المشرف:
