هذي مشاركتي في مهرجان الفراولة
درت طريقة الاخت ندى واضفت الفراولة في الحشو خدمتها كيما نخدمو الجينواز
المقادير
5حبات بيض
زاست حبة قارص
2ملعقة اكل ماء دافئ
150غ فرينة مغربلة مع كيس خميرة حلوى
125غ سكرعادي ممكن تنقصي شوية لانك رايحة تحشيه بالكريمة
رشة ملح
اولا نفصل البياض عن الصفار نطلعو البياض مع نصف كمية السكرحتى يولي مرانغ والصفار مع النصف الاخر ونضيفو الزاست وكذلك ملعقتين من الماء الدافئ حتى يولي الخليط ثقيل من بعد نكونو غربلنا الفرينة مع الخمارة في هذا الاثناء نضيفو خليط المرانغ مع الفرينة الى الصفار بالتساوي ثلث كمية المرانغ مع ثلث كمية الفرينة ونخلطو من تحت لفوق حتى يولي الخليط هكذا
ندروها في فرن مسخن على 200درجة ونخلوها خمس دقائق ونرجعو نقصو الى 180درجة
منخلهاش طول في الفور باش متتكسرش كنجو نلفوها
نلفوها وهي سخونة في طرشونة مبلولة ونخلوها على الاقل نصف ساعة
طلعت شانتي
سقيتها بالمربى المخفف بقليل من الماء
درتلها شانتي وقطع صغيرة من الفراولة
لفيتها
ودرتلها كريم شانتي
ورمدتها في كوكاو مقلي ومرحي
ودرتها في الثلاجة تقريبا نصف ساعة من بعد قطعتها
بغيت نضيفلهم تزيين بخطوط من دكجال ذوق شكولا هذي من اقتراحي ان شاء الله تعجبكم متضحكوش عليا هههههههههههههه :d:d:d
وهنا درت طريقة ام اماني في تزيين سويسرول
وهذو زوج تاع لتارت خدمتهم بغيتكم تشوفوهم زينتهم بحبات فراولة
هذي بدكجال شكولا
ان شاء الله تعجبكم مشاركتي
آخر تعديل بواسطة المشرف:
