‏Salam Fleur في ضيافة ركن العناية بالجسم-الجزء الثالث-

[آمِيْرَتُه]

بسـم الله الرحمـن الرحـيم


السـلآآم عليكن ورحمـة الله تعآلى وبركـآته

أهلا وسهلا بعضواتنا الحبّوبات​

ورائدات ركن الزينة والعناية بالجسم​

العاشقات للجمال والأناقة





بعد عرض موضوع ضيافة الآخت ~خفة روح~ ها نحن اليوم


نستقبل فراشة آخرى و هي الآخت ‏Salam Fleur لتحط الرحال هي كذلك و تشاركنا تجاربها في مجال العناية


بالجسم والوجه والماكياج


فمرحبا بها و إن شاء الله نستمتع معا


و رجاءا إذا استدعى الأمر الاجابة عن الأسئلة بصور يجب وضع صور مطموسة


الموضوع الاصلي لفهم الفكرة :


http://4algeria.com/forum/threads/429655/

​

 

[Salam Fleur]

رد: ‏Salam Fleur في ضيافة ركن العناية بالجسم-الجزء الثالث-

السلام عليكم

احم احم احم

اليوم نغشالكم من الحشمة :$:$ :love01::love01:...ههههه

شكرا شكرا شكرا على الاستضافة .. ان شاء الله نكون خفيفة ظريفة ... ههه ... و مفيدة و مستفيدة ... :-h:-h

تحياتي لكم

:regards01:​

​

 

[بنقابي افتخر]

رد: ‏Salam Fleur في ضيافة ركن العناية بالجسم-الجزء الثالث-

هلا هلا هلا هلا
بخوله
آه دوكا نشوفو واش راكي مخبيه ههههه
احم احم
بون نبداو
واش من مارك شمبوا لي تستعمليه
تستعملي ابغي شمبوا ولا لا لا
و بالنسبه للجسم ديالك واش من كريم تديرلو
اوكي تستعملي مجموعه ولا خلط
انت من مهووسي طلاء الاضافر
وبالنسبه للباقي من بعد نواتيك ارجاي
تشوفي

 

[Salam Fleur]

رد: ‏Salam Fleur في ضيافة ركن العناية بالجسم-الجزء الثالث-

هلا هلا هلا هلا
بخوله

اهلا بيك
آه دوكا نشوفو واش راكي مخبيه ههههه
يا يما خوفتيني :d:d
احم احم
بون نبداو
واش من مارك شمبوا لي تستعمليه

كل 3 اشهر نبدل حاليا نستعمل le petite marseillais
تستعملي ابغي شمبوا ولا لا لا

لالا ماانستعملوش ندير ماسك في بلاصتوا ...لانه ابري يديرلي قشرة
و بالنسبه للجسم ديالك واش من كريم تديرلو

قصدك كريم ترطيب ؟؟؟ ... اذا كريم ترطيب نستعمل خلطة الفازلين لي ديرتهالكم ههه
اوكي تستعملي مجموعه ولا خلط
انت من مهووسي طلاء الاضافر
لالا ... بصح من مهووسي تطويل الاظافر كي يتكسرلي ظفر نقعد عساسة عليه واكتاه يزيد يطوال ..ههه
وبالنسبه للباقي من بعد نواتيك ارجاي
في الانتظار
تشوفي

شكرا ليدي .... نحيتيلي السترس ...خخخخخخ

تحياتي العطرة لك :regards01:​

 

[صلوا على النبي]

رد: ‏Salam Fleur في ضيافة ركن العناية بالجسم-الجزء الثالث-

سلام اختي ماتحرقونيش انا قوليلي برك واش اسمك هههههه
سلمى ولا خديجة الله يسترك
اما الماكياج خاطيني بصح نجي نورمال ونجيبلك اسئلة

 

[Salam Fleur]

رد: ‏Salam Fleur في ضيافة ركن العناية بالجسم-الجزء الثالث-

سلام اختي ماتحرقونيش انا قوليلي برك واش اسمك هههههه
سلمى ولا خديجة الله يسترك
اما الماكياج خاطيني بصح نجي نورمال ونجيبلك اسئلة

اهلا اختي

هههههههههه

اسمي خولة

سقسي واش حبيتي ..... مرحبا بيك

تحياتي ليك .... :regards01:​

​

 

[آمِيْرَتُه]

رد: ‏Salam Fleur في ضيافة ركن العناية بالجسم-الجزء الثالث-

السلام عليكم

الأسئلة تخص فقط الجسم و الوجه و المكياج خاطي الشعر اقروا مليح الموضوع


قوليلي


واش من مرطبات تستعملي لترطيب الجسم ؟


واش من ماركة نتاع مكياج تستعملي ؟


في رايك كيفاش نقتانوا احسن الادوات للمكياج؟

 

[{مُدَلَّلَتُهُ}]

رد: ‏Salam Fleur في ضيافة ركن العناية بالجسم-الجزء الثالث-

السلام عليكم و رحمة الله و بركاته

أهلين بخولة . . . الفراشة النشيطة منورة الركن حبيبتي

نبداو باسم الله

تستعملي ماكياج كي تخرجي من الدار ؟

تبغي الماكياج البسيط و لا الثقيل ؟

تستعملي واقي شمس ؟ أي نوع تفضليه ؟

الكحل في رأيك شكون خير الغبرة ولا الي يجي pـوماد؟

طريقتك لإزالة الماكياج ؟

تستعملي ماسك لوجهك أو لا . . .اذا نعم شا هي la marque أو الوصفة إذا كان طبيعي و شا هي مميزاته ؟

اممم هادو الي جاو في بالي ان شا الله ما نكونش ثقلت عليك

اذا تفكرت كاش سؤال نرجعلك

سلآمي
​

 

[Salam Fleur]

رد: ‏Salam Fleur في ضيافة ركن العناية بالجسم-الجزء الثالث-

السلام عليكم

و عليكم السلام
الأسئلة تخص فقط الجسم و الوجه و المكياج خاطي الشعر اقروا مليح الموضوع
زيدي الشعر على جالتي :d:d:love01:

قوليلي


واش من مرطبات تستعملي لترطيب الجسم ؟
نستعمل خلطة الفازلين لي حطيتها في القسم و مستحيل نبدلها ههه

واش من ماركة نتاع مكياج تستعملي ؟
ماعنديش ماركة معينة .. بصح احب ماركة عندي و عجبتني بزاف هي ايفروشيه

في رايك كيفاش نقتانوا احسن الادوات للمكياج؟

مممممم ...... براي كل واحدة واش يعجبها وواش يناسبها ... و نفضل نقتني الاساسيات و ماتكتروش لانه مدة الصلاحية تاعهم قصيرة بزززاف

شكرا اميرة على الرحب و السعة​

 

[Salam Fleur]

رد: ‏Salam Fleur في ضيافة ركن العناية بالجسم-الجزء الثالث-

السلام عليكم و رحمة الله و بركاته

و عليكم السلام​

أهلين بخولة . . . الفراشة النشيطة منورة الركن حبيبتي

اهلا بيك :love01:​

نبداو باسم الله

ربي يستر هههههه​

تستعملي ماكياج كي تخرجي من الدار ؟

كيما تطلعلي بصح حاجة خفيفة ماسكارا و ملمع شفاه فقط​

تبغي الماكياج البسيط و لا الثقيل ؟

بيان سور البسيط الثقيل نحس روحي غولة فيه ههههههه​

تستعملي واقي شمس ؟ أي نوع تفضليه ؟

بالطبع ... نستعمل ماركة daylong يخرج على جميع انواع البشرة لكن هاذ المرة خلصلي و مازيدتش لقيتوا استبدلتوا بفراندلفلي ​

الكحل في رأيك شكون خير الغبرة ولا الي يجي pـوماد؟

يعجبني تاع الغبرة يجي حار ينظف العين ... و يعجبني قلم هاذ النوع

​

طريقتك لإزالة الماكياج ؟

نستعمل اولا لي لانجت و من بعد نغسلوا بماء و صابون نستعمل صابون الودعة و نزيد نمسح بقطنة فيها زيت الورد ... نصيحة هنا عمركم ولا ترقدوا بالمكياج مازال على وجهك​

تستعملي ماسك لوجهك أو لا . . .اذا نعم شا هي la marque أو الوصفة إذا كان طبيعي و شا هي مميزاته ؟

نستعمل ماسكات طبيعية ... كاين بزاااف كل مرة ندير واحد .... بصح افضل واحد عندي تاع Petite suisse ...تجيبي باطة تاع petite suisse ألطبيعي و طلسيها على وجهك هههههه و خليه حتى ينشف و غسليه .. تحسي بشرتك تتنفس و خذوذك يوليو حمرين​

اممم هادو الي جاو في بالي ان شا الله ما نكونش ثقلت عليك

ساللي واش تحبي راكي خفيفة ريشة ههه​

اذا تفكرت كاش سؤال نرجعلك

في الانتظار​

سلآمي
​

تحياتي لك

:regards01:

​

 

[آمِيْرَتُه]

رد: ‏Salam Fleur في ضيافة ركن العناية بالجسم-الجزء الثالث-

السلام عليك

نهارك سعيد و ربي يتقبل منك و منا


الشعر راه ليه موضوع و ضيافة خاصة بيه حبيبتي المرة الجاية نجيبك ليه خخخخ


شكرا على الاجابة


انا راه خاطيني المكياج منعرفلهش بزاف لازم تعلميني هه


قبل منبدو في خطوات وضع المكياج برايك اول حاجة نديروها ؟


لوكان تعطيني لمحة صغيرة عن كيفية وضع المكياج بالتدريج ( تقدري تستعيني بصور مرسومة )

 

[Salam Fleur]

رد: ‏Salam Fleur في ضيافة ركن العناية بالجسم-الجزء الثالث-

السلام عليك

و عليكم السلام
نهارك سعيد و ربي يتقبل منك و منا
امين يارب

الشعر راه ليه موضوع و ضيافة خاصة بيه حبيبتي المرة الجاية نجيبك ليه خخخخ

اه ازكي ... حاضر ... ان شاء الله
شكرا على الاجابة

لا شكر على واجب
انا راه خاطيني المكياج منعرفلهش بزاف لازم تعلميني هه
هههه ... حتى انا مارانيش خبيرة بصح نعلمك الاساسيات و شي لاخر تتهلميه وحدك مع الممارسة

قبل منبدو في خطوات وضع المكياج برايك اول حاجة نديروها ؟
اول حاجة بالنسبة ليا تنظيف البشرة ... وضع الماكياج على بشرة غير نظيفة يعطيك ماكياج مايشبهش و البشرة تاعك تولي ساحة معركة .... و اذا كان ماكياج عرس مثلا نفضل انه قبل وضع الماكياج نديروا ماسك باه البشرة تاعنا تولي منورة

لوكان تعطيني لمحة صغيرة عن كيفية وضع المكياج بالتدريج ( تقدري تستعيني بصور مرسومة )
بعد مرحلة التنظيف ... اول حاجة نحط مرطب للبشرة ... على الاغلب نستعمل واقي الشمس منه مرطب ومنه يحمي البشرة من اشعة الشمس ... و مرحلة الترطيب مهمة خصوصا لاصحاب البشرة الجافة ... لما تكون البشرة مرطبة القشور هاذوك مايديروش ............
المرحلة الثانية نستعمل fond de tein liquid و هلذي النوعية لي نستعمل

هنا خيروا على حساب لون البشرة تاعكم ... ماتخيروش لي يجي فاتح لانه توليوا تبانوا اشباح :d:p

بعدها نستعمل فوندوتان بودرة بصح مانكترش ...

الان نروح للعينين ... نموت على ماكياج العينين ....... و هذا هو ماكياج لي نديروا .... بسيط ... ونركز على الماسكارا بزاااااااااااف

و بعدها يجي فاراجو.... نستعمل هاذي النوعية ...

و في الاخير الشفاه ..... يعجبوني الالوان هاذوا

:regards01::regards01:

 

[آمِيْرَتُه]

رد: ‏Salam Fleur في ضيافة ركن العناية بالجسم-الجزء الثالث-

مشكورة حبيبتي بوركت

اني ديت فكرة لان انا ندير كحل و ماسكارا و خلاص مندير حتى حاجة خخخخ عندي مكياج بلا فايدة

سؤال فيما يخص التقشير الخاص بالجسم تفضلين الطبيعي و لا تفضلين لي يكون مصنوع بمكونات طبيعية + كيماوية

و ماهي اسهل طريقة للتقشير ؟

 

[Salam Fleur]

رد: ‏Salam Fleur في ضيافة ركن العناية بالجسم-الجزء الثالث-

مشكورة حبيبتي بوركت

اني ديت فكرة لان انا ندير كحل و ماسكارا و خلاص مندير حتى حاجة خخخخ عندي مكياج بلا فايدة

سؤال فيما يخص التقشير الخاص بالجسم تفضلين الطبيعي و لا تفضلين لي يكون مصنوع بمكونات طبيعية + كيماوية

و ماهي اسهل طريقة للتقشير ؟

اهلا اميرة

ان شاء نكون افدتك شوية ....

بالنسبة للتقشير ........ انا افضل التقشير الطبيعي ... لانه نشفى كي تعرفت على التقشير و فوائده شريت مقشر ...واش نقولك دارتلي حساسية منه ..... ولما جربت الطبيعي لقيت راحتي عليه ... و الحمد لله

اسهل طريقة للتقشير ........ كاس سكر + حوالي ملعقة صغيرة زيت ( زيت زيتون او زيت الورد او زيت الجليسيرن او زيت جوز الهند ) ... خلطيهم .... حبكي جسمك بماء ساخن نوع ما باه المسامات يتفتحوا و من بعد جيبي الخلطة وحطيها على جسمك و حكي بحركات دائرية مدة 10 الى 15 دقيقة و من بعد شللي روحك و زيدي غسلي بجال دوش باه يتنحى الزيت .... كي تخلصي نشفي روحك و ديري كريم ترطيب....... هاذي هي اسهل طريقة و انا نستعملها روعة ...........

شكرا ... :regards01:​

 

[Mariamariana]

رد: ‏Salam Fleur في ضيافة ركن العناية بالجسم-الجزء الثالث-

عندي سؤال بسيط كاش عفسة
مجربتها يا فراشتنا لإزالة
النقاط السوداء من الأنف وشكرا.

 

[Salam Fleur]

رد: ‏Salam Fleur في ضيافة ركن العناية بالجسم-الجزء الثالث-

عندي سؤال بسيط كاش عفسة
مجربتها يا فراشتنا لإزالة
النقاط السوداء من الأنف وشكرا.

اهلا اختي

انا ننصح بالتقشير .... شوفي جيبي شوية سكر + شوية زيت الورد ... و حطيه على وجهك و ركزي على منطقة الانف و حكي .... حوالي 10 د ... من بعد غسلي وجهك بالماء و زيدي غسليه مرة بصابون الودعة



نشفي وجهك ز جيبي قطنة فيها شوية زيت الورد او ماء الورد و مسحي بها


ديري هاذ الحكاية على الاقل مرة في الاسبوع ... انا نفضل 3 مرات ... و ان شاء الله رايح تلقاي النتيجة لي ترضيك​

 

[آمِيْرَتُه]

رد: ‏Salam Fleur في ضيافة ركن العناية بالجسم-الجزء الثالث-

السلام عليك

مشكورة على الحضور و على التفاعل حبيبتي سلمى ربي يهنيك

و نشكر الآخوات على التفاعل

للغلق من أجل احضار فراشة آخرى