حملة بروبلام تاع ارادة برك-تجمّع خاص بسيدات وآنسات المنتدى-ريجيم مجربّ-

[السلطانة]

بون حبيت نتقدّم فكرة
بعد ماشفت في مجتمعي ظاهرة كارثية
بحثت وشفت من أشهر
قبل مانحطلكم هاذ الموضوع

حبيت من خلال هذا الموضوع نساعد أخواتي
لي راهم يعانيو من السمنة
وخاصة هذا الأخت

زيادة وزني

ياريتها تسجل معانا
وتشارك وتستفاد
بليز ياريتك كي تشوفي الموضوع اختي تسجلي معانا اهلا وسهلا بيك
وباه نشجعك اكثر عندي خالتي كانت توزن قنطار و15
يعني تقريبا قدك بعد 3 اشهر راهي 81 كيلو

يعني انتي تاني تقدري تنقصي في الوزن وتصيري رشيقة ماكانش حاجة مستحيلة


المشكلة لقيتها انو حنا شعب ميعرفش ياكل :smile02:
والنساء تاعنا او البنات لانو كاين بنات سمينات قبل الزواج
وبعد الزواج
يفرطو وحتى الرقيقة قادرة تفرط في السمنة كون متوقفش لروحها :thumb_up02:

نزيدكم في زيارة عائلية لقريباتي تشوكيت الصراحة

لي كانو رشيقات صارو هك

عن نفسي قبل شهر كنت حاسة روحي اني تخنت شويا
معليهش وزنت لقيت 69 كيلو
ياالهي ماهذا !!!
يعني انا لي كان وزني مايتعداش 60:love01: وصل هك
وبعد مانجيب ولاد كيفاه راح نولي
وراح بالي لشكل قريباتي
وبديت نتخايل :bravo01:
ويادلالي خاصة انو زوجي ميحبش المرى السمينة
اكيد راح نهبل ونجنّ

وبعدها بديت نحوس على نوع ريجيم وواش ندير ووووو

أول حاجة قنعت بيها روحي

انو الحل بيدّي أنا
:graduation:

انا لي نقول لجسمي تاكل الحاجة الفلانية وماتكلش الحاجة لفلانية
وضبطت برنامج واكيد لازم معاه رياضة لأنو الريجيم بلارياضة مايفيدش

بعد بسم الله الرحمان الرحيم

هذا البرنامج لي مشيت بيه :

هذا البرنامج يقوم على شرب لترين ماء يوميا
(يعني تقدري تخصص الكمية تاعك وتحطيها على جنب باه تتأكدي بلي شربتي لترين في اليوم )

ممارسة الرياضة
+
شرب ماء دافي كل يوم على الريّق
قبل تناول اي وجبة
+
اتباع النظام الغذائي التالي :

الافطار : 2 او بيضة مسلوقة +نصف رغيف خبز منزوع اللبابة ولي تقدر تطيب الخبز العربي يكون افضل
الغداء :صدر دجاجة مشوية أو يعوّض ب :
لحم منزوع الشحم أو سمك
يعني تختاري نوع واحد فقط

أو : علبة تونة مصفاة من الزيت + حبة طماطم+نصف رغيف خبز
+فاكهة او علبة ياوورت

العشاء : سلطة بعصرة تاع ليمون +فواكه (الفواكه ركزي على التفاح وابتعدي عن الموز نحيه طول لأنو ينفه البطن )
او تقدري تعوضيها بالبيض المسلوق

الممنوعات :

-السكريات بأنواعها (الحلويات والشوكولاطة وماتبعها والكيكات ياعاشقات قناة سميرة :p)

-النشويات مثل :الأرز والخبز والبطاطس

-بعض أنواع الفواكه :الموز والعنب والفواكه المعلبة
-المشروبات الغازية
-الوجبات السريعة كالبيتزا والشاورما
+النوم بعد الأكل مباشرة
-الجبن بأنواعه (غير لاحبيتي مرات تكسري الروتين تعشاي بالجبن لي يكون مسوس مافيهش ملح )

-العدس واللوبيا والحمّص يعني الحبوب باختصار
لأنها تساهم في انتفاخ المصران الخشين وخروج البطن :tongue02:
-الابتعاد عن المقليات وخاصة البطاطا المقلية لي راهي عشعشت في بطن الجزائريين :p


المسموح :
-اكل وجبة واحدة بين كل وجبتين خفيفة مثل :تفاحة مع ماء
أو كوب قهوة او شاي
-المشي ولو لنصف ساعة يوميا
-كون تسخفي على حاجة مثلا
الارز : هزي منو غير 8 حبات


الرياضة :

أهم حاجة
في الصباح بعد الافطار
المهم افتحي اليوتوب
اكتبي فيه حركات رياضية
او رقصة الزومبا
وابداي ديري كيما يديرو المدربات لي تما
تلقاي ساعة او ساعتين خلاصت بلاماتفيقي :thumb_up02:
وقبل ماتبديا في الرياضة تشربي الماء
قبل بنصف ساعة

وتقدري تاني تنطي على الحبل
لمدة ربع ساعة واكثر

راح تكسري الدهون وتتهناي

وتاني مرات نشرب مشروب الماء الدافي بالزنجبيل

بعد وجبة الغذاء والعشاء

ومتقولوليش حارّ :tongue02:
لأنو جاني حار في المرة اللولة بعدها والفتو


وهكذا تخلصت من08 كيلو في 25 يوم

ان شاء الله الامر يروق زوجي :love01::love01::love01::love01:

الآن نكمل معاكم هاذ البرنامج

باه نوصل ل 50 كيلو

ونحبّس
ومنها نتعلم كيفاه ناكل
ماش اي حاجة ناكلها برك
ونقول منين جاتني هاد السمانة ؟
راني مانكلش خلاص
:graduation:
يعني راح يكون تحدّي كبير من اليوم حتى قبل شهر رمضان ان شاءالله

ولي حابة تشارك معايا تتفضل
راح نشجعكم ونساندكم
والحاجة كي تكون في جماعة راهي تحلى


ملاحظة هااامة

البرنامج لا يخص الحوامل والمرضعاتخاص فقط بالاخوات اللي ماعندهمش مشاكل صحية مزمنة ............لذا اخلي مسؤوليتي من اي استعمال خاطئ للبرنامج.

طريقة سير الموضوع :

-كل وحدة مشاركة معانا تجي تقول راني مسجلة وتكتب وزنها وطولها والوزن لي حابة توصل ليه.

-وكل يوم تكتبلنا واش كلات
الموضوع هاذا راح يخلي المرى او البنت لي تحب تاكل بزاف تنضبط وتتفكر بلي عندها حد توقف عندو .

-تاني لي عندها استفسار تقدر تحطو هنا وحنا نعاونوها


راح نبدى انا :

وزني الحالي 62 كيلو
طولي : 1.62
الوزن المراد الوصل اليه :50 كيلو ان شاءا لله

حكمتي :
حابة نحافظ على جسمي ومظهري
وناكل أكل صحّي ونعمل رياضة ونغيّر نظام حياتي

جاي الصيف اتفكري سيدتي آنستي روحك
كي تجي تحبي تلبسي حاجة ومتقدريش بسبب جسمك
وتصوري زوجك يبدى يقارن فيك بعارضات الازياء
وانتي الحل باختصار بيدك فقط .

مالا شويا ارادة مع تطبيق راح توصلي باذن الله
:regards01:

في الأخير اذا كان التفاعل كبير

راح نكرموا الاخوات المشتركات اكيد

بأوسمة وجوائز
​

 

[السلطانة]

رد: حملة بروبلام تاع ارادة برك-تجمّع خاص بسيدات وآنسات المنتدى-

حالياً الأعضاء النشيطين الذين يشاهدون هذا الموضوع : 7 (1 عضو و 6 ضيف) ‏ساندريلا زماني

سجلوا وشاركو معانا

ماش عيب كي تكوني سمينة

العيب كيما ماتبذليش جهد باه تغيري من نفسك وتعيشي حياة هانية

ومتصبريش روحك بكلمة : راني مليحة وانا سمينة

راهم يكذبو عليك


في انتظاركنّ
​

 

[بنت الـ25]

رد: حملة بروبلام تاع ارادة برك-تجمّع خاص بسيدات وآنسات المنتدى-

فعالية ممتازة شوشو نحييك عليها وعلى نشاطك المنقطع النظير
فعلا مشكل السمنة صار يؤرق الكثير من السيدات والآنسات
وعندهم الحق
خاطر السمنة من جهة تسبب الأمراض والعقد النفسية
ومن جهة تبين بلي الفتاة أكبر من عمرها
أنا والحمدلله راضية تمام الرضى عن وزني
انا طولي 1.64 تقريبا ووزني من أسبوعين لقيتو 62
يعني متناسب مع طولي
واللي يشوفني يشك بلي راني 26 سنة
(مرة تبعني واحد وجابها ايامات وهو ورايا وحد نهار حكمتو قتلو شوف يا ابني تزيد تبعني تشوف
قالي: ابني؟ علاش شحال في عمرك؟
قتلو 25
قالي سامحيني ختي والله حسبتك 16 هههههههههههههههههههههه)
أما وزن الخمسين يا شوشو ما شكيتش تجي فيه البنت باهية خخخخخخخخ
خاطر انا في أنحف حالاتي اللي كانت رمضان الفارط كنت نوزن 53
تشوفيني تتخلعي ، رقيقة رقيقة وشاربة ومشيانة ههههههههه
مي بالشوية وصلت للاطاي لي حابتها
اومرا كي نلبس حاجة نجي فيها باهية ههههههههه:bravo01:
انا أصلا في طبعي منحبش اللحوم الحمراء ، ناكل اللحوم البيضاء ومن عشاق الخضروات
خطيبي يقولي انتي وانا موحال نتفاهمو على الماكلة هو يحب العجائن خصوصا الشخشوخة ويفنى على اللحم والشحمة
ويكره الخضروات كره العمى هههههههههههه
وانا عكسو تماما ، اقتليني ومانكلكش الشحمة هههههههههههههه
ناكل الخضر الطازجة ومن مدة نحيت المشروبات الغازية ، ووليت نشرب العصير الطازج، ونيفيتي تاني المقليات
الغنية بالدسم والشحوم
وأهم حاجة في كل وجبة ما نشبعش روحي
أكبر غلطة ترتكبها الفتاة اللي حابة تشيان انها تلغي وجبة
لا أكبر غلط
اختي من يومين عيطتلي قاتلي شفت روحي سمنت وحوايجي ولاو يجيوني مسيريين
ايا درت ريجيم قاسي ، ألغيت وجبة العشاء وولين ناكل غير السلاطة
تعرفي وش صرالها؟ مرتين دوخ وطيح من السما للرض

لهذا ومصداقا لقوله صلى الله عليه وسلم " نحن قوم لا نأكل حتى نجوع وإذا أكلنا فلا نشبع"
بمعنى كولي مي متشبعيش روحك

بالنسبة لريتمي اليومي
نوض بكري وهي أهم حاجة تضربني نسمة الصباح
نتوضا نصلي الفجر
نشرب كاس ماء على الريق ونفطر بكاس حليب وشوية قاطو ولكان كاين عصير أحسن
نروح للخدمة مشيا على الأقدام ، المسافة تستغرق 20 دقيقة تقريبا
فالخدمة مرتاحة يعني قاعدة طول وهادي هي الحاجة الوحيدة اللي خايفة منها تسمني ههههههههه
نروح عالطناش تاني مشي ، نتغدا وأهم حاجة كيما قلت منشبعش
مثلا ليوم دارتلنا ماما النعمة تع المزيت ، وفول روسبراطل يمييييييي نموت عليه
وشوية سلطة، كملت غدائي الخفيف وتوضيت صليت الظهر ورجعت للخدمة مشي على الأقدام طبعا
وكي نروح لعشية نصلي العصر ونشرب حليب تع لعشية منستغناش عليه
وساعات كي نلقى فواكه ناكلهم هوما أحسن
أما بالنسبة للعشاء ملازمش حاجة تقيلة على المعدة ، وبالنسبة للرياضة أنا صراحة منمارسش الرياضة
مي نمشي فالنهار تقريبا ساعة
والخدمة فالدار تاني تلعب دور يعني تسياق ووووو
ومرة على مرة يعني كاس تيزانة، نعناع، زنجبيل
وعلى ربي يبقى وزني هدا ما يتبدلش ، وان شاء الله بعد الزواج نتبع نفس الريتم مانيش حابة يعايرني زوجي ويقولي ثمينة ههههههههههههههههههه

شكرا شوشو ، في المتابعة حبيبتي

​

 

[الحلم الوردي]

رد: حملة بروبلام تاع ارادة برك-تجمّع خاص بسيدات وآنسات المنتدى-

السـلآم عليكم
والله فكرة مليحة بالبزاااف:$
وصح مشكلة السمنة تعاني منها المراة المزوجة ولا تانيك الانسة:-o
وكاين شحال من وحدة تحب الدير ريجيم مي توقف في نص الطريق
مي لازم على اي وحدة فينا يكون عندها ايمان واصرار كبير باش تقدر تنقض الميزان ديالها:up:
انا نوزن 56
وطولي 1,65:love01:
انا عن نفسي الوزن نتاعي مليح هكدا ماني سمينة وماني رقيقة
مي راني حابة نزيد ننقص شوية باش يبقى الوزن نتاعي متالي
ان شاء الله معاك اختي ساندي ومع مشاركـآت الاخوات
رايحة كل وحدة فينا تلقى الوزن المتالي ديالها
لهدا ساشـــآرك معكن
بالتوفيق للجميع
​

 

[آمِيْرَتُه]

رد: حملة بروبلام تاع ارادة برك-تجمّع خاص بسيدات وآنسات المنتدى-

السلام عليك
حملة مليحة و مفيدة إن شاء الله يتفاعلو برك معاك
سمعت بلي باغية ترجعي 50 اذا بغيتي نبدلك هههه
ربي يعاونكم

 

[أم لينة]

رد: حملة بروبلام تاع ارادة برك-تجمّع خاص بسيدات وآنسات المنتدى-

فكرة جميلة ساندي ، ربي يوفقكم .

 

[السلطانة]

رد: حملة بروبلام تاع ارادة برك-تجمّع خاص بسيدات وآنسات المنتدى-

فعالية ممتازة شوشو نحييك عليها وعلى نشاطك المنقطع النظير
فعلا مشكل السمنة صار يؤرق الكثير من السيدات والآنسات
وعندهم الحق
خاطر السمنة من جهة تسبب الأمراض والعقد النفسية
ومن جهة تبين بلي الفتاة أكبر من عمرها
أنا والحمدلله راضية تمام الرضى عن وزني
انا طولي 1.64 تقريبا ووزني من أسبوعين لقيتو 62
يعني متناسب مع طولي
واللي يشوفني يشك بلي راني 26 سنة
(مرة تبعني واحد وجابها ايامات وهو ورايا وحد نهار حكمتو قتلو شوف يا ابني تزيد تبعني تشوف
قالي: ابني؟ علاش شحال في عمرك؟
قتلو 25
قالي سامحيني ختي والله حسبتك 16 هههههههههههههههههههههه)
أما وزن الخمسين يا شوشو ما شكيتش تجي فيه البنت باهية خخخخخخخخ
خاطر انا في أنحف حالاتي اللي كانت رمضان الفارط كنت نوزن 53
تشوفيني تتخلعي ، رقيقة رقيقة وشاربة ومشيانة ههههههههه
مي بالشوية وصلت للاطاي لي حابتها
اومرا كي نلبس حاجة نجي فيها باهية ههههههههه:bravo01:
اهلا مينا راهي الحالة تخوّف
تاع الصح راكي هك مليحة
نخاف نزيد نرخف لروحي نرجع الكيلوات لي فقدتهم
ونزيد الدوبل تاني
نكمل ونشوف :love01:

انا أصلا في طبعي منحبش اللحوم الحمراء ، ناكل اللحوم البيضاء ومن عشاق الخضروات
خطيبي يقولي انتي وانا موحال نتفاهمو على الماكلة هو يحب العجائن خصوصا الشخشوخة ويفنى على اللحم والشحمة
ويكره الخضروات كره العمى هههههههههههه
وانا عكسو تماما ، اقتليني ومانكلكش الشحمة هههههههههههههه
ناكل الخضر الطازجة ومن مدة نحيت المشروبات الغازية ، ووليت نشرب العصير الطازج، ونيفيتي تاني المقليات
الغنية بالدسم والشحوم
وأهم حاجة في كل وجبة ما نشبعش روحي
أكبر غلطة ترتكبها الفتاة اللي حابة تشيان انها تلغي وجبة
لا أكبر غلط
صح راكي اشرتي لحاجة مهمة بزاف
انو كاين بنات يلغيو وجبة تماما وهادا خطأ مالازمش يتحرم الجسم تماما
بالشوي بالشوي حتى تتعلم الاكل الصّحي
هههه مالا راجلك بدليلو العقلية خطرة خلاف قولو راك تسمن برك درك يتوسوس ويبطل عجاين :p
اختي من يومين عيطتلي قاتلي شفت روحي سمنت وحوايجي ولاو يجيوني مسيريين
ايا درت ريجيم قاسي ، ألغيت وجبة العشاء وولين ناكل غير السلاطة
تعرفي وش صرالها؟ مرتين دوخ وطيح من السما للرض

لهذا ومصداقا لقوله صلى الله عليه وسلم " نحن قوم لا نأكل حتى نجوع وإذا أكلنا فلا نشبع"
بمعنى كولي مي متشبعيش روحك
ايه شتي راهي دارت ريجيم قاسي
وهلكت روحها كاين حتى لي تمرض بلانيمي لانها ماش تاكل قدقد
عليه الصلاة والسلام كون جينا متبعين واش نصحنا بيه رانا كنا عايشين لاباس بينا

بالنسبة لريتمي اليومي
نوض بكري وهي أهم حاجة تضربني نسمة الصباح
نتوضا نصلي الفجر
نشرب كاس ماء على الريق ونفطر بكاس حليب وشوية قاطو ولكان كاين عصير أحسن
نروح للخدمة مشيا على الأقدام ، المسافة تستغرق 20 دقيقة تقريبا
فالخدمة مرتاحة يعني قاعدة طول وهادي هي الحاجة الوحيدة اللي خايفة منها تسمني ههههههههه
نروح عالطناش تاني مشي ، نتغدا وأهم حاجة كيما قلت منشبعش
مثلا ليوم دارتلنا ماما النعمة تع المزيت ، وفول روسبراطل يمييييييي نموت عليه
وشوية سلطة، كملت غدائي الخفيف وتوضيت صليت الظهر ورجعت للخدمة مشي على الأقدام طبعا
وكي نروح لعشية نصلي العصر ونشرب حليب تع لعشية منستغناش عليه
وساعات كي نلقى فواكه ناكلهم هوما أحسن
أما بالنسبة للعشاء ملازمش حاجة تقيلة على المعدة ، وبالنسبة للرياضة أنا صراحة منمارسش الرياضة
مي نمشي فالنهار تقريبا ساعة
والخدمة فالدار تاني تلعب دور يعني تسياق ووووو
ومرة على مرة يعني كاس تيزانة، نعناع، زنجبيل
وعلى ربي يبقى وزني هدا ما يتبدلش ، وان شاء الله بعد الزواج نتبع نفس الريتم مانيش حابة يعايرني زوجي ويقولي ثمينة ههههههههههههههههههه

شكرا شوشو ، في المتابعة حبيبتي

​

بما انك تخدمي راكي تتحركي وتحرقي الدهون في الطريق يوميا متحتاجيش رياضة
الرياضة مليحة للي قاعدين في الدار كي حالتي :p:p:p:p
الخدمة ليها دور وفايدة كبيرة امينا
القعد ة في الدار كون تغفل الوحدة تلقى روحها قنطار نورمال كون متبرمجش لحياتها هادا لي استنتجتو من خلال قعدتي في الدار هاد الشهورا
ان شاء الله تبقاي هك
ياو تشوكيت في بنت عمتي والله كنا نعيطولها نانسي
قبل الزواج كورها وزيها ودرك وجها تخبز وسمنت بزاف
يعني قادرة الرقيقة ترجع سمينة حاذري على روحك :love01:
نورتي حبيبتي

 

[السلطانة]

رد: حملة بروبلام تاع ارادة برك-تجمّع خاص بسيدات وآنسات المنتدى-

السـلآم عليكم
والله فكرة مليحة بالبزاااف:$
وصح مشكلة السمنة تعاني منها المراة المزوجة ولا تانيك الانسة:-o
وكاين شحال من وحدة تحب الدير ريجيم مي توقف في نص الطريق
مي لازم على اي وحدة فينا يكون عندها ايمان واصرار كبير باش تقدر تنقض الميزان ديالها:up:
انا نوزن 56
وطولي 1,65:love01:
انا عن نفسي الوزن نتاعي مليح هكدا ماني سمينة وماني رقيقة
مي راني حابة نزيد ننقص شوية باش يبقى الوزن نتاعي متالي
ان شاء الله معاك اختي ساندي ومع مشاركـآت الاخوات
رايحة كل وحدة فينا تلقى الوزن المتالي ديالها
لهدا ساشـــآرك معكن
بالتوفيق للجميع
​

يعطيك الصحة ملاك هدرتي على الاصرار
لانو هو اللي يخلي المرى تدير قرار وتوصل
ان شاءالله تحافظي على الوزن تاعك
قبل وبعد الزواج

نورتي

 

[السلطانة]

رد: حملة بروبلام تاع ارادة برك-تجمّع خاص بسيدات وآنسات المنتدى-

السلام عليك
حملة مليحة و مفيدة إن شاء الله يتفاعلو برك معاك
سمعت بلي باغية ترجعي 50 اذا بغيتي نبدلك هههه
ربي يعاونكم

اهلا منامينو

ان شاء الله


ههههه هاتي :p

ان شاءالله تحافظي على هاذ الوزن
لأني كي شفت بنت عمتي لي حكيتلكم عليها تكوديت الصراحة
كانت توزن قدك ونظن اقل مرات تهبط ل 47

ودرك :cray02:

نورتي اختي

ان شا ءالله تشجعي معانا الاخوات

 

[السلطانة]

رد: حملة بروبلام تاع ارادة برك-تجمّع خاص بسيدات وآنسات المنتدى-

فكرة جميلة ساندي ، ربي يوفقكم .

وانتي ياام لينة علاه متنضميش لينا ؟

هيا برك راهي ماش صعيبة

شوي ارادة برك ومع بعضانا تجي حلوة

 

[حكايا الورد]

رد: حملة بروبلام تاع ارادة برك-تجمّع خاص بسيدات وآنسات المنتدى-

السلام عليكم
اولا مبارك الافتتاح أختي ميشا
و ان شاء الله كل وحدة توصل للوزن المراد
أنا أكيد مانيش رايحا نشارك معاكم
خاطر أنا أصلا 52 كيلو برك مقابل 1.68 فالطول أني ميتة نوصل
60 كيلو على الاقل يتماشى مع طولي كيما درت ماوصلتش
درت المحال
بلا نتيجة
راكم حابين توصلو ل 50 و انا حابة نوصل ل 60 :s
المهم ربي يعاونكم​

 

[أم لينة]

رد: حملة بروبلام تاع ارادة برك-تجمّع خاص بسيدات وآنسات المنتدى-

وانتي ياام لينة علاه متنضميش لينا ؟

هيا برك راهي ماش صعيبة

شوي ارادة برك ومع بعضانا تجي حلوة

يا خيتي لوكان نقلك وشحال نوزن تتخلعي فيا من قعدت الدار و قلة الحركة زاد وزني .كنت 60 كغ و الطول 1,68م و الان راني الوزن يبعد عليك 75كغ خصوصا بعد حملي .
و انا اعترف امام الجميع نكره فيت من اي ريجيم نديرو منتبعوش على بيها محبيتش ننضم ليكم .
راني عارفة دوايا وراه خيتي لوكان فقط نتبع مقولة الرسول عليه الصلاة و السلام (نحن قوم لا ناكل حتى نجوع و اذا اكلنا فلا نشبع) و نصوم يومين في الاسبوع نخليهم بالاثنين و الخميس منهم اجر منهم للصحة -على بالك آخر الابحاث عن الريجيم اجريت في بريطانيا اثبتو ان انجح ريجيم هو صيام يومين في الاسبوع - مع الاعتدال في الاكل باقي الايام و الرياضة .
و لي مخليني على راحتي راجلي قلي راكي تعجبيني هاك، مي انا مش عاجبة روحي -راح اكون من المتتبعات ان شاء الله ونشوف الانجازات بالاك نغير و نعاند .

 

[ЯǾᵯẫḭṧşẰ]

رد: حملة بروبلام تاع ارادة برك-تجمّع خاص بسيدات وآنسات المنتدى-

السلام عليكم
بارك الله فيك اختي الكريمة
نتمنى من جميع الاخوات التفاعل معاها
سمينة ولا رقيقة ماشي عيب المهم الصحة والعافية

انا من جيهتي الحمد الله راني في عبري طول سمانة وبالعكس حابة نزبد نسمان باسكو الطول ديالي يساعدني مي ماما وراجلي وحباباتي حبوني هكدا
عندي مشكل واحد فقط وهو الكرش مابعد الولادة مشكل مقلقني
لكن الفترة هادي نقص وزني مع الجري تاع الدار الخدمة والقراية
شكرا لك اختي
بالتوفيق

​

 

[السلطانة]

رد: حملة بروبلام تاع ارادة برك-تجمّع خاص بسيدات وآنسات المنتدى-

يا خيتي لوكان نقلك وشحال نوزن تتخلعي فيا من قعدت الدار و قلة الحركة زاد وزني .كنت 60 كغ و الطول 1,68م و الان راني الوزن يبعد عليك 75كغ خصوصا بعد حملي .
و انا اعترف امام الجميع نكره فيت من اي ريجيم نديرو منتبعوش على بيها محبيتش ننضم ليكم .
راني عارفة دوايا وراه خيتي لوكان فقط نتبع مقولة الرسول عليه الصلاة و السلام (نحن قوم لا ناكل حتى نجوع و اذا اكلنا فلا نشبع) و نصوم يومين في الاسبوع نخليهم بالاثنين و الخميس منهم اجر منهم للصحة -على بالك آخر الابحاث عن الريجيم اجريت في بريطانيا اثبتو ان انجح ريجيم هو صيام يومين في الاسبوع - مع الاعتدال في الاكل باقي الايام و الرياضة .
و لي مخليني على راحتي راجلي قلي راكي تعجبيني هاك، مي انا مش عاجبة روحي -راح اكون من المتتبعات ان شاء الله ونشوف الانجازات بالاك نغير و نعاند .

بلاك تجربي هاد المرة ويصلحلك :graduation:
اكيد الرسول عليه الصلاة والسلام نصحنا ببزاف امور حنا برك لي منطبقوش
ان شاء الله تتبعينا
شكرا اختي نورتي مرة اخرى

 

[السلطانة]

رد: حملة بروبلام تاع ارادة برك-تجمّع خاص بسيدات وآنسات المنتدى-

السلام عليكم
بارك الله فيك اختي الكريمة
نتمنى من جميع الاخوات التفاعل معاها
سمينة ولا رقيقة ماشي عيب المهم الصحة والعافية

انا من جيهتي الحمد الله راني في عبري طول سمانة وبالعكس حابة نزبد نسمان باسكو الطول ديالي يساعدني مي ماما وراجلي وحباباتي حبوني هكدا
عندي مشكل واحد فقط وهو الكرش مابعد الولادة مشكل مقلقني
لكن الفترة هادي نقص وزني مع الجري تاع الدار الخدمة والقراية
شكرا لك اختي
بالتوفيق

​

اهلا اختي رميسا
البطن بعد الولادة مشكلة تقلق بزاف نسا يقولو بلي كي متربطش الوحدة كرشها تكبرلها من مباعد
ان شاء الله تتخلصي من هاد المشكلة
شكرا ولاتبخلي علينا بتجاربك

نورتي

 

[السلطانة]

رد: حملة بروبلام تاع ارادة برك-تجمّع خاص بسيدات وآنسات المنتدى-

برنامجي لليوم :


في الافطار
ماء ساخن على الريق

وبعدها بيضتين مسلوقتين
مع عصير

وبعدها رياضة لمدة ساعة


الغداء :

قطعة لحم دجاج مشوية مع حبة تفاح


(ماصورتهاش )


العشاء :

خضر مرحية +بيضتين

وقطعة كسرة صغيرة

وبعد وجبة الغداء والعشا
شربت كاس ما بالزنجبيل

والحمد لله



​

 

[@R@ZIK]

رد: حملة بروبلام تاع ارادة برك-تجمّع خاص بسيدات وآنسات المنتدى-

يعطيك الصحة
فكرة مليحة
ان شاء الله يكون تفاعل من اللمويات
أنا عن نفسي الوزن 62 كغ وطولي 1.58 م
المشكل نتاعي الكرش برك قالولي من القعدة تاع الكرسي
راني نجرب طريقة شرب الماء على الريق ان شاء الله نستفاد
تحياتي​

 

[السلطانة]

رد: حملة بروبلام تاع ارادة برك-تجمّع خاص بسيدات وآنسات المنتدى-

السلام عليكم
اولا مبارك الافتتاح أختي ميشا
و ان شاء الله كل وحدة توصل للوزن المراد
أنا أكيد مانيش رايحا نشارك معاكم
خاطر أنا أصلا 52 كيلو برك مقابل 1.68 فالطول أني ميتة نوصل
60 كيلو على الاقل يتماشى مع طولي كيما درت ماوصلتش
درت المحال
بلا نتيجة
راكم حابين توصلو ل 50 و انا حابة نوصل ل 60 :s
المهم ربي يعاونكم​

اهلا اختي يعيشك

هيا نتبادلو :p
ان شا ءالله توصلي ل 60
نورتي

 

[السلطانة]

رد: حملة بروبلام تاع ارادة برك-تجمّع خاص بسيدات وآنسات المنتدى-

يعطيك الصحة
فكرة مليحة
ان شاء الله يكون تفاعل من اللمويات
أنا عن نفسي الوزن 62 كغ وطولي 1.58 م
المشكل نتاعي الكرش برك قالولي من القعدة تاع الكرسي
راني نجرب طريقة شرب الماء على الريق ان شاء الله نستفاد
تحياتي​

اهلا اختي رزيقة

الكرش تقلق وتفسد منظر الكور

ان شاء الله تفيدك طريقة الما على الريق

وجربي الزنجبيل تاني راه يقضي على دهون البطن

بالتوفيق

 

[ЯǾᵯẫḭṧşẰ]

رد: حملة بروبلام تاع ارادة برك-تجمّع خاص بسيدات وآنسات المنتدى-

برنامجي لليوم :


في الافطار
ماء ساخن على الريق

وبعدها بيضتين مسلوقتين
مع عصير

وبعدها رياضة لمدة ساعة


الغداء :

قطعة لحم دجاج مشوية مع حبة تفاح


(ماصورتهاش )


العشاء :

خضر مرحية +بيضتين

وقطعة كسرة صغيرة

وبعد وجبة الغداء والعشا
شربت كاس ما بالزنجبيل

والحمد لله



​

ملاحظة أختي إن أمكن
عدم الاكثار من صفار البيض فهو مضر بسلامة الكليتين
بنصح بتناوله بمعدل 2 حبات ف الاسبوع فقط
​