سلسة من حكايات العالم الآخر-الموضوع الأول-

[السلطانة]

حبيت اليوم نقدم سلسلة جديدة بعنوان
حكايات من العالم الآخر

والفكرة انو كل مرة يقدر عضو منكم

يقدم موضوع ويكون هذا الموضوع خاص بحكاية من حكايات العالم المجهول :cray02:

ولي يخاف ميدخلش الموضوع

نياهاهاهاها


وموضوعي الأول يحكي على لعبة

استحضار الأرواح

لي شاعت في القديم ولازالت كاينة في مجتمعنا وخاصة عند فئة الشباب
ولي كيما معروف يتجمعو هاذ الشباب ويجيبو اوراق وكأس ويبداو يكتبو فيهم ويقراو التعويذة حتى يجيوهم هادوك الارواح وينطق واحد منهم ويبدى السؤال والجواب

وفي القديم كان الجهل ونقص الوعي سائد وماكانوش عارفين بلي هاذا راه شرك بالله
وأنا صغيرة كنت نشوف خالاتي يلعبوها كانو وقتها مراهقات شابات
مكنتش فاهمة واش ويعجبني الكاس كي يتحرك
مي كانو كي يبدى اللعب الصحيح يسحتونا حنا الدراري الصغار ويسكرو الباب
وقتها مكنتش عارفة منفهمش اصلا علاه سحتونا
مزية برك

هيا وكانت جداتي الله يحفظها هي وماما ديما ينصحو فيهم ويقولولهم متزيدوش تلعبوها في الدار وهوما ميسمعوش الكلام
حتى جا وحد النهار اكحل عليهم بمعنى الكلمة

هيا كيما قتلكم
مالا كان نهار شتاء ومطر ورعود وحالة
مالا الفحلات حبو يلعبو هاد اللعبة
وكانو في دارنا حنا دار عرب كبيرة وعريضة وتاع فرونسا بكري
اصلا فيها اللوش كنا نسمعو مرات الخبيط وحدو لاعلينا منخوفكمش كثر
مالا بداو يلعبو فيها
جات ماما قاتلهم احشمو ماتحشمو والو
داتني انا نرقد معاها بويسك خافت عليا وبقاو هوما
مع بداو لعبوها خلعهم الريح ضرب التاقة طف
قلبو الكاس
هك شوي وسمعو مشي تاع رجلين
ومباعد شافو خيال تاع راجل حسبوه بابا
:-o:s

وهو ماش بابا اصلا بابا راه جا وراه راقد وكلش
بداو يتسوسو وخافو هنا بدى الاكشن

عيطو على ماما والو تسمع فيهم بصح مقدرتش تجيهم وكون يفيق بيهم بابا بلي يلعبو هك تكون ليلتهم السودة
مالا ماما سكتت وخلاتهم

عاشو ليلة رعب كبيرة
حتى انهم شافو في المرايا شافو خلايق خلاف ماش تاعهم زادو هبلو بالعياط

وولاو يدعيو في ربي

ويقولو سلكنا ياربي هاد الليلة برك والله منزيدو نلعبوها


المهم حتى لهثو وطلع النهار

جاتهم ماما لقاتهم في حالة يرثى لها

حكاولها قاتلهم شتو كيفاه انا ننصح فيكم وانتم لاعبينها فايقات

المهم من تم راهم تابو وماعاودوش لعبوها

وكانو ماش عارفات بلي راهي حرام حسبوها لعبة برك

انا كي حكاوهالي والله خفت خفت بزاف قتلهم مزية كنت صغيرة ومافاهمة والو

هيا واش رايكم في هاد الحكاية ؟

-نتمنى يعجبكم هاد الموضوع وهاد السلسلة وتتفاعلو معاها

فقط لي يحب يقدم الموضوع لازم بعد 3 ايام

ويراسلني باه ميتخلطوش علينا المواضيع-

ونشوفو شكون اكثر واحد يرعبنا

بيناتنا والله غير خفت

هاد الشكل وسوسوني كي بقيت نخزر فيه

-
​

​

 

[secret de coeur]

رد: سلسة من حكايات العالم الآخر-الموضوع الأول-

شوشو راكي معولة على خلاها
تبا عشت الرعب غير كي قريت او حسيت بيهم
حمد لله مانيش من هواة هاد الصوالح انا مام افلام رعب ودماء مانشوفهمش
مي هادي كانو يديروها لي كوزين تاعي مي كوراج ابن عمي والو مايخافوش
وفات وقت وقطعوها + زادت حكاتلنا عليها بروف فلافاك قاتلنا بكري كنا نلعبوها وفغيمون صراتلهم حكاية تخوف ومابغاتش تشقولنا واش صرا
بيناتنا حكمتني كيغوزيتي باش نسقسيها وحشمت هههههه
المهم نسأل الله العافية ربي يبعد علينا دك مخالق والله غي نخافهم خخخخ فالضو مابالك الظلام والريح والرعد اقسى ليلة

 

[السلطانة]

رد: سلسة من حكايات العالم الآخر-الموضوع الأول-

شوشو راكي معولة على خلاها
تبا عشت الرعب غير كي قريت او حسيت بيهم
حمد لله مانيش من هواة هاد الصوالح انا مام افلام رعب ودماء مانشوفهمش
مي هادي كانو يديروها لي كوزين تاعي مي كوراج ابن عمي والو مايخافوش
وفات وقت وقطعوها + زادت حكاتلنا عليها بروف فلافاك قاتلنا بكري كنا نلعبوها وفغيمون صراتلهم حكاية تخوف ومابغاتش تشقولنا واش صرا
بيناتنا حكمتني كيغوزيتي باش نسقسيها وحشمت هههههه
المهم نسأل الله العافية ربي يبعد علينا دك مخالق والله غي نخافهم خخخخ فالضو مابالك الظلام والريح والرعد اقسى ليلة

اهلا وسهلا بالخوافة الكبير :p
وانا تاني خفت ههههههه كي كنت نكتب في الموضوع كنت مقابلة لمرايا بديت نتخايل بسيف كملتو
كون غير سقسيتي البروف تاعكم كانت تحكيلك حكايات ميخوفوش خلاص :tongue02::tongue02::tongue02::tongue02:
كنتي اكيد مرقدتيش الليل ههههههههههههه
ربي يسترنا ويعافينا
نورتي

 

[بنت الـ25]

رد: سلسة من حكايات العالم الآخر-الموضوع الأول-

أهلا شوشو ، مين تجيبي فهاد المواضيع يا جدك هههههههههه
خوفتيني ، انا بصراحة نامن بهاد الحكايات ويخوفوني
استحضار الأرواح كيما قلتي شرك بالله وبزاف لي حاولوا معاها وشافو خلايع
سترك ربي لي كنتي صغيرة
عندي حكايات واقعية صرات صح نحكيهالكم في السلسة ان شاء الله ، رعب حقيقي
حكاتهملي ختي ، هي تحكي وانا عينيا خرجو من الخوف وصراتلي كيما السي خونا هدا

هههههههه

 

[لؤلؤة قسنطينة]

رد: سلسة من حكايات العالم الآخر-الموضوع الأول-

السلام عليكم
اهلا بساندريلا اللمة وبمواضيعها المشوقة والرائعة
واشوا هادا بيت الرعب ولا واش هههه، بصراحة انا مانخافش من هاد الحكايات بالعكس نحبهم
وسبق وحطيت موضوع في قسم فرغ واش كاين في قلبك على حكاية صرات معايا في صغري مرعبة :d
يعني عندي طفولة مليئة بالآكشن كيما تقول ختي بنت ال25 ، لكن هادو خوالاتك والله صح وحدهم باه
يديرو هاد الحوايج ماخافوش كاشما يصرالهم؟ مزية لي خرجت سلامات ولا كن راهم خطفوهم ولا كاشما دارولهم هههه
شكرا ختي على الموضوع المميز والرائع ولي عجبني صراحة
لكن فقط كملاحظة القصص لي نحطوهم يكونو تاعنا؟؟ يعني صراو معانا ؟ ولا مع واحد العائلة ؟
ولا حكايات لقيناها في النت؟
هادي فقط الاسئلة وشكرا على الفكرة المميزة رايحة نشارك بإذن الله ولا كتب ربي سبحانو
تحياتي
​

 

[نبض الحياة]

رد: سلسة من حكايات العالم الآخر-الموضوع الأول-

و عليكم السلام و رحمة الله و بركاته
اوووووه ياا شوشو حابة تبيتيني الليلة قاعدة ولا كيفاه خخخخخ:p
ههههه والله فيلم رعب
بصح صراحة انا ما خفتش
يعني بكري ما كنت نسمع بهاد الالعاب
ودرك مين حكيتي القصة قلت في نفسي او غير خرطي مكانش منها هاد الامور ههههه:d
موالفة نشوف افلام اشباح وارواح ووو بصح ما نامنهمش ههههه
سلسلة راائعةةغاليتي:thumb_up02:
خلينا نشوفووو قصص رعب اكثر
او خايفة برك يهجرو من المنتدى هههه :p

 

[iselm rosso]

رد: سلسة من حكايات العالم الآخر-الموضوع الأول-

عجبتني هدي العفسة :thumb_up02: و حاب نجربها هكدا نحكي شوية مع خاوتنا كيفاش ديرو هدي العفسة :d

 

[السلطانة]

رد: سلسة من حكايات العالم الآخر-الموضوع الأول-

أهلا شوشو ، مين تجيبي فهاد المواضيع يا جدك هههههههههه
خوفتيني ، انا بصراحة نامن بهاد الحكايات ويخوفوني
استحضار الأرواح كيما قلتي شرك بالله وبزاف لي حاولوا معاها وشافو خلايع
سترك ربي لي كنتي صغيرة
عندي حكايات واقعية صرات صح نحكيهالكم في السلسة ان شاء الله ، رعب حقيقي
حكاتهملي ختي ، هي تحكي وانا عينيا خرجو من الخوف وصراتلي كيما السي خونا هدا

هههههههه

اهلا مينا هههههههههههه او جاني الهبال كي قعدت وحدي
والله ياهاد المخلوق بعد

بقيت نركز في وجهو خوفني ههههههه
في انتظارك مع الموضوع الثاني ان شاء الله احكيلنا الحكايات هادو لازم ترعبي الجمهور :thumb_up02:

 

[Hakan]

رد: سلسة من حكايات العالم الآخر-الموضوع الأول-

مرحبا بالاخت سندريلا وقصصها المرعبة هاته الاياام
اللعبة معرووفة عند الطلبة المثقفين اليوم
لم اجربها قبل ولا اعرف كيف تماارس لكن الشيء الوحيد الذي يمنعني من ذالك
هو خوفي على نفسي من ان تحملني احدى الجنيات الى عالمهاا وتسجننني عندها
وبعدها ستموةت فتيات هذا العاالم من اشتياقهن الى خخخخخ
سلاام وبارك الله فيك ... خلعتيني ..​

 

[rycerz]

رد: سلسة من حكايات العالم الآخر-الموضوع الأول-

يا ساندريلا ..هل حكايتك واقعية ؟؟؟ ... لقد سمعت بحكايات مشابهة ... و الواقع أنها عملية إستحضار الجن و ليست الأرواح ، و ذلك حرام ، .. لقد كنّ مخطئات تلك الفتيات.

أريد تأكيدا منك بخصوص الكأس الذي يتحرك لوحده ، هل رأيت ذلك بعينيك ؟؟؟

بعد ثلاثة أيام سأحكي لكم ما وقع لي أنا شخصيا .. و ما وقع لآخرين كانوا معي في ..... في مابعد.

 

[السلطانة]

رد: سلسة من حكايات العالم الآخر-الموضوع الأول-

السلام عليكم
اهلا بساندريلا اللمة وبمواضيعها المشوقة والرائعة
واشوا هادا بيت الرعب ولا واش هههه، بصراحة انا مانخافش من هاد الحكايات بالعكس نحبهم

اهلا وسهلا بؤلؤتنا
ههه دارا لخلايع
وسبق وحطيت موضوع في قسم فرغ واش كاين في قلبك على حكاية صرات معايا في صغري مرعبة :d
يعني عندي طفولة مليئة بالآكشن كيما تقول ختي بنت ال25 ، لكن هادو خوالاتك والله صح وحدهم باه
يديرو هاد الحوايج ماخافوش كاشما يصرالهم؟ مزية لي خرجت سلامات ولا كن راهم خطفوهم ولا كاشما دارولهم هههه
هههه والله كانو طايشات صح ماعلابالهمش
كون تسكنت وحدة فيهم يشوفو كيفاه
بصح بقاو يتفكروها لدرك هاديك الليلة :bravo01:
شكرا ختي على الموضوع المميز والرائع ولي عجبني صراحة
لكن فقط كملاحظة القصص لي نحطوهم يكونو تاعنا؟؟ يعني صراو معانا ؟ ولا مع واحد العائلة ؟
ولا حكايات لقيناها في النت؟
هادي فقط الاسئلة وشكرا على الفكرة المميزة رايحة نشارك بإذن الله ولا كتب ربي سبحانو
تحياتي
​

اهلا وسهلا
القصص لازم يكونو حصريين زعم الشخص عاشهم ولاحكاولو عليهم
هك ماش من الخيال ولا من النت

في انتظار مشاركتك ان شاءالله

 

[آمِيْرَتُه]

رد: سلسة من حكايات العالم الآخر-الموضوع الأول-

السلام عليك شوشو
وحدك تجيبي غير الخلايع
حنا ثاني كانوا يلعبوها كانت عندنا جارتنا كنا نقولولها طاطا كانت هي مزهية الحومة هه
كانوا يجو عندها العازبات بزاف يسهرو بنات الجيران كي كان الوقت شباب و فيه النية
لمهم مرة في العشوة بغاو يلعبوها أنا لصقة في آختي و دخلت مي جابونا برا قالك الصغار ممنوع المهم لعبوها و خرجت ليهم روح و بقاو يهدرو معها مش عارف شاقالت ضحكت وحدة و تتكلم فيها شلق ضربتها بصفعة و تم وحدة محكمت آختها الطايح كثر من النايض الجري واي واي واي الحومة هولوها بالتواغ كنت صغيرة و مازلت نعقل عليها سموها شهرة المخلوقة بغات تعرف زهرها عشات داية صفعة هههه
موض عم فور إن شاء الله نشوفو الخلايع مع ناس اللمة

 

[السلطانة]

رد: سلسة من حكايات العالم الآخر-الموضوع الأول-

و عليكم السلام و رحمة الله و بركاته
اوووووه ياا شوشو حابة تبيتيني الليلة قاعدة ولا كيفاه خخخخخ:p
ههههه والله فيلم رعب
بصح صراحة انا ما خفتش
يعني بكري ما كنت نسمع بهاد الالعاب
ودرك مين حكيتي القصة قلت في نفسي او غير خرطي مكانش منها هاد الامور ههههه:d
موالفة نشوف افلام اشباح وارواح ووو بصح ما نامنهمش ههههه
سلسلة راائعةةغاليتي:thumb_up02:
خلينا نشوفووو قصص رعب اكثر
او خايفة برك يهجرو من المنتدى هههه :p

اهلا وسهلا بالشجاعة تاعنا :p
ا
كي يعودو فيها هاداك العالم :d الهربة تسلك

انا تاني كي شفتهم اليوم مردوش قلت واقيلا خافو هههههههه
نورتي حبيبتي كوني بالقرب

 

[السلطانة]

رد: سلسة من حكايات العالم الآخر-الموضوع الأول-

عجبتني هدي العفسة :thumb_up02: و حاب نجربها هكدا نحكي شوية مع خاوتنا كيفاش ديرو هدي العفسة :d

ها خويا يزيدو يجيونا هادوك الناس للمنتدى ههههههه ويتصرع واحد فينا

 

[السلطانة]

رد: سلسة من حكايات العالم الآخر-الموضوع الأول-

مرحبا بالاخت سندريلا وقصصها المرعبة هاته الاياام
اللعبة معرووفة عند الطلبة المثقفين اليوم
لم اجربها قبل ولا اعرف كيف تماارس لكن الشيء الوحيد الذي يمنعني من ذالك
هو خوفي على نفسي من ان تحملني احدى الجنيات الى عالمهاا وتسجننني عندها
وبعدها ستموةت فتيات هذا العاالم من اشتياقهن الى خخخخخ
سلاام وبارك الله فيك ... خلعتيني ..​

اهلا وسهلا بيك خويا حكيم
غير جربها برك ماتخافش :p
تلقى روحك خرجت من دزاير وتهنيت من هذا العالم ههعهع
نورت خويا حكيم

 

[السلطانة]

رد: سلسة من حكايات العالم الآخر-الموضوع الأول-

يا ساندريلا ..هل حكايتك واقعية ؟؟؟ ... لقد سمعت بحكايات مشابهة ... و الواقع أنها عملية إستحضار الجن و ليست الأرواح ، و ذلك حرام ، .. لقد كنّ مخطئات تلك الفتيات.

أريد تأكيدا منك بخصوص الكأس الذي يتحرك لوحده ، هل رأيت ذلك بعينيك ؟؟؟

بعد ثلاثة أيام سأحكي لكم ما وقع لي أنا شخصيا .. و ما وقع لآخرين كانوا معي في ..... في مابعد.

اهلا وسهلا اخي

ن
نعم اكيد تلك الفتيات كن مخطئات فهذا شرك بالله ورب ييغفرلهن
ولكنهن تبن من هذه اللعبة
نعم اخي عملية استحضار الارواح اخي وهي تتم عن طريق استحضار الجن الذي يسكن تلك الارواح
احيانا تظهر في جسد قط او ذوات ارواح اخرى مثل الالعاب.. او في جسد شخص ميت من زمان ...الخ ولهذا سميت بلعبة استحضار الارواح وفي الحقيقة الجن هو الذي يعود في هذه الارواح
وبالنسبة للكأس نعم اخي كان يتحرك
بعد قراءتهن عليه التعويذة والجن من يحركه ليبدأ بع
ها في الكلام

في انتظارك اخي

بارك الله فيك شكرا

 

[السلطانة]

رد: سلسة من حكايات العالم الآخر-الموضوع الأول-

السلام عليك شوشو
وحدك تجيبي غير الخلايع
حنا ثاني كانوا يلعبوها كانت عندنا جارتنا كنا نقولولها طاطا كانت هي مزهية الحومة هه
كانوا يجو عندها العازبات بزاف يسهرو بنات الجيران كي كان الوقت شباب و فيه النية
لمهم مرة في العشوة بغاو يلعبوها أنا لصقة في آختي و دخلت مي جابونا برا قالك الصغار ممنوع المهم لعبوها و خرجت ليهم روح و بقاو يهدرو معها مش عارف شاقالت ضحكت وحدة و تتكلم فيها شلق ضربتها بصفعة و تم وحدة محكمت آختها الطايح كثر من النايض الجري واي واي واي الحومة هولوها بالتواغ كنت صغيرة و مازلت نعقل عليها سموها شهرة المخلوقة بغات تعرف زهرها عشات داية صفعة هههه
موض عم فور إن شاء الله نشوفو الخلايع مع ناس اللمة

وعليكم السلام
دار الخلايع حصري على اللمة :tongue02:
نعم كانت العازبات يروحو باه يشوفو وقتاه يتزوجو
خالتي قالها تتخطبي في سنة 93 وصح تخطبت يعني كان يقيسو الصح
ههه ياويلي خرجلتلهم الروح اون بيغسون خخخخخ اي تتجسد مرات
ودات فيها هاد الطفلة صفعة هههه مزية لي مدخلش فيها برك
والله راهم مهابل مامش بخير
نورتي اختي

 

[الزهرة الحمراء]

رد: سلسة من حكايات العالم الآخر-الموضوع الأول-

السلام عليكم غاليتي ساندي
بالنسبة لموضوعك مانعرف اذا اللعبة لي راكي تحكي عليها هي نفسها "ويجا"
لأنو صادفتني حكاية كيما هكا العام لي فات
لانو انا وين نقرا دور اشاعات انو راهم بانيين فوق مقبرة وكاين ارواح ومانعرف واش المهم لا علينا
نشفالها كنا نقراو فالمخابر وحنا المخابر تاعنا جايين في بلاصة معزولة وضالمة
وخرجت الاستاذة وقعدنا حنا وحدنا البنات جاتهم باه يلعبوها وزعما حبوا يسقسوا على امورهم الشخصية وهوما ماكانوش دايرين كاس كانوا دايرين ستيلو ويلعبوا وانا كي شفتهم هكاك قعدت غير نضحك على الجياحة تاعهم والتبهليل والجهل مبعدة الستيلو وحدو قعد يتحرك وواحد الطفلة تحكي معاه مبعدة قاتلو واش بيك قالها قلقت قاتلو مناه قالها من الضحك وانا ارواحي طلي عليا جمدت لثم وقبل ماتجي الاستاذة هزيت روحي وخرجت ونشفالها ليلة هاديك كامل مارقدتش
يعني الحكايات هادو كاينين وواقعيين
ربي يحفظنا ويسترنا
يعطيك الصحة غاليتي
​

 

[Salam Fleur]

رد: سلسة من حكايات العالم الآخر-الموضوع الأول-

السلام عليكم

الله الله .. مسلمين مكتفين ...هههه

المشكل تاعي انه الحكايات هاذوا يموته على انهم يبداو يحكيوا فيهم في الليل ما نعر علاه و تطفر في ختكم العزيزة الليل كامل نقعد بعينيا مفتوحين

بون نحكي حكاية صرات مع الام تاعي

كانت صغيرة ساكنة مع جدتها في الجبل و كانت مع الصباح بكري مور صلاة الفجر تدي للجدها الفطور للمسجد .. ماشي بعيد تقريبا 10 دقائق توصل .... و هي طالعة لقات قطيع من الخرفان ... قطيع كبيير له بداية و ليس له نهاية .... و الخرفان هاذوك يشعلوا بالنظافة هي استغربت تمشي وسطهم و بينها و بين روحها تقول سبحان الله كيفاه نظاف .... و لما وصلت لواحد القهوة و قفت تريح جاء مول القهوة وهو بعد من عائلتها لقاها واقفة و تخزر .. قالها واشبيك واش كاين حكاتله .. قاللها لو جبتي كبش معاك لو وليتي من اغنى الاغنياء


​

 

[Salam Fleur]

رد: سلسة من حكايات العالم الآخر-الموضوع الأول-

الحكاية الثانية

جارت جداتها تاع امي كانت امراة عندها 5 ولاد مات راجلها بعد 40 يوم من وفاته مع الصباح الباكر تسمع طرطيب في الباب تفتح تلقى امراة محروقة كامل .. كي شافتها ولات تسمي و تقرا في القران ( نسا بكري ماشي كيما حنا نشوفوا قرلوا برك نوليوا نعيطوا يسمعونا من المريخ) هاذيك المراة حكمت يدها و مدتلها دراهم صرف و راحت ... و رجعت كلما يقرب يخلصولها هاذوك الدراهم تجي بنفس الهيئة و في نفس الوقت .... فاته الايام و الناس بدات تهدر عليها كيفاه راهي عايشة و منين راهي تصرف ... و تعرفوا الناس لسانهم طويل بزااف ..هي كي لقاتهم هكاك حكاتلهم انه كاينة واحدة تجي عندها كل مدة و تمدلها دراهم .... بعد ما حكاتلهم مازادتش جات المراة هاذيك

​