خبز الشباتي محشي بشورما الدجاج

[hadda0425]

بسم الله الرحمان الرحيم
مايكون الا خاطرك رقية
جبتلكم معجنات سهلة ولذيذة خاصة للاطفال
خبز الشباتي محشي بشاورما الدجاج
العجين
من الافضل دقيق القمح لكن استعملي فرينة عادي
فرينة حسب الحاجة + ملح + ماء +زيت انا ما ستعملتش الزيت
تعجني العجين مليح باليد او بالعجانة وتكوريه وتغطيه يركح
مبعد تفرشي شوية فرينة وتقرصي
يا اما تقرصي وطيبي او تقرصيهم كامل وتغطيهم وتبداي طيبي
تحطي مقلة تيفال تنقصي للنار تحطي القرصة تاعك في مقلة هي جيست تعمل فقاعات صغار نت تقلبيها وتخليها تتنفخ

كلما طيبي وحدة غطيها باه ما تيبسش لانها تيبس بسرعة

الحشو
صدر دجاج مقطع قطع صغيرة متبل في فلفل اسود وملح وبابريكا شوية موطارد اذا تحبوه
سخني الزيت وحطي الشاورما تاعك طيب وحركيها حتي طيب الاضافات حسب اخيارك
قطعي فلفل حلو اخضر واحمر بصل وضيفيهم يطيبو مع الشورما طماطم اذا تحبي
مبعد تحشي بيهم الخبز مع اصافة الفرماج اي نوع تحبو او سلطة
بطاطا مقلية
الاضافات اختيارية

ان شاء الله تجربوه ويعجبكم
:thumb_up02::thumb_up02:

​

 

[نبض الحياة]

رد: خبز الشباتي محشي بشورما الدجاج

امممممم ياليلي يا عينيييي
يشهييي نوعدك نجربه عن قريب طاطا
برك قولياي لازم تيفاااااال هههههه انا عندي هاديك الحديدة اللي نطيب عليها لمحاجب تصلح فيهم ؟
سينو نهبل بابا يروح يجيبلي وحدة خخخخخ
شكراااااا على الوصفة غاليتي
مرحباا برجووعك وما تعاوديش تغيبي ولا نعضك هههه

 

[rose09000]

رد: خبز الشباتي محشي بشورما الدجاج

يعطيك الصحة راهو يشهي شاعل تبيعي للواحد:d

 

[hadda0425]

رد: خبز الشباتي محشي بشورما الدجاج

امممممم ياليلي يا عينيييي
يشهييي نوعدك نجربه عن قريب طاطا
برك قولياي لازم تيفاااااال هههههه انا عندي هاديك الحديدة اللي نطيب عليها لمحاجب تصلح فيهم ؟
سينو نهبل بابا يروح يجيبلي وحدة خخخخخ
شكراااااا على الوصفة غاليتي
مرحباا برجووعك وما تعاوديش تغيبي ولا نعضك هههه

تعضيني داويني ياخي طبيبة خخخخخ
والمقلة من الاحسن مقلة ثقيلة باه مايتحرقش
اذا كانت لحديدة ثقيلة طيبي عليها اذا خفيفة تتحرقلك

 

[hadda0425]

رد: خبز الشباتي محشي بشورما الدجاج

يعطيك الصحة راهو يشهي شاعل تبيعي للواحد:d

صندويتشات صندويتشاااات ههههه
5000لوحدة هههه

 

[hadda0425]

رد: خبز الشباتي محشي بشورما الدجاج

حالياً الأعضاء النشيطين الذين يشاهدون هذا الموضوع: 30 (1 عضو و 29 ضيف)
hadda0425
الله يبارك 29عضو زوار ولا اصحاب الدار بانو عليكم الامان ههه

 

[نبض الحياة]

رد: خبز الشباتي محشي بشورما الدجاج

تعضيني داويني ياخي طبيبة خخخخخ
والمقلة من الاحسن مقلة ثقيلة باه مايتحرقش
اذا كانت لحديدة ثقيلة طيبي عليها اذا خفيفة تتحرقلك

ههههههه نعضك ونزيد تشتكي بيك عند عميمو :p
هايا اوكي حبوبتي كي نهنا مع راسي راني نجربهم اذا ما صلحوش نشرط عليهم مقلة تيفال جديدة ههههه
سلامي غاليتي

 

[عاشقة الكرة]

رد: خبز الشباتي محشي بشورما الدجاج

يعطيك الصحة والله غير البارح طيبتو جا بنين يسخف ههه
مشكورة ختيتو

 

[مطبخ الأحلام]

رد: خبز الشباتي محشي بشورما الدجاج

السلام عليكم

يم يم يم يا حدووود واش تساليلي خربتيلي فليسانتيمو وااااااااع قلبي صغير لا يتحمل

يعطيك الصحة ماشاء الله تبارك الله راها تشهي

بالصحة والهنا يا رب
​

 

[أم عثمان]

رد: خبز الشباتي محشي بشورما الدجاج

السلام عليكم
خبز رائع،يعطيك الصحة

 

[بنقابي افتخر]

رد: خبز الشباتي محشي بشورما الدجاج

خبز رائع يعطيك الصحه اختي ربي يجازيك

 

[hadda0425]

رد: خبز الشباتي محشي بشورما الدجاج

شكرا لمروركن حبيباتي
جزيتم خيرا ​

 

[جوزاء]

رد: خبز الشباتي محشي بشورما الدجاج

رائع بارك الله فيك رايحة نجربو اليوم ونرجعلكي اختي

 

[خيرة جانت]

رد: خبز الشباتي محشي بشورما الدجاج

يعطيك الف عافية جاك يهبل

 

[@R@ZIK]

رد: خبز الشباتي محشي بشورما الدجاج

اممممممممممممم
يشهي باين بنين
يعطيك الصحة​