لي فيهم راه يكفيهم

[Salam Fleur]

السلام عليكم



تمشي في طريق تلقى انسان مهبول ..رفع عنه القلم ...تبدل الطريق من حقك .. لكن ماشي من حقك تضحك عليه او تهدرلوا كلام ماشي مليح ........

الناس هاذوما راهم كانوا كيفك و كيفي . ناس بعائلات عايشين لاباس بيهم ... لكن قدر الله و ماشاء فعل .... انقلبت حياتهم ورجعوا هكذا

لو تسمع حكاية كل واحد فيهم قلبك يوجعك و عينك تبكي ......

علاه درت الموضوع ....... لانه اليوم شفت جماعة تاع دراري دي جون ... لما فاتت عليهم طفلة رفع عنها القلم ولاو يضحكوا عليها و على شكلها ... نساو بلي واش صرا للطفلة هاذي ممكن يصرا مع خواتاتهم وبناتهم

يا جماعة الخير ...... هاذي البنت كانت كيفنا ... عايشة وسط عائلتها معززة مكرمة ........ لكن ... كل نفس ذائقة الموت ...... توفات ام الطفلة ...... بعد مدة الاب زوج .... و ياريته ماتزوج .... مرتوا رجعتها خدامة عندها ..... تضربها ... كرهتلها حياتها ... و مازاد الطين بلة انه بوها ماكانش يدافع عليها ....... و خوتها الدراري صغار هي الكبيرة فيهم ....... هاذي مرت الاب زادت عليها و قلبت الاب على بنته ... الاب طرد بنته من الدار ........ مالقاتش وين تروح ...لقات روحها في الشارع هايمة .......... في احدى اليالي تعرضت للاغتصاب ....... و بعد مدة هزت بالحمل ..... كي قربت ولادتها داوها ناس خير للسبيطار ....... ماتلها الطفل و نحاولها الولادة .............

هاذي هي حكايتها ..... وحكاية بزاااف ناس تلقاوهم في الطريق مطايشين ............

لي فيهم يكفيهم ماتزيدوش عليهم​

​

 

[Salam Fleur]

رد: لي فيهم راه يكفيهم

شكرا على الاعتماد ​

 

[عاشقة الكرة]

رد: لي فيهم راه يكفيهم

لا حول ولا قوة إلا بالله العلي العظيم
الحمد لله على نعمة العقل ساعات حاشاكم اخرين يخممو تقول حيوانات تشكي بلي معندهمش عقل
فكرتيني قبيل كنت رايحة للجامعة جيت فايتة شيخ كبير عينيه مغمضين باين ناقص يمشي وهاز طبل ويدربك بيه جازو دو جان يضحكو راح يموتو واحد قلو هاات نصرو نحطو في صفحتي على الفيس بوك ويضحك تقلو مرا قالو صاحبو عيب عليك بلاك جا باباك تحبلو هاد الشي
شفتي ختي ناس معندهاش فالراس
المساكن هادوك ربي يرفع عليهم الضر واحنا ربي يهدينا
تقبي مروري يا الغالية

 

[Salam Fleur]

رد: لي فيهم راه يكفيهم

لا حول ولا قوة إلا بالله العلي العظيم
الحمد لله على نعمة العقل ساعات حاشاكم اخرين يخممو تقول حيوانات تشكي بلي معندهمش عقل
فكرتيني قبيل كنت رايحة للجامعة جيت فايتة شيخ كبير عينيه مغمضين باين ناقص يمشي وهاز طبل ويدربك بيه جازو دو جان يضحكو راح يموتو واحد قلو هاات نصرو نحطو في صفحتي على الفيس بوك ويضحك تقلو مرا قالو صاحبو عيب عليك بلاك جا باباك تحبلو هاد الشي
شفتي ختي ناس معندهاش فالراس
المساكن هادوك ربي يرفع عليهم الضر واحنا ربي يهدينا
تقبي مروري يا الغالية

اهلا اختي

لاحول ولاقوة الا بالله ..... واش تقولي غير ربي يهديهم ... مانعرف كيفاه راهم يخمموا ...... حسبي الله ونعم الوكيل

شكرا على مرروك القيم ​

 

[بنقابي افتخر]

رد: لي فيهم راه يكفيهم

لا خوله ولا قوة الا بالله العلي العظيم
حسبيا الله ونعما الوكيل

 

[حكاية عطر]

رد: لي فيهم راه يكفيهم

لاحول ولا قوة الا بالله

 

[مريم.]

رد: لي فيهم راه يكفيهم

موضوع مليح دكرتيه ياريت كل اعضاء اللمة يقراوه

ناس تضحك على ناس بدون متعرف ضروفهم القاسية لوصلتهم هكدا حتى واحد ما يرضى يكون هبيل ويمشي في الزنق الله غالب
بصح لضحك يلحق
وكاين ناس يضحكو على اشكال الناس والوانهم ليقادر ربي في هديك الدقيقة يجعلهم في ابشع الاشكال لكن ربي حنين ورحيم ديما يعطي للعاصي فرصة لكي يتراجع عن الذنب

شكرا اختي Salam Fleur على الموضوع وبارك الله فيكي

 

[راجية العفو]

رد: لي فيهم راه يكفيهم

السلام عليكم ورحمة الله
يعطيك الصحة اختي على طرح الموضوع
الحمد لله على نعمة العقل
ودرك رانا نشوفو مش غير الضحك عليهم راهم اللهم تحفظنا حتى سرقت الاعضاء منهم
ياربي عافينا
ونقلكم حاجة مجتمعنا ما يرحمش يمرض الواحد فيه نفسيا شوية يكملو عليه بالضحك والاستهزاء
والي يضحك يلحق

 

[السلطانة]

رد: لي فيهم راه يكفيهم

وعليكم السلام يااختي والله كل مانشوف مهبول ولامهبولة في الطريق نقول ممكن انا نولي كيفهم

قادر العبد يتشوكا يصرالو مرض نفسي صدمة نفسية يهبل ويحكم الطرق


يغيضوني هادوك لي يضالو يصورو فيهم ويضحكو عليهم دايرين بيهم قصرة

كيما الطفلة لي حكيتي عليها هاي تبدلت حياتها بعد ماكانت عايشة نورمال

الظروف لي توصل الانسان انو تتبدل حياتو في لحظة ربي يسترنا ويحسن خواتمنا

بارك الله فيك على هذا الموضوع الانساني.

 

[lee yong]

رد: لي فيهم راه يكفيهم

واش نقولو لعباد كيما هادو ربي يهدي ما خلق ,سبحان الله الدنيا كيفاه ولات ونقص الوازع الديني لا قيم ,لا احترام

 

[Salam Fleur]

رد: لي فيهم راه يكفيهم

لا خوله ولا قوة الا بالله العلي العظيم
حسبيا الله ونعما الوكيل

اهلا ليدي .... ناس نسات بلي ربي قارد على كل شيء .. اليوم تلقاه بعقله غذوة تلقاه مهبول ..... ربي يهديهم

شكرا على مرورك​

 

[Salam Fleur]

رد: لي فيهم راه يكفيهم

لاحول ولا قوة الا بالله

اهلا اختي
شكرا لمرورك العطر ​

 

[Salam Fleur]

رد: لي فيهم راه يكفيهم

موضوع مليح دكرتيه ياريت كل اعضاء اللمة يقراوه

ناس تضحك على ناس بدون متعرف ضروفهم القاسية لوصلتهم هكدا حتى واحد ما يرضى يكون هبيل ويمشي في الزنق الله غالب
بصح لضحك يلحق
وكاين ناس يضحكو على اشكال الناس والوانهم ليقادر ربي في هديك الدقيقة يجعلهم في ابشع الاشكال لكن ربي حنين ورحيم ديما يعطي للعاصي فرصة لكي يتراجع عن الذنب

شكرا اختي Salam Fleur على الموضوع وبارك الله فيكي

اهلا مريم

للاسف ناس تمشي بالمظاهر ... و لما تهدرلوا يقولك ماكان مادخلك ... دخلني راه انسان كيفك و كيفي ... ربي ابتلاه قادر يبليك كيما بلاه ....

ربي يهديهم

بارك الله فيك على مداخلتك القيمة

شكرا على مرورك العطر​

 

[Salam Fleur]

رد: لي فيهم راه يكفيهم

السلام عليكم ورحمة الله
يعطيك الصحة اختي على طرح الموضوع
الحمد لله على نعمة العقل
ودرك رانا نشوفو مش غير الضحك عليهم راهم اللهم تحفظنا حتى سرقت الاعضاء منهم
ياربي عافينا
ونقلكم حاجة مجتمعنا ما يرحمش يمرض الواحد فيه نفسيا شوية يكملو عليه بالضحك والاستهزاء
والي يضحك يلحق

عليكم السلام

اهلا اختي

صح كاين بزاااف مهابل اختطفوهم و سرقولهم اعضاء ... يعني لا حول ولا قوة الا بالله ..... و ربي يهديهم ..... و كيما قلتي اخلاق ناس المجتمع تاعنا راهي من سيء الى اسوا .... و ربي يجيب الخير

شكرا لمرورك القيم ​

 

[Salam Fleur]

رد: لي فيهم راه يكفيهم

وعليكم السلام يااختي والله كل مانشوف مهبول ولامهبولة في الطريق نقول ممكن انا نولي كيفهم

قادر العبد يتشوكا يصرالو مرض نفسي صدمة نفسية يهبل ويحكم الطرق


يغيضوني هادوك لي يضالو يصورو فيهم ويضحكو عليهم دايرين بيهم قصرة

كيما الطفلة لي حكيتي عليها هاي تبدلت حياتها بعد ماكانت عايشة نورمال

الظروف لي توصل الانسان انو تتبدل حياتو في لحظة ربي يسترنا ويحسن خواتمنا

بارك الله فيك على هذا الموضوع الانساني.

اهلا ساندي

اي وي .... كاين حكاية اخرى تاع واحد الانسان ... كان عايش لاباس بيه ... مع مرته بيان ... ربي مارزقوش الاولاد بصح كان راض ... تعرف على واحد السيد و دخل شركة معاه و كبرت تجارتهم .... هاذ السيد كان دايما يسافر على عكس شريكه ... مرة من المرات راح واحد جاره قالوا بلي شريكك راه يروح عند مرتك للدار ......... السيد هذا دار خطة ... قالهم راني مسافر ... لما وصل الليل فتح باب دارو راح لبيته و لقى شريكه مع مرته ...... قتلهم .... وهرب .. و حكمته الشرطة ... كان فاقد لعقله ... راه في مصحة الامراض العقلية

الدنيا هاذي في حكايات وقعوا للناس باه نديوهم عبرة لكن للاسف ناس رجعوا يضحكوا عليهم و حاطوا ف يبالهم بلي محال يصرالهم واش صرا لهاذو الناس ... ونساو بلي ربي قادر على كل شئ

بارك الله فيك اختي على مداخلتك القيمة

شكرا لمرورك العطر ​

 

[Salam Fleur]

رد: لي فيهم راه يكفيهم

واش نقولو لعباد كيما هادو ربي يهدي ما خلق ,سبحان الله الدنيا كيفاه ولات ونقص الوازع الديني لا قيم ,لا احترام

اهلا اختي

صحيتي نقص الوازع الديني ... لانه لي يعرف الاسلام مليح يعرف بلي السلوكيات هاذوا راه ينهى عليها الدين تاعنا .... لكن للاسف مسلمين بالاسم فقط

شكرا لمرورك القيم ​