السلام عليكم
من جديد ومع تحديات هذه الايام :p
هذي المرة وبالضبط اليوم جربت الكرواصون و طريقة التوريق :thumb_up02:
بدون مبالغة جربت طريقة لطفي حيمر على قناة سميرة ماخرجتليش فسدها الزيت والوصفة اللي كانت في الاصل بريوش ورقو باستعمال زبدة التوريق ...المهم مارانيش نحط من قيمة الطباخ المبدع بالصح انا شخصيا ماعجبتنيش الوصفة وفشلت فيها بصراحة :$:$:$
الامر اللي خلاني نجرب وصفات اخرى وبصراحة هذي ثاني وحدة ونجحتلي جات روعة هزيتها من اليوتيوب ل chef patiss:bravo01: وبدون اطالة اليكن التفاصيل
المقادير جد بسيطة :
500 غ فرينة - سكر عادي 70غ -ملح 10 غ - خميرة الخبز 20 غ - زبدة بحرارة الغرفة 50 غ
ماء حوالي كاس وشوية اي على حسب الفرينة تاعك - زبدة التوريق 200غ
الطريقة:
في اناء نضع الفرينة ثم نضع المكونات التالية كل في طرف مش فوق بعضاهم هذا سر الوصفة اي الملح في جهة والسكر جهة الخميرة جهة الزبدة جهة ونضيف الماء ونعجن مليح نفس الطريقة حتى في اناء البيترا
نعجن مابين 10 الى 15 د باليد وبالبيترا اقل
نحطها في بلاستيك ونضعها فالثلاجة
نوجدو زبدة التوريق نضربوها بالحلال حتى ترقاق
نخرجو العجينة نديرو عليها شكل زائد ونفتحوها ونضع عليها الزبدة سمك الزبدة يكون ارق من العجينة نغلقها ونشكل مربع بحيث نخبي الزبدة نرش الفرينة ونفتحها طوليا بالعقل باش ماتخرجش الزبدة
ثم نطبق على ثلاثة لثلاثة مرات اي الطرقة المستعملة في التوريق ....سمحولي ماصورتش كل الخطوات
نقطعو شريط ونقسموه مثلثات ونديرو شلطة صغيرة في قاعدة المثلث نلفو
وهاهي البقية
نطلي بالبيض ونخليهم يخمرو مليح حتى يضاعف حجمهم
ثم الى الفرن مباشرة انا درتو على 200 شعلت فوق وتحت وكل وحدة تعرف الفرن تاعها
مايأخدش وقت طويل تقريبا 10 د على الاكثر وتشوفي النتيجة الرائعة
بصراحة هايل جربوه وماراح تندمو :bravo01::thumb_up02::yahoo01:
ختاما نقوللكم اجمل شئ في هذي الدنيا التحدي خاصة تحدي النفس
انا بصراحة مانعرفش ندير الحلوى بالصح هذا اليومين راني نتحدى فروحي دعولي نتعلم الحلوى التقليدية الجزائرية ايضا :sport02:
:regards01:صحتين وهنا ء :regards01:
