السلآم عليكمـ ورحمة الله وبركاته
أعزائي اللماوين والضيوف الكرام لولا حبي لكم وخوفي عليكم لما كتبت هذا الموضوع
بزاف من ولادنا يروحو يكرو سيارات باه يزهاو ويزوخو ويديرو ألي براسهم
راكم لاحظتو وراني متأكدة بلي ديما يجوزو عليكم شباب في سيارة إيبيزا ولا بولو ولا كليو المهم سيارة جديدة تجذب الأنظار ليها
وزيد الغناء وين يتسمع من طاطاوين
وهاذوك الطوموبيلات يحرقو فيهم ويكرطو وزعم يديماريو بيهم ديماراج أميريكان
والحفر هاذوك كيفاه يدخلو فيهم يالطيف قلبي يوجعني ناس تحوس تكسب غير سيارة يفرحو بيها وناس تحرق السيارة بيديها
وقيلا يديرو في بالهم راح يصيدو فتاة الأحلام
ولا راهم في سباقات النسكار
المهم كيما قلتلكم وألي تغيضني بزاف صاحب محل الكراء ليس الكل لكن معظمهم هدفهم الربح السريع كيفاه تمد سيارة لشاب معندوش رخصة ولا نوفو بارمي؟؟؟
في ولايتي ماعندهاش أسبوع سمعنا بلي ولد فا18 أو 19 سنة كرا سيارة ودى معاه حبيبتو 16 سنة وكان متهور فقد السيطرة على الطوموبيل طف حتى لقى روحو في حادث قاتل أب 05 أطفال وألي معاه تجرحت لقى روحو محكوم عليه هو وألي معاه وصاحب السيارة
وآخر سمعنا عليه كرا هو وصديقو وبداو يتسابقو بالسيارات عشى قاتل طفلة من الإبتدائي؟
وأصارحكم أنو خالي الأسبوع الماضي عمل حادث مرور في وهران بسبب تهوره والسيارة كانت مكرية هو نوفو بارمي وبتهوره فاق السرعة المحدودة 80 إلى 140
والنتيجة كانت كارثية رغم أنه لايحق له كراء السيارة أبدا...
خطأه التهور وخطأ صاحب السيارة حب الربح السريع
وكانت النتيجة أسبوع في المستشفى هو وصديقه مع كسور وآلام
وتشتت العائلة
ياخاوتي أنتوما تحبو تزهاو تجي في صحتكم ولكن الأهل والله يتحرقو عليكم
أنا بابا سيدو وخالي آخر طلعلهم السكر أمي وماني تغاشاو والدار ولات جنازة أسبوع والعائلة مشتتة ومن وهران للبليدة بعيدة بزاف يعني كانو يباتو فالسيارة معاناة والله
الأم ماتحملتش كي شافت السيارة وقالت ابني ميت
أنا نقوللكم حاذرو والله ماراهي لعبة
إذا مابكيتوش على رواحكم أبكو على ألي راح يتكواو عليكم
نخليكم مع نتيجة الحادث
والآن راه الحمد لله أدى درس وحلف مايزيد يسوق حتى يترزن مليح
نختم موضوعي بكلمة شكر للأخ سفيان إسلام والأخت عبير توينكل ستار والأخت ايمان من المدية وقفو معايا بزاف شكرا ليهم
أعزائي اللماوين والضيوف الكرام لولا حبي لكم وخوفي عليكم لما كتبت هذا الموضوع
بزاف من ولادنا يروحو يكرو سيارات باه يزهاو ويزوخو ويديرو ألي براسهم
راكم لاحظتو وراني متأكدة بلي ديما يجوزو عليكم شباب في سيارة إيبيزا ولا بولو ولا كليو المهم سيارة جديدة تجذب الأنظار ليها
وزيد الغناء وين يتسمع من طاطاوين
وهاذوك الطوموبيلات يحرقو فيهم ويكرطو وزعم يديماريو بيهم ديماراج أميريكان
والحفر هاذوك كيفاه يدخلو فيهم يالطيف قلبي يوجعني ناس تحوس تكسب غير سيارة يفرحو بيها وناس تحرق السيارة بيديها
وقيلا يديرو في بالهم راح يصيدو فتاة الأحلام
ولا راهم في سباقات النسكار
المهم كيما قلتلكم وألي تغيضني بزاف صاحب محل الكراء ليس الكل لكن معظمهم هدفهم الربح السريع كيفاه تمد سيارة لشاب معندوش رخصة ولا نوفو بارمي؟؟؟
في ولايتي ماعندهاش أسبوع سمعنا بلي ولد فا18 أو 19 سنة كرا سيارة ودى معاه حبيبتو 16 سنة وكان متهور فقد السيطرة على الطوموبيل طف حتى لقى روحو في حادث قاتل أب 05 أطفال وألي معاه تجرحت لقى روحو محكوم عليه هو وألي معاه وصاحب السيارة
وآخر سمعنا عليه كرا هو وصديقو وبداو يتسابقو بالسيارات عشى قاتل طفلة من الإبتدائي؟
وأصارحكم أنو خالي الأسبوع الماضي عمل حادث مرور في وهران بسبب تهوره والسيارة كانت مكرية هو نوفو بارمي وبتهوره فاق السرعة المحدودة 80 إلى 140
والنتيجة كانت كارثية رغم أنه لايحق له كراء السيارة أبدا...
خطأه التهور وخطأ صاحب السيارة حب الربح السريع
وكانت النتيجة أسبوع في المستشفى هو وصديقه مع كسور وآلام
وتشتت العائلة
ياخاوتي أنتوما تحبو تزهاو تجي في صحتكم ولكن الأهل والله يتحرقو عليكم
أنا بابا سيدو وخالي آخر طلعلهم السكر أمي وماني تغاشاو والدار ولات جنازة أسبوع والعائلة مشتتة ومن وهران للبليدة بعيدة بزاف يعني كانو يباتو فالسيارة معاناة والله
الأم ماتحملتش كي شافت السيارة وقالت ابني ميت
أنا نقوللكم حاذرو والله ماراهي لعبة
إذا مابكيتوش على رواحكم أبكو على ألي راح يتكواو عليكم
نخليكم مع نتيجة الحادث
والآن راه الحمد لله أدى درس وحلف مايزيد يسوق حتى يترزن مليح
نختم موضوعي بكلمة شكر للأخ سفيان إسلام والأخت عبير توينكل ستار والأخت ايمان من المدية وقفو معايا بزاف شكرا ليهم
كانت معكم شيماء
آخر تعديل بواسطة المشرف:
