السلام عليكم و رحمة الله تعالى و بركاته
واش راكم ؟ بعد غياب طويل و طويل جداً عن المنتدى رجعنا و رجع حسْنا معانا . :3
أولاً دعواتكم لي من أجل شهادة البكالوريا .
ندخل في موضوعنا .
من بعد كامل أنواع الزواج اللي خرجو و شفناهم ، التقليدي و المسيار و مانعرف واش أنا ، خرج نوع جديد ما سمعتوش بيه ؟ :s . غريـــب ، متأكدة باللي كامل تعرفوه زيدو خمو مليح زيدو .... أنعم العنوان يصف نفسه ، الزواج بالدراهم :3 بصح ماشي نلبسو الدراهم و نصدروهم وكامل هههههه :p لالا .
يـا سيدي نحكيلكم حكاية و انتوما احكموا باش تفهمو مليح مليح على واش راني نحكي .
هادي وحدة جاها مكتوب كيما كامل البنات ، راني نعرفها مليح مليح ماشاء الله عاقلة و رزينة و نقدر نقول مكاش كيفها ، سقسا باباها و كلش ، و تفاهمو و دارو الفاتحة كيما كان الحال ، و مع الايام هادي البنات و الرجال يقولو لازم نهدرو في فترة الخطوبة باش نعرفو العقلية كيفاه و راكم عارفين الحالة بلا ما نفصل اكثر
الطفلة استاذة و هو Policier .
على كلِ الراجل ما يحبش يهدر معاها بزاف و كل ما يجي يعيط ف الليل كي تنطق الكلمة الاولى يقلها آآه صاحبي نسيت باه نعيطلو ، اصبري نعيطلو يضرب بالساعة يهدر و مبعد يعيطلها يقلها راني نعسان تصبحي بخير كل مرة .
المهم بداو يتفاهمو قرب العرس و كلش و لازم يتفاهمو على الدار و الكراء و القش و علابالكم ، الراجل يقلها عاونيني ف الكراء تقلو ايه ، قلها اشري La chambre و L'electro Ménager انا بزاف عليا مصروف العرس و كلش ، الطفلة بدا يدخلها الشك . اومبعد قلها لالا انا مانديرش داري وحدي تسكني مع يما (و هو مقاطع دار يماه عنده 5 سنين ) العقل و مايتقبلهاش هادي داركم ماتدخلهاش و انا نسكن فيها
، و مبعد قلها اسكني مع خويا و مرته ، هي قاتلو لالا انا ما نقبلش ماهوش محرم نتاعي و انا نحب ندي راحتي و زيد Des batiments زوج بيوت مانقدرش نتحرك ، حرام عليا نسكن مع حمايا . ايا واش قلها ؟ نقلكم واش قلها ؟
قلها معليش و ايلا هكا ، اسكني في داركم و انا نقعد في خدمتي و نتلاقاو مرة على مرة و صايي ، بصح اسمعي يا بنت الناس انا نحتاج دراهم و كامل اكي عارفة مرة على مرة ارسليلي . الطفلة بقات K.O
فسخت الخطوبة و الحمد لله اللي مكانش العقد .
المهم طولت عليكم علابالي ، راهي واصلتلي للعنق :sport01:
واش رايكم في واش قالها ؟ و هي التصرف نتاعها ؟
واش رايكم في هدا النوع من الزواج ف الاصل ؟
هل يجب على المراة انو تعاون زوجها مادياً ؟
هل صحيح المرأة العاملة يتزوجوها علاجال دراهمها وفقط؟
لكم مني فائق التحية و الاحترام ، الأقلام لَكم.
واش راكم ؟ بعد غياب طويل و طويل جداً عن المنتدى رجعنا و رجع حسْنا معانا . :3
أولاً دعواتكم لي من أجل شهادة البكالوريا .
ندخل في موضوعنا .
من بعد كامل أنواع الزواج اللي خرجو و شفناهم ، التقليدي و المسيار و مانعرف واش أنا ، خرج نوع جديد ما سمعتوش بيه ؟ :s . غريـــب ، متأكدة باللي كامل تعرفوه زيدو خمو مليح زيدو .... أنعم العنوان يصف نفسه ، الزواج بالدراهم :3 بصح ماشي نلبسو الدراهم و نصدروهم وكامل هههههه :p لالا .
يـا سيدي نحكيلكم حكاية و انتوما احكموا باش تفهمو مليح مليح على واش راني نحكي .
هادي وحدة جاها مكتوب كيما كامل البنات ، راني نعرفها مليح مليح ماشاء الله عاقلة و رزينة و نقدر نقول مكاش كيفها ، سقسا باباها و كلش ، و تفاهمو و دارو الفاتحة كيما كان الحال ، و مع الايام هادي البنات و الرجال يقولو لازم نهدرو في فترة الخطوبة باش نعرفو العقلية كيفاه و راكم عارفين الحالة بلا ما نفصل اكثر
الطفلة استاذة و هو Policier .
على كلِ الراجل ما يحبش يهدر معاها بزاف و كل ما يجي يعيط ف الليل كي تنطق الكلمة الاولى يقلها آآه صاحبي نسيت باه نعيطلو ، اصبري نعيطلو يضرب بالساعة يهدر و مبعد يعيطلها يقلها راني نعسان تصبحي بخير كل مرة .
المهم بداو يتفاهمو قرب العرس و كلش و لازم يتفاهمو على الدار و الكراء و القش و علابالكم ، الراجل يقلها عاونيني ف الكراء تقلو ايه ، قلها اشري La chambre و L'electro Ménager انا بزاف عليا مصروف العرس و كلش ، الطفلة بدا يدخلها الشك . اومبعد قلها لالا انا مانديرش داري وحدي تسكني مع يما (و هو مقاطع دار يماه عنده 5 سنين ) العقل و مايتقبلهاش هادي داركم ماتدخلهاش و انا نسكن فيها
، و مبعد قلها اسكني مع خويا و مرته ، هي قاتلو لالا انا ما نقبلش ماهوش محرم نتاعي و انا نحب ندي راحتي و زيد Des batiments زوج بيوت مانقدرش نتحرك ، حرام عليا نسكن مع حمايا . ايا واش قلها ؟ نقلكم واش قلها ؟
قلها معليش و ايلا هكا ، اسكني في داركم و انا نقعد في خدمتي و نتلاقاو مرة على مرة و صايي ، بصح اسمعي يا بنت الناس انا نحتاج دراهم و كامل اكي عارفة مرة على مرة ارسليلي . الطفلة بقات K.O
فسخت الخطوبة و الحمد لله اللي مكانش العقد
. المهم طولت عليكم علابالي ، راهي واصلتلي للعنق :sport01:
واش رايكم في واش قالها ؟ و هي التصرف نتاعها ؟
واش رايكم في هدا النوع من الزواج ف الاصل ؟
هل يجب على المراة انو تعاون زوجها مادياً ؟
هل صحيح المرأة العاملة يتزوجوها علاجال دراهمها وفقط؟
لكم مني فائق التحية و الاحترام ، الأقلام لَكم.
آخر تعديل بواسطة المشرف:
