فقدان النصيحة(مشاركة في المسابقة )

[سفيان اسلام]

بسم الله الرحمن الرحيم
اللهم صلي على نبيك محمد وعلى اله وصحبه

السلام عليكم
نشالله تكونو في تمام الصحة والعافية

اخوتي كاين ظاهرة في بلادنا رانا فاقدينها وهي النصيحة
عمري في حياتي مشفت واحد ينصح في واحد الا قليل
مثلا الشباب في هدا الوقت مخدرات الزنا الخ..من المحرمات
لاتجدون احد ينصح اخاه لا من قريب ولا من بعيد
لاتقولون انهم لايستمعون النصيحة انت بلغ والباقي على الله
هده كلمة طيبة تقولها له لمادا لاتصلي وان الدي تفعله حرام
وهو معصية ومثل الخمر انه ام الخبائث والزنا من اكبر الكبائر
ونخوفهم بالله انه شديد العقاب وانه غفور رحيم الخ.. من النصائح
وتكون بتاني وليست بخشونة بطراوة فالشباب الجزائري واعي والله
وهو افضل الناس في سمع النصيحة وعندما تتكلم يعطيك البال انه معك
ربي يهدي ليدعي انه مسلم ولا ينصح اخاه شكرا احترامي:regards01:



​

 

[السلطانة]

رد: فقدان النصيحة(مشاركة في المسابقة )

وعليكم السلام اعتماد س ريع للموضوع ولي عودة للتعقيب ان شاء الله​

 

[نجيب]

رد: فقدان النصيحة(مشاركة في المسابقة )

الشيء المهم هو نسمع لبعضنا حتى وان لم نقبل النصيحة


لازم نسمعوا لبعضنا و نتبادل الافكار حينها يأتي القرار



موضوع هادف اخي


بارك الله فيك

 

[Ra Off]

رد: فقدان النصيحة(مشاركة في المسابقة )

وعليكم السلام والرحمة

صحيت خويا سفيان ، ثقافة النهي عن المنكر تمسحت من عقولنا
الناس ولات هاربة من بعضاها مافهمتش خوف ولا عقلية تخطا راسي ..

ورانا كامل نعرفو باللي في الوقت هدا اللي ينصح قد يعرض حياتو للخطر .. ويجيبها في روحو
كل هذا لأن المنكر اصبح مباح وعادي

وبهذا ولّينا بعقلية القرود الثلاثة مزارو وككزارو ولوزارو
لا شفت لا سمعت لا هدرت

​

 

[اسماعيل22]

رد: فقدان النصيحة(مشاركة في المسابقة )

السلام عليكم و رحمة الله و بركاته
خويا موضوع النصيحة هذا
مكانش لي ماينصحش واحد الكل ننصحوا
راح تقولي كيفاه أنا نقوله ادا منصحهش في الخير راح ينصحه في الشر اللي بالنسبة ليه شطارة و حاجة مليحة
الاصح نقولو أننا منعرفوش ننصحو
يا ما شفنا ناس نصحت ناس بحكم أنهم يعرفوا يقدمو النصيحة و هلكوا عائلات و قرابات و صداقات الى غير ذلك
النصيحة هي أنك متسمعش لكلام أي كان
وكون قد مسؤوليتك و تعلم تتخذ قراراتك وحدك هكذا تتعلم تولي تتكل على روحك في هذي الدنيا
صحيت على الموضوع
ســــــلام​

 

[بنت الـ25]

رد: فقدان النصيحة(مشاركة في المسابقة )

يقولو ناس الشام
كانت النصيحة بجمل صارت النصيحة فضيحة:-o
المشكل انك تنصح بصح شكون يسمع
كي كنت نقرا فالليسي كانت تقرا معايا وحد الطفلة آية في الجمال
بقات موراها وحدة متجلببة تاني تقرا معانا وظلت تنصح فيها بالحجاب حتى هداها ربي وتحجبت في رمضان
العام المقبل دخلت تقرا الطفلة بدون خمار كامل تشوكينا كي قلنالها وعلاش قالتنا ما حملتوش سخانة
لا علينا جات هديك المتجلببة تنصحها وترهب فيها من عذاب ربي ...الخ
سيقت بيها لرض وسمع بيها القاصي والداني:down:
ارواح دوك انت وانصح:-o
مرة تاني كنت مع ماما برا شفنا جماعة يتضاربو بالحجر ما فهمناش السبب
ممبعد ظهر كان واحد ووحدة في زقاق ضيق وخالي يـ .....:down:
فات واحد من تما قالهم الشي لي راكم ديرو فيه عيب
وش دار؟ نصحهم ماخي:bravo01:
ايا ويدور ليه وانت وش دخلك ووش كلاك وطيطيطي وطاطاطا حتى قام الضرب والتراشق بالحجر:down:
دوكا الواحد فينا كي يشوف المنكر يخاف يهدر ويولي هارب بحلالة الروح

بالتوفيق في المسابقة:graduation:
​

 

[أم منيــــــر]

رد: فقدان النصيحة(مشاركة في المسابقة )

السلام عليكم
فعلا النصيحة رانا قريب ننساوها والرسول عليه الصلاة والسلام يقول "الدين النصيحة"
واليوم الناس ماراهاش تحب تسمع للنصح والله يجيب الخير
كي تهدر مع كانش واحد يقولك واش دخلك ويبق يزقي عليك حتى تندم لي حكيت معاه
الله يغفر لنا وخلاص
بارك الله فيك بالتوفيق ان شاء الله
​

 

[AmiR@RoRo]

رد: فقدان النصيحة(مشاركة في المسابقة )

السلآم عليكم
درك في وقتنا ما بقاتش النصيحة كل واحد يخاف على روحو
تجي تنصح وتقود للطريق الصح يتبلع الباب في وجهك بالعبارة الشهيرة
{ أنت واش دخلك } ويزيدو يسبو ويرجعو فيك انت الغالط
بقينا نشوفو المنكر بعينينا ونتحسرو غي فقلوبنا ما نقدرو نديرو والو
يعطيك الصحة اخي اسلام عالطرح​

 

[houssiiine]

رد: فقدان النصيحة(مشاركة في المسابقة )

معكم الحق

 

[~خفة روح~]

رد: فقدان النصيحة(مشاركة في المسابقة )

صح عندك الحق
النصيحة فقدناها بزااااااااااااف
في بلادنا
وحتى ولو كان واحد صغر منك ينصحك
شكرااااااااااااااااا -_*

 

[♫الباحثة عن الحظ♫]

رد: فقدان النصيحة(مشاركة في المسابقة )

سلام عليكم
مش قصة النصيحة مش كاينه قصة الا تنصح يقولولك واش دخلك
و الا نصحت تولي انت مش مليح
اذا ناس ما دخل روحها ما تجيب الهم تروح دير الخير ترجع انت القبيح
ربي يهدينا شكرا
​

 

[ثَسْكُورْثْ نَثْدُوكْلِي]

رد: فقدان النصيحة(مشاركة في المسابقة )

سلام عليكم خويا سفيان
موضوع هايل
وكيما نشوفو في وقتنا هذا النصيحة اصبحت مرفوضة بكل انواعها حتى ولوكان الواحد مختص في ضرب النصائح
كاين ليعتبرو النصيحة صح نصيحة
وكاين ليعتبروها راك تغير منو
وكاين ليعتبرها انتقاد
على كل في مجتمعا الجزائري بحكم الاغلبية متنرفزة ولاو مايقبلوش انصيحة
الله يهدينا للخير
بالتوفيق خويا
في امان الله

 

[الباندي]

رد: فقدان النصيحة(مشاركة في المسابقة )

النصيحة اضنها تاتي عفيا احيانا و هناك اناس لا يتقبلون النصائح و لغة التخاطب بيننا نحن الجزائيرين ناقصة شويا خويا سفيان

المهم ربي يهدينا و خلاص

مرسي عليك خيي

 

[أم لينة]

رد: فقدان النصيحة(مشاركة في المسابقة )

موضوعك مميز اخي شكرا ليك ، هذا راجع للشخص في حد ذاتو كاين لي ميتقبلش النصح حتى من اقرب الناس ليه كوالديه مثلا و الوسط لي عايش فيه ايضا يلعب دور اذا كان موالف يدير رايو وواحد مايدخل فيه حتى يكبر على هذي الاستقلالية المفرطة بلا رقابة .. اكيد مش راح يقبل النصح من اي كان .
و اهم شيئ اذا جينا نقدمو نصيحة نعرفو برك ويكتاش و كيفاش نقدموها خير ما تتحول لفضيحة.​

 

[BLEU PEARL]

رد: فقدان النصيحة(مشاركة في المسابقة )

السلام عليكم
شكرا على الموضوع جزاك الله خيرا صح شعبنا واع لكن يحتاج إلى التوعية لكن أين السلطة والمسؤوول يقولو لانحتاج النصيحة من مسؤول فاسد وهذا هو الأمر للأسف
شكرا لك​

 

[chr-ndj]

رد: فقدان النصيحة(مشاركة في المسابقة )

موضوع فى القمة و الله الزمن لى رانا فيه انعدمت فيه روح المسؤولية لا من قريب ولا من بعيد النصيحة تبقى الدواء الوحيد فى زمن كثر فيه الداااااااااااء و هى ممسؤولية كل واحد فينا تجاه الأخطاء لى راهى استنزفت اخلاق المجتمع .............موفق اخى و ربى يهدينا و يعمم النصيحة و ثقافة النصح مش التبهدايل و الفضح ​

 

[السلطانة]

رد: فقدان النصيحة(مشاركة في المسابقة )

عدت للتعقيب اخي

تاع الصح حنا شعب ناقص تاع الصح
في تقديم النصيحة
وتاني قادر يكون لي يقدم النصيحة ميعرفش يقدمها للشخص المعنى
وكاين تاني شخص تلقاه ميتقبلش النصيحة ويجاوبك ديراكت ب واش دخلك :s
تلقى روحك ندمان واش داك تهدر
ولكن تبقى النصيحة حاجة مفيدة ووصانا عليها ديننا الحنيف
انت انصح وكان تقبل الشخص راك تربح اجر وكان متقبلش ربي يسهل عليه
شكرا خويا بالتوفيق ان شاء الله
​

 

[@R@ZIK]

رد: فقدان النصيحة(مشاركة في المسابقة )

يعطيك الصحة خويا اسلام
موضوع قيم بدا يتلاشى في مجتمعنا
ربي يجيب الخير
احب لاخيك كما تحب لنفسك
بالتوفيق​

 

[nina ricci1]

رد: فقدان النصيحة(مشاركة في المسابقة )

النصيحة في مجمتعنا صارت تنصح ماتسلك

ربي يجيب الخير بالتوفيق

 

[stelllo]

رد: فقدان النصيحة(مشاركة في المسابقة )

كلام 100 100