حكايتي مع مدير الشركة...

[دعاء الجنات]

أول مرة نخدم في حياتي عندي 4 أشهر
ماكانتش عندي فكرة على الخدمة
والمعاملة مع الآخرين؛أول مقابلة مع المدير
كنت مع أخي وهذا الأخير يخدم معايا؛ هاذي
الحاجة لي مطمنتني....المدير غير شافني
وافق باه يدخلني رغم شهادتي ماشي
كبيرة
وكاين بزاف لي عندهم شهادات خير مني...
الحقيقة راهوم يشوفو على الزين وأنا الحمد لله
حاجة ماتخصني:graduation:سمحولي مانيش نشكر في روحي برك باه تفهمو قصتي....في المقابلة المدير ماكانش عارف
بلي أما مخطوبة...من بعد بديت نخدم
واعرف الحقيقة...
-الحمد لله مانيش سكرتيرة وحدي معايا وحدى
أخرى...في البداية كان يعاملني مليح
عادي في إيطار محترم..لكن مرات يبدا يقول لي
افسخي خطوبة...خطيبك خدمتو ماش مليحة
ومرة يقول لي مازلت صغيرة على الزواج
وأنا مانديرش هدرتو في بالي....حاول وحاول
مالقانيش كيما بعض البنات -مام مخطوبة أو متزوجة
تظحك مع لي يخدمو معاها وتحكي معاهم
أما أنا ف لا لي يحتاج حاجة أو خدمة نعاونو..
لكن غير ذلك فلا...
وفي يوم من الأيام....تغير معي 100ب
100 أصبح لا يكلمني ابدا وأي شيئ يحتاجه
يطلبو من السكرتيرة الأخرى ولما ما يلقاهاش يبطل
مايطلب والو
وأنا مرات يخبط الباب في وجهي وأحيانا يعيط
للفتاة لي معايا باه تخدم لو بعض الخدمة في البيرو الأخر باه يبين للخدامة الأخرين أنة مايحكيش
معايا
مانيش فاهمة واش ندير؟؟؟؟؟
​

 

[بنت الـ25]

رد: حكايتي مع مدير الشركة...

السلام عليكم
حكايتك يا ملاك بأدق تفاصيلها فاتت عليا
الفرق انو انا مين بديت نخدم ما كنتش مخطوبة
كان gérant مش حتى مدير ديما يقولي كون يجي يخطبك واحد مزوج تقبلي؟
هو كان يمعني على روحو باينة وتوجور يقولي مين نحكي معاك نصطراح (هو سطايفي)
وبحكم اني نتعامل بزاف معاه يحب ديما في وقت الخدمة يخرج من الإطار تعها ويحب يحكي فالأمور الشخصية بعبارة اخرى يدخاص مي انا ما عطيتوش الضو خاطر لعباد هادو يخوفوني
رغم انو حاج بيت ري وكدا مي جامي تغريت بهاد المظاهر
نهار سمع بيا تخطبت وشكون خطبني واحد يخدم معانا هبل
ولى يدير كيما تقولي انت بالضبط

100 أصبح لا يكلمني ابدا وأي شيئ يحتاجه
يطلبو من السكرتيرة الأخرى ولما ما يلقاهاش يبطل
مايطلب والو
ويخبط الباب في وجهي وأحيانا يعيط
للفتاة لي معايا باه تخدم لو بعض الخدمة في البيرو الأخر باه يبين للخدامة الأخرين أنة مايحكيش
معايا

مي انا أول مرة خبط عليا الباب كانت آخر مرة هزيت لمفاتح تع الكوفر وتع البيرو وقتلو اتفضل لامانة تعك
عيا يرطب ويبرر وبلي كان " حامق " مي انا كرامتي ما تسمحليش باش نخليه يتعامل معايا هكدا
ماهوش يصدق عليا راني نخدم بمجهودي والله كنت مشيتلو الخدمة كي الساعة
وبحكم البوسط اللي كنت نخدم حساس شوية حاكمة لاكاس و la comptabilité جامي راح دورو مالكوفر
وحتى مورا ما بطلت الخدمة بقى خذيبي يخدم تما قالي يهدرو عليك غير بالخير ومام الـgérant قالو ما نلقاش وحدة كيفها
المهم ربي رزاق ويقطع رزقك منا يفتحها في وجهك من بلاصة خلاف
بعد 3 اشهر ولا 4 عيطولي في وكالة اشهارية وراني دوكا نخدم في دومان تعي في بيرو وحدي مرتاحة 10/10
مول لاجونص جامي قلقني ولا لاحلي هدرة بالعكس هو ره غايب مي ملايكاتو على كتافي
والله نعم الناس

اختي إذا ما كنتيش مرتاحة فالخدمة حبسي وربي رح يرزقك ما احسن منها المهم انتي ما تقطعيش لياس
علابالي بلي راكي في فترة تحتاجي تجهزي روحك مي ربي هو اللي يعين مش لعباد

شكرا لك على مشاركتنا قصتك عزيزتي
تضاف لقائمة مواضيع http://4algeria.com/forum/threads/419250/#post5699968


​

 

[دعاء الجنات]

رد: حكايتي مع مدير الشركة...

-بارك الله فيك أختي مينات .أنا أيضا أفكر في الخروج...
لكن خفت الندم من بعد ؛ وأنا لا احب الندم...ولا شيئ
يضمن لي أني ساجد من بعد عملا..
​

 

[نجيب]

رد: حكايتي مع مدير الشركة...

هدا ربي هناك منو وانت تحوسي واش ديري معاه ؟؟؟؟


الله يسهل انت خدمي خدمتك و حكمي بلاصتك و شدي روحك


صراحة اختي متزعفش مني هدا كان يحوس يتحرش بيك و الله غالب محكمتلوش


علابيها راه يدير هاك معاك


اختي المعاملة بالمثل و انت تعرفي هدا مجرد راي


و الى شفتي العلاقة نتاع الخدمة راحت اتركي العمل فالشرف اكبر من العمل


و الله هو الرزاق


موضوع جيد لأننا مشاء الله الجزائر راهي معمرة بثل هد الحثالة و تلقاهم في مناصب كبيرة و هما مراض نفسيا بالتحرش.




تقبلي مروري و اسم عائلتك أكبر من الخدمة .



اه قبل ما ننسا انت قلتي بلي خوك يخدم معاك لوكان خوك يحس بلي المدير راه يعامل فيك كيما راكي تحكي


هدي كارثة مكانش لي يحب لختو هد الموقف فكري مليح قبل اتخاد اي قرار .

 

[chr-ndj]

رد: حكايتي مع مدير الشركة...

ربى يهديـــــــــــــــــــــــــــــــه و ربى معاك ختى .........نتى مادام راكى جايبة خبر وش راكى ديرى و عندك مبادئك الله لا يقلبو هادو هوما هاد الاصناف كونى كيما يخرج عليه لخال و الا ماكيش مليحة ....................شكرا على المشاركة موفقه حبوبتى ​

 

[دعاء الجنات]

رد: حكايتي مع مدير الشركة...

-شكرا لكم -الاخ نجيب ؛المدير عمرو ما غلط معي في كرامة....لانو كيما عرف عقليتي خلاص
انا تقلقت من المعاملة الأخيرة مايخدمنيش يطلب غبر من الفتاة الأخرى ؛وأنا نحب نخدم مانحبش نبقا هاكذاك...بصح لوكان راك تقول الشرف...راهوم حاولو ناس كبالر وماقدروليش حتى يقدر هو
غير الكرامة ىماعندهاش ثمن.