الخمر بدون كحول تحت غطاء حلال ,,, في الجزائر

[العـآئـدة إلـى الله]

سلام الله عليكم



انا حبيت نفهم وش الخلوطة لي راهي صايرة فالدزاير ،، جايبين الخمر ويقةلك دون كحول تخت غطاء حلال ,, لا حول ولا قوة الا بالله حابين يهبلونا تسمى منا وجاي يجيبو لحم الخنزير ويقولك حلال مخلطينو بالصوف نتاع النعاج ,,, يا الاهي وشنو هدي البلاد
اخوتي انا صراحة بديت نخاف لانو سياسة كبيرة حبو يديرو النش فالدزير بالسيف
والخمر ملازمش نسكتولو
وش رايككم انتم
للنقاش
​

 

[بنت الـ25]

رد: الخمر بدون كحول تحت غطاء حلال ,,, في الجزائر

حبو يغطيو الشمس بالغربال
ربي يهدي ولاة أمورنا لما فيه صلاحنا في الدنيا والآخرة
ينقل لقسم واش راك تهدر

 

[السلطانة]

رد: الخمر بدون كحول تحت غطاء حلال ,,, في الجزائر

وعليكم السلام والله يااختي حبسولنا راسنا
حابين يردونا كيما تركيا نرجعو دولة علمانية
شفت وحد اللقطة هك في النهار
يوريو في الحثالة لي دارو هاد الشي
وراو امرأة هك شعرها كي تاع الراجل ومعاها واحد البشر الله لاتربحهم
قالك اسيدي مشروب شعير ماش بالدرجة تاع الشراب في الاسكار !!!
يعني باختصار نعودو نروحو للمطاعم نلقاو في الموني
شراب مع المشروبات الاخرى حسبنا الله ونعم الوكيل

 

[مابقاش بزاف.Dz]

رد: الخمر بدون كحول تحت غطاء حلال ,,, في الجزائر

كـل مرة يخرجوا بعفســــة جديدة ما فهمنــــا والــــو ... آخرها خرجــــــة تاع الخمـــر هادي عافــانا الله ... وين دايينــها ..ما نعرف ؟؟
مسؤولون لا علاقة يحللوا و يحرموا كيما يحبوا هوما .... لا نستغرب منهم اي شيء
يعطيك الصحة اختي على طرح الموضوع

 

[bilale-007]

رد: الخمر بدون كحول تحت غطاء حلال ,,, في الجزائر

يا الاخت الكريمة الخمر يتباع في الجزائر وقانوني من بكري من 1962 انما كان اصحاب التصريحات القانونية ناس قلائل وضرك حبو جماعه المرشينوار يريقلوهم ويديرولهم حوانت قانونية .. صافي حنا سكتنا على الخمر كل هذي السنين لي كان يتباع فيها قدامنا ومباعد كي حبو يديروه قانوني دانا النيف عليه هههههه يضحكني الشعب الجزائري يطالب ببنزع قانون الخمر بصح في نفس الوقت خلوه يتباع ا نوار برك... دوخ شوية هاذي الاخت غي اخطونا من هذه المواضيع الشعب الجزائري راضي باي شيء متلعبولوش غي بكرشو هذا مكان ....
وحبيت نصحح للاخت ساندريلا زماني ان تركيا الان ليست علمانية بل حكمها اسلامي باغلبية في البرلمان منذ تولي اردوغان رئاسة الحكومة وتركيا التي كانت في المرتبة 160 في الاقتصاد العالمي اصبحت بفضل اردوغان في المركز 10 عالميا من حيث القوة الاقتصادية فياليت يجعلونا مثل تركيا
عندما كان اردوغان رئيسا للحكومة من احدى خطاباته قال :
مساجدنا ثكناتنا

قبابنا خوذاتنا

مآذننا حرابنا

والمصلون جنودنا

هذا الجيش المقدس يحرس ديننا

وحنا رئيس الحكومة نتاعنا ذاك الوقت قال والناس كامل تعرفو :
الشعب مش لازم ياكل الياغورت باش يعيش هههههههههههه

المهم تقبلي مروري اختي انا وجعني قلبي لانو فرطنا في امانه الشهداء لهي هاذي البلاد الطاهرة وامانه ربي الاسلام

 

[العـآئـدة إلـى الله]

رد: الخمر بدون كحول تحت غطاء حلال ,,, في الجزائر

يا الاخت الكريمة الخمر يتباع في الجزائر وقانوني من بكري من 1962 انما كان اصحاب التصريحات القانونية ناس قلائل وضرك حبو جماعه المرشينوار يريقلوهم ويديرولهم حوانت قانونية .. صافي حنا سكتنا على الخمر كل هذي السنين لي كان يتباع فيها قدامنا ومباعد كي حبو يديروه قانوني دانا النيف عليه هههههه يضحكني الشعب الجزائري يطالب ببنزع قانون الخمر بصح في نفس الوقت خلوه يتباع ا نوار برك... دوخ شوية هاذي الاخت غي اخطونا من هذه المواضيع الشعب الجزائري راضي باي شيء متلعبولوش غي بكرشو هذا مكان ....
وحبيت نصحح للاخت ساندريلا زماني ان تركيا الان ليست علمانية بل حكمها اسلامي باغلبية في البرلمان منذ تولي اردوغان رئاسة الحكومة وتركيا التي كانت في المرتبة 160 في الاقتصاد العالمي اصبحت بفضل اردوغان في المركز 10 عالميا من حيث القوة الاقتصادية فياليت يجعلونا مثل تركيا
عندما كان اردوغان رئيسا للحكومة من احدى خطاباته قال :
مساجدنا ثكناتنا

قبابنا خوذاتنا

مآذننا حرابنا

والمصلون جنودنا

هذا الجيش المقدس يحرس ديننا

وحنا رئيس الحكومة نتاعنا ذاك الوقت قال والناس كامل تعرفو :
الشعب مش لازم ياكل الياغورت باش يعيش هههههههههههه

المهم تقبلي مروري اختي انا وجعني قلبي لانو فرطنا في امانه الشهداء لهي هاذي البلاد الطاهرة وامانه ربي الاسلام

لالالالالالا راك غالط بهذا التفكير اخي
معليييش كيما كان خير واحسن لانو الذنب يكون اقل كي ميجاهروش بيه
على الاقل مكنش يتباع فالحوانت والمطاعم
على الاقل كنا نتخلعو كي نشوفو القرعة نتاع الشراب
وتان نفسية اولادنا مراناش حبينهم يولو يشوو القرعة وجيهم نورمال
راك غالط اخي
وتركيا مقبلهاش الاتحاد الاوروبي ومحبتش تدخل فالاسلامي هي خيرت الاتحاد الاوروبي ومقبلوهاش صح فيها المسلمين مي فيها بزاف الشراب وفيها وفيها
اردوغان ماشاء الله عليه لوكان برك منعهم من عرض المسلسلات نتاع التبهديل لي ما فيهم حتى نفع ,, وحبيت نقولك اوروبا تان مطورة
سلام
ميرسي على المرور

 

[hadil21]

رد: الخمر بدون كحول تحت غطاء حلال ,,, في الجزائر

لا حول ولا قوة الا بالله يقولو نديرو تقشف ويشريو فالخمر

 

[bilale-007]

رد: الخمر بدون كحول تحت غطاء حلال ,,, في الجزائر

لالالالالالا راك غالط بهذا التفكير اخي
معليييش كيما كان خير واحسن لانو الذنب يكون اقل كي ميجاهروش بيه
اولا كلام خطير هذا ندمت لاني علقت على الموضوع لانك لا تعلمين ما تقولين -معليش كما كان خير- صافي راك موافقتهم في الخمر ولكن يكون في الستر برك والله لا يرضى ان تكون المعصية لا في الستر ولا في العلن والمعصية في الستر اكبر من العلن عند الله لقول النبي صلى الله عليه ‏وسلم أنه قال " لأعلمن أقواماً من أمتي يأتون يوم القيامة بحسنات أمثال جبال تهامة ‏بيضاً، فيجعلها الله عز وجل هباء منثوراً". قال ثوبان: يا رسول الله صفهم لنا، جلهم ‏لنا، أن لا نكون منهم ونحن لا نعلم. قال: "أما إنهم إخوانكم ومن جلدتكم، ‏ويأخذون من الليل كما تأخذون، ولكنهم أقوام إذا خلوا بمحارم الله انتهكوها"
حبيت نقلك انا منيش مع الخمر لا في الستر ولا في العلن .
على الاقل مكنش يتباع فالحوانت والمطاعم
انا منيش قابلو يتباع في اي مكان الاخت الكريمة
على الاقل كنا نتخلعو كي نشوفو القرعة نتاع الشراب
ضرك وليت نشوفها تطايش في الشارع كثر من القرع نتاع الماء
وتان نفسية اولادنا مراناش حبينهم يولو يشوو القرعة وجيهم نورمال
اولادنا نساو الشراب ولاو يديرو حوايج اخر كثر منو يا الاخت شفت نعييت ونتي راك باينه بنت قد متعودي شفتي مشفتي والوووو
راك غالط اخي
وتركيا مقبلهاش الاتحاد الاوروبي -هي اصلا عضو في الاتحاد الاوربي مقبلوهاش في اتحاد عملة الاورو - ومحبتش تدخل فالاسلامي -هي حكم علماني باصح اغلب البرلمان مسلمين - هي خيرت الاتحاد الاوروبي ومقبلوهاش صح فيها المسلمين -تقريبا 98 بالمئة مسلمين - مي فيها بزاف الشراب وفيها وفيها - والجزائر نتاعنا نسيتيها هههههه
اردوغان ماشاء الله عليه لوكان برك منعهم من عرض المسلسلات نتاع التبهديل لي ما فيهم حتى نفع - والجزائر بالحان وشباب وبرامج قناة الاستحمار ووو منكملكش -,, وحبيت نقولك اوروبا تان مطورة - هذي الخاص والعام يعرفها -
سلام - وعليكم السلام -
ميرسي على المرور - العفو اخيتي -

سلاااااااام

 

[العـآئـدة إلـى الله]

رد: الخمر بدون كحول تحت غطاء حلال ,,, في الجزائر


اولا كلام خطير هذا ندمت لاني علقت على الموضوع لانك لا تعلمين ما تقولين -معليش كما كان خير- صافي راك موافقتهم في الخمر ولكن يكون في الستر برك والله لا يرضى ان تكون المعصية لا في الستر ولا في العلن والمعصية في الستر اكبر من العلن عند الله لقول النبي صلى الله عليه ‏وسلم أنه قال " لأعلمن أقواماً من أمتي يأتون يوم القيامة بحسنات أمثال جبال تهامة ‏بيضاً، فيجعلها الله عز وجل هباء منثوراً". قال ثوبان: يا رسول الله صفهم لنا، جلهم ‏لنا، أن لا نكون منهم ونحن لا نعلم. قال: "أما إنهم إخوانكم ومن جلدتكم، ‏ويأخذون من الليل كما تأخذون، ولكنهم أقوام إذا خلوا بمحارم الله انتهكوها"
حبيت نقلك انا منيش مع الخمر لا في الستر ولا في العلن .

حنا رانا نتناقشو واذا ندمت ميرسي عليك كي ندمت ,,,
انا مقلتش الشراب حلال فالستر وحرام فالعلن وانت راك فاهم قصدي مليح بصح معلاباليش اذا راك تتعمد ولا دير روحك متفهمش ,,
انا قلت مستورين احسن من انو مفضوحين لانو يقدرو يتوبو وربي سبحانه غفور رحيم يغفر لمن يشاء
والعفو منك انت لي شوف ردكك الاول : قلت نكملو نسكتو عليه راك فاهم يعني انت لي كلامك خطير راك تشججع باش يكملو ياك
اقرا هدا الحديث مليح
قال رسول الله صلى الله عليه وسلم «كلُ أمتي معافىً إلاَّ المجاهرين، وإن من المجاهرة أن يعمل الرجل باليل عملاً، ثم يصبح وقد ستره الله فيقول:
يا فلان عملت البارحة كذا وكذا، وقد بات يستره ربه، ويصبح يكشف ستر الله عنه» روه البخاري.

انا منيش قابلو يتباع في اي مكان الاخت الكريمة
ولا حتى انا راني قابلاتو يتباع


ضرك وليت نشوفها تطايش في الشارع كثر من القرع نتاع الماء
لالا عفوا مش اكثر من القرع نتاع الما


اولادنا نساو الشراب ولاو يديرو حوايج اخر كثر منو يا الاخت شفت نعييت ونتي راك باينه بنت قد متعودي شفتي مشفتي والوووو
وهدا شي كامل وراك تقولي نزيدو نولفوهم قرع الشراب

هي اصلا عضو في الاتحاد الاوربي مقبلوهاش في اتحاد عملة الاورو -
لالا مش في الاتحاد الاوروبي
-هي حكم علماني باصح اغلب البرلمان مسلمين -
-تقريبا 98 بالمئة مسلمين -
الممثلين وحدهم راهم 50 بالمئة
- والجزائر نتاعنا نسيتيها هههههه
لا منسيتهاش لكن مسلمين اوفيسيال ومعندناش كيما هم

انت تركي ولا واش هدي لي راك تهدر عليها بلادك حبيت ولا كرهت
والرسول صلى الله عليه وسلم يحثنا على حب الوطن
متقوليش قول الحق ومعلاباليش بلادك لازم تحبها وحتى وفيها الخونة ومعلاباليش ياك ؟

قال رسول الله صلى الله عليه وسلم ( لا إيمان لمن لا أمانة له ، ولا دين لمن لا عهد له ) رواه أحمد .

وبلادك امانة وعهد


والجزائر بالحان وشباب وبرامج قناة الاستحمار ووو منكملكش
وتركيا لي دارتلهم هكا ,, بمسلسلاتها وخرايبها ,, رابحة على ظهور الشعب
والحان وشباب متوصلش لديك الدرجة نتاعهم مالقري الحان وشباب مش مليحة ,, عندنا فرسان القران وعندنا تاج القران و،،، وعندنا حصص الله يبارك
-- هذي الخاص والعام يعرفها -
الحمد لله
- وعليكم السلام -
سلام
ميرسي على المرور - العفو اخيتي -

 

[bilale-007]

رد: الخمر بدون كحول تحت غطاء حلال ,,, في الجزائر

حنا رانا نتناقشو واذا ندمت ميرسي عليك كي ندمت ,,,
انا مقلتش الشراب حلال فالستر وحرام فالعلن وانت راك فاهم قصدي مليح بصح معلاباليش اذا راك تتعمد ولا دير روحك متفهمش ,,
انا قلت مستورين احسن من انو مفضوحين لانو يقدرو يتوبو وربي سبحانه غفور رحيم يغفر لمن يشاء
مفهمتش راكي ضرك تحكي على قانون الخمر ولا على شاربي الخمر انا كنت نحكي على قانون الخمر لي راكي طرحتيه ؟؟؟:s

والعفو منك انت لي شوف ردكك الاول : قلت نكملو نسكتو عليه راك فاهم يعني انت لي كلامك خطير راك تشججع باش يكملو ياك
مش كامل نسكتو انا راني فهمتك بلي شعب هذا كان راضي بهذا القانون من اليوم الاول .
اقرا هدا الحديث مليح
قال رسول الله صلى الله عليه وسلم «كلُ أمتي معافىً إلاَّ المجاهرين، وإن من المجاهرة أن يعمل الرجل باليل عملاً، ثم يصبح وقد ستره الله فيقول:
يا فلان عملت البارحة كذا وكذا، وقد بات يستره ربه، ويصبح يكشف ستر الله عنه» روه البخاري.
حنا نحكو على لجابو الخمر للبلاد هاذي وحبو يديروه قانوني مش لي يشربو الخمر خرجتي عن الموضوع هنا .


ولا حتى انا راني قابلاتو يتباع
اكيد هذي الحمد لله .


اولادنا نساو الشراب ولاو يديرو حوايج اخر كثر منو يا الاخت شفت نعييت ونتي راك باينه بنت قد متعودي شفتي مشفتي والوووو
وهدا شي كامل وراك تقولي نزيدو نولفوهم قرع الشراب
وناه لي قال نولفوهم قرع الشراب ههههههههههههههه انا خاطي مقلتش


لالا مش في الاتحاد الاوروبي
روحي شوفي ويكيبيديا

-هي حكم علماني باصح اغلب البرلمان مسلمين -
-تقريبا 98 بالمئة مسلمين -
الممثلين وحدهم راهم 50 بالمئة
متطعنيش في خاوتك ما انت بأدرى بأهلهم


- والجزائر نتاعنا نسيتيها هههههه
لا منسيتهاش لكن مسلمين اوفيسيال ومعندناش كيما هم
حنا مسلمين اوفيسيال وهما لا لا هههههه هايلة هاذي لا تعليق :graduation:

انت تركي ولا واش هدي لي راك تهدر عليها بلادك حبيت ولا كرهت
مانيش تركي انا من امة التوحيد امة محمد واحب البلاد التي اعيش فيها
والرسول صلى الله عليه وسلم يحثنا على حب الوطن
نعم احب وطن امتنا الاسلامية من الشرق الى الغرب
متقوليش قول الحق ومعلاباليش بلادك لازم تحبها وحتى وفيها الخونة ومعلاباليش ياك ؟
نحب بلادي والخونة بينهم بين ربي

قال رسول الله صلى الله عليه وسلم ( لا إيمان لمن لا أمانة له ، ولا دين لمن لا عهد له ) رواه أحمد .
عليه افضل الصلاة والتسليم



والجزائر بالحان وشباب وبرامج قناة الاستحمار ووو منكملكش .
وتركيا لي دارتلهم هكا ,, بمسلسلاتها وخرايبها ,, رابحة على ظهور الشعب
والحان وشباب متوصلش لديك الدرجة نتاعهم مالقري الحان وشباب مش مليحة ,, عندنا فرسان القران وعندنا تاج القران و،،، وعندنا حصص الله يبارك
ههههههههههههههههههه لا تعليق .

مشكووووورة

 

[Amine7N]

رد: الخمر بدون كحول تحت غطاء حلال ,,, في الجزائر

والله لا أدري
أهي مناورات سياسية لإشغال الرأي العام عن قضايا مهمة
أم حقا أن تجار الخمر لهم من النفوذ مايضغطون به على الحكومة ؟؟؟
الخمور تباع في الجزائر بشكل قانوني وغير قانوني
المشكلة لا تكمن في بيع الخمر
لأنها مشكلة لن يتم القضاء عليها
المشكلة لما لا يتم تجريم شارب الخمر ؟

 

[العـآئـدة إلـى الله]

رد: الخمر بدون كحول تحت غطاء حلال ,,, في الجزائر

مشكووووورة

مشكتش تفهم ؟
شكرا على مرورك نورت الموضوع

 

[العـآئـدة إلـى الله]

رد: الخمر بدون كحول تحت غطاء حلال ,,, في الجزائر

والله لا أدري
أهي مناورات سياسية لإشغال الرأي العام عن قضايا مهمة
أم حقا أن تجار الخمر لهم من النفوذ مايضغطون به على الحكومة ؟؟؟
الخمور تباع في الجزائر بشكل قانوني وغير قانوني
المشكلة لا تكمن في بيع الخمر
لأنها مشكلة لن يتم القضاء عليها
المشكلة لما لا يتم تجريم شارب الخمر ؟

والله يا اخي مشكلة كبيرة
شكرا على المرور

 

[زيزي احمد]

رد: الخمر بدون كحول تحت غطاء حلال ,,, في الجزائر

شوفوا شكون اللي سمح بهذا الخمر يدخل للبلاد
لو كان فيه ريحة المسلمين ما ولينا نشوفوا الحرام يحوس قدامنا و ما نقدروا نديروا والو
سمعتوا بلي واحد شرب الخمر و تهجم على جامع في عين البيضاء بالقرعة نتاع الشراب و هدر هدرة قبيحة للمصلين
المزية حكموه و سلموه لوكيل الجمهورية
الله لا يسلمح اللي كان السبب في انتشار الخمر
ربي يصيبو بداء ما يلقالو حتى دواء آمين

 

[العـآئـدة إلـى الله]

رد: الخمر بدون كحول تحت غطاء حلال ,,, في الجزائر

الله امين
لا حول ولا قوة الا بالله
شكرا لمرورك الغالي

 

[bilale-007]

رد: الخمر بدون كحول تحت غطاء حلال ,,, في الجزائر

مشكتش تفهم ؟
شكرا على مرورك نورت الموضوع

:s:s:s
اوك مكانش مشكل :up:

 

[الامين محمد]

رد: الخمر بدون كحول تحت غطاء حلال ,,, في الجزائر

اتمنى الاعصاب تبقى هادئة أخي بلال و اختي العائدة
من اجل الاستفادة من رأييكما
انا شخصيا على العموم انا من رأي أخي بلال فالمقارنة بيننا و بين تركيا مستحيلة
اقتصاديا و مواقف سياسية فنحن نقدم مساعدات الى افريقيا المسيحية و لا نقدمها للاجئيين السوريين
الدين يموتون جوعا و بردا في لبنان و الاردن
طبعا خلافنا لا يفسد من الرأي قضية​

 

[العـآئـدة إلـى الله]

رد: الخمر بدون كحول تحت غطاء حلال ,,, في الجزائر

اخي احنا راني على الخمر يعني في حدود الخمر فقط ركزو معايا في حدود الخمر فقط
احنا مشي كيما تركيا لانو تركيا عندها الخمر عادي يعني حرية شخصية حبيت تشرب اشرب حبيت متشربش متشربش
لكن احنا لالالالالالالا منسمحوش يكون الخمر عادي
هذا وش حبيت نوضح
يعني مهما كان الجزائر احسن من تركيا من ناحية الاسلام
شكرا اخي على مرورك
​

 

[*Prinçesse*]

رد: الخمر بدون كحول تحت غطاء حلال ,,, في الجزائر

ربي يستر اختي مللي رجعت ماكلتنا ناكلوها بالخوف اسكو حلال ولا حرام صااي مابقاش انا بديت نخاف انا تاني و الله تخلط الحلال بالحرام الله يستر و ربي يجيب اللي فيه الخير مشكورة على الطرح

 

[الامين محمد]

رد: الخمر بدون كحول تحت غطاء حلال ,,, في الجزائر

أختي العائدة حتى نعطي لموضوعك ما يستحق ها أنا قد رجعت
فعلا و الله حزنا كثيرا لما سمعنا بهدا الأمر
لكن و الله هيهات لهم كلما اردوا ان يطفؤوا نور الله زاد نورا
حكمة بالغة و رب قادر و شعب مسلم بالفطرة
و الله ندعوا ربي يرجع الشباب للدين حتى و لو قسموا الخمر بالمجان
رايح يبور لهم
شكرا على الطرح و اااسف عن الازعاج
​