مرحبا ناس اللمة حبيت نشارككم اليوم بموضوع من الحجاب إلى الفيزو والستايل الخليجي
هاذ الظاهرة الغريبة على مجتمعنا كامل شفناها ولاحظناها والله حرت في بنات بلادي تقولك متحجبة وكلشي فيها باين والفيزو قاللهم أرقدي ربي ماقالش الحجاب سترة الشعر برك حتى الجسد يتستر
تقولك تحجبنا ولكن نقدرو نبينو لاطاي
يابنتي الله يهديك...
وهذاك الستايل نتاع الخمار قاللهم أرقدو تقول دايرين دلاعة على راسهم
ولا عندهم زوج رسان صراحة راهم فاتو قمة إيفرست
نصارحكم صح كنت كي نلوي شعري يعلى الخمار شوي خاصة أنو طويل وفي فصل الصيف ماكنتش نحمل نديرلو طوماطيشة ولكن مش نطلعو للسماء ذرك رانا نكبرو ونعرفو وليت نهبطو
كي سقسيت وحدة واش هاذ الجبل ألي في شعرها ضحكت وقاتلي لامودا
لامودا؟؟؟
مافهمتش الشعب كيفاه يخمم تقولك نعجب واحد ولا نصيد واحد مافهمتش :s
الله يهديهم
وكيما قال الرسول صلى الله عليه وسلم
ما معنى قوله -صلى الله عليه وسلم-: مائلات مميلات رؤوسهن كأسنمة البخت؟
هذا حديث صحيح رواه مسلم في الصحيح عن النبي -صلى الله عليه وسلم- أنه قال: (صنفان من أهل النار لم أرهما تيجان بأيديهن سياط يضربون بها الناس يعني ظلماً ونساء كاسيات عاريات مائلات مميلات رؤوسهن كأسمنة البخت المائلة لا يدخلن الجنة ولا يجدن ريحها، وإن ريحها ليوجد من مسيرة كذا وكذا)،فقوله -صلى الله عليه وسلم-: (مائلات مميلات)، فمعناه عند أهل العلم، مائلات عن الصواب عن الحق عن العفة والاستقامة إلى الفساد والفحش، مميلات لغيرهن إلى ذلك، فهن مائلات عن العفة والاستقامة إلى الفساد والزنا والفواحش وغير الحق، مميلات لغيرهن من النساء يعني يدعين إلى الفاحشة، ويتوسطن في الفاحشة، أما من فسر ذلك بالمشطة المائلة فهذا غلط ليس بشيء، الصواب أن المراد مائلات عن الحق، عن العفاف والاستقامة إلى الفساد وغير الاستقامة، مميلات لغيرهن من النساء عن العفة والاستقامة إلى الفساد، نسأل الله العافية. أما رؤوسهن كأسنمة البخت المائلة، هذه علامة لهن من علاماتهن تنصيب الرؤوس يجمعن عليها أشياء تضخمها وتكبرها وكأنها علامة لهن في بعض البلدان اللاتي تتعاطى هذه الأعمال السيئة.
مانيش عارفة رايكم فالموضوع خاصة المراهقات لأنو معظمه يتبعو هاذ الستايل الخليجي
مارأيكم في ما أقوله
كانت معكم شيماء
آخر تعديل بواسطة المشرف:
