- إنضم
- 20 جويلية 2015
- المشاركات
- 2,173
- نقاط التفاعل
- 5,956
- النقاط
- 111
السلام عليكم
الامانة كلمة كبيرة و عندها قيمة كبيرة في اخلاق كل انسان مهما كانت ديانته ... و لكن في ديننا الاسلام هي من بين الاخلاق التي امرنا بالتصاف بها
يقول سبحانه و تعالى : " ان الله يامركم ان تادوا الامانات الى اهلها "
مهما تكون بسيطة الامانة لي تاديها فهي عند ربي راهي كبيرة .....
لكن مع الزمان لي رانا فيه و الافات لي انتشرت بزااااف سؤال يطرح نفسه ...
هل خلق تادية الامانة راه مازال ؟؟؟
*
*
*
نعم مازااااال ... مازالوا ناس امينة
نحكيلكم حكاية عندها عامين من لي صرات
في يوم كنت انا و الوالدة خرجنا نحوسوا و حنا راجعين للدار اكتشفت بلي البورت موني طاحلها و كانوا فيه دراهم شهرية هذاك وين هزيناها و مع الاحوال المادية ليام هاذوك كانت الشهرية هاذيك هي المعيل
الوحيد لينا و ماتصوروش الفجعة هاذيك ... رحعنا حوسنا ... حوسنا كل سنتيمتر في الطريق ماكانش ..... رجعنا للدار و حكينا للوالد و اخوتي وخرجوا زادوا حوسوا ماكانش .... و البورت موني مافيه حتى
اوراق تعرف بمولاتو غير كارت تاع سوبيرات و مافيهاش اسم غير رقم برك .....
بعد حوالي اسبوع ... لقينا جون بالاك مول 30 سنة يطرطب في الباب خرج ليه الاخ تاعي و سقساه هاذي دار العائلة فلانية قالوا الاخ تاعي وي ... قالوا الجون هذاك عندكم امانة لقاها الاب تاعي ... سكت
خويا مافهموش .. ومن يعد قالوا الجون ماغبرلكمش حاجة ليامات هاذوا ... قالوا خويا كاين بوت موني تاع الوالدة طاحلها ... قالوا و كيفاه اللون تاعوا قالوا قهوي .... قالوا الجون واش فيه قالوا دراهم
حوالي 3 ملايين ... جبد الجون ساشي و اعطاها لخويا كي شاف واش لداخل فيها لقاه بورت موني تاع ماما .... قالوا الجون هاذاك بلي الاب تاعوا لقاه طايح في الطريق كي كان جايز بالطوموبيل تاعوا ... و
عندهم 3 ايام و هوما يحوسا علينا ... قالوا و كيفاه حتى عرفتنا بويسك ماكانش ورقة فيها اسمنا قالوا من كارت تاع السوبيرات ...راه عند مول سوبيرات وحكالوا الحكاية عطالوا الرقم تاع لاكارت و هذاك
السيد مدلوا الاسم ..... حنا دهشنا صح .. ماما كي جا خويا وقالها خرجت للجون هذاك و قالتلوا بارك الله فيك يعني و نعم الاخلاق
و صح البورت موني مانقص منوا حتى سنتيم
مازال الخير في بلادنا و في ناسها .... مازال الخير في امة محمد
حكاية اخرى
حنا كنا نسكنوا في عمارة عندنا 7 جيران ... كاين لي قعد و كاين لي تبدل .. في مدة 26 سنة لي عشناها تم ... تقريبا يوميا مفتاح الدار عند جار .. لانه الوالدين خدامين و حنا نقراو و دايمن واحد فينا ينسى
مفتاحه في الدار للاحتياط كما نخليو مفتاح عند الجيران ................. المدة هاذيك كاملة ولا مرة و لامرة صرا للدار حاجة ... ولا مرة لقيناها مفتوحة ولا مسروقة ......... ولا مرة
راه مازال الخير في بلادنا و في ناسها
الامانة كلمة كبيرة و عندها قيمة كبيرة في اخلاق كل انسان مهما كانت ديانته ... و لكن في ديننا الاسلام هي من بين الاخلاق التي امرنا بالتصاف بها
يقول سبحانه و تعالى : " ان الله يامركم ان تادوا الامانات الى اهلها "
مهما تكون بسيطة الامانة لي تاديها فهي عند ربي راهي كبيرة .....
لكن مع الزمان لي رانا فيه و الافات لي انتشرت بزااااف سؤال يطرح نفسه ...
هل خلق تادية الامانة راه مازال ؟؟؟
*
*
*
نعم مازااااال ... مازالوا ناس امينة
نحكيلكم حكاية عندها عامين من لي صرات
في يوم كنت انا و الوالدة خرجنا نحوسوا و حنا راجعين للدار اكتشفت بلي البورت موني طاحلها و كانوا فيه دراهم شهرية هذاك وين هزيناها و مع الاحوال المادية ليام هاذوك كانت الشهرية هاذيك هي المعيل
الوحيد لينا و ماتصوروش الفجعة هاذيك ... رحعنا حوسنا ... حوسنا كل سنتيمتر في الطريق ماكانش ..... رجعنا للدار و حكينا للوالد و اخوتي وخرجوا زادوا حوسوا ماكانش .... و البورت موني مافيه حتى
اوراق تعرف بمولاتو غير كارت تاع سوبيرات و مافيهاش اسم غير رقم برك .....
بعد حوالي اسبوع ... لقينا جون بالاك مول 30 سنة يطرطب في الباب خرج ليه الاخ تاعي و سقساه هاذي دار العائلة فلانية قالوا الاخ تاعي وي ... قالوا الجون هذاك عندكم امانة لقاها الاب تاعي ... سكت
خويا مافهموش .. ومن يعد قالوا الجون ماغبرلكمش حاجة ليامات هاذوا ... قالوا خويا كاين بوت موني تاع الوالدة طاحلها ... قالوا و كيفاه اللون تاعوا قالوا قهوي .... قالوا الجون واش فيه قالوا دراهم
حوالي 3 ملايين ... جبد الجون ساشي و اعطاها لخويا كي شاف واش لداخل فيها لقاه بورت موني تاع ماما .... قالوا الجون هاذاك بلي الاب تاعوا لقاه طايح في الطريق كي كان جايز بالطوموبيل تاعوا ... و
عندهم 3 ايام و هوما يحوسا علينا ... قالوا و كيفاه حتى عرفتنا بويسك ماكانش ورقة فيها اسمنا قالوا من كارت تاع السوبيرات ...راه عند مول سوبيرات وحكالوا الحكاية عطالوا الرقم تاع لاكارت و هذاك
السيد مدلوا الاسم ..... حنا دهشنا صح .. ماما كي جا خويا وقالها خرجت للجون هذاك و قالتلوا بارك الله فيك يعني و نعم الاخلاق
و صح البورت موني مانقص منوا حتى سنتيم
مازال الخير في بلادنا و في ناسها .... مازال الخير في امة محمد
حكاية اخرى
حنا كنا نسكنوا في عمارة عندنا 7 جيران ... كاين لي قعد و كاين لي تبدل .. في مدة 26 سنة لي عشناها تم ... تقريبا يوميا مفتاح الدار عند جار .. لانه الوالدين خدامين و حنا نقراو و دايمن واحد فينا ينسى
مفتاحه في الدار للاحتياط كما نخليو مفتاح عند الجيران ................. المدة هاذيك كاملة ولا مرة و لامرة صرا للدار حاجة ... ولا مرة لقيناها مفتوحة ولا مسروقة ......... ولا مرة
راه مازال الخير في بلادنا و في ناسها
آخر تعديل:
