سلسلة عني الحق ولا ما عنديش مـــع : عـاشقة الجّنة

[ضآحكة مستبشرة]

السلآم عليكم و رحمة الله تعآلــــى و بركآته

كيف حالكــــم اخواني

اولآ :

نحب نشكر سلمى جدآ على الفكرة الرائعة او الافكار الرائعة التي تقدمها للمنتدى
و الاخت مينآت الي خلات عندي دافع باش انا تاني نشآركم باحزآن قلبي

المهم بسم الله نبدآ
انا انسانة حساسة بزاف و كلمة وحدة تخليني نبكي

منقدرش نتحمل الظلم

لاكن في يوم من الايام ات سبة خلاتني منسكنش في دارنا لمدة براسك 5 سنين
في الاول كنت شوية صغيرة كنت فرحانة بزاااااف بزاف

لانو كنت نخرج نلعب و منحسش للوقت كيفآش يجوز

لاكن مع الوقت بديت نكبر
و جا النهار وين تحجبت و قعدت في الدار

لاكن متوقعتش واش بدا يصرا
انا كنت عند احد افراد عائلتي الكبيرة و ليست الصغيرة
كنت عايشة عندهم

{ مرآنيش حابة نسمي عند شكون عشت بآش ميكونش عندي مشآكل }

المهم كان واحد في هاد العائلة كبير عليا بزآف
مي كان يحكي و انا نرد الهدرة

وكان دي فوآ يضربني وانا منحبش لانو بابا في حياتو مضربنيش كف

ولا ضربة خفيفة حتى الحس و ميضقيش علينا ولا يتر فينا
والفت هداك الحنان من عند والديا مكانش في واش صرآ في هدآك الوقت

مرة و زوج حتى وصل وين عاد يضربني كف قدام ماما
تم خلآص متحملتش

وصلت بيا وين قتلوآ نكرهك قدام يمآك

عيآو يقلولولي بلي متكثريش معآه لاكن انا منحبش الظلم

هاد الانسان يحب كلاموا لي يمشي حتى وادا كان غالط
يحب يفرض شخصيتوا على الناس كامل
انا وليت نكرهوا مع الوقت

وليت في كل مرة نعفس على قلبي و نقول معليش هدآ ...... ولازم نحتآرموآ
لكن لوقتآشـــــــ ؟؟؟؟

يا سيد انا منتحملكش

جآ وحد النهار كنت في دارنا و يماه كانت تم و يماه عجوز كبيرة انحشمت بزاف كي قلتلها هداك لكلام مي مقدرتش نتحمل
و خاصة هاد العائلة لي كنت عايشة عندهم معندمش لعبآد سيرتوا لي قدي باش نحكي معاهم
كاين هاد لعجوز لي هيآ {:thumb_up02: }
مآشي كيف ولدهــــــــآ { :down: }

غاضتني و بكيت بحقرة
قلتها انا من اليوم نبقى في دارنا منوليش لعندك

هيا تم بكآت قاتلي وعلاش قلتهآ هكدآك عاد يضيق خاطري و منقدرشــــــ

جآزوا اليامات و زاد كرهي لهاد الانسان

مي عرسوا راهو قريب و حلفت قلت منروح لعرسوا
ومبعد قلت نروح و منخدمش زكآآآآآآآآآآآآآآآآآآآآرة

فهمـــــــــوني :

اسكـــــــوآ يستهل نسآمحوآ بعد ماكان يضربني و بابا جامي هز يدوآ عليآ ؟
اسكوآ هاد لعجوز تستهل واش درك فيهآ ؟
اسكوآ انتومآ تتحملوآ لوكآن جيتوآ في بلآصتي ؟

مع السلآمــــــــــــة

​

 

[السلطانة]

رد: سلسلة عني الحق ولا ما عنديش مـــع : عـاشقة الجّنة

وعليكم السلام اعتماد سريع للموضوع ولي عودة ان شاء الله

 

[بنت الـ25]

رد: سلسلة عني الحق ولا ما عنديش مـــع : عـاشقة الجّنة

أهلا أسوم
فعلا الواحد فينا ما يتحملش الإهانة من أقرب الناس ليه اللي هوما والديه
فما بالك بناس آخرين حتى لو كانوا من الأقربين (عم / خال)
كاين أشخاص عصبيين يتنارفاو من الأطفال وما يديروش في بالهم بلي هادو صغار ولازمهم حركة ولازمهم سياسة فالتربية
وماشيين بعقلية تغلط تسلك والضرب والعنف هوما طريقتهم

رح نجاوبك على الكيستيونات

اسكـــــــوآ يستهل نسآمحوآ بعد ماكان يضربني و بابا جامي هز يدوآ عليآ ؟
معلاباليش الظروف اللي خلاتك تروحي تسكني في دار غير داركم
لكن نقولك الحلم والعفو من سمات الأخيار ومعاملة الناس بالمثل جامي كنت حل خصوصا مع الأرحام
كوني خير منو وسامحيه واحضري عرسو عادي ، واعملي لآخرتك خاطر العداوة ما تربحي منها غير البغضاء والكراهية
اسكوآ هاد لعجوز تستهل واش درك فيهآ ؟
منقولوش تستهل ولا متستهلش
هي صحيح والفت بيك وما عندها حتى ذنب وانتي بقرارك العودة لداركم عملتي الصواب
الواحد فينا ما يرتاح إلا في دار والديه
اطلبي منها العفو والسماح لأنو هي ما عندها حنى دخل في وش كان ابنها يديرو
وكان من الأحسنم لو قلتيلها مقدرتش نتحمل هداك الشخص ومضطرة نخليك أحسن
اسكوآ انتومآ تتحملوآ لوكآن جيتوآ في بلآصتي ؟
انا بصراحة منتحملش يمد عليا انسان يدو ولا يرفع صوتو عليا مهما كان
ومهما درت ، وكل واحد وعقليتو مثلا انا تربيت عاقلة منيش تع مشاكل مي حساسة يعني كون نغلط ويعيطو عليا نجيبها ايامات وانا نبكي خخخخخخخخ


منورة اسما وروحي للعرس مش على وجهو وانما على وجه لعجوزة
​

 

[آمِيْرَتُه]

رد: سلسلة عني الحق ولا ما عنديش مـــع : عـاشقة الجّنة

السلام عليك
حنا معشناش معاك باه نعرفوا الحكاية
واقيلا كنت ديري طوايش و لا حاجة اخرى و كان يضربك
ممكن كان يضحك معاك و يضربك
الله اعلم لان في حكايتك راكي مخبية حوايج حتى انك مقلتيش هذا الشخص كيفاش يجيك ممكن خالك و لا عمك
المهم يقولك المسامح كريم روحي خدمي لوجه الله و فرحي كيما الناس
مشكورة

 

[Skor m@k]

رد: سلسلة عني الحق ولا ما عنديش مـــع : عـاشقة الجّنة

السلام عليكم
كان عندنا نفس الروبلام تاعك صرا مع أختي
راحت سكنت مع ماني ملي كانت صغيرة
كي كبرت ولا خالي مرات يضربها بكف ولا يعيط معاها او كانت تبكي او تكرهو
ضرك تزوج راحت للعرس ديالو
مور العرس تبدل ولا يهدر معها نورمال ......
أنا نقولك روحيللعرس ديالو نتي افرحي او قسري ميهمكش في خاطر ولديك او هذيك العجوزة
بلاك مور العرس تتبدلو العقلية ويولي يحكي معاك مليح
او سمحيلي اذا طولت عليك​

 

[Nina's]

رد: سلسلة عني الحق ولا ما عنديش مـــع : عـاشقة الجّنة

السلآم عليكم و رحمة الله و بركآته


انا من بكري ضد العنف ضد المرأة لأنو سلوك حيواني همجي ما يقبلو حتَى وآحَد


و هَذَا العَبد مآ يستاهلش ترُوحي لعرسو بصّح البسي و امشيطي و استيكي و روحي هههههه خلّيه يموووت


و بالنسبة للعجوزة صح تغيض mais كي عآدت تشوفو يضربك و مآ تهدرش تروح تلعب بعيد كي هيّا كي ولِيدهَا -_- أسمحولي بصح نكره واحد يترجل على امرأة و برا capable يكونو يرخسوه​

 

[السلطانة]

رد: سلسلة عني الحق ولا ما عنديش مـــع : عـاشقة الجّنة

وعليكم السلام

والله ياعاشقة الجنة وطفولتها البريئة :p


بون اختي انتي قلتي رحتي سكنتي عند هاد لافامي واكيد كانت كاينة ظروف خلات والديك يخلوك تما ويأمنو في العايلة هادي

انا نقولك المسامح كريم

روحي لعرس هاد السيد نورمال وديري روحك ماكاين والو
وعلى المرى هادي نشوف بلي ماكانش عندها ذنب بالرغم من انها من المفروض كانت مسؤولة عليك تلاحظ تصرفات ابنها

وكون جيت في بلاصتك كنت درت الحرب وحصلت هاد السيد
منخليهاش في قلبي تحرق

او كنت عطيتو خبطة ارديته قتيلا خخخخ

المهم اختي حاولي تسامحي وخلاص

شكرا على الموضوع الرائع


​

 

[~خفة روح~]

رد: سلسلة عني الحق ولا ما عنديش مـــع : عـاشقة الجّنة

درتو الموضوع ومقلتوليش حرام عليكم
موضوع شباب لي عودة

 

[ضآحكة مستبشرة]

رد: سلسلة عني الحق ولا ما عنديش مـــع : عـاشقة الجّنة

لــــــــــي عودة للرد عليكم​

 

[Oussama.GF]

رد: سلسلة عني الحق ولا ما عنديش مـــع : عـاشقة الجّنة

سلام عليكم
هاد انسان غير محترم نعطيك نصيحة انا من سامحوش طول حاتن يجي ويطلب سماح بش نسامحوا
عجوز مسكين مادنبها والو ولدها لي ناس شر مايديروش لخير انا لوكان جيت في بلاستك نسمح لعجوزت
لوكان سارلي حادث كما هاد ننفيه من دنيا هداك عبد