آخر خرجات العرب المسلمين في رمضان عيش تشوف

آمِيْرَتُه

آمِيْرَتُه

:: عضو بارز ::
أحباب اللمة
إنضم
13 جوان 2011
المشاركات
14,544
نقاط التفاعل
19,264
النقاط
971
محل الإقامة
: ♥ قلب عسكوري ♥
الجنس
أنثى

السلام عليكم ورحمة الله تعالى و بركاته




صحة رمضانكم و إن شاء الله ربي يتقبل منا و منكم


كل يوم نشوفو العجب اما في الجزائر او في الدول العربية و كي جا رمضان قلنا خلاص الشعب استعقل حتى خرج لينا بخرجة كيما نقولو في وهران خرجة من الgصب رجعو يصوروا رواحهم بطريقة سيلفي و هما يصلو في الجامع و لا في الدار :-o زعما شوفوني يا ناس راني نصلي و نزيدكم عطاوه اسم سيلفي اسلامي :smile02:

do.php


صوروا رواحهم في الكعبة قلنا معليش راهم يورو لينا اجواء العمرة والحج
صوروا رواحهم راقدين قلنا معليش للترفيه
صوروا شواربهم قلنا معليش مراهقة
مي تصور روحك و بطريقة سيلفي و انت تصلي غير هذي لي منبغيش
وين رانا هذا استهزاء بالدين و بالصلاة
الجهل وين لحقنا
عجب و الله
في وحد الباجة مصورين رواحهم يصلوا في التراويح :s
راسي حبس منهم
لا حول و لا قوة غلا بالله
لكم التعليق و صحة فطوركم









​
 
آخر تعديل بواسطة المشرف:
رد: آخر خرجات العرب المسلمين في رمضان عيش تشوف

وعليكم السلام يعطيك الصحة
منمن والله عيب واش راهي صاري انا شفت الفوطو تاع البنات لي راهم يصورو وهوما يصلو
بقيت داهشة يعني كان هوما صورو روحهم برك واخرين نشروهم معرف
كيما الصورة لي وريتيها باين السيد مصور روحو وحاطة
يعني ياريت يستعقلو
ربي يهديهم ماش هكا بعد
 
رد: آخر خرجات العرب المسلمين في رمضان عيش تشوف

السلام عليكم ورحمة الله وبركاته وغفرانه

ربي يحفظ ويستر
الى هذي الدرجة وصلت بيهم الوقاحة
المجتمع الاسلامي راه يوم ورا يوم يزيد يرجع للوراء
بسبب الغزو الثقافي

ربي يهديهم هذا مانقولوا
​
 
رد: آخر خرجات العرب المسلمين في رمضان عيش تشوف

قال ساندريلا زماني:
وعليكم السلام يعطيك الصحة
منمن والله عيب واش راهي صاري انا شفت الفوطو تاع البنات لي راهم يصورو وهوما يصلو
بقيت داهشة يعني كان هوما صورو روحهم برك واخرين نشروهم معرف
كيما الصورة لي وريتيها باين السيد مصور روحو وحاطة
يعني ياريت يستعقلو
ربي يهديهم ماش هكا بعد
إضغط للتوسيع...

وعليكم السلام
هما مصورين رواحهم
انا تاني شفت في وحد الباجة شيرات مصورين رواحهم في الجامع التراويح و الضحك و كل شي
ربي يهديهم كيما قلتي
 
رد: آخر خرجات العرب المسلمين في رمضان عيش تشوف

قال نظرة تفاؤل:
السلام عليكم ورحمة الله وبركاته وغفرانه

ربي يحفظ ويستر
الى هذي الدرجة وصلت بيهم الوقاحة
المجتمع الاسلامي راه يوم ورا يوم يزيد يرجع للوراء
بسبب الغزو الثقافي

ربي يهديهم هذا مانقولوا
​
إضغط للتوسيع...

اهلا اللهم امين
هلكونا بالعفايس الفاسدة
 
رد: آخر خرجات العرب المسلمين في رمضان عيش تشوف

السلام عليكم
اهلا واش راكي ... مساء الخير
اختي آمنة والله سبقتيني كنت نكتب في هاد الموضوع دروك
ههههه ماعليش القلوب عند بعضاها ... قلت نطل على الموضوه الجديد كاش جديد فيه .... سبحان الله ... خخخ
شفتي شفتي التبهدايل وين وصل الأستهزاء بنا
في بيوت الله والله عيب وحشومة تاع شوفوني راني نصلي وراني الجامع تاع زووووخ برك هادا مكان
اما الإيمان زيروووو صراحة
وزيد طلقو عليه سيلفي اسلامي ...راسك يحبس من هاد العبااااد والله كيفاش راهم يخمموا لا حول ولا قوة الا بالله ....بصح كاين تاني حاجة واحد قاللهم من قلب الحدث زعما مصور روحو وحطها في الفيس في اقل من 2 دقايق ... والله 3g هادي فضحتنا ودارتلنا تبهداااايل ... الغرب كل ما يتقدموا للأمام نرجعوا احنا 100 سنة للوراااء وخاصة الإسلام هادوااا ان يبانولي لا علاقة لهم بديننا الحنيف
الله يهدينا ويهديهم برك هادا مانقولوا
​
 
رد: آخر خرجات العرب المسلمين في رمضان عيش تشوف

والله عيب
الله يهديهم
اناتاني حرت في البنات الي يديرو رواحم يقراو في المصحف ومن قدامهم شادين البورتابل اكونكتو
لا اله الا الله
يارب ترزقنا الثبات والسداد
يعطيك الصحة منمن
وصحا فطورك
 
رد: آخر خرجات العرب المسلمين في رمضان عيش تشوف

و عليكم السلام و رحمة الله تعالى وبركاته
استغفر الله العظيم و لا حول و لا قوة الا بالله
والله مالقينا مانقولوا
كل مرة يخرجولنا بخرجة ، و كي تحكي معاهم و تنصحهم يقولولك انت معقد و عقليتك متخلفة و لا غاير منا
ما عندنا مانديروا
ربي يستر برك ان شاء الله
و ان شاء الله يارب يهدينا و يهدي كل المؤمنين
بارك الله فيكي و جزاكي خيرا اخية للطرح المميز بكلماته الدهبية و معانيه الجوهرية
تحياتي القلبية
في امان الله و حفظه
سلام الله عليكم
​
 
رد: آخر خرجات العرب المسلمين في رمضان عيش تشوف

السلام عليكم اختي
ياختي واش رايح يجيك من ناس عادوا عايشين بالسلفي كل تحريكة زوج يدير فيها سيلفي وفوق الشي هذا كامل ماكفاهمش عادو يصوروا روحهم وهوما يصلو تقول يصلو للناس ماشي لربي سبحانو ذرك انا هذا لي فالصورة مافهمتوش باه يخمم هذا اذا كان اصلا يخمم يعني ياعجابة الناس تصلي وتخشع لربي وتقول قليل وهو من نيتو يصور في روحوا ربي يهدينا اختي ويصلح احوالنا
بارك الله فيك على الموضوع ودمتي في رعاية الله ​
 
رد: آخر خرجات العرب المسلمين في رمضان عيش تشوف

السلام عليكم ..


و الله لا تعليق ... كانت من قبل الجهر بالمعصية الان ولينا الجهر بفعل الخير ..


ربي يجيب الخير
 
رد: آخر خرجات العرب المسلمين في رمضان عيش تشوف

السلام عليكم
ظهر الفساد في البر والبحر
مبقات حتى حجا تشجع في هذي لبلاد كل حاجة تبورات
مفهمناش الى ميعرفوش ولا يعمدو برك
كاين عقليات بزاف بصح كيما هاذو غيركي لبانو
الله المستعان
بارك الله لك​
 
رد: آخر خرجات العرب المسلمين في رمضان عيش تشوف

سلام عليكم اختي

وصح رمضانك

ياسلااام ربي يستر برك والله غير تحير كل مرة بخرجة جديدة

على كل ربي يهدي ماخلق

وشكراا الموضضوع

تحياتي

وصح سحورك
 
رد: آخر خرجات العرب المسلمين في رمضان عيش تشوف

اييه و لفت انتبآهي ثآني اسمآء غريبة فالمنتديآت
سجودي لله !المتصدق/ة في السر
ووو اسمآء هكا كي شغل مزية منهم يتعبدو و يا تاس راني نتعبد و نصلي وووو
الله يعاافينا
هاذوك لي فوطو تاع نآس هازين مصحف ولا يصلو...
ملاح يعجبوني كي نديرهم فوطو دو بروفايل هههههههه
سلآم
​
 
رد: آخر خرجات العرب المسلمين في رمضان عيش تشوف


يعطيك الصحة على الموضوع



اذا شخص صور روحو و وه يصلي راه دخل في فئة المراؤون .. و راحت صلاتو باطل و حبطت اعمالو


الرياء وَهُوَ من أخطر أمراض القُلُوب ومن الأوباء الأخلاقية الضارة التي تحتاج إلي علاج دائم ويقظة مستمرة وَهُوَ مأخوذ من الرؤيا
لأن المرائي يري النَّاس فعله للخَيْر ليثنوا عَلَيْهِ ويحمدوه ويأمنوه فيستولي بذَلِكَ عَلَى قُلُوبهمْ فيكون لَهُ سلطان عَلَيْهمْ يصل به إِلى لَذَّتِهِ وَيَسْتَعِينُ بِهِ عَلَى تَحْصِيلِ شَهَوَاتِهِ
وَهَذَا الرِّيَاء إِنَّمَا يَكُونُ مِنْ رَجُلٍ قَصُرَ نَظَرَهُ وَرَقَّ دِينُهُ فَإِن هَذَا هُوَ الَّذِي يَتَصَوَّرُ أَنَّ النَّاسَ إِذَا رَأَوْهُ يُصَلِّي كَثِيراً أَوْ رَأَوْهُ يُطِيلُ الصَّلاة أَوْ يَصُومُ النَّوَافِلَ أَوْ يَحُجُّ أَوْ يَتَصَدَّقَ أَوْ يَفْعَلُ أَيَّ فَعْلٍ مِنْ أَفْعَالِ الْخَيْرِ يَحْسِنُونَ بِهِ الظَّنَّ وَيُعَامِلُونَهُ مُعَامَلَةً خَاصَّةً تَتْرُكُهُ فِي دُنْيَاهُ فِي سُرُور.
​
 
رد: آخر خرجات العرب المسلمين في رمضان عيش تشوف

السلام عليك ختي والله موضوع في محله

للاسف هاد الشي اللي رانا نشوفو فيه عجب في عجب
كاينين حوايج نسيبورتي فيهم تصاور خصوصا ادا كان لدعم الخير
ولا نشر افكار تدعم الخير
بصح كيما هادم اللي يصورو رواحتيهم وهوما يصلو
واشنو هو المغزى زعما من لي فوطو سيلفي هادم

شي يحير صح ؟؟؟
الله يهدينا ويهديهم ....
​
 
رد: آخر خرجات العرب المسلمين في رمضان عيش تشوف

مهابل وش نقول ربي يهديهم
بارك الله فيك اختي
 
رد: آخر خرجات العرب المسلمين في رمضان عيش تشوف

الله غالب كنت حاب انحط تعليق مليح و فجأة حبس راسي عقلي من الداخل كمل يمشي ضرب في الجمجمة تبعثر


شوفو خلوني نصور وحدة سيلفي مارش آريار و نجي

عقدتوني معاكم


تبا


لا تعليق المرة الجاية نشوفو الإمام فوق المنبر يضرب وحدة سيلفي مع الشعب لي راه معاه ..... ايه صح ...... هذا لصور روحو كون يروح يقرا على امام و ينجح يشبعنا تصاوير من المنبر و المحراب
 
رد: آخر خرجات العرب المسلمين في رمضان عيش تشوف

الى اين انتم ذاهبون ياعقول البعير

قال سيلفي اسلامي قال

الا يعتبر هذا رياء و اهانة للصلاة والخالق

لي جان تاع اليوم الاغلبية تاعو يدخلو للجهنم بهاد العقلية


ربي يهديهم
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top