السلام عليكم ورحمة الله وبركاته
واش راكم حبابنا ؟ صح رمضانكم وكل عام وأنتم بخير
توحشتكم وتوحشت اللمة و مواضيعكم الرائعة
عندي مدة مادخلتش وماكتبتش موضوع الله غالب ظروف قاهرة
اليوم جبتلكم موضوع ليا وحصري منها تضحكوا وتنحوا على خاطركم ومنها تعرفوا خرايب الجيران وكيد النساء هههه
واش راكم حبابنا ؟ صح رمضانكم وكل عام وأنتم بخير
توحشتكم وتوحشت اللمة و مواضيعكم الرائعة
عندي مدة مادخلتش وماكتبتش موضوع الله غالب ظروف قاهرة
اليوم جبتلكم موضوع ليا وحصري منها تضحكوا وتنحوا على خاطركم ومنها تعرفوا خرايب الجيران وكيد النساء هههه
بدات الحكاية بمرض جدي مسكين وطاحت بيه نحسابو رايح يدي المولى أمانتو ماما اتصلت بأهلها وقالتلهم شيخي مريض ديرو نهار وأرواحو اطلوا عليه
كيما كان الحال رجعولنا بالخبر وقالولنا نجو على يومين هذا يقول لهذا وجاو خوالي وماني وكل أقرباءنا
وكيما تعرفوا كي يجوك الضياف لازم تحطيلهم حلوى مش ميلفاي وكرواسون وروح تربح
خرجت ماما شرات دوزان للحلوى حاجة خفيفة باه نديرو الحلوى
والأعين علينا أكدولي على هاذي...
لحق هذاك النهار جاو ثلاثة طوموبيلات كل واحد شكون فيها
ونساء خوالي عمبالهم بلي غير أنا وماما بزاف علينا الخدمة والطياب كل وحدة واش جابت وطيبت حلوى في دارها بويسك حتى أهل جدي و يطلوا قالو يعاونونا
وماني وخوالي طلعوا معاهم الخير هذا قضيان ياغورت و كل مايرفدوا المريض*يكثر خيرهم*
جاز الحال طلوا عليه وحكاو معاه وجازت بخير ومع العشية راحو
غدوة من ذاك نسمعو دقديق على 08 صباح
آآآآو واش كاين؟؟؟
جارتنا جات
واش تحوس هاذ الوقت غير الخير؟؟؟
دخلت حطيتلها العصير وقاعدة تشوف فيدي
بصح مافهمتش وهي تحكي لماما وأنا فالكوزينة نغسل نسمع فيها تقول لماما شوفي وشوفي
نمت ياجارتي هازة برنوس بيض ناصع ومدخليلنك صنيوات نتاع الحلوة وأنت فرحانة وكي شغل فرح فدار وقلتيلهم أعطيوني الباتيسري نقسمها وهاكو ادو حق جارتي **** زعما عليها
ونطرطق بالضحك فالكوزينة
ياو فاقو يا جارتي جيتي ترمي الراشي وتدي الصحيح
جارتي مسكينة تحساب رايحة تجوزهالي وماما مسكينة على نيتها تفسرلها فالخير ومافاهمة والو كي راحت الجارة
قلت لماما مابيهاش جارتك المنام بيها تعرف شكون جا يخطب ههههه
مسكينة تحساب جاو يخطبو فيا
ماما تعجبت وضحكت وقاتلي ان كيدهن لعظيم :-o:-o
هاذي هي حكايتي نتمنى جوزتو وقت شباب وأنتوما تقراو
صح فطوركم وصح سحوركم ويامن عاش
:regards01: :regards01:
آخر تعديل بواسطة المشرف:
