كـرسـي التعآرف { الضيـف السادس} Ra Off

[أم منيــــــر]

يــســرنــا نــحــنــ في منتدى اللمة الجزائرية ..
وفي منتدى أهنا فرغ واش كاين فى قلبك
أن نفتح بوابة التعارف والتآلف الذي سيجمع الأعضاء والمشرفين والمراقبين تحت سقف واحد
أو فوق كرسي واحد
هو

فكــرة الموضوع
وهي أننا سنصطاد في كل مرة
عضوا من أعضائنا الكرام كضيف شرف ليجلس على الكرسي
لمدة أسبوع
وسيقوم الأعضاء بطرح أسئلة على الضيف لغرض التعرف أكثر عليه وعلى شخصيته وأفكاره

ملاحظات
-عدم طرح أسئلة محرجة للضيف
-للعضو الضيف الحق في عدم الرد على الأسئلة التي لا يريد الاجابة عنها
- في حال كان الضيف غير متصل توضع الاسئلة في الموضوع ليجيب عنها عند اتصاله وعودته للموضوع
ولكل ضيف بعد أن ينتهي من الإجابة أن يعين ضيفا آخر وهكذا دواليك




في الأخير أملنا أن نرقى بالمنتدى ونصل رباط الأخوة بين جميع الأعضاء
كأسرة واحدة

تقبلوا تحياتنا ومرحـــــبا بالجميع


واليوم قد اختار لكم نجيب عضوغامض سنكشف غموضه مع بعض ونتعرف عليه عن قرب انه الفنان المبدع
Ra Off



شكرا لقبولك الدعوة أهلا وسهلا بك :regards01:
​

 

[بنت الـ25]

رد: كـرسـي التعآرف { الضيـف السادس} Ra Off

السلام عليكم ورحمة الله وبركاته
صباح الخير ام منير ، شبيه نجيب خاف يحط الموضوع خخخخخخخ
بون: مرحبا بالضيف الكريم نتمنى تعجبك القعدة في كرسي التعارف
وتخلي الأعضاء يكتشفوك اكثر وأكثر
ما تخيلتش روحي نقول هاد الكلام لكنك فعلا نورت اللمة بعد طول غياب
فأهلا ومرحبا بك
تم تثبيت ... متابعة للموضوع
​

 

[نجيب]

رد: كـرسـي التعآرف { الضيـف السادس} Ra Off

أهلا أخي و صديقي و مرحبا بك على كرسي الاعتراف

بالامس رحبنا بك بما فيه كفاية

بالامس فقط كنت صديقي

الان انا لا اعرفك

انا مع الاعضاء في كل اسئلتهم

فبالله عليك لا تستعمل دكائك معنا و اعترف عن جرائمك هههه



اسمك الحقيقي ؟؟


العمر؟؟؟


مستواك الدراسي ؟؟


كم عدد ضحياك في الجامعة ؟؟؟


متزوج و لا نشفولك عروسة ؟؟؟



نكتفي بهد القدر و درك نرجع راني هنا واقف عند الباب.​

 

[ام اشراق]

رد: كـرسـي التعآرف { الضيـف السادس} Ra Off

السلام عليكم ورحمة الله وبركاته
اهلا بيك اخى رؤوف فى كرسى الاعتراف يا سيدى الدنيا كامل راهى تحلف فيك هههه حكيم نسجولوا
برنوس ونجيب برنوس وعمامة وانت يادرا شراهم معولين معاك ربي يكون فى العون هههه
نرحب بيك مرة ثانية واسئلتى هى
1 هذا الفن اللى تقوم به هواية او داخل فى مجال عملك
2 كم تستغرق من الوقت لصناعة بطاقة مثل التى صنعتها لنجيب
3هل لك علاقة بالادب والشعر
4 هل تمارس الرياضة
5هل تحب دخول المطبخ
6هل تساعد فى شؤون البيت
7 هل تحب البحر وماذا يعنى لك
ان شاء الله مانكونكش كثرت عليك بالتوفيق ان شاء الله عليك
عليك وعلى ترموس قهوة كحلة براسيتامول وكثر من الادعية نجيب راه عند الباب والبقية ذوك تلحق ههه
شكرا

 

[اسماعيل22]

رد: كـرسـي التعآرف { الضيـف السادس} Ra Off

السلام عليكم ورحمة الله تعالى وبركاته

وأخيرا أعزائنا الكرام اللحظة التي إنتظرناها بفارغ الصبر
الأخ رؤوف أهلا و سهلا بكم على الكرسي الذي طال إنتظارنا لك فيه

الأخ رؤوف ماهو شعورك بعد ما حقت حلم الطفولة وراك تتواجد في كرسي اللمة ههه ؟
يقال الكثير من الأطراف هاجماتك و قضية الإستمارات اللي نحرقت في أرشيف المواضيع المكررة و المخالفة كاينة منها و أخرى قالو بلي تسرقت و راهي دور في منتديات أخرى كاينة منها ولا لا؟
أحكيلنا على بدايتك في المنتدى الكل يعلم أنك تمشيت 48 ولاية أه قصدي كل الأقسام و تعرفت على شباب ويقولو أنك صديقهم الكل هل هذا صحيح؟ ورأيك فيهم ؟
أخبرنا عن رؤوف صغره ،كيف كبر ،مستواه الدراسي و عمله إن كان يعمل ؟
هوايات رؤوف؟
رؤوف من يحب أكثر الأم ام الأب ولماذا؟
رؤوف حاد الطباع أم متواضع رزين هاديء؟
إجتماعي أم وحداني؟
متزوج خاطب ولا مازال تعيش الشباب؟هههه

نكتفي بهذا القدر مازال الخير القدام
​

 

[AmiR@RoRo]

رد: كـرسـي التعآرف { الضيـف السادس} Ra Off

السلآم عليكم

آهلآ ببيك روروروروف هههه شحال ستنينا هاد النهار
اهلا بك على كرسي الجمر كما سماه نجيب
شد الهمة راني نوجدلك فسيري تع الاسئلة رانا حالفين فيك ههه
ربي يكون فالعون ​

 

[السلطانة]

رد: كـرسـي التعآرف { الضيـف السادس} Ra Off

وعليكم السلام

قلت المرة هادي نزرب قبل مايفوتوني الاعضاء بالاسئلة شوي لقيت نجيب واسماعيل تهلاو في الحالة ههه :p

اهلا وسهلا بالأخ رؤوف

جاري العزيز

-علاش زمان كنتي داير اسمك جوكر وبعدها بدلتيه ؟
-واش تحب تاكل ؟
-شحال عندك من اخوة ؟
-المقرئ اللي تحب تسمعلو ؟
-سورة اقرب لقلبك في القرآن؟
-حلم مازالت تحلم باه تحققو؟
-واش رايك في الحجاب تاع اليوم ؟
-كيفاه تحب اختك او مرتك تكون لابسة حجاب ؟


:graduation::graduation::graduation:نتمنى تكون اسئلة خفيفة

 

[AmiR@RoRo]

رد: كـرسـي التعآرف { الضيـف السادس} Ra Off

بسم الله نبداو

ادا تقرا واش تخصصك + السنة ؟وادا خدام نوع خدمتك ؟
ترتيبك فالعايلة ؟
شحال عندك اخوة ؟بنات وولاد
بلاد متمني تزورها ؟
اجمل فترة مرت عليك ؟
حكمتك في الحياة ؟
فالحالة الاجتماعية حاط انك خاطي .. تع صح خاطب ولا غي باش تبعد الذبان ؟هههه
روروروف من النوع لي فقلبو على لسانو ولا كتوم ؟
آخر مرة تضاربت مع شي واحد ؟
زرت تلمسان ولا جامي ؟
وش هما الولايات لي رحتلهم ؟
شفت من تعليقاتك انك شخصية مرحة هكا حتى فالواقع ولا غي هنا ؟
​

 

[نجيب]

رد: كـرسـي التعآرف { الضيـف السادس} Ra Off

راني خايف الى ضحك علي كيما فقير ضحك على روراوة رايح نحوس عليه بلاك راح منتدى أخر​

 

[AmiR@RoRo]

رد: كـرسـي التعآرف { الضيـف السادس} Ra Off

هههههه
ياويله ويكون دارها
شكيت يكون خايف يدخل يلقى الصدمة
بلاك راه عاد يدعي ويصلي صلاة الاستخارة​

 

[آمِيْرَتُه]

رد: كـرسـي التعآرف { الضيـف السادس} Ra Off

السلام عليك
الله الله شكون الضيف هههه روفو

آهلا بيه راه منور ههه القعدة ليوم يسلخوه

الأسئلة :

شكون لي خيرلك الدومان نتاعك أنت و لا الأهل و لا جات صدفة ؟
الألوان لي تبغيها ؟
الأكلة لي تبغيها ؟
حكمة تؤمن بيها ؟
سورة قرأنية تعني لكَ؟

و أكيد راح نرجعلك ههه

 

[Djamel.Dz]

رد: كـرسـي التعآرف { الضيـف السادس} Ra Off

السلام عليكم
أهلا بضيفنا رؤوف
ما نكثرش على صديقي الأسئلة

- درست الهندسة المعمارية عن قناعة و لا المكتوب هو اللي خلاك تقراها ؟؟
- من Jocker http://4algeria.com/forum/members/1815/ إلى Ra Off واش هو اللي تغيــر ؟؟
- نوع لباسك المفضل ؟؟
- هل أنت من هواة المطالعة ؟؟
- فريقك المفضل ؟


​

 

[أم منيــــــر]

رد: كـرسـي التعآرف { الضيـف السادس} Ra Off

راني خايف الى ضحك علي كيما فقير ضحك على روراوة رايح نحوس عليه بلاك راح منتدى أخر​

عندك الحق نجيب راه يبان ما ظهرش :d
الله يسلكها على خير
يلا دارها صح نهربو انا وياك من المنتدى حتى يكمل الاسبوع ونرجعوا:$:$
​

 

[Ra Off]

رد: كـرسـي التعآرف { الضيـف السادس} Ra Off

هاني جيت هاني جيت هههه
سامحوني اجماعة ساعات ظروف العمل ما تخلينيش نرد عليكم في النهار
شدو الصف برك نرد عليكم كامل بالواحد ما نخلي حتى حرف يفوت

أولا وقبل كل شي
نشكركم من من البطين تع قلبي على هاد الحفاوة وما تعرفوش شحال راني سعيد بلقائكم اليوم

نشكر أختي الكريمة أم منير اللي طرحت الموضوع وفتحت الجلسة

نبداو باسم الله

​

 

[Mr mino]

رد: كـرسـي التعآرف { الضيـف السادس} Ra Off

Ra Off
El artista del mundo

تَحِيَّةُ كَبِيرَةٌ لَكَ حَفَّظَكَ اللَّهُ وَرِعَاكَ​

 

[أم منيــــــر]

رد: كـرسـي التعآرف { الضيـف السادس} Ra Off

نجيب ادخل ما كان لاه تحشم هاودا رؤوف دخل مادارش كما فقير
الحمد لله خرجت سلامات هههههه
​

 

[Ra Off]

رد: كـرسـي التعآرف { الضيـف السادس} Ra Off

السلام عليكم ورحمة الله وبركاته
صباح الخير ام منير ، شبيه نجيب خاف يحط الموضوع خخخخخخخ

​

وعليكم السلااااام ورحمة الله وبركاته
صباح الخير ام منير ، شبيه نجيب خاف يحط الموضوع
خخخخخخخخ
نعكّي عليك برك

بون: مرحبا بالضيف الكريم نتمنى تعجبك القعدة في كرسي التعارف
وتخلي الأعضاء يكتشفوك اكثر وأكثر
ما تخيلتش روحي نقول هاد الكلام لكنك فعلا نورت اللمة بعد طول غياب
فأهلا ومرحبا بك
تم تثبيت ... متابعة للموضوع

بون : شكرااا تع الصح ونوّر الكرسي بوجودكم
مام أنا .. فبيك أهلا وسهلا وربي يحفظك نشلله

يعطيك الصحة مشرفتنا الكريمة
​

 

[Ra Off]

رد: كـرسـي التعآرف { الضيـف السادس} Ra Off

أهلا أخي و صديقي و مرحبا بك على كرسي الاعتراف
بالامس رحبنا بك بما فيه كفاية
بالامس فقط كنت صديقي
الان انا لا اعرفك
انا مع الاعضاء في كل اسئلتهم
فبالله عليك لا تستعمل دكائك معنا و اعترف عن جرائمك هههه

​

وبيك الف مرحبا صديقي نجيب
يا خويا نشكرك شكر خاص أنت بالذات
( ماشي رشوة ) لكنها من القلب

فعلا ذكاءك وحيويتك خلاوني نتبعك ونعرف شكون هو نجيب
ربي يباركلك


اسمك الحقيقي ؟؟
عبد الرؤوف ويعيطولي رؤوف

العمر؟؟؟
من مواليد 06 سبتمبر 1985
يعني 29 سنة و قريبا ندخل في العقد 3G+

مستواك الدراسي ؟؟
مهندس معماري ( باك +5 )

كم عدد ضحياك في الجامعة ؟؟؟
هنا بدا اللعب الواعر ههههه
واش تقصد بالضحايا ؟ اذا كان بنات فأنا من كان ضحية
في البدايات ومن ثما ماعرفت حتى وحدة

متزوج و لا نشفولك عروسة ؟؟؟
لالا مزال ان شاء الله
عطيت كلمة برك ( شبه خطبة )


نكتفي بهد القدر و درك نرجع راني هنا واقف عند الباب.
أيا مليح بداية خفيفة نتمنى تكون مقتنع بالأجوبة والله العظيم اسمي رؤوف هههههه
​

 

[أم منيــــــر]

رد: كـرسـي التعآرف { الضيـف السادس} Ra Off

القعدة مطولة ريح راسك بفنجان قهوة

من بعد نجيبو لعشا لاخاطر انت منا ما راكش متحرك حتى تجاوب على كل الاسئلة
​

 

[Ra Off]

رد: كـرسـي التعآرف { الضيـف السادس} Ra Off

السلام عليكم ورحمة الله وبركاته
اهلا بيك اخى رؤوف فى كرسى الاعتراف يا سيدى الدنيا كامل راهى تحلف فيك هههه حكيم نسجولوا
برنوس ونجيب برنوس وعمامة وانت يادرا شراهم معولين معاك ربي يكون فى العون هههه
نرحب بيك مرة ثانية واسئلتى هى

وعليكم السلااااااااام اختي نور الهنااااا .. يعيشك شكراااااااا الف شكر
هههههه ربي يستر برك باينة الموضوع هذا نخرج منو هاك

​

1 هذا الفن اللى تقوم به هواية او داخل فى مجال عملك
تقدري تقولي في زوج .. وزاد طحت في مجال يساعد على تطويرها
أنا من صغري كانت عندي ميول للرسم وكل ما هو فن والحمد لله راني كل يوم نتعلم ونتطور

2 كم تستغرق من الوقت لصناعة بطاقة مثل التى صنعتها لنجيب
التفكير في فكرة هو ما يأخذ حصة الأسد .. بعدما نرسم المخطط في دماغنا خلاص .. التطبيق ما ياخذش وقت كبير
وبطاقة الأخ نجيب .. خذات مني وقت في اعادة قراءة الأسئلة والأجوبة وتصور السيناريو .. أما التطبيق فأخذ 3 ساعات بالأكثر


3هل لك علاقة بالادب والشعر
لا علاقة .. لكنّي أحب التأمل في بعض الكتابات .. أما باش تقوليلي أكتب خاطرة ولا شعر هههههه عمرك ما رح تفهمي واش راح نكتب لأني انا ومش رح نفهم


4 هل تمارس الرياضة
نعم لكن ليس بانتظام .. وبقيت غير حاكم في بعض الماتشات تع كرة القدم كي نتلاقاو مع صحابي ... أما البقية فمتذبذب شوية سباحة فالبيسين وشوية حديد فلا صال وساعات فوتينغ في الطبيعة

5هل تحب دخول المطبخ
نعرف نفيض لحليب ونقلي عضمة ... البقية نروح ناكل لبرا خير

6هل تساعد فى شؤون البيت
نعم أكيد .. كنت شوية فنيان وطائش قبل مي من يوم مرضت يما الله يشفيها راني نساعدها في كل شيء ( ما عدا الطبخ الله غالب )

7 هل تحب البحر وماذا يعنى لك
البحر يعنيلي التأمل والتفكير بعمق .. لكني لا أحب التأمل فيه كثيرا لأنه يفكرني في أحزاني


ان شاء الله مانكونكش كثرت عليك بالتوفيق ان شاء الله عليك
عليك وعلى ترموس قهوة كحلة براسيتامول وكثر من الادعية نجيب راه عند الباب والبقية ذوك تلحق ههه
شكرا


هاني جبت التاي باينة عندي ما نخدم الليلة ههههههه شكرا مرة اخرى اختي نور الهنا مرحبا بيك في كل وقت