السلام عليكم
واش راكم حبابنا إن شاء الله بخير
العنوان كاين منو ومش كذبة
عزيزي الجزائري عزيزتي الجزائرية
تقدرو تسافرو باطل وبدون مصروفة ولا سيارة ولا طاكسي ولا قطار
كلشي باطل ماتقلقكش كامل
جيب المرا الولاد الصحاب كيما تبغي
تضربها بتحويسة وين تحب
كيما راكم تتمتعوا على ظهورنا وعلاه لالا
ياسيدي زاحمتونا قلنا معليه ديتولنا البلايص وحنا وقفنا قلنا معليه جبتو صحابكم وصحاباتكم زعفنا وخليناها في قلوبنا مي كي وصلت تتحرشو بينا وتسرقونا هنا تحبس
عرفتو عليمن راني نهدر!؟
راني على حافلة الطلبة عذرا حافلة الشعب حافلة الباطل
تروح صباح لله على 06 تركب تلقى الكوس معمر آآآو،،، وش هذا هذا عمي فلان يخدم فالبلاصة الفلانية واش جابو فالكوس نتاع الطلبة؟ياك خدام وكلشي 30دج وهو وصل لخدمتو؟وهذيك شكون صباح ياربي رايحة آآآ فلانة رايحة للجزائر راهي تجهز
وهاذوك اﻷطفال شكون؟إيه موصيين عليهم هاذوك مايقراوش فهاذ الولاية تساعدهم آلجي
وهذاك الجان واش جابو؟ هذاك رايح يحوس
وهاذوك الجماعة؟هاذوك جاو يصيدو ويسييو زهرهم
والطالب والطالبة هازين كراطبهم والبيسيات مساكن واقفين يلعنو في زهرهم
هاذي على 06 والكوس ديال 07 و 08 نخلي البير بغطاه أفضل
والعشية كي نجيو مغفرونين ذنوب في أمل نريحو شوي
تلقى الكوس رايح يطرطق
شكون هاذو كامل صحاب 04.30 هذا وين خرجو معانا
كي تجي تطلع فيه تحارب والله غير تحارب ويزيدو يحلو فامهم ويقولو وين رايحين وين؟
خويا هاذ الكوس نتاع طلبة جابلي ربي نزاحمو على سواد سعدنا ونوقفو ونتعفسو وصابرين وشادين فربي
مي كي رجعت الخدامين والبرانيين يتلاحو لينا خلاص واش هذا ولينا فبيت دعارة؟سامحوني على هاذ الكلمة بالصح والله عايشين رعب
ماتحشمش يافلان راك قد بابا تتلاح لطالبة؟وين تهرب فوسط الغاشي هذاك مسكينة؟ونصف البرانيين مافيا تحلي فمك يحكمك برا يدير فيك حاجة
وين وصلنا ؟ ووين رايحين بيها؟
ولا كي تكون قاعد تحمد ربي ألي ماراكش فالوسط لاصق بين الراجل وخوه ولا بين النسا حتى جيك قنبلة يطلع عجايز ولا مرا حامل ولا شيخ راح تخليهم واقفين؟وين تصد تلقاها مغلوقة
كنت نقرى فوحد الجامعة حتى وراك طالب بلا بطاقة النقل ماتطلعش النظام فيها روعةالبراني ماكانش وزيد كي يكون معمر الطالب والله مايتلاح ليك وحاكم قدرو مي من نهار بدلت للبلاصة ألي راني فيها من هب ودب يدخل وسمعت بلي كل الجامعات ولاو هكذاك
تأمنو وصلت بناس شفناهم بسيارات فخمة ديالهم ونهار الخدمة يحطوها فالباركينغ ويجي يدير لاشان معاك ويزلحم ويقولك طريقو يحطني فالخدمة
انحطاط كبير وتراجع ألي تخرجو هنيئا لهم ماشي كيما حالتي مازالي 04 سنين معاناة
نتمنى مانكونش طولت عليكم
تهلاو فرواحكم ونتلاقاو في مواضيع أخري بحول الله
سلام
واش راكم حبابنا إن شاء الله بخير
العنوان كاين منو ومش كذبة
عزيزي الجزائري عزيزتي الجزائرية
تقدرو تسافرو باطل وبدون مصروفة ولا سيارة ولا طاكسي ولا قطار
كلشي باطل ماتقلقكش كامل
جيب المرا الولاد الصحاب كيما تبغي
تضربها بتحويسة وين تحب
كيما راكم تتمتعوا على ظهورنا وعلاه لالا
ياسيدي زاحمتونا قلنا معليه ديتولنا البلايص وحنا وقفنا قلنا معليه جبتو صحابكم وصحاباتكم زعفنا وخليناها في قلوبنا مي كي وصلت تتحرشو بينا وتسرقونا هنا تحبس
عرفتو عليمن راني نهدر!؟
راني على حافلة الطلبة عذرا حافلة الشعب حافلة الباطل
تروح صباح لله على 06 تركب تلقى الكوس معمر آآآو،،، وش هذا هذا عمي فلان يخدم فالبلاصة الفلانية واش جابو فالكوس نتاع الطلبة؟ياك خدام وكلشي 30دج وهو وصل لخدمتو؟وهذيك شكون صباح ياربي رايحة آآآ فلانة رايحة للجزائر راهي تجهز
وهاذوك اﻷطفال شكون؟إيه موصيين عليهم هاذوك مايقراوش فهاذ الولاية تساعدهم آلجي
وهذاك الجان واش جابو؟ هذاك رايح يحوس
وهاذوك الجماعة؟هاذوك جاو يصيدو ويسييو زهرهم
والطالب والطالبة هازين كراطبهم والبيسيات مساكن واقفين يلعنو في زهرهم
هاذي على 06 والكوس ديال 07 و 08 نخلي البير بغطاه أفضل
والعشية كي نجيو مغفرونين ذنوب في أمل نريحو شوي
تلقى الكوس رايح يطرطق
شكون هاذو كامل صحاب 04.30 هذا وين خرجو معانا
كي تجي تطلع فيه تحارب والله غير تحارب ويزيدو يحلو فامهم ويقولو وين رايحين وين؟
خويا هاذ الكوس نتاع طلبة جابلي ربي نزاحمو على سواد سعدنا ونوقفو ونتعفسو وصابرين وشادين فربي
مي كي رجعت الخدامين والبرانيين يتلاحو لينا خلاص واش هذا ولينا فبيت دعارة؟سامحوني على هاذ الكلمة بالصح والله عايشين رعب
ماتحشمش يافلان راك قد بابا تتلاح لطالبة؟وين تهرب فوسط الغاشي هذاك مسكينة؟ونصف البرانيين مافيا تحلي فمك يحكمك برا يدير فيك حاجة
وين وصلنا ؟ ووين رايحين بيها؟
ولا كي تكون قاعد تحمد ربي ألي ماراكش فالوسط لاصق بين الراجل وخوه ولا بين النسا حتى جيك قنبلة يطلع عجايز ولا مرا حامل ولا شيخ راح تخليهم واقفين؟وين تصد تلقاها مغلوقة
كنت نقرى فوحد الجامعة حتى وراك طالب بلا بطاقة النقل ماتطلعش النظام فيها روعةالبراني ماكانش وزيد كي يكون معمر الطالب والله مايتلاح ليك وحاكم قدرو مي من نهار بدلت للبلاصة ألي راني فيها من هب ودب يدخل وسمعت بلي كل الجامعات ولاو هكذاك
تأمنو وصلت بناس شفناهم بسيارات فخمة ديالهم ونهار الخدمة يحطوها فالباركينغ ويجي يدير لاشان معاك ويزلحم ويقولك طريقو يحطني فالخدمة
انحطاط كبير وتراجع ألي تخرجو هنيئا لهم ماشي كيما حالتي مازالي 04 سنين معاناة
نتمنى مانكونش طولت عليكم
تهلاو فرواحكم ونتلاقاو في مواضيع أخري بحول الله
سلام
آخر تعديل بواسطة المشرف:
