أسعد الله أوقاتكم بكل خير يا حبيباتي اللي نحبكم بزااف والله شاهد على ما أقول
ربما تتذكرو أول طورطة نديرها في حياتي
http://4algeria.com/forum/threads/435085/#post6040208
أكيد تتذكروها عندها بضعة أيام فقط ما لحقتوش تنساوها خاطر انا منسيتهاش خخخخخخخخخ
فهداك اليوم بقاتلي شوية كريمة اللي زينت بيها الطارط ، وكانت عندي كريم باتيسيير أو فانواز بذوق شوكولاتة
ايا قلت خليني نستعملهم وندير تارتولات tartelettes
خصوصا أنو مقاديرها سهلة وبسيطة وتقدر أي وحدة ديرها سواء كانت مبتدئة :sport02: كي حالتي ولا بروفيشيونال :thumb_up02:
نبدا على بركة الله
المقادير
بالنسبة للعجينة
(أسفة مصورتش لكنها مرحلة بسيطة جدا )
250 غ فرينة
125 غ زبدة أو مرغرين باردة ومقطعة مكعبات أو قطع
فاني
2 مغارف كبار سكر ناعم
صفار بيضة
2 مغارف كبار حليب
2 مغارف كبار زيت
الطريقة
تغربلي الفرينة وضيفيلها الفاني والمرغرين وتدعكيها بأطراف الاصابع فقط حتى تدخل في بعضاها
ثم تضيفي السكر الناعم وتخلطي ثم صفار البيضة والحليب والزيت
أنا جاتني شوية جارية زدتلها الفرينة مي كمية قليلة باش تلمت فقط
وتحصلت على هاد العجينة
شكلتها في ليمول لأنها عجينة بزاف هشة وكون تطرحيها بالحلال ما تقدريش تهزيها ممبعد
ثقبتها بالشوكة وحطيتها في صينية الفرن
لكن هاد الشي ما يكفيش ، حطيتلها شوية حمص باش ما تنتفخليش فالفرن ودخلتها تطيب على درجة حرارة 150 درجة باش طيبلي مليح
انا الفرن تاعي سخون بزاف علابيها نقصت فالحرارة باش مش تحمارلي من برا ومن داخل تبقى عجينة ، وكل وحدة تعرف الفور تعها
وهنا بعد ما طابت ديموليتها
وعمرتها بالكرام باتيسيير أو فانواز، راهي تتباع في صاشي طيبيها في نصف لتر حليب و4 ملاعق سكر
حطيتها فالثلاجة بردت شوية وحكمت روحها ممبعد خرجتها وزينتها بكريمة الشانتي وهذا شكلها النهائي
صدقوني تذوووب فالفم تالمو مبسسة
والدليل هاد الحبة جيت نهزها تفتفتت تالمو هشيشة ههههههه
نتمنى تعجبكم وتجربوها
ودك نخليكم ، في أمان الله يا حلوااااااااااات
آخر تعديل:
ههههههههههه
