الوصفة الاصلية
انا راني عدلت شوية في الوصفة :
المقادير
2بيض-2 كاس فرينة-نص كاس حليب –نص كاس زيت زيتون مخلط مع الزيت العادي-ملح –كيس خميرة الحلوى
نخلطو كل المكونات السائلة ونضيفولها الفرينة والخميرة بالشوي
العجينة جاتني ثقيلة شوي ممكن الكاس اللي كيلت بيه كبير شوي كما ان البيض تاعي صغير الحجم
الصلصة:
نقليو البصل المرحي والفلفل الحلو نحوهم
ثم نقليو ملعقة كبيرة طماطم مصبرة في نفس الزيت اللي قلينا فيه البصل والفلفل لحلو
ونضيفو فلفل اسود ملح زعيترة وملح ثم نضيفو شوية ماء يتقلى شوي ونطفيو على الصلصة ونضيفولها البصل والفلفل السابقين
نفردو العجينة بالسباتول في بلا دهناه بالزبدة ورشيناه بالفرينة
ثم نضع عليه الصلصة ونغرسو فيها حبات الزيتون
وندخلوه الفرن نشعلولو من تحت برك كي يطيب نشعلو الفوقانية
بعدما ينضج نرشوه بالفرماج والتونة ونرجعوه دقائق قيس ماذوب الفرماج ونخرجوه وصحتين وهنا
نتمنى يكون تطبيقي نال اعجابكم
ملاحظاتي عن هذه الوصفة:
هي بنينة بالصح غريبة المذاق عن نفسي ماعجبتنيش بزاف
خطش مذاقها غريب تحسي روحك راكي تاكلي في مسكوتشو مالح :tongue02: مع العلم عجبتهم فالدار ممكن لاني تعودت على البتزا الرقيقة والخفيفة جاتني هذي شوية عيانة
ممكن لاحظتو تحول الصلصة الى اللون الاسود بالتالي اكتشفت بعد تجربتي لهذه الوصفة انه يستحسن نطيبو العجينة ثم في العشر دقائق الاخيرة نضيفو الصلصة والفرماج خير باش نحافظو على اللون
لانها بصراحة طول باش طيبلك على نار متوسطة وعن نفسي طيبتها من تحت ثم شعلت عليها من الفوق باش نتجنب احتراق الصلصة هكذاك وتبدل لونها للسواد
ختاما نتمنى تجربوها وتعطوني رايكم واكيدملاحظاتكم عنها باش نعدلوها مع بعض عل وعسى تعجبني في المرات الجاية :d:p
::regards01::regards01:
