كوكا ولا الذ من مطبخي

[خيرة جانت]

السلام عليكم ورحمة الله
صحا فطوركم
اللي مازال مافطرش يتفضل
اليوم جبتلكم وصفة لقيتها عن طريق الصدفة في احدى المنتديات تاع اخت ربي يعطيها ماتتمنى ويرزقها كل خير
بالصح كيما العادة زدت عليها لمساتي الخاصة وتعديلاتي :p صدقوني تجي خفيفة وتقرمش هايلة
بدون اطالة اليكن وصفتي
المقادير :
600غ فرينة - ملح - ملعقة ك ونص زيت زيتون - 2كؤوس متوسطة ماء -او على حساب الفرينة اللي عندك - 300غ زبدة توريق
نخلط المقادير نعجن مليح لمدة 15 د ونحطها ترتاح 30 د
نحضرو زبدة التوريق تاعنا وبعد ماترتاح العجينة نقوم بمراحل التوريق المعروفة و السر راها كي تخلو العجينة ترتاح مليح بين كل تور وتور

الحشو اختياري :
انا راني رحي فلفل حار وحلو وبصل وحطيتهم في طنجرة على نار هادية وخليتهم ينشفو من الماء اللي فيهم كي نشفو زدت زيت ولحم مرحي خليتهم تقلاو شوي وزدت طماطم مصبرة ويلا عندك تاع حب ارحيها وزدت فلفل اسود سنة توم وزعيترة وملح وخليتهم تقلاو مليح

بعدها اليكم المراحل بالصور
قسمت العجينة على زوج

فتحتها طويلة وطويتها على زوج ثم سويتها وقسمتها على زوج باش تجيني الطبقتين متساويين ثم هزيتي طبقة وحطيت عليها الحشو وماتقيسيش الحواف

زدت فوقها زيتون اخطر مقطع شرائح وجبن مبشور

حطيت الطبقة الثانية على اللولة بعد ماطليت الحواف بشوية ماء وديري شغل خطوط مايلة اتجاه اليمين واليسار ولا كيما تحبي كيما انا درتهم على جيه برك .. بلا ماتقطعي تتراسي برك

زيدي تراسي القطع تاوعك ثان بلا ماتقطعي اطلي بالبيض وزوقي وسط كل حبة بالزيتون ودخليه الفرن

كي دير نص طياب خرجي البلاطو تاعك وقطعي الحبات تاوعك ورجعيه يطيب مليح وراح تجيكم النتيجة ولا اروع صدقوني

والنتيجة :thumb_up02::thumb_up02::yahoo01:

زوووووووووووووووووم للاحباب:thumb_up02::yahoo01:

نتمنى تنال اعجابكم وصحتين على قلوبكم


​

 

[نبض الحياة]

رد: كوكا ولا الذ من مطبخي

السلام عليكم ورحمة الله وبركاته
اممممممم خيرة شهيتيني فيها
عندي وصفة وتكاسلت عليها ههههه
يعطيك الصحة غاااليتي
ربي يحميك تبارك الله عليك
بصحااتكم الزينة

 

[مريم.]

رد: كوكا ولا الذ من مطبخي

هدي غيبة خييرة اختي والله كنت كل مرة نحوس على ردودك مننلقاكش قللت وين راهي خيرة والحمد لله لطمنت عليك وتاني شئ والله ععجبتني الوصفة راح نديرها هدو الايام ربي يفرحك خيرة اختي ويعطيك ما تتمني بربي​

 

[خيرة جانت]

رد: كوكا ولا الذ من مطبخي

السلام عليكم ورحمة الله وبركاته
اممممممم خيرة شهيتيني فيها
عندي وصفة وتكاسلت عليها ههههه
يعطيك الصحة غاااليتي
ربي يحميك تبارك الله عليك
بصحااتكم الزينة

وعليكم السلام حبيبتي
هههههه كسولة :pاما غير عولي وحطيلنا ابداعاتك يافنانة :thumb_up02:
والله تهبل جربي برك
مشكورة حبوبة منورة ​

 

[خيرة جانت]

رد: كوكا ولا الذ من مطبخي

هدي غيبة خييرة اختي والله كنت كل مرة نحوس على ردودك مننلقاكش قللت وين راهي خيرة والحمد لله لطمنت عليك وتاني شئ والله ععجبتني الوصفة راح نديرها هدو الايام ربي يفرحك خيرة اختي ويعطيك ما تتمني بربي​

الله لاتغيبك حبيبتي منورة
تعرفي النت والتبهدايل تاوعها تخلصي باطل ويخلوك تكونيكتي قوت اقوت ....بصراحة وبدون مبالغة الوصفة هايلة وبزاف خفيفة جربيها وماراح تندمي منورة حبيبتي في انتظار تطبيقك
​

 

[مطبخ الأحلام]

رد: كوكا ولا الذ من مطبخي

ماااشاء الله عجبتني بزاف
بصح ماكانش وصفة غير عجينة المورقة ؟
بصح خرجتلك توووب تبارك الله
​

 

[louloulilou]

رد: كوكا ولا الذ من مطبخي

امممم
نموت على الكوكا هاتيلي معاك وحدة
و مع الصباح و نوووورماااللل هههه
يعطيك الف صحة و عافية شكرا

 

[سكون الفجر]

رد: كوكا ولا الذ من مطبخي

ما شاء الله ما شاء الله، شكلها وحده بفتح النفس
سلمت يداكِ حبيبتي، بصحتكم
تبان تشهي وروعة، جاري التجريب ان شاء الله
بس ياليت تبعتي لي قطعتين تعرفي انا وحدة ما تكفيني ههه
الله لا يحرمنا منك غاليتي
​

 

[iman-dz4ever]

رد: كوكا ولا الذ من مطبخي

يممممممممممممممممممممييييييييييي شهيتيني

 

[Hamasaki]

رد: كوكا ولا الذ من مطبخي

وااااااااااو راااااااااااااائع جدا ربي يحفظك ويخليك

 

[خيرة جانت]

رد: كوكا ولا الذ من مطبخي

ماااشاء الله عجبتني بزاف
بصح ماكانش وصفة غير عجينة المورقة ؟
بصح خرجتلك توووب تبارك الله
​

ربي يخليك خيتي مرورك هو الاروع ...ههههه الله غالب انا مازال ماجربتش عجينة اخرى امالا خليني مع المورقة ياخي قلتو عليا ملكة العجينة المورقة :regards02::regards02::regards02: امالا خلي نقهمكم شوي بيها :p:p:p
نورتيني حبيبتي بمرورك العطر :thumb_up02:​

امممم
نموت على الكوكا هاتيلي معاك وحدة
و مع الصباح و نوووورماااللل هههه
يعطيك الف صحة و عافية شكرا

ههههه مدي يدك خيتي وهزي صحتين على البك ...نورتيني​

ما شاء الله ما شاء الله، شكلها وحده بفتح النفس
سلمت يداكِ حبيبتي، بصحتكم
تبان تشهي وروعة، جاري التجريب ان شاء الله
بس ياليت تبعتي لي قطعتين تعرفي انا وحدة ما تكفيني ههه
الله لا يحرمنا منك غاليتي
​

ربي يحفظك حبيبتي منورة وهاكي الصحن كلو صحتين وهناء بالصح تحلى كي تزوروني في جانت انت وسوسو وروكا وكل الاخوات ونطيبلكم اللي تتشهاوها منورة حبيبتي وفي انتظار تطبيقك الاروع اكيد موفقة ​

يممممممممممممممممممممييييييييييي شهيتيني

هه مرحبا مرحبا منورة يالعزيزة​

وااااااااااو راااااااااااااائع جدا ربي يحفظك ويخليك

ربي يسترك ويخليك خيتي نورتيني​

 

[أم لينة]

رد: كوكا ولا الذ من مطبخي

ياسلام على الشكل و الذوق اكيد تسلم اديك يا خيرة ان شاء الله نجربها .

 

[الہٰوردة الہٰسہٰوداء]

رد: كوكا ولا الذ من مطبخي

الله يباارك عليك اختي ماشاء الله

 

[بنقابي افتخر]

رد: كوكا ولا الذ من مطبخي

mmmmmmmmmmmmmmmmm
allah ybarak

 

[@R@ZIK]

رد: كوكا ولا الذ من مطبخي

السلام عليكم
يعطيك الصحة شفتها من يومين عجبتني بزاف
جربتها يعطيك الصحة
تحياتي​

 

[ام ابتسام]

رد: كوكا ولا الذ من مطبخي

ابابا كتلتيني روعة سخفت سايي ابعتي شوية ولا لبنات كملوا كلشي

 

[solama]

رد: كوكا ولا الذ من مطبخي

ماشاءالله روعة تسلم دياتك
​

 

[خيرة جانت]

رد: كوكا ولا الذ من مطبخي

الله يباارك عليك اختي ماشاء الله

ربي يخليك حبيبتي ويبارك في عمرك منور

mmmmmmmmmmmmmmmmm
allah ybarak

يبارك في عمرك حبيبتي

السلام عليكم
يعطيك الصحة شفتها من يومين عجبتني بزاف
جربتها يعطيك الصحة
تحياتي​

الله يخليك حبيبتي فرحني تطبيقك وجاتك رائعة بصحتكم وعجبني الشكل الدائري اللي درتيه

ابابا كتلتيني روعة سخفت سايي ابعتي شوية ولا لبنات كملوا كلشي

هههههه ارواحي حبيبتي حاقك راه محفوظ منورة

ماشاءالله روعة تسلم دياتك
​

ربي يحفظك حبيبتي منورة

 

[Soumia hadj mohammed]

رد: كوكا ولا الذ من مطبخي

السلام عليك
ماشاء الله شهيتيني فيها به نجربها باذن الله
بارك الله فيك على المشاركة المفيدة وفي الاخت الي ديتيها من عندها
يعطيك الصحة فووور ربي يبارك
​

 

[Soumia hadj mohammed]

رد: كوكا ولا الذ من مطبخي

سلام عليك مجددا
حبيت نسقسيك : الطريقة لي خدمتي بيها العجينة باسكو انا تعلمت الطريقة سريعة وبلا ثلاجة
وممكن توريلي الكاس لي عبرتي بيه الماء أو من الاحسن اعبريلي شحال جاك من سل تع ماء قيس الكيسان دياولك
شكرا