حبيت نشكر القائمين على المسابقة
وليوم رح نشارك بموضوع أقل ما يقال عنه أنه كارثة في حق البشرية
هو كيما يقولو من الطابوهات اللي في مجتمعنا ومن الخطوط الحمراء
للأسف هاد الخطوط ولاو بزاف ناس يتجاوزوها لغياب الحياء ونقص الوازع الديني وقلة التربية وعوامل كثيرة ان شاء الله ناقشوها مع بعض
الموضوع يحكي قصة طفل يصرخ ليقول:
للأسف هاد الخطوط ولاو بزاف ناس يتجاوزوها لغياب الحياء ونقص الوازع الديني وقلة التربية وعوامل كثيرة ان شاء الله ناقشوها مع بعض
الموضوع يحكي قصة طفل يصرخ ليقول:
بموضوعي هدا وليوم حبيت نكسر حاجز الصمت ونحطو هاد الظاهرة على الطاولة ونتباحثو في مسبباتها
هاد الظاهرة هي:
رمي الرضع غير الشرعيين
(آسفة على بشاعة الصورة)
من أسبوع كنت نتعشاو حتى نلقاو اخي الصغير فتح سيرة
قالنا : حقا أنا وصاحبي قبيل لقينا بيبي فالمزبلة اللي بحذا لا سيتي تع لبنات
كنا نتمشاو حتى نسمعو صوت بيبي يبكي تبعنا مصدر الصوت لقيناه خارج من المزبلة (أكرمكم الله)
وصلنا لقينا حقيبة كي فتحناها لقينا رضيع شارق من البكاء على الأغلب جائع
هزو الطفل صاحبي وداه لامو دارتلو شوية حليب وممبعد ديناه لمركز الشرطة وهوما بدورهم داوه للمستشفى
:*:*:*:*:
:*:*:*:*:
انا قعدت بلا راس
هاد الظاهرة كنا نسمعو عليها غير في الجرائد مي مكانتش شايعة بهاذ الطريقة الفاضحة
دوكا كل يوم كل ما تهز جوغنال تلقى فيه
أنا الحاجة اللي ما قدرتش نفهمها كيفاش أم تتخلى على البيبي تعها؟
هو صح ثمرة خطيئة ولكن انتي اللي جبتيه لهاد الدنيا ما جاش وحدو؟ كيفاش طيشيه؟
وشمن قلب عندهم يا ربي؟
نورمالمو التسع اشهر اللي هزيتيه في كرشك راكي ربيتي عليه الكبدة؟
نتذكر حادثة الرضيع ليث اللي اتسرق من المستشفى الجامعي بقسنطينة من مدة
رغم انو عندو غير 15 يوم مالي زاد امو شعرة وهبلت عليه
نعتوها فالتيلي تَحْبو على يديها وهي مدايرة عملية قيصرية كي سمعت بحادثة الاختطاف
دموعها ما نشفتش وهي تناشد فاللي سرقوه باش يرجعوه وراهي مسامحتهم
وفي المقابل تلقى وحدة ما عندها لا ضمير لا حس بالمسؤولية ترمي فلذة كبدها اللي مزال ما شاف من الحياة أي شيء
وتخليه ما تدري عليه لا عايش ولا كيفاش عايش
الظاهرة هادي عندها انعكاسات على المدى البعيد؟ سواء على الفرد ولا المجتمع
وش مستقبل هاد الرضيع؟ هل لو كان مولود في عائلة وبطريقة شرعية كيفاش رح تكون حياتو؟
هل رح يكون انسان صالح رغم انو لقيط ولا رح ينحرف كنتيجة حتمية؟
كيفاش رح يكون المجتمع بوجود كل هاد الاطفال اللقطاء واللي ما عندهم اللي يربيهم ولا اللي ينعتلهم الصح من الخطأ؟
نتائج كارثية على جميع الأصعدة والسبب لا مسؤولية من طرفين ذكر وانثى ولحظة ضعف قضت على حياة طفل
اليوم حبيت نتناقشو حول :
شكون هو المسؤول عن هاد الانفلات؟
شكون هو المسؤول عن هاد الانفلات؟
علاقات غير شرعية، وحمل غير شرعي، وابناء غير شرعيين ثم تخلي عنهم بكل بساطة
هل هي الفتاة اللي ما صانتش نفسها وخانت ثقة اهلها؟
أم هم الأهل اللي ما عرفوش يربيو بنتهم على التمسك بالاخلاق وحتى ولو كانت بعيدة عليهم يحكمها أصلها؟
أم هو الذئب البشري عديم الشرف اللي يتعدى على أعراض الناس بكل وقاحة؟
نتمنى تشاركوني النقاش
في امان الله
كانت معكم مينآت
كانت معكم مينآت
