بلادنا بلاد الخير ( كيفاش بنينا مسجد)(مشاركة في المسابقة)..

[الامين محمد]

بسم الله
السلام عليكم خاوتي ناس اللمة ان شاء الله راكم كامل بخير

يقول رسول الله صلى الله عليه و سلم (( الخير فى امتى الى يوم الدين))
و يقول أيضا { من بنى مسجدا يبتغي به وجه الله بنى الله له بيتا في الجنة } . وفي رواية { بنى الله له مثله في الجنة } .

انا نسكن في قرية صغيرة بزاف
معزولة على عمران البدية بحوالي الكيلومتر
ناسها أهل بادية طيبين أغلبهم فقراء يعملوا في العمل اليومي في الغالب
مثل حمل و نقل السلع او البناء او ما شابه
يوجد عندنا ناس كبار السن وجدوا مشكلة في صلاة الجماعة و الجمعة
و كانوا يتلقاو لكثير من العناء و التعب باش يصلوا في المسجد لأنه بعيد عنهم و زيد كبر السن و المرض
و الشتا زيد عليه الوحل و البرد
فعلا كان صعيب عليهم باش يحافظوا على صلاة الجماعة و الجمعة كيما قلت

في يوم من الأيام قررنا نبني مسجد
صراحة اول من بدأ هم هاذوك الشيوخ
علموا مكان للبناء و اتصلوا بمدير الشؤون الدينية و بالمير و جماعة البلدية
و تواعدوا على يوم محدد
و في هاذاك اليوم انا كنت نظن اني رايح نلقى روحي أنا و هاذوك الشيوخ فقط
لكن اخواني صدقوني
كااامل ناس القرية خرجوا و تلاقاو مع هاوك اللجنة
تكلموا بصوت واحد و طالبوا التسهيلات باش نبنوا مسجد
انا تخلعت ما كنتش نتوقع خصوصا ان اغلبهم ما عندوش علاقة بالتدين كيما كان يبدوا لي
المهم هاذوك اللجنة كيشافت هاذ الحماسة وافقوا على المشروع
و سهلوا لينا كل الامور
كنت نفكر بيني بين روحي كيفاش رايح نبنوا المسجد
عزمنا انا و هادوك الشيوخ باش نبداو الخطوة الاولى
حملنا معول و أدوات بسيطة و قديمة
و الله هاذوك الشيوخ خلعوني كانوا مثل الشباب حماسة و قوة و ارادة
بدينا بأول خطوة و كنت دايما نفكر و نقول يا هل ترى يجي يوم و نصلوا في هاذ المكان
و نقول نظن الأمر رايح يطول بزااف
لكن اخواني بعد بعض الدقائق من العمل
جااا المدد و الله كل ثانية يجوا مجموعة من الشباب حاملين أدوات الحفر و البناء
و تكاثرنا الى درجة انو ما تقدرش تعمل
الكل يبادر و الكل يسعى
حينها قررنا نعمل برنامج
فقسمنا العمل و المجموعات و كل مجموعة في اختصاص
مجموعة الشيوخ خليناهم للجانب المادي و جلب السلع مثل الحديد و الرمل و الاسمنت
مجموعة خليناهم للاطعام و الماء و المشروبات
مجموعة الحفر و البناء
مجموعة الجانب التقني و القانوني
و نجحنا في العمل و كانت بركات السماء واضحة
ما بقيناش بزااف حتى علينا الحيطان
و هاذ الشي زاد حمسنا و حمس كامل أهل البلدية حتى البعاد عنا
ساهموا كلهم معانا
حتى النسوة و الله كاين اللي باعت الذهب نتاعها و اشترت لنا الاسمنت
وصلنا للسقف و كان يلزمنا هزة مليحة خصوصا الاسمنت
اتصلنا بباقي المساجد و قلنا كل واحد يشري لينا كيس سيمان فقط بعد اسبوع واحد وصلنا الى ضعف الكمية
و يوم السقف طلبنا من كل عايلة تجيب الكسكس و القهوة و الحلويات
فسالت أودية بكل ما لذ و طاب و اجتمعت كل أهالي البلدية كبارا و صغارا حتى الصبية
و اكملنا التحدي الاكبر و هو السقف
بعد عشرين يوم نزعنا الالواح و بدأنا العمل من الداخل
و كل يوم حماس و نشاط و ضحك و عمل جاد حتى أننا كنا نصل الليل بالنهار
و بعد أيام قليلة بدهنا بالدهن و بدات المعالم تبان و كل ما كنا نكمل حاجة
كنا نتلموا حولها فرحانين و السعادة تغمرها و كنا اذا غاب واحد نروحوا ليه للبيت و نجيبوه
اصحاب السيارات و المحلات و المال عمرهم ما بخلونا في حاجة
بمجرد ما تقول ليه مسجد الرحمة يقول راني واجد
آخر يوم في الشغل كان الطلاء الخارجي كي كملناه نادى احد الشيوخ الكبار
قال الآن خاصنا الافرشة كل واحد يجيب حاجة من بيته
و ما هي الا ربع ساعة حتى كان المسجد واجد حتى العطر و المسك كانوا واجدين
في اليوم الموالي اتصلنا بالشؤون الدينية و بالحماية المدنية و الامن و البلدية
كلهم لباو الدعوة بل كل هيئة منهم جابت حاجة كاين اللي جابوا كليمات و كاين اللي جابوا افرشة
عملنا حفل تاريخي اكل و شرب و ابتهالات
كااان عيد عيد باتم معنى الكلمة
الكل بكى خصوصا هاذوك الشيوخة بكاو بزاف و بكاونا
قالوا عمرنا ما كنا نظن ان هاذ المسجد رايح يكمل و حنا في الحياة
فتحنا المسجد و الآن تقام فيه كل الصلوات و صلاة الجمعة و عن قريب رايح نستقبل الطلبة لتحفيظ القرآن
و من حسن حظي ان اول صلاة جماعة في المسجد كانت العصر الامام ما لحقش
قدموني أنا و كنت أول واحد يأذن و يصلي بالناس في المسجد
و هاذا فخر و شرف لي

اليوم بفضل اله نسمعوا كلمة الله اكبر خمس مرات في اليوم
و اليوم تقام دروس الفقه و السيرة فيه
شيوخنا هم عمار المسجد
و هم روحه الطيبة
حتى اذا كانوا تعبانين والله ما ينقاطعوا على المسجد
و هم اسيادنا و بركتنا
كل ما ندخل المسجد نقبل روسهم و نطلب رضاهم
فبفضلهم بنينا المسجد ربي يطول في اعمارهم
و الحمد لله اولا و اخيرا
لأنه

كااااين الخير في بلادي
الامين محمد
​

 

[لؤلؤة قسنطينة]

رد: بلادنا بلاد الخير ( كيفاش بنينا مسجد)(مشاركة في المسابقة)..

السّلام عليكم
تمّ الاعتماد أخي ^^
والله غير نقرا ولحمي شوكت
صح مازال الخير في البلاد
درك ندير دورة ونرجعلك برد على اصولو
لي عودة بإذن الله ​

 

[ديسق]

رد: بلادنا بلاد الخير ( كيفاش بنينا مسجد)(مشاركة في المسابقة)..

السلام عليكم ورحمة الله وبركاته

تحية طيبة لك أخي الكريم وللجميع ^^

أحيانا الواحد منا يقول بأن هذا المجتمع ينعدم فيه العمل التطوعي والخيري، ولكنه يتفاجأ بهبة الجميع لتقديم يد العون والمساعدة، وباسم الله ما شاء الله على تلك الهبة التي نزلت عليكم بردا وسلاما ومن كل فج عميق لاكمال مشروع (بيت الله)، وانتم لم تكونوا تتصورون ذلك، كما أنك نقلت لنا الأجواء التي تزين بها المسجد، وكيف كانت مشاعركم عند اتمام بنائه، وهي صدقا مشاعر تقشعر لها الابدان، قبل أن تدمع لها العيون ..

أبارك لكم أخي الطيب اتمامكم بناء المسجد، وإن شاء الله يكون هذا فأل وبداية خير عليكم جميعا

تقبل مروري أخي الكريم، وشكرا جزيلا لك على نقلك لنا هذه القصة، التي هي الأخرى تبث فيها روح الحماس والنشاط ^^

بالرغم من كل شيء (مازال الخير في ولاد بلادي) .. دمتم في حفظ الله ورعايته :regards01:​

 

[الامين محمد]

رد: بلادنا بلاد الخير ( كيفاش بنينا مسجد)(مشاركة في المسابقة)..

أختي الصغيرة مريم
أخي عطر المنتدى ديسق
فعلا لا ينقطع الخير من هته الأمة أبدا

لقد خفت الاطالة عليكم فلم انقل بعض المواقف التي تقشعر لها الابدان
و أهمها دموع الشيوخ التي لن انساها أبدا

تخيلوا معي أحيانا كنا نحن الشباب نتعب و هم ابدا لا يكلون و لا يملون

ففي احدى المرات وقع خلاف بيني و بين احد المتطوعين
فغضبت و ذهبت الى البيت
تخيلوا ماذا حدث معي
جاءني احد هؤلاء الشيوخ الى البيت و طلب مني العودة الى المسجد
قلت له يا والدي لقد أغضبني فلان
و اليوم اعتبره راحة لي
فجلس هذا الشيخ أمام الباب
و قال لي لن أبرح مكاني اما تذهب معي أو ابقى في هذا المكان
فاضحكني موقفه و ارجع الي الابتسامة
فقبلت راسه و يداه و غيرت ملابسي
و قلت له أمثالكم لا يرد كلامهم و أمرهم
و رجعت الى المسجد و كأن شيئا لم يحدث


اييييييييييييييه كانت أيام تاريخية لن انساها ما حييت​

 

[الامين محمد]

رد: بلادنا بلاد الخير ( كيفاش بنينا مسجد)(مشاركة في المسابقة)..

لي عودة ببعض المواقف بحول الله​

 

[لؤلؤة قسنطينة]

رد: بلادنا بلاد الخير ( كيفاش بنينا مسجد)(مشاركة في المسابقة)..

السّلام عليكم أخي الكريم
اسمحلي طولت عليك في الرد والله اليوم تلمت الأشغال كامل على راسي
بصح في الأخير خرجت بنتيجة مليحة والحمد لله , يعني اليوم راني فرحانة ^^
المهم نوليو لموضوعك الرآآئع , والله يا اخي نقرا في الموضوع ونتخيل في اللحظات لي عشتها
يعني ماشاء الله وتبارك الرحمن, وانا صدقني المواضيع الوحيدة لي ماقدرتش نرد عليها بردود طويلة هي
مواضيع مسابقة "بلادنا بلاد الخير" خاطر تتشوكا من واش تسمع وتعرف صح بلي بلادنا مازال فيها الخير
لي يقول الشباب ضايع وتاع مخدرات وتاع بنات وتمسخير هاهم شباب الله يبارك وحتى فيهم كبار في السن قاعدين يخدمو
علاواه.. باه يبنيو مسجد الله يبارك ناس تشجع على بناء بيت الله وناس تشجع على الفساد
يعني الحمد لله والحمد لله والحمد لله مازال الخير في بلادنا وفي ولاد بلادنا
صدقني ساعات نحط يدي على خدي ونقول وينهم الرجال تاع زمان لي خزرتو ترجع تحبسلك الدم في عروقك
نولي نقول كن غير جيت زايدة في الأعوام تاع الثمانينات بالاك نشوف الخير في جيل بكري
بصح الحمد لله الخير كاين في كل بلاصة , وافضل مثال ولاد وبنات اللمة الله يبارك عليهم
شكرا مجددا أخي الكريم على الموضوع القيم
ربي يوفقك ان شاء الله
تقبل مروري ​

 

[Hakan]

رد: بلادنا بلاد الخير ( كيفاش بنينا مسجد)(مشاركة في المسابقة)..

يا بن عمي قلبي وجعني فرحااا
وعينيا رقرقو عندك وحد الستيل في سرد القصة شيء عجب ياعمري كيما يقول الشوالي
ربي يهني الشيوخا نتاوعكم والله حتى الشيوخ نتاوعنا سمطوهالنا ياخوياا الصف الاول والثاني محجووز
مناافسة تقول نتاع شباب وحنايا الواحد فينا ما يجي يخرج من دارو بالسيف
الله يحفظهم كاامل شكراا خويا على موضوعك ومازال الخير في البلاد
تحياتي ليك يالحبيب...​

 

[Perle Blanche]

رد: بلادنا بلاد الخير ( كيفاش بنينا مسجد)(مشاركة في المسابقة)..

السلام عليكم
الصلاة و السلام عليك حبيبي يا رسول الله
يالله يالله علبالك قاعدة نقرا فيه و متتبعت كل كلمة و حاولت نعيش اللحظات معاكم و خاصة هذوك الناس الكبار فالعمر الي كنت تحكي عليه
الله يحفظكم و يبارك فيكم
ماشاء الله
بصراحة من المواضيع اللي في هاذ القسم صح حركت حاجة فيااا
مشكور لأنك شاركتناا هاذ التجربة
:regards01::regards01:
​

 

[نجيب]

رد: بلادنا بلاد الخير ( كيفاش بنينا مسجد)(مشاركة في المسابقة)..

أولا أخي محمد نقولك ألف مبروك و نهنيكم على بناء هدا المسجد و على اتحادكم

ثانيا انا نقرا فالموضوع و نتصور في هديك اللحظات و في الاخير نقولك مدام باقي شيوخا مثل الشيوخ لي تكلمت عليهم

و كاين شباب مثل الشباب لي رفعوا التحدي و بناو مسجد فنحن بألف خير .

شكرا لك محمد و أدام الله عليكم الاتحاد في كل شيء​

 

[ام أمينة]

رد: بلادنا بلاد الخير ( كيفاش بنينا مسجد)(مشاركة في المسابقة)..

السلام عليكم
ما شاء الله تبارك الله و مبروك عليكم المسجد ان شاء الله تعبكم يكون في ميزان حسناتكم
يقولك المعاونة تغلب السبع

ربي يقويكم و يقوينا على فعل الخير
تحياتي

​

 

[الامين محمد]

رد: بلادنا بلاد الخير ( كيفاش بنينا مسجد)(مشاركة في المسابقة)..

شكرا لكم أحبتي
فمرووركم عنبر مسك
و قطر للندى على زهر و ورد​

 

[stelllo]

رد: بلادنا بلاد الخير ( كيفاش بنينا مسجد)(مشاركة في المسابقة)..

مؤثر جدااااا
ما عندي واش نقول........موضوع فرحني بزاااااااااااف
ربي يعطيهم الاجروالصجة والعافيه ويوفقهم لفعل الخير

 

[ملكة الكبرياء]

رد: بلادنا بلاد الخير ( كيفاش بنينا مسجد)(مشاركة في المسابقة)..

الله يبارك مزال الخير في بلادنا
يا اخي ولله عيشتني الموقف حسة روحي كنت معاكم
بديتها بالحزن و خلصتها بفرحة
ربي يكثر من مثالكم انشاء الله ​

 

[الامين محمد]

رد: بلادنا بلاد الخير ( كيفاش بنينا مسجد)(مشاركة في المسابقة)..

في أيام المشروع
طحنا في أزمة و احتجنا كمية كبيرة
من الكوابل الكهربائية من أجل تركيب الدارات الكهربائية في السطح
لحق علينا الوقت و ما قدرناش نوجد السلعة
اتذكر جيدا التقينا بعد العصر و كنا كامل ساكتين و محتارين كيفاش رايح
نخرج من هذا المأزق
كنا مجموعة حوالي الخمس عشر
كل واحد كان ساكت و عامل يدوا على خذوا و يخمم
فجأة جا المدد سيارة تتوقف أممنا نزل منها رجل باين عليه مرفه
سأل عن المشروع الخاص بالمسجد
وجهه احد الصبية الينا
فسلم علينا و قال سمعت انكم تبنوا في مسجد خبروني واش يخصكم اليوم
مباشرة اعطيته فاتورة السلعة
و ما هي الا ساعة من الدهر لتحضر كل السلعة بالزيادة
و انقلب المشهد الى فرح و مزاح و ضحك
و الحمد لله أولا و أخيرا​

 

[سكون الفجر]

رد: بلادنا بلاد الخير ( كيفاش بنينا مسجد)(مشاركة في المسابقة)..

أبكيتني يا أخي وقطعتم القلب بهذا الموضوع الذي جعلتنا نعيش تلك اللحظات الرآئعة
بارك الله لكم في مسجدكم، والله إني لأغبط كل شخص يسمع الأذان خمس مرات يومياً
موضوع رآآآئع جداً ربي يحفظ الشباب ويقربهم الى فعل الخير ويبعدهم عن الشر يارب العاليمن


جزاكم الله خيراً أخي الإمام الطيب
حفظك الله وسدد خطاك
بالتوفيق إن شاء الله​

 

[rycerz]

رد: بلادنا بلاد الخير ( كيفاش بنينا مسجد)(مشاركة في المسابقة)..



ربي يدوّمها نعمة على الجميع.

 

[أبو عاتكة]

رد: بلادنا بلاد الخير ( كيفاش بنينا مسجد)(مشاركة في المسابقة)..

يعطيكم الصحة وربي يتقبل هذا العمل .
في اي عمل تطوعي حاجة ما تتحرك ولا تزيد الا بعد مد اليد للعمل الحقيقي ( شمر على يديك ومن بعد اتكلم )

الحكمة اللي اديتها من قصتك انو الاصرار على تحقيق الفكرة تذلل المصاعب مهما كانت المهم الاصرار .

وغالبا تلقى الاصرار عند الشيوخ اكثر من الشباب . عمرك ولا تقول لشيخ ( لا )( منقدرش ) ( صعيبة ) (تقلوا تعبان يضحك عليك واتقلوا منديرهاش ياكلك بسنيه ويديه . الله يحفظهم .
وطبعا المشاريع اللي تكون في وجه الله ولله ربي يسهلها احب من احب وكره من كره .

 

[أم أُنٌَيسة]

رد: بلادنا بلاد الخير ( كيفاش بنينا مسجد)(مشاركة في المسابقة)..

السلام عليكم و رحمة الله تعالى و بركاته
ماشاء الله ولا قوة الا بالله العلي العظيم
بارك الله في كل من ساعد و جعل الله له في كل خطوة خييرا و بركة
الف الف مبارك لكم اتمام المسجد و ان شاء الله تعالى لشيء آخر
و الله يا أخي تخيلت كل ماحدث من خلال وصفك ماشاء الله ، تخيلت حتى قطرات العرق والله
ربي يكثر من أمثالكم ان شاء الله يارب



السؤال

ما هو فضل من يصرف من ماله الخاص على إدامة مسجد من مساجد الله؟



الإجابــة



الحمد لله والصلاة والسلام على رسول الله وعلى آله وصحبه، أما بعـد:

فقد أثنى الله سبحانه على من يعمر مساجده فقال: إِنَّمَا يَعْمُرُ مَسَاجِدَ اللَّهِ مَنْ آمَنَ بِاللَّهِ وَالْيَوْمِ الْآخِرِ وَأَقَامَ الصَّلاةَ وَآتَى الزَّكَاةَ وَلَمْ يَخْشَ إِلَّا اللَّهَ فَعَسَى أُولَئِكَ أَنْ يَكُونُوا مِنَ الْمُهْتَدِينَ. {التوبة:18}.
وإن من عمارة المساجد إقامتها، وترميمها وتعاهدها وصيانتها، ويدخل هذا الفعل أيضا في الصدقة الجارية، ولو كانت المشاركة بمبلغ قليل، ويدل على ذلك ما ورد في الحديث. فعَنْ أَبِي هُرَيْرَةَ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: إِنَّ مِمَّا يَلْحَقُ الْمُؤْمِنَ مِنْ عَمَلِهِ وَحَسَنَاتِهِ بَعْدَ مَوْتِهِ عِلْمًا عَلَّمَهُ وَنَشَرَهُ، وَوَلَدًا صَالِحًا تَرَكَهُ، وَمُصْحَفًا وَرَّثَهُ، أَوْ مَسْجِدًا بَنَاهُ، أَوْ بَيْتًا لِابْنِ السَّبِيلِ بَنَاهُ، أَوْ نَهْرًا أَجْرَاهُ، أَوْ صَدَقَةً أَخْرَجَهَا مِنْ مَالِهِ فِي صِحَّتِهِ وَحَيَاتِهِ يَلْحَقُهُ مِنْ بَعْدِ مَوْتِهِ. رواه ابن ماجه وحسنه الألباني.
ومن فضل الإنفاق على المساجد وتعميرها والمساهمة في استمرارها وبنائها ماورد عَنْ النَّبِيِّ صَلَّى اللَّهُ عَلَيْهِ وَسَلَّمَ أَنَّهُ قَالَ: مَنْ بَنَى مَسْجِدًا لِلَّهِ كَمَفْحَصِ قَطَاةٍ أَوْ أَصْغَرَ بَنَى اللَّهُ لَهُ بَيْتًا فِي الْجَنَّةِ. رواه ابن ماجه وصححه الألباني.
قال السندي في شرحه لابن ماجه: وقَوْله: كَمَفْحَصِ قَطَاة. هُوَ مَوْضِعهَا الَّذِي تُخَيِّم فِيهِ وَتَبِيض لِأَنَّهَا تَفْحَص عَنْهُ التُّرَاب، وَهَذَا مَذْكُور لِإِفَادَةِ الْمُبَالَغَة فِي الصِّغَر وَإِلَّا فَأَقَلّ الْمَسْجِد أَنْ يَكُون مَوْضِعًا لِصَلَاةِ وَاحِدٍ. وَفِي الزَّوَائِد: إِسْنَاده صَحِيح وَرِجَاله ثِقَات. انتهى .
وقال الحافظ ابن حجر في فتح الباري: وَحَمَلَ أَكْثَر الْعُلَمَاءِ ذَلِكَ عَلَى الْمُبَالَغَةِ، لِأَنَّ الْمَكَانَ الَّذِي تَفْحَصُ الْقَطَاة عَنْهُ لِتَضَع فِيهِ بَيْضَهَا وَتَرْقُد عَلَيْهِ لَا يَكْفِي مِقْدَاره لِلصَّلَاةِ فِيهِ... وَقِيلَ بَلْ هُوَ عَلَى ظَاهِرِهِ, وَالْمَعْنَى أَنْ يَزِيدَ فِي مَسْجِدٍ قَدْرًا يُحْتَاجُ إِلَيْهِ تَكُونُ تِلْكَ الزِّيَادَة هَذَا الْقَدْر، أَوْ يَشْتَرِكُ جَمَاعَة فِي بِنَاءِ مَسْجِدٍ فَتَقَعُ حِصَّة كُلِّ وَاحِدٍ مِنْهُمْ ذَلِكَ الْقَدْر. انتهى .
وفي الصحيحين أن النبي صَلَّى اللَّهُ عَلَيْهِ وَسَلَّمَ قال: مَنْ بَنَى مَسْجِدًا يَبْتَغِي بِهِ وَجْهَ اللَّهِ بَنَى اللَّهُ لَهُ مِثْلَهُ فِي الْجَنَّةِ.
قال النووي في بيان عظمة هذا الثواب: يَحْتَمِل قَوْله: مِثْله، أَمْرَيْنِ: أَحَدهمَا: أَنْ يَكُون مَعْنَاهُ : بَنَى اللَّه تَعَالَى لَهُ مِثْله فِي مُسَمَّى الْبَيْت, وَأَمَّا صِفَته فِي السَّعَة وَغَيْرهَا فَمَعْلُوم فَضْلهَا أَنَّهَا مِمَّا لَا عَيْن رَأَتْ وَلَا أُذُن سَمِعْت وَلَا خَطَرَ عَلَى قَلْب بَشَر . الثَّانِي أَنَّ مَعْنَاهُ : أَنَّ فَضْله عَلَى بُيُوت الْجَنَّة كَفَضْلِ الْمَسْجِد عَلَى بُيُوت الدُّنْيَا. انتهى .
و الله تعالى أعلم


تقبل مروري تحياتي احترامي و تقديري اخي الكريم







​

 

[الامين محمد]

رد: بلادنا بلاد الخير ( كيفاش بنينا مسجد)(مشاركة في المسابقة)..

شكرا اختي شيما على الاضافة الرائعة
بارك الله فيك​

 

[مطبخ الأحلام]

رد: بلادنا بلاد الخير ( كيفاش بنينا مسجد)(مشاركة في المسابقة)..

وعليكم السلام ورحمة الله وبركاته

اخي انت حكيت جكاية واقعية وصرات معاك ويمكن راها صرات في عدة اماكن

فعند سماع الناس انه يتم يناء مسجد حتى ولو خارج منطقتهم يساهمو بلي قدروا عليه وهدا يدل على انو الشاب الجزائر او الشيخ الجزائري
وحتى الطفل يحبوا بلادهم تكون معمرة بالدين واصحاب الدين رغم انو فيه فئة كبيرة يتلفظوا بكلام مش مليح بصح متأكدة لو جالسوا اصحاب الدين لإنهدوا الى الطريق الصحيح رغم فسادهم يحبوا حاجة نتاع الخير حنا في هاد الحالة ماعلينا غيرر ندعيولهم بالهداية والتواب

بكل صراحة الجزايري ماراهش مشحاح ومايبخلش كاين الي مشحاحين وبخلاء ولكن فئة قليلة ماتتقارنش مع الفئة نتاع الخير

اكثر شيء عجبني في الموضوع انك انت اول من أدن في ذلك المسجد فكرتني بلال الله يرحمه ويحشرنا معاه في جناته امين

يا سعداتك لو صوت المرأة مش عورة كنت دخلت للجامع وادنت وحتى وكوني فتااااااااااااة حلمي

بارك الله فيك وفقك الله في تحفيظ القران في ميزان حسناتك ان شاء الله

ونختم كلامي ونقول مزال باقي الخير في بلادنا
​