بسم الله الرحمن الرحيم
السلام عليكم
كنت حاب ندير هذا الموضوع في منتدى الحوار والنقاش الهادف بصح هناك
يقولك غير الفصحى الفصحى وأنا تعرفوني منعرفش gاع الفصحى
بصح نطير فالدارجى اوو فلفغونسي كي ما هنا في واش راك تهدر نكتب بالراحة
بصح راني حشمان
واقيلا المرة الأولة لي ندير موضوع هنا
عليها راني حشمان بزاف
راني مريح فوق الكرسي قدام لكلافيي أوو نننننننررررعععععششششش
الخلعة والحشمة راهي حكمتني
كي شغل دخلت كاش دار تاع فميليا ولقيت غير النسا تعرف غير وحدة
زعما يقولولك سربينا القهوة
كي ترفد البقراج تاع القهوة يطيح من يدك من الخلعة
هكداك أنا ضرك راني خايف الحروف تاع لكلافيي يطيحو اوو تضحكو عيا
وأنا نحشم بزاف خخخخخخ
اوو تاني راني حشمان جيت بيدي فارغين
نسيت باش نجيب قرعة رامي معايا ( متقوليليش ختي ساندي راك أدير فالاشهار لجو رامي راهو معروف خخخخ )
الموهيم نقجم برك عمبلكم صح نحشم خخخخخ
الموضوع لي بغيت نهدر عليه هو الحشمة
لي راني نشوفو أنا قريب ينقرض ويديروه في محمية لحماية الحشمة ههههه
الموهيم
مع ضرك لي دخل الصيف الواحد يضرب فيها ديباردور ويدير شويا حديد :sport02:
ويروح للبحر ني حشمة ني قدر يبقى يتريني
يعس فالحوايج كي تقولو معليش نعوم هنا
يقولك آيا عفط ولا ضرك يكلك الكف :bravo01:
اوو مرة شفت وحد الطفل كان بالطونوبيل قريب حاز وحد الشيخ
خرج هذاك الطفل وبدا يعيط ويسب فالشيخ
ني حشمة لقدر طاح الشيخ حط راسو اوو راح
الموهيم
وحد صاحبي أخينا كان يعوم بالقرع تاع الغطاسين كان يتعلم بيهم
كي دخل للبحر كان مع واحد برك
ذاق فيه النفس قريب غرق
كي سلكو لي كان معاه
لقا مجموووووعة من النسا يصورو فيه اوو يضحكو مكان ني حشمو ني والو مي خرجو منعرف
هو مسكين حشم
قاعد يقولي وقيلا يحطوني فالفايس
أنا قولتو لكان خرجت اوو قلتلهم كلام جميل حلو بالسكر والعسل
هناك يعرفو الحشمة كيفاه
الموهيم
اوو ضرك متهدرش على البنات
لقدر راح يلبسو وحد اللباس الله المستعان
تشوفها تمشي فالطريق أنت وحدك تحشم كي تشوفها خلي لكان تكون مع خوك ولا باباك
اوو كاين لي تلقى الطفلة تتكيف كي شغل الدخان هو لي بقى خاصها
يا الفرطاس واش خصك قالك المشطة
ياودي واش تهدر واش تخلي
الموهيم
كاين ناس مزال فيهم شويا ريحت الحشمة منقلوش خلاص مزالو المومنين
صح كاين بلايص وين ملازمش تحشم
كي تنهى على المنكر او تأمر بالمعروف
هناك لازم تنحي الحشمة
اوو لكان نبداو نهدرو على الصحابة والسلف الصالح والحشمة ديالهم
يكونو الناس gاع ماتو انا مزالني نكتب عليهم
الموهيم أووه
هذي الموهيم مبغاتش تروح من فمي
مالصبح وانا الموهيم الموهيم
أيا في الأخير نقوللكم
الموهيم آآآآآه
وقيلا صمطت راحتلي الحشمة خخخخخخ
ان شاء الله من كونش خيقتكم ولا كثرت عليكم
*قولولي واش رايكم فالموضوع ديالي الى مليح نزيد نكتب ولا عيان ندورها للحوارو النقاش
* واش رايكم في لي ميحشموش كامل
* اوو مننساوش تاني لي الخلق ديالهم هو الحياء
وفي الأخير ان شاء الله كيما جمعنا هنا
ان شاء الله يجمعنا في الفردوس الأعلى
آآآمين
ونختم
فقد ثبَتَ في الصحيحين من حديث أبي هريرة - رضي الله عنه - عن النبي - صلَّى الله عليه وسلَّم - قال: ((الإيمان بضعٌ وستون شُعْبة، والحياء شُعْبة من الإيمان))
السلام عليكم
سبحانك اللهم وبحمدك أستغفرك وأتوب اليك
السلام عليكم
كنت حاب ندير هذا الموضوع في منتدى الحوار والنقاش الهادف بصح هناك
يقولك غير الفصحى الفصحى وأنا تعرفوني منعرفش gاع الفصحى
بصح نطير فالدارجى اوو فلفغونسي كي ما هنا في واش راك تهدر نكتب بالراحة
بصح راني حشمان
واقيلا المرة الأولة لي ندير موضوع هنا
عليها راني حشمان بزاف
راني مريح فوق الكرسي قدام لكلافيي أوو نننننننررررعععععششششش
الخلعة والحشمة راهي حكمتني
كي شغل دخلت كاش دار تاع فميليا ولقيت غير النسا تعرف غير وحدة
زعما يقولولك سربينا القهوة
كي ترفد البقراج تاع القهوة يطيح من يدك من الخلعة
هكداك أنا ضرك راني خايف الحروف تاع لكلافيي يطيحو اوو تضحكو عيا
وأنا نحشم بزاف خخخخخخ
اوو تاني راني حشمان جيت بيدي فارغين
نسيت باش نجيب قرعة رامي معايا ( متقوليليش ختي ساندي راك أدير فالاشهار لجو رامي راهو معروف خخخخ )
الموهيم نقجم برك عمبلكم صح نحشم خخخخخ
الموضوع لي بغيت نهدر عليه هو الحشمة
لي راني نشوفو أنا قريب ينقرض ويديروه في محمية لحماية الحشمة ههههه
الموهيم
مع ضرك لي دخل الصيف الواحد يضرب فيها ديباردور ويدير شويا حديد :sport02:
ويروح للبحر ني حشمة ني قدر يبقى يتريني
يعس فالحوايج كي تقولو معليش نعوم هنا
يقولك آيا عفط ولا ضرك يكلك الكف :bravo01:
اوو مرة شفت وحد الطفل كان بالطونوبيل قريب حاز وحد الشيخ
خرج هذاك الطفل وبدا يعيط ويسب فالشيخ
ني حشمة لقدر طاح الشيخ حط راسو اوو راح
الموهيم
وحد صاحبي أخينا كان يعوم بالقرع تاع الغطاسين كان يتعلم بيهم
كي دخل للبحر كان مع واحد برك
ذاق فيه النفس قريب غرق
كي سلكو لي كان معاه
لقا مجموووووعة من النسا يصورو فيه اوو يضحكو مكان ني حشمو ني والو مي خرجو منعرف
هو مسكين حشم
قاعد يقولي وقيلا يحطوني فالفايس
أنا قولتو لكان خرجت اوو قلتلهم كلام جميل حلو بالسكر والعسل
هناك يعرفو الحشمة كيفاه
الموهيم
اوو ضرك متهدرش على البنات
لقدر راح يلبسو وحد اللباس الله المستعان
تشوفها تمشي فالطريق أنت وحدك تحشم كي تشوفها خلي لكان تكون مع خوك ولا باباك
اوو كاين لي تلقى الطفلة تتكيف كي شغل الدخان هو لي بقى خاصها
يا الفرطاس واش خصك قالك المشطة
ياودي واش تهدر واش تخلي
الموهيم
كاين ناس مزال فيهم شويا ريحت الحشمة منقلوش خلاص مزالو المومنين
صح كاين بلايص وين ملازمش تحشم
كي تنهى على المنكر او تأمر بالمعروف
هناك لازم تنحي الحشمة
اوو لكان نبداو نهدرو على الصحابة والسلف الصالح والحشمة ديالهم
يكونو الناس gاع ماتو انا مزالني نكتب عليهم
الموهيم أووه
هذي الموهيم مبغاتش تروح من فمي
مالصبح وانا الموهيم الموهيم
أيا في الأخير نقوللكم
الموهيم آآآآآه
وقيلا صمطت راحتلي الحشمة خخخخخخ
ان شاء الله من كونش خيقتكم ولا كثرت عليكم
*قولولي واش رايكم فالموضوع ديالي الى مليح نزيد نكتب ولا عيان ندورها للحوارو النقاش
* واش رايكم في لي ميحشموش كامل
* اوو مننساوش تاني لي الخلق ديالهم هو الحياء
وفي الأخير ان شاء الله كيما جمعنا هنا
ان شاء الله يجمعنا في الفردوس الأعلى
آآآمين
ونختم
فقد ثبَتَ في الصحيحين من حديث أبي هريرة - رضي الله عنه - عن النبي - صلَّى الله عليه وسلَّم - قال: ((الإيمان بضعٌ وستون شُعْبة، والحياء شُعْبة من الإيمان))
السلام عليكم
سبحانك اللهم وبحمدك أستغفرك وأتوب اليك
آخر تعديل بواسطة المشرف:
