سلسة من حكايات العالم الآخر-الموضوع الثاني-

[لؤلؤة قسنطينة]

مرحبا بناس اللمة جميعا كبيركم وصغيركم
إن شاء الله راكم لاباس؟؟

اليوم رايحة نكمل بإذن الله سلسلة الاخت ساندريلا زماني لي عنوانها
حكايات من العالم الآخر

والفكرة انو كل مرة يقدر عضو منكم
يقدم موضوع ويكون هذا الموضوع خاص بحكاية من حكايات العالم المجهول

واليوم رايحة نطرح ثاني عدد من هاد السلسلة المخيفة

والمشوقة

والغامضة

لي أقل من 15 سنة مايدخلش راني مانظمنش :smile02: واي حاجة تصرالكم ولا كاشما تحسو عبد وقف من وراكم مالا الهربة تسلك

المهم اليوم وفي موضوعنا الثاني جيت نحكيلكم على قصة من القصص المرعبة لي مرت عليا في حياتي
مالا اتنفسو مليح وركزو معايا كلمة بكلمة

كيما سبق وحكيت في أحد المواضيع السابقة داخل اللمة عن قصص رعب سمعتها في صغري وكاينة لي عشت تفاصيلها
وهاد القصص كاملة صرات في بيت جدتي المرعب

بيت جداتي هو كان بكري عبارة عن مقبرة، يعني كانت مقبرة كبيرة بزاااف ومن بعد قسموها على النص، نص خلاوه مقبرة ونص بناو عليه طرق
وبناو عليه باطيمات ومنهم العمارة أو الباطيما لي ساكنة فيها جداتي
يعني بالاك كن درك يحفرو تحت الباطيما رايحين يلقاو بالاك هياكل عظمية تاع عباد

وهاد الباطيما في 50 سنة لي فاتت يحبلك ولا تحلم باه تعدي من تم على خير خاطر الاشباح ماش رايحين يخليوك تعدي على راحتك
لأنو كاين قصص عديدة ارتبطت بهاد العمارة المخيفة

مثلا يحكيولي خوالاتي وماما سابقا كن فليل تنوض ويروحلك النعاس رايح تندم على النهار لي زدت فيه
رايح تسمع رجلين رايحين وجايين من الغرف الأخرى رايح تشوف الباب المقبض تاعو يتحل ويتغلق
رايح حتى تحس بيد تمسحلك على مخدتك

وكن واحد يقعد وحدو في الدار يسمع الهدرة في باقي الغرف تاع ناس يتناقشو بأعلى صوتهم
ولا مثلا كن يخرجو من الدار ويطلعو راسهم جهة الطاقة يشوفو شعب يطل عليهم من الطاقة بصح ماش من سكان البيت
وبلا قصص أخرى اكثر رعبا

ولدرجة الباطيما هادي محسوسة كاين حتى عباد لي رماو رواحهم منها
كاين بنت رمات روحها من الطابق العاشر ليلا واخرى من الطابق الخامس لكن مع الصباح
وبقات ارواحهم فيزوج تدور داخل الباطيما ويمسعوهم كل ليلة طالعين وهابطين
المهم علابالي انو نصكم مثل هاد القصص والفتو بيها حتى ولات مألوفة في أفلام الرعب
وكاين حتى لي مايصدقاش
على هادي حبيت اليوم نحكيلكم قصة مختلفة وغريبة عن هاد الباطيما ولي تأكدت منها شخصيا

مالا قديما كيما يحكيولي خوالاتي وماما كانو بكري قبل 30 سنة او اكثر لما وحدة فيهم تحط راسها على المخدة وفي وقت الgايلة تسمع صوت
إمرأة برا تبكي وتعيط بأعلى صوتها وتقول " ولدي مات "
لكن غير تنوض لي سمعت الصوت وتروح تطل من الطاقة تلقى الشارع فارغ وماكاين حتى عبد ولما تسقسي باقي خواتاتها يقولولها ماسمعنا والو
ومن بعد وراها بنصف ساعة أو ساعة حتى يسمعو بموت شخص سواءا من سكان العمارة ولا من الجيران
ولا من العائلة، في الاول خوالاتي مادارولهاش بال لكن من بعد ولاو غير وحدة فيهم تسمع صوت المرأة بعد ساعة او نصف ساعة يسمعو بخبر موت شخص
انا لما كبرت شوي وحكاولي هاد الحكاية ماأمنتش بنسبة 100 بالمئة مع اني نصدق ماما وخوالاتي
بصح العقل الواعي ما يتقبلهاش لأنو هادا علم غيب على هادي ماكنتش متأكدة تماما

مالا في يوم من ايام العطلة تاع الشتاء بالاك وكان العام الاول تاعي في الثانوية نشفى عليها كنت انا وماما وختي عند جداتي وكنا في وقت الgا يلة قاعدين انا
وختي وخالتي (لي نعتبرها كي ختي وكتر عليا ب 6 سنوات فقط) نحكيو ونضحكو وندردشو حتى لحقت ال3 وفجأة
دخلت وحدة من خوالاتي ووجها مخطوف قعدت قدامنا وقاتلنا علابالكم قبيلات وانا غير حطيت راسي باه نرقد ونسمع المرأة تاع عام عام
لي كانت تبكي وتقول " ولدي مات " ، وكانت مستغربة خاطر ماسمعوش صوتها لمدة طويلة تتجاوز 20 سنة
هي غير قاتلنا وحنا وجهنا طلع صفر

حتى ندمت على النهار لي ما أمنتش فيه بنسبة 100 بالمئة ههههه
حسيت روحي في تحدي ونستنى، اذا مات كاش عبد معناها صح واذا ما مات حتى شخص معناها كذبة
ساع ولات ختي تبكي

قالت باينة انا لي رايحة نموت ههههه خاطر ختي كانت هاداك الوقت حالتها ماش مليحة وقاعدة تداوي بالرقية
مالا كي شافتها خالتي خافت قالتلها راني كنت نتخيل برك ماكانش منها واصلا مستحيل تظهر بعد مدة طويلة
المهم بقينا قاعدين وساكتين وقلوبنا مايعلم بيها غير ربي كل واحد فينا يستنا في روحو غير يموت

وفجأة صونا تيليفون ماما وبابا لي عيطلها وقالها راني جاي جهة داركم، كي سألتو عن السبب قالها درك وين وصلني خبر موت أب صاحبي
( وبحكم صديق بابا هادا نعرفوه ويمشيلنا وباباه يسكن قريب من جداتي يعني تفصلهم مسافة 20 دقيقة مشي على الاكثر )
تما كي سمعنا بقينا حابسين، ساع قاتلنا خالتي راني قلتلكم بلي صوت المرأة دايما يصدق
انا تما أمنت وتأكدت بنسبة 10000 بالمئة

عندي العديد من القصص المخيفة لكن باه نخرجو على روتين القصص لي تشوف بيها وجوه مخيفة
وتسمع أصوات مخيفة قررت نحكيلكم هاد القصة
هيا واش رايكم فيها؟ وقداه من واحد ما خافش؟ بينو رواحكم يا الشجعان

هيا ابقاو على خير وبلاكم من الكولوار فليل ماتدريش واش قادر يخرج ههههه
تحياتي

نتمنى يعجبكم هاد الموضوع وهاد السلسلة وتتفاعلو معاها
فقط لي يحب يقدم الموضوع لازم بعد 3 ايام
ويراسل الاخت ساندريلا باه ميتخلطوش علينا المواضيع
ونشوفو شكون اكثر واحد يرعبنا ​

​

 

[حكاية قمر]

رد: سلسة من حكايات العالم الآخر-الموضوع الثاني-

يا ماما
الصح رعب امزيه لي قسنطينه ابعيدة
خوفتيني ^^ وليل قريب
حتى جداتي وتحكيلنا ع قصص كما هكا

شكرا لؤلؤتي الحلوة

 

[لؤلؤة قسنطينة]

رد: سلسة من حكايات العالم الآخر-الموضوع الثاني-

يا ماما
الصح رعب امزيه لي قسنطينه ابعيدة
خوفتيني ^^ وليل قريب
حتى جداتي وتحكيلنا ع قصص كما هكا

شكرا لؤلؤتي الحلوة

ههههههههه اهلا بحبيبتي :love01:
قتلتيني ضحك خاصة تاع قسنطينة بعيدة
قسنطينة بعيدة بصح الاشباح دقيقة يتنقلو من ولاية لولاية :d
راهم يصوطيو هههههه، ربي يستر حنا جبدنا عليهم يعودو يجيونا
هيه صح مثل هاد القصص كنا نسمعوهم على لسان الجدات بصح هاديك وقت النية
دركا العباد لي ولاو اشباح
شكرا غاليتي على مرورك العطر لي فرحني
تحياتي الشبحية لكِ :d تحياتي القلبية عزيزتي :regards01:
​

 

[السلطانة]

رد: سلسة من حكايات العالم الآخر-الموضوع الثاني-

وعليكم السلام
حتى اللاب توب وريقوله وجابوهولي درك من زهري :d:d:d
نرجعو لموضوعك المخيف تاع بطيمة الرّعب
:cray02::cray02::cray02:
أكثر حاجة تخوفني انها تكون دار هك تاع يسمعو فيها حوايج
وقادرين يخرجو هادوك الناس في اي دقيقة
هاذ القصة فعلا مريبة
تاع لمرا لي تهدر ويسمعها غير الشخص لي على المخدة
وزيد من وراها تصرى كارثة
راكم شجعان كي بقيتو ساكنين في هادي الدار كون انا نتلع طول الهربة تسلّك
كلش كلش ولا الطوايش هاذو تاع واحد يقيسلك شعرك ولا يمسلك يدك ولايعيط عليك
وتدور ماتلقى حتى واحد :bravo01:
هيا الهربة تسلك من الموضوع
يعطيك الصحة لؤلؤة

​

 

[Salam Fleur]

رد: سلسة من حكايات العالم الآخر-الموضوع الثاني-

السلام عليكم

هاذي الحكاية صرات عندنا تاني بصح حنا واحد تاع لافامي مات ربي يرحموا ... و كلما ينوموا واحد ...سما رايح يموت واحد من العائلة .... و العام هذا الرقم القياسي ..ماتولنا 3 خالي ووليد عمة ماما ووليد عمها و كامل ماتوا بنفس الطريقة ... نوبة قلبية ...

اي وي ... سبحان الله

​

 

[لؤلؤة قسنطينة]

رد: سلسة من حكايات العالم الآخر-الموضوع الثاني-

وعليكم السلام
حتى اللاب توب وريقوله وجابوهولي درك من زهري :d:d:d
نرجعو لموضوعك المخيف تاع بطيمة الرّعب
:cray02::cray02::cray02:
أكثر حاجة تخوفني انها تكون دار هك تاع يسمعو فيها حوايج
وقادرين يخرجو هادوك الناس في اي دقيقة
هاذ القصة فعلا مريبة
تاع لمرا لي تهدر ويسمعها غير الشخص لي على المخدة
وزيد من وراها تصرى كارثة
راكم شجعان كي بقيتو ساكنين في هادي الدار كون انا نتلع طول الهربة تسلّك
كلش كلش ولا الطوايش هاذو تاع واحد يقيسلك شعرك ولا يمسلك يدك ولايعيط عليك
وتدور ماتلقى حتى واحد :bravo01:
هيا الهربة تسلك من الموضوع
يعطيك الصحة لؤلؤة

​

اهلا بساندريلا اللمة :love01: مرحبا بيك ومزية لي عدلوهولك :yahoo01: حسيت روحي يتيمة بلا بيك ههههه
بصراحة هاد الدار بكري يسمعو فيها مثل هاد الامور، اما درك عادي رانا نروحو نباتو فيها ومايصرا والو
بصح بكري رعب حقيقي،كن تجي طالعة في الباطيما وتطلعي راسك بين الدروج باه تشوفي الطوابق الفوقانيين
يقابلك راس مخيف نورمال هههههه وهادي صراتلهم قداه من مرة، بلا البنات لي رماو رواحهم وولاو يخرجو
هادوك حكاياتهم افضع، بصح حبيت نخرج على الروتين هادا وقلت نحكي على حاجة غريبة كيما هادي
ولي تأكدت منها بنفسي على هادي حكيتهالكم
ان شاء الله يكون الموضوع عجبكم
شكرا ختي لمرورك العطر لي فرحتيني بيه
تحياتي الشبحية لكِ :d تحياتي القلبية غاليتي :regards01:
​

 

[لؤلؤة قسنطينة]

رد: سلسة من حكايات العالم الآخر-الموضوع الثاني-

السلام عليكم

هاذي الحكاية صرات عندنا تاني بصح حنا واحد تاع لافامي مات ربي يرحموا ... و كلما ينوموا واحد ...سما رايح يموت واحد من العائلة .... و العام هذا الرقم القياسي ..ماتولنا 3 خالي ووليد عمة ماما ووليد عمها و كامل ماتوا بنفس الطريقة ... نوبة قلبية ...

اي وي ... سبحان الله

​

وعليكم السلام ورحمة الله وبركاته
اهلا خولتي نورتِ الموضوع :love01:
يالطيف هههههه واشوا هادا؟ ربي يرحمهم جميعا
درك ماعادوش يسمعوها آخر مرة كانت هادي لي حكيتهالكم
بصح والله غريبة صح تاع يسمعو صوت مرا ولا يشوفو عبد في المنام
تبقى غيبيات هادي والله وحدو اعلم بيها
شكرا غاليتي على مرورك العطر
تحياتي الشبحية ليك ههه :d تحياتي القلبية غاليتي :regards01:
​

 

[الورد الأحمر]

رد: سلسة من حكايات العالم الآخر-الموضوع الثاني-

السلام عليكم ورحمة الله
الصراحة ما خفتش بزاف أنا او نحب النوع هذا من القصص ونحب أفلام الرعب عند الليل مي كي نكون ماشي وحدي ومادامني مش وحدي فعادي يعني خخخ ... برك لحمي شوّك كي لحقت لبعض السطور في الموضوع لأنو تزعج النفس من الامور هذي ... انا عجبتني لافاغ تاع الدار فارغة وتطلعو راسكم للطاقة تشوفو عيباد يطلو منها خخخ لوكان تحكيلي عالأمور هذي نحبها :p ... طبعا للتصحيح برك كي قلتي على لبنات لي طيشو رواحهم بقات روحهم في العمارة الأرواح همرها لا تبقى ضايعة في الحياة هذي بعد الموت لأنو الروح يقبضها ربي وتطلع للرحمان وتعاود ترجع لقبر الميت بعد الدفن وهذوك لي تصورو في هيئة الأموات راهم غير جن لأنهم يحبو التواجد في الأماكن هذي لي تصرا فيها جرائم ولا سفك دماء ولا موت بطريقة بشعة ... عجبتني المهم العمارة هذي تاع جداك ... أنا صراو معايا حوايج مي مانيش حابة نحكيهم هاذ الساعة :p ... مغسي عالموضوع يعطيك الصحة

 

[لؤلؤة قسنطينة]

رد: سلسة من حكايات العالم الآخر-الموضوع الثاني-

السلام عليكم ورحمة الله
الصراحة ما خفتش بزاف أنا او نحب النوع هذا من القصص ونحب أفلام الرعب عند الليل مي كي نكون ماشي وحدي ومادامني مش وحدي فعادي يعني خخخ ... برك لحمي شوّك كي لحقت لبعض السطور في الموضوع لأنو تزعج النفس من الامور هذي ... انا عجبتني لافاغ تاع الدار فارغة وتطلعو راسكم للطاقة تشوفو عيباد يطلو منها خخخ لوكان تحكيلي عالأمور هذي نحبها :p ... طبعا للتصحيح برك كي قلتي على لبنات لي طيشو رواحهم بقات روحهم في العمارة الأرواح همرها لا تبقى ضايعة في الحياة هذي بعد الموت لأنو الروح يقبضها ربي وتطلع للرحمان وتعاود ترجع لقبر الميت بعد الدفن وهذوك لي تصورو في هيئة الأموات راهم غير جن لأنهم يحبو التواجد في الأماكن هذي لي تصرا فيها جرائم ولا سفك دماء ولا موت بطريقة بشعة ... عجبتني المهم العمارة هذي تاع جداك ... أنا صراو معايا حوايج مي مانيش حابة نحكيهم هاذ الساعة :p ... مغسي عالموضوع يعطيك الصحة

وعليكم السلام ورحمة الله وبركاته
اهلا بيك حبيبتي نورتِ الموضوع :love01:
مادام تحبي هاد الامور يسما نتي من جماعتي :d حتى انا نموت على هاد القصص ودايما نقولهم احكيولي
بصح كي يلحق الليل نوليو نحاولو بعضانا باه نتحركو كيف كيف يعودو يخطفونا ههههههه
اما حكاية الارواح بارك الله فيك على التنبيه، انا ماحبيتش ندخل في التفاصيل باه ندخل في القصة مباشرة ومانطولش عليكم
بصح حكاية البنات هادو، الاولى رمات روحها على 11 ولا 12 تاع الليل والظلمة، وما جات تجي الاسعاف اتخيلي الدم بقى على الارض والباطيما اصلا مهولة
يعني باين الدم هاداك دارو بيه حوايج خلاف، وزيد في الباطيما تاع جداتي كل طاج قدامو البوبال تاعو حاشاك درك هوما كي جاو الاسعاف الايزار لي لموها بيه
رماوه تما، وزيد كي جاو مخرجينها خرجوها على الباطيما على هادي بقا الشي هاداك يدور تما
شكرا على التنبيه غاليتي
ومتمنية لو تزيدي تشاركينا القصص تاعك باه نذوقو شوي رعب

شكرا غاليتي على المرور العطر
ومادامك ماخفتيش مانقولكش تحياتي الشبحية هههههه
تحياتي العطرة لكِ :regards01:
​

 

[لؤلؤة قسنطينة]

رد: سلسة من حكايات العالم الآخر-الموضوع الثاني-

حالياً الأعضاء النشيطين الذين يشاهدون هذا الموضوع: 34 (3 عضو و 31 ضيف)
ماشاء الله 31 ضيف كامل عجبتهم الحكاية ههههه
مرحبا بيكم وقراءة ممتعة ^^
​

 

[لؤلؤة قسنطينة]

رد: سلسة من حكايات العالم الآخر-الموضوع الثاني-

وين راكم ياناس اللمة؟؟
ماعجبكمش الموضوع ولا خفتو تدخلو :d
​

 

[Skor m@k]

رد: سلسة من حكايات العالم الآخر-الموضوع الثاني-

السلام عليكم
مالصبح وأنا ندور حتى لضرك باش شتو خباوه لجنون وقيل هههه
في اللخر لي تخلعت شويا سمعت تخرويش برا درت نجري هههه كي شغل رحت مع القصة هههه
الحاجا لي نكرها ونخافها الدار كي تكون فارغا ماشي مسكونة أياياي
حنا كان عندنا واحد الراجل بكري يحكو عليه
كل ما يرح عند المقبرة يبدى يلايم فالحجرة تاع لقبور
غدوى منذاك يموت كاش واحد
تلايمو الناس عليه اوو حوزوه ههههه
هذي بكري بصح منأمنش بهاذي الخرايفات هههه
راني خايف تصرالي كيما صراتلك ونولي ندور في كلمتي هههه
حكايات هايلين
ربي يحفظك ختي​

 

[ديسق]

رد: سلسة من حكايات العالم الآخر-الموضوع الثاني-

وعليكم السلام ورحمة الله وبركاته

الحمد لله نحن بخير، ان شاء الله أحوالك بخير أيضا اخت الكريمة ^^ .. الله أعلم علاه الأعضاء ينساو الاجابة على هذا السؤال في مختلف المواضيع :-r

المهم الموضوع نتاعك راهو خوّفني بزاف بزاف ههه .. نضحك برك، صراحة وأنا نقرا الموضوع كنت نقول اممم وين جاية الباطيما هاذي نروحو ليها ونرقدو
فيها كاشي ليلة وحدة برك مش زوج وثلاثة ههه .. :-o زعما مني صح ؟ اواه نلعبها فايق ثاني ونجيبها في روحي، راني بطلت :smile02: ما عندي واش زاني :down:

يعطيك الصحة اخت لؤلؤة على سرد هذه القصة وربي يحفظنا ويحمي الجميع من كامل الشرور

ونشوفوكم دائما على خير وهذا هو الأهم

أخوكم سيف ^^
​

 

[لؤلؤة قسنطينة]

رد: سلسة من حكايات العالم الآخر-الموضوع الثاني-

السلام عليكم
مالصبح وأنا ندور حتى لضرك باش شتو خباوه لجنون وقيل هههه
في اللخر لي تخلعت شويا سمعت تخرويش برا درت نجري هههه كي شغل رحت مع القصة هههه
الحاجا لي نكرها ونخافها الدار كي تكون فارغا ماشي مسكونة أياياي
حنا كان عندنا واحد الراجل بكري يحكو عليه
كل ما يرح عند المقبرة يبدى يلايم فالحجرة تاع لقبور
غدوى منذاك يموت كاش واحد
تلايمو الناس عليه اوو حوزوه ههههه
هذي بكري بصح منأمنش بهاذي الخرايفات هههه
راني خايف تصرالي كيما صراتلك ونولي ندور في كلمتي هههه
حكايات هايلين
ربي يحفظك ختي​

وعليكم السلام ورحمة الله وبركاته
اهلا خويا مالك ^^ نورتيني بمرورك
اولا بارك الله فيك على المخلوقات لي مديتهملنا ههههه راني بردت قلبي فيهم
حاسة كي عبد حاب يرسم رسمة وعندو بزاف الالوان :d ( تشبيه ماش في محلو خلاص هههه)
ههههههه ضحكتني ساع سمعت التخرويش، رد بالك راهم قادر يخرجولك من اي بلاصة قادر حتى يطيح عليك درك من فوق هههههه
وهادي صراتلي صح ودرت عليها موضوع في قسم فرغ واش كاين في قلبك، وطايحت عليا حاجة كبيرة وكحلة للدرك مازلت ماعرفتش واشوا
وطاحت عليا من سقف مقفول وهادي داخل الباطيما بعد هههههه يعني لام تتوسوس من كلشي حتى من الميكرو ههههه
والشايب هادا كيفاه قدرو يحاوزوه :-o مخافوش يقتلهم بالجملة هههههههه استغفر الله يا ربي رايحة ندخل في الجهل
والله صح درت على كلمتي نهار تأكدت وشفت بعيني
بصح دركا خلاص اصلا راحت النية تاع بكري
شكرا خويا مالك على مرورك العطر
ومادامك تخلعت من التخرويش نقولك تحياتي الشبحية هههه :d
تحياتي العطرة خويا :regards01:
​

 

[الزهرة الحمراء]

رد: سلسة من حكايات العالم الآخر-الموضوع الثاني-

السلام عليكم مهبولتي
والله نقرا وخايفة وقلبي قاعد يخبط وكنت حاسة روحي معاكم وشغل درك راني نسمع فالصوت هداك
درتيلي الرعايشة في ركايبياهههههع
علاه ديما حكاياتك تع الخوف هدا تجيبيهم فالوقت هدا لي يكون فيه الكولوار مضلام
شوفي اذا تحبيني مابقيتيش تحكي على دار جدك تعيشي
حابة تقتليني وتقوليلي ارواحي عندنا ونضايفوك طب طب حابة تديني عند هادوك الناس باه تتهناي مني هههه
بيناتنا راني مرات نحس واحد يلعبلي في شعري لا تعودي انت بعثتيهم قالوها لي قبلي الهربة تسلك
يعطيك الصحة​

 

[لؤلؤة قسنطينة]

رد: سلسة من حكايات العالم الآخر-الموضوع الثاني-

وعليكم السلام ورحمة الله وبركاته

الحمد لله نحن بخير، ان شاء الله أحوالك بخير أيضا اخت الكريمة ^^ .. الله أعلم علاه الأعضاء ينساو الاجابة على هذا السؤال في مختلف المواضيع :-r

المهم الموضوع نتاعك راهو خوّفني بزاف بزاف ههه .. نضحك برك، صراحة وأنا نقرا الموضوع كنت نقول اممم وين جاية الباطيما هاذي نروحو ليها ونرقدو
فيها كاشي ليلة وحدة برك مش زوج وثلاثة ههه .. :-o زعما مني صح ؟ اواه نلعبها فايق ثاني ونجيبها في روحي، راني بطلت :smile02: ما عندي واش زاني :down:

يعطيك الصحة اخت لؤلؤة على سرد هذه القصة وربي يحفظنا ويحمي الجميع من كامل الشرور

ونشوفوكم دائما على خير وهذا هو الأهم

أخوكم سيف ^^
​

اهلا خويا سيف ^^ نورت الموضوع
والله الحمد لله يسقسي عليك الخير خويا، ههههه واقيلا خلعتهم الحكاية حتى نساو يردو على السؤال :d
هههههه معليش ارواح ويتهلاو فيك مليح :up: قادر حتى تلقى روحك في عالم خلاف ودايرين بيك الجماجم والهياكل العضمية ههههه
وبالاك درك بعد كي سمعوك تسقسي عليهم قادر يلبيو الدعوة ويجيوك درك للدار ناس كرماء هوما هههههه
غير نضحك اصلا مابقاوش هاد الحوايج درك، رانا نروحو نباتو درك والنافذة مفتوحة ومايصرا والو
اصلا راحت النية تاع بكري درك قلوب العباد راهي اسوء من هاد المخلوقات
ربي يحفظنا كيما قلتها خويا، وشكرا لمرورك وقراءة القصة
مادام عجبتك الباطيما وماخفتش مانقولكش تحياتي الشبحية هههه
تحياتي العطرة خويا سيف :regards01:
​

 

[لؤلؤة قسنطينة]

رد: سلسة من حكايات العالم الآخر-الموضوع الثاني-

السلام عليكم مهبولتي
والله نقرا وخايفة وقلبي قاعد يخبط وكنت حاسة روحي معاكم وشغل درك راني نسمع فالصوت هداك
درتيلي الرعايشة في ركايبياهههههع
علاه ديما حكاياتك تع الخوف هدا تجيبيهم فالوقت هدا لي يكون فيه الكولوار مضلام
شوفي اذا تحبيني مابقيتيش تحكي على دار جدك تعيشي
حابة تقتليني وتقوليلي ارواحي عندنا ونضايفوك طب طب حابة تديني عند هادوك الناس باه تتهناي مني هههه
بيناتنا راني مرات نحس واحد يلعبلي في شعري لا تعودي انت بعثتيهم قالوها لي قبلي الهربة تسلك
يعطيك الصحة​

وعليكم السلام حبوبتي :love01: نورتيني بمرورك
ههههههههه قتلتيني ضحك، اصلا شكون لي ضامنلك بلي انا دايما لي نحكي معاك قادر هوما راهم يضحكو معاك ونتي لا خبر
يا لطيف والطف ليوم علابالي يجيو يكركروني من رجليا هههههههه
هيا خلاص من اليوم مانزيدش نحكي على دار جدي خلاص بصح معليش نجبدلك على دار خالي لي يخرجو فيها حوايج خلاف ههههه
هيا خلاص ماتخافيش شعلي الضو تاع الكولوار ومايصرا والو واصلا كاش قدك يلعبولك بشعرك هههههه
يديرولك تدليك للراس وتزيدي تشرطي :d
هيا اخطينا منهم، اصلا ام راحو مابقاوش كاينين
شكرا غاليتي على مرورك العطر
ومادام خفتي من الكولوار نقولك تحياتي الشبحية ههههه
تحياتي العطرة غاليتي:regards01:
​

 

[آمِيْرَتُه]

رد: سلسة من حكايات العالم الآخر-الموضوع الثاني-

السلام عليك
امر مخيف جدا نروح نرقد ههههه

 

[لؤلؤة قسنطينة]

رد: سلسة من حكايات العالم الآخر-الموضوع الثاني-

السلام عليك
امر مخيف جدا نروح نرقد ههههه

وعليكم السلام ورحمة الله وبركاته
اهلا اختي نورتِ الموضوع :love01:
هههههههه معليش اذا مازالو الاضواء شاعلين غير روحي ارقدي قبل مايطفيوهم وتبدا قصة جديدة :d
ربي يحفظك حبيبتي من كل سوء وشر
وشكرا لمرورك العطر
تحياتي الشبحية ليك :d هادي تحية وصاوني عليها الاشباح نمدها للناس لي تخاف ههههه
تحياتي العطرة غاليتي :regards01:
​

 

[Salam Fleur]

رد: سلسة من حكايات العالم الآخر-الموضوع الثاني-

شوفي يالالا حرام عليك االبارح مارقدتش خلاص و انا نخمم غير فواش حكيتي رغم اني كي قريتها ماخافتش لكن الليل واش يدير ..

....الرقدة تاع البارح ترجعيهالي يا لالا ....

​