الوالدة دوختني يا جماااعة.....

[الامين محمد]

عندي مدة طويلة ما يحكيتش مع الوالدة
تعرفوا الوقت راه بلا بركة
ادا اقدرت تعمل حاجة و تخلصها راك مليح
امس كنت تعبان خرجت بكري من الخدمة
قلت اليوم نريح في الدار شوية

لما وصلت لقيت الوالدة جالسة في الحوش مع واحد الخروف صغير
مات امه عزيناه و قلنا نكبروه في الدار
فعلا دخل قلوبنا و اصبح واحد من العايلة

لكن المشكلة في الوالدة راهي تحكي معاااه
حسباته ولد موش خروف

حتى انها قالت لي راهو الأكل تماك سخن و افطر راني نرضع في خوووك

خووووك ؟ دخت و قلت راهي غلطت برك يا الأمين

أخدت الأكل و رحت عندها قلت كاش ما نحكوا
و الله ما طلعتها في

كانت تحكي مع الخروف
و قالت ليه
هاديك المصفارة جارتنا أم الخير الله لا يعطيها ربي الخير
هي سباب يتمك

قلتلها كيف يا ما
قالت هي اللي عينت لينا النعجة نهار شافتها
ياك في صبحتها ماتت النعجة

قلتلها علاش جات عندنا أم الخير
قالت جات لما سمعتني نصرخ
تصرخي ليش ياما
خلعني فار كان في الدار
الفار عمره ما قتل واحد ياما ليش تصرخي ياما
قالت كله بسبب جارتنا لالا خيرة السحارة
كيف ياما
قالت يقولوا الفار يجي بسبب العين
و انا عارفة لا لاخيرة عينها تخرج في المكان

واش عملتي للفار ياما عملتيله شي فخ او قرطة
قالت القرطة راهي عند اللفعة الزهرة جارتنا
ياما ليش تقولي عليها لفعة
قالت هدرت في عند العقرب يمينة جارتنا لخرى
ياما ليش تقولي عليها عقرب
قالت كان عينها عليك يا ولدي
ليش ياما عندها 60 سنة حبتني نتزوجها
قالت مازلت نية حاباتك تتزوج بنتها الجايحة
ليش ياما تقولي الجايحة
قالت هي جايحة بسباب جارتنا الأخرة ام جيلالي الموسخة
النهار كامل و هي تغتب معاها
ليش ياما تقولي عليها الموسخة
قالت لي موسخة بسبب جارتنا الأخرى فتيحة المهبولة
ليش ياما تقولي عليها المهبولة
قالت لي عمري ما يطيبت مليح
قلت ليها علاش كاش مرة كليتي عندها
قالت ايه البارح تعشيت عندها
تعرف وليدي تصنع واحد الكسكس تاكل صباعك مووراه
قلت ليها ياك قلتي ماتعرفش تطيب
قالت لي قوم يا ولدي راك مصباح تغتب في الجيران

روح جيب القضيان عندنا ضياف الليلة
قلت ليها شكون
قالت راني عازمة كل جاراتي حبيباتي


حبيييييبااااتك
قالت ايه حبيباتب و انت واش دخلك روح اقض القضيان و استغفر و خليك من الغتبة
قامت اما و حملت سبحتها و بدأت
استغفر الله
استغفر الله
استغفر الله

و خلاتني حااااير


هكدا العرف عندنا غتبة ثم عرضة و محبة
ربي يهديك ياما

فرصة اخرى و نزيد نحكي على طرائف اما
سلاااام​

 

[الامين محمد]

رد: الوالدة دوختني يا جماااعة.....

ادا ما رديتوش رايح اما تزعف
و بلاك تغتبكم
ههههههههههههههه​

 

[حكاية قمر]

رد: الوالدة دوختني يا جماااعة.....

السلام عليكم
كل شي غي للتزعف منا لحاجة
والله شا نقولك هدا مسلسل مكرر تقريبا عند كامل الجارات
شا وا لازم تهدر مك وتفهمها بلي هاد شي حرام و لا يجوز
الله غالب ما نقدروش نلموهم لانو بزاف منهم ماشي عارف أمور الدين
ولكن حنا بما أنا قرينا لازم نحاول ع أقل نبينو ليهم شا هي حاجة لي تلزم ولي لا
بلا ما ننساو دور قنوات الدينية راهي توعي وتبين شي صوالح املاح​

 

[الامين محمد]

رد: الوالدة دوختني يا جماااعة.....

السلام عليكم
كل شي غي للتزعف منا لحاجة
والله شا نقولك هدا مسلسل مكرر تقريبا عند كامل الجارات
شا وا لازم تهدر مك وتفهمها بلي هاد شي حرام و لا يجوز
الله غالب ما نقدروش نلموهم لانو بزاف منهم ماشي عارف أمور الدين
ولكن حنا بما أنا قرينا لازم نحاول ع أقل نبينو ليهم شا هي حاجة لي تلزم ولي لا
بلا ما ننساو دور قنوات الدينية راهي توعي وتبين شي صوالح املاح​

ههههههههههه
عمرها ماراح تزعف منكم أنتم من أعاد الحياة لولدها الأمين
قبل أن اعرفكم كنت دبلان
و الان على الأقل راني نفرغ قلبي لأحبابي و اخواني
الموضوع هو يحكي بشكل عام على امهاتنا
لكن و الله طيبات و نيتهم غالبة على حيلتهم
ياو لوكان نلحقوا غير النصف
مما وصلوا اليه

شكرا اختاه على المرووور الطيب​

 

[*Prinçesse*]

رد: الوالدة دوختني يا جماااعة.....

السلام عليكم

علابالك خويا الامين و انا نقرا في موضوعك ههه جاتني و كانو الموضوع حكاية خيالية هههه حكيتها هكذاك تالمون نتا و امك سؤال و جواب ههه

من بعد هبطت لتحت لقيت باللي صح دار الحديث بينك و بين امك في الحقيقة

ربي يحفظلك ميمتك ههه عجبتني امك فوور ههه ​

 

[الامين محمد]

رد: الوالدة دوختني يا جماااعة.....

السلام عليكم

علابالك خويا الامين و انا نقرا في موضوعك ههه جاتني و كانو الموضوع حكاية خيالية هههه حكيتها هكذاك تالمون نتا و امك سؤال و جواب ههه

من بعد هبطت لتحت لقيت باللي صح دار الحديث بينك و بين امك في الحقيقة

ربي يحفظلك ميمتك ههه عجبتني امك فوور ههه ​

ربي يخليك
و ربي يخليلك أهلك و أحبااابك
أشكرك على عطر المرووور
اما عندها قصص كل ما تجي الفرصة رايح نحكي عليها
ههههههههههههههه​

 

[hadil21]

رد: الوالدة دوختني يا جماااعة.....

ههههههههه والله وكانها قصة خيالية
امك روعة خويا ربي يحفظهالك

 

[سجينة الصمت]

رد: الوالدة دوختني يا جماااعة.....

هههههههههه
وكأنها حكاية من الخيال
ربي يخليلك امك ورانا نستناو حكايات اخري

​

 

[سكون الفجر]

رد: الوالدة دوختني يا جماااعة.....

ههههه، الله يسعد قلبها ويجعلها ترضى عنك يارب العالمين
والله ضحكت من قلبي يا أخي ربي يسعدها فيكم ويجعلها ربي من نساء أهل الجنة
هذا الفيلم في كل بيت لا تدووخ أخي ولولا أفلام امي في بيتنا
لكان بيتنا لا يطاق ههه والله اني أحبها
ربي يحفظها هي وحبيباتها الجارات يا اخي اتركها ولا تزعجها
الله يسعدكم أخي الكريم

​

 

[ضآحكة مستبشرة]

رد: الوالدة دوختني يا جماااعة.....

ههههههههههه معرفت نضحك معرفت واش نقول
يخي حاجة يخي
و انت زدت شديت معاها في القيد
ربي يحفظلك امك و يخليهالك تاج فوق راسك
يا خويا هادوا هوما لعجايز كي يكبرواااااااا يبداو غير يحكوا و خلاص
اتهلا فيها​

 

[الامين محمد]

رد: الوالدة دوختني يا جماااعة.....

شكرا أحبتي على عطر و كرم المرووور
لي عودة للرد على اسهاماتكم​

 

[Skor m@k]

رد: الوالدة دوختني يا جماااعة.....

شكرا لك يا أخي
والله معرفت واش نقولك
هذو هما النسا وخاصة الأم لزم عليك تقول اييه وخلاص بلاك هي مقصدتش سحارة ولا مهبولة
برك زعما باش تقولك راح نعرضهم ههههه
بارك الله لك ولوالديك
ان شاء الله ​

 

[Hakan]

رد: الوالدة دوختني يا جماااعة.....

والله ياخويا لا انت عسل حر
ربي يحفظك اولا نشكرك وبزاااف لنك افصحت لنا عن بعض اسرارك المنزلة شكراا
لوضع ثقتك فينا
ربي يخليلك الوالدة وياخويا هادو الناس نتاع بكري
اهل نية وصافيين بالاك يغتابو وبالاك يديرو كلش لكن والله غير
ما يحقدوش ماشي كي عباد نتاع ضرك
ربي يستر
وربي يحفظك يا الامين زيماموش......​

 

[الامين محمد]

رد: الوالدة دوختني يا جماااعة.....

شكرا أحبائي على عطر المروو
شكرا حبيب قلبي حكيم على الاطراء الدي لا أستحقه

لي عودة بحول الله​

 

[حمزةusma]

رد: الوالدة دوختني يا جماااعة.....

حوار شيق خويا امين استمتعت بقراءته
شكرا لك على الطرح

 

[Oussama.GF]

رد: الوالدة دوختني يا جماااعة.....

سلام موضو ع مهم لنقاش
هادي حكاية خويا شكراااا

 

[Oussama.GF]

رد: الوالدة دوختني يا جماااعة.....

ولاه امك نعمة خلق تعتني بالخروف اعجب شي