اجرو مهبول فالحومة ...

[Skor m@k]

بسم الله الرحمن الرحيم
السلام عليكم



سيداتي تنطح سادتي
أنا مكان ما دخلني ههههه
اليوم الدخلة باطل السبونسور خلص عليكم برعاية
زيت السانgو .... أقلي لفريت يامدام اوو متخافيش

عودة للموضوع هههه
هذا هو الموضوع لي كنت راح نكتبو وتفاسا اليوم نشربلو دمو

هاهاهاها

اليوم مكاش لي معندهومش مهبول ولا مريض عقليا يدور فالحومة معلبليش كيفاه نسميهم
مرة قريت فوحد الجريدة تاع الدزاير كاين تقريبا 3 مليون مهبول

يدورو فالشارع في كامل أنحاء الوطن
كل واحد اوو ظروفو علاه هبل ولا مرض
لكن المشكلة ماشي في هذاك المهبول
المشكلة في اللي عندو عقل
تلقاهم مريحين جماعة يتمسخرو بمهبول

يجوزو بيه الوقت
يصوروه حتى وصلت بيهم يفتحولو باج فالفايسبوك باسمو
زعما يضحكو بيه الناس
تاع الصح فارغين شغل

كاين مهابل عاقلين مايآذيوش الناس حدو حد روحو
اوو كاين أبابا تغفل تلقى خبطك بكاش حاجا
ولا تلقاه بدا يجري موراك هههه الهربة تسلك

كاين عندنا وحد المهبول حكم طفلة مرمدها كامل بهدل بيها

منعرف واش دارتلو
ولا تكون معجباتوش هههه

المهم مرة كنت مريح مع صاحبي داخل الجامع نقراو القرآن مور المغرب
كان الجامع فارغ غير انا و صاحبي
دخل هذاك المهبول وقف عند الباب وخزر فينا
قالنا ندخل نقرى خزرت فصاحبي كان بعيد عليا .... شوف شكون
حكمتني الخلعة

زاد صاحبي قالو متدخلش راك موسخ كامل أخرج برا
هذاك المهبول زعف

قالنا ندخل بسيف
زير وجهو زعف يامحاينك
قلتلو لصاحبي خليه يدخل مراهوش موسخ هههه
وانا ملخلعة برك هههه قلتلو ريح احكم كتاب وأقرى
ممبعد دخل
رفد كتاب تاع قصص الأنبياء فتحو خزر فيه عاود حطو
قالنا خلاص منقراش اوو عاد خارج
كي وصل عند الباب قالنا
أقراو قصص الأنبياء كتاب مليح
ممبع خرج لبرا وبدا يجري مور الدراري ويعيط هههه

كاين والله غير مهابل لي يعرف لفرونسي اوو لونgلي مليح
كاين واحد جانيتو نهار كامل اوو هو يغني بالهندية هههه
لكان نوض نحسب لمهابل نلقى وحد العشرين

ان شاء الله يهدينا اوويهديكم

ملقيتش واش نقول غير
خذو الحكمة من عند أفواه المجانين

أيا سلام ​

 

[السلطانة]

رد: اجرو مهبول فالحومة ...

وعليكم السلام

فكرتني بواحد المهبول قريب قضى عليا انا وصحاباتي ههههه

وقت الجامعة خرج فينا الهربة تسلك جرينا قدام البيس
فرينا علينا ربي ورحنا فيها وزاد كمل جرى ورانا نهار كحل هاذاك نهار

صح كاين مساكن لي ميديرو والو وكاين لي يضربو وتاع الصح كي تجي تشوف تلقى المجتمع لي زاد عليهم

هوما مراض وتاعنا يزيدو يهبلوهم بالتمسخير والضحك عليهم

حرام عليهم والله

كانت تقرى معايا وحدة مسكينة كانت لاباس بيها ومباعد فقدت عقلها ماوصل العام اللخر تاع التخرج خلاص

والمشكل كانت تجي تقرا نورمال وكي تبدى هي تهدر مع الاستاذ واحد مايقدر ينطق

كونها حافظة الشعر وعندها طلاقة في اللغة
تقول ماشها مريضة

بصح مسكينة قالو تأزم حالها بعد التخرج تخرجت عادي لكن الله اعلم واش صاريلها درك

ومرة استاذة قرينا عندنا قاتلنا كي كانو يقراو كانت تقرى معاهم وحدة هي اللولة في الدفعة مالا وحد الليلة في الاقامة حبو لبنات يلعبو معاها

طفاو الضو وطبطبو عليها فتحت عليهم خلعوها كانو لابسين الدرا ابيض من تم الطفلة راحلها العقل

ربي يعافينا ويسترنا
شكرا اخي

 

[Salam Fleur]

رد: اجرو مهبول فالحومة ...

السلام عليكم

يا يما على المهبول

دركة فهمني نضحك و لا نبكي

و الله كاين بزاااف لي تسمع حكاياتهم تحير صح و عقلك يبلوكي

ربي يعينهم

و كاين لي يعني نورمالموا مايقعدوش برا راهم دونجي على الغاشي

كاين نشفا عليها منين كنا نسكنوا واحد لو تعدي من قداموا خلات عليك غير يمسح بيك الارض

و تاني مرة مع صاحبتي كنا ماشيين في الطريق و الجهة الثانية كانوا فيها بنات صغار وواحدة في الاول تبانلك نورمالك بصح راهي مروحة كامل .... ماشي حتى صبناها هزت طفلة و رماتها للطريق لمزية كانت طريق فارغة في الوقت هذاك ربي سترها و لاو مالين الحوانات جراو ليها ...

و مرة تاني الاب تاعي دارلوا واحد الستوب .. ركبوا كي تشوفوا تاشي مابيه ...... بصح كي ولا يهدر تحير فيه ... قعد يهدر غير على الفضاء و الناسا و الفيزياء .... بالاك من شدة الذكاء تاعوا هبل

شكرا على موضوعك خويا مالك

وربي يشفيهم

تحياتي ​

 

[لؤلؤة قسنطينة]

رد: اجرو مهبول فالحومة ...

السلام عليكم
اهلا خويا مالك ^^ عجبتني المقدمة ههههه
والله أنا صراحة ماعنديش قصص مع المهابل، أصلا كي نشوف مهبول مانحبش
نهرب نمشي قدامو عادي، نخاف يعود يضربني ولا كاشما يديرلي كي يشوفني هربت
وكيما ذكرتها نتا المهابل ماش شرط انسان غبي مثلا، كاين فيهم لي يعرف الانجليزية
والفرنسية والرياضيات وغيرها من العلوم
ونشفى عليها كي كنت نقرا في الابتدائي، كان كاين مهبول كل يوم يهز عود طويل كيما تاع المعلمين
ويلقي محاضرة في نص الطريق باللغة الفرنسية، وماش يخربط يعني لغة فرنسية فصحى هههههه
ويهدر في مجال صعيب يعني باين كان بكري استاذ جامعي، يعني ماش شرط مهبول معناها راهو مايفهم والو
ربما من شدة العلم هبل والله اعلم
وزيد كيما قلتها خويا المشكل ماش في المهبول المشكل في العاقل
خاطر المهبول ساعات تعدي عليه ومايديرلك والو والعاقل تعدي عليه يتبلاك
وزيد مانحبش المعاملات السيئة لي يتلقاها المهبول من الناس كالسخرية كيما قلت
ولا تاع يصوروه ويديرو عليه صفحة والله عيب، بصح ماتخممش او يجي نهارهم
ويجي نهار وين هوما نفسهم يديروهم سخرية
نقولو ربي يهديهم ويهدينا برك
شكرا خويا مالك على الموضوع وعجبتني تاع مهبول يغني بالهندية هههانا نعرف مهبول يغني
قسنطيني روعة، تكون تمشي حتى تلقاه عدا عليه يغني بصوت ماشاء الله
بارك الله فيك خويا
تقبل مروري
​

 

[بنفسج]

رد: اجرو مهبول فالحومة ...

السلام عليكم
سيداتي تنطح سادتي ههههههه يعطيك الصحة خويا مالك على الموضوع ايه انا معرف علاه نخلع منهم رغم انهم ميخلعوش كيما الصحاح
خطرة اختي خرجت وخلات الباب مفتوح دخل لينا مهبول كنا قانا وماما ايا رحت نجري دخلت للشمبرة وصكرت الباب على روحي نسمع فيه يخبطلي في الباب قريب يكسرو قريب متت بالخلعة مريرة جا بن جيرانا ضغير خرجو وهدر معاه قالو راه مماك تعيطلك لكن خلاني نرجف من نهارها وانا دايما لازم نتفقد الباب
شكرا وتحياتي لك :regards01:

 

[مريم.]

رد: اجرو مهبول فالحومة ...

والله طبيعة فيا نكون نمشي يسار نرجع فالمعاكس نخافهم بزاف مرة تلقيت هبيل وبدا يعيط ويقولي عطيني دوميل 20 دج عطيني دووووميل وهو يعيط وانا نرجف قريب نعطيه بورط موني كامل وانا نقوله صح صح صح اصبرنحوس غير نهرب هههههه ربي يهدينا كامل ​

 

[Skor m@k]

رد: اجرو مهبول فالحومة ...

وعليكم السلام

فكرتني بواحد المهبول قريب قضى عليا انا وصحاباتي ههههه

وقت الجامعة خرج فينا الهربة تسلك جرينا قدام البيس
فرينا علينا ربي ورحنا فيها وزاد كمل جرى ورانا نهار كحل هاذاك نهار

صح كاين مساكن لي ميديرو والو وكاين لي يضربو وتاع الصح كي تجي تشوف تلقى المجتمع لي زاد عليهم

هوما مراض وتاعنا يزيدو يهبلوهم بالتمسخير والضحك عليهم

حرام عليهم والله

كانت تقرى معايا وحدة مسكينة كانت لاباس بيها ومباعد فقدت عقلها ماوصل العام اللخر تاع التخرج خلاص

والمشكل كانت تجي تقرا نورمال وكي تبدى هي تهدر مع الاستاذ واحد مايقدر ينطق

كونها حافظة الشعر وعندها طلاقة في اللغة
تقول ماشها مريضة

بصح مسكينة قالو تأزم حالها بعد التخرج تخرجت عادي لكن الله اعلم واش صاريلها درك

ومرة استاذة قرينا عندنا قاتلنا كي كانو يقراو كانت تقرى معاهم وحدة هي اللولة في الدفعة مالا وحد الليلة في الاقامة حبو لبنات يلعبو معاها

طفاو الضو وطبطبو عليها فتحت عليهم خلعوها كانو لابسين الدرا ابيض من تم الطفلة راحلها العقل

ربي يعافينا ويسترنا
شكرا اخي

السلام عليكم
صح كاين بزاف لي مالقرايا بزاف لهبلو اوو مرضو
كاين لي يولي يهدر وحدو
حتى الشعب ديانا بسلامتو مطلق حتى واحد
الواحد يكون شويا شويا يزيدو يكملولو
نهار كامل اوو هوما يتالبو فيه
شكرا ختي ساندي ​

 

[AmiR@RoRo]

رد: اجرو مهبول فالحومة ...

السلآم عليكم
عادة سلبية نشوفوها فكل حومة وكل بلاصه
غير اعطيك يشوفو مهبول ولا لحتى يبداو المضايقات
كاين واحد هنا هوا مايسكنش من جيهتنا مي مرات يجي منا بصح كامل الشعب يعرفو
وهو اصلا مشي مهبول يعني عادي برك عندو اختلال شوي فعقلو
ملا منين يشوفوه يبداو يعيطولو( تيتو) وهو ينتنارفا ويبا يخلط فالهدره يرمي فيهم بالحجر
والله حاله مسكين شحال يشفني
مرات نكون فايته برا ونسمعهم يعيطولو نبقى نستنى حجره تجي في راسي هههه
والله مجتمع متخلف ما خلاو حتى واحد طرونكيل
ربي يهدي ماخلق
يعطيك الصحة خويا مالك
وصحتك الكوستيمه الخضرا لعقوبه للزرقا ههه

 

[الزهرة الحمراء]

رد: اجرو مهبول فالحومة ...

السلام عليكم خويا
يعطيك الصحة على الموضوع درتلي سكتة ضحكية (طفي الضوء ماتحرقناش )
والله صح كيما قلت كاين لي مريض وحاكم سابعو مايحكي معاك مايتبلاك ماوالو يشايخ غير مع الناس لي في راسو
وكاين يالطيف الله يحفظ ويستر تقول هو صح مريض مبصح كي يديرلك شي عفايس تقول تجيبلو كاش واحد يشعل عليه بكف يرجعلو عقلو
كيما العام لي فات انا والبنات خارجين من القرايا وكان واحد مسكين مريض وعلاش كي شافنا مايرفدش واحد لقرع تع الزجاج ويرمي علينا
هاد الحالات نورمالمون الحكومة تقوم بيهم ماشي تخليهم هكاك يقاطعو للناس
ربي يشافي جميع مريض
مرة اخرى يعطيك الصحة خويا
دمت في رعاية الله وحفظه
​

 

[Skor m@k]

رد: اجرو مهبول فالحومة ...

السلام عليكم

يا يما على المهبول

دركة فهمني نضحك و لا نبكي

و الله كاين بزاااف لي تسمع حكاياتهم تحير صح و عقلك يبلوكي

ربي يعينهم

و كاين لي يعني نورمالموا مايقعدوش برا راهم دونجي على الغاشي

كاين نشفا عليها منين كنا نسكنوا واحد لو تعدي من قداموا خلات عليك غير يمسح بيك الارض

و تاني مرة مع صاحبتي كنا ماشيين في الطريق و الجهة الثانية كانوا فيها بنات صغار وواحدة في الاول تبانلك نورمالك بصح راهي مروحة كامل .... ماشي حتى صبناها هزت طفلة و رماتها للطريق لمزية كانت طريق فارغة في الوقت هذاك ربي سترها و لاو مالين الحوانات جراو ليها ...

و مرة تاني الاب تاعي دارلوا واحد الستوب .. ركبوا كي تشوفوا تاشي مابيه ...... بصح كي ولا يهدر تحير فيه ... قعد يهدر غير على الفضاء و الناسا و الفيزياء .... بالاك من شدة الذكاء تاعوا هبل

شكرا على موضوعك خويا مالك

وربي يشفيهم

تحياتي ​

السلام عليكم
لكان تشوفي واحد ركب قدامي فالكار
بدا يقولي أنا صاحبي سيدنا نوح رحنا فالبابور كيف كيف
بدا يهدر قال سيدنا نوح قال سيدنا ابراهيم تانيت كان معاه
أنا غير نضحك يقولي علاه ما آمنتش
هبلني حتى هبطت مالكار هههه

منذاك نقول وقيل انا لي مهبول ههههه
شكرا ختي​

 

[rycerz]

رد: اجرو مهبول فالحومة ...

فكرتنا بالمهابل .. معاهم قصص

لكن أعجب مهبول شفتو .. مرّة راح رفد السماعة نتاع هاتف عمومي (معطل) و بدا يتكلم : ألو ألو .. شكون ؟ إسرائيل ؟ ... أبعثولنا ليهود الصغار نبعثولكم ليهود لكبار .. :d

و مرّة مهبول آخر عضّ يد واحد كان يتمهزا بيه حتى قطعلو صبعو (بتره نهائيا) :tongue02:
​

 

[Hakan]

رد: اجرو مهبول فالحومة ...

ههههههه والله يا مالك خوياا من العمة الشمطااء للمهابيل نتاوعكم

في وساارة كاين مع كل مهبول انسان عااقل لكن هاذاك العقل هو ايضاا في طريق الهباال

ساعات يغيضوني نهار يتمسخرو بيهم النااس
واكتشفت ايضا انو اغلب هاذون المهاابل ازداد الهبال نتاعهم بسبة
النااس اللي زعما عااقلين

ربي يعافينا ان شااء الله ويرفع على المهاابل هاذو ...


بارك الله فيك ..​

 

[Skor m@k]

رد: اجرو مهبول فالحومة ...

السلام عليكم
اهلا خويا مالك ^^ عجبتني المقدمة ههههه
والله أنا صراحة ماعنديش قصص مع المهابل، أصلا كي نشوف مهبول مانحبش
نهرب نمشي قدامو عادي، نخاف يعود يضربني ولا كاشما يديرلي كي يشوفني هربت
وكيما ذكرتها نتا المهابل ماش شرط انسان غبي مثلا، كاين فيهم لي يعرف الانجليزية
والفرنسية والرياضيات وغيرها من العلوم
ونشفى عليها كي كنت نقرا في الابتدائي، كان كاين مهبول كل يوم يهز عود طويل كيما تاع المعلمين
ويلقي محاضرة في نص الطريق باللغة الفرنسية، وماش يخربط يعني لغة فرنسية فصحى هههههه
ويهدر في مجال صعيب يعني باين كان بكري استاذ جامعي، يعني ماش شرط مهبول معناها راهو مايفهم والو
ربما من شدة العلم هبل والله اعلم
وزيد كيما قلتها خويا المشكل ماش في المهبول المشكل في العاقل
خاطر المهبول ساعات تعدي عليه ومايديرلك والو والعاقل تعدي عليه يتبلاك
وزيد مانحبش المعاملات السيئة لي يتلقاها المهبول من الناس كالسخرية كيما قلت
ولا تاع يصوروه ويديرو عليه صفحة والله عيب، بصح ماتخممش او يجي نهارهم
ويجي نهار وين هوما نفسهم يديروهم سخرية
نقولو ربي يهديهم ويهدينا برك
شكرا خويا مالك على الموضوع وعجبتني تاع مهبول يغني بالهندية هههانا نعرف مهبول يغني
قسنطيني روعة، تكون تمشي حتى تلقاه عدا عليه يغني بصوت ماشاء الله
بارك الله فيك خويا
تقبل مروري
​

السلام عليكم
مرحبا بيك ختي مريم
انا والله عاد يغيضوني كي يبقاو يهبلوهم الناس
مي انا كي كنت صغير كنا نجرو مور وحد المهبولة كنا نهبلوها ههههه افهمي انتي هههه
مي كنا صغار ضرك الناس بولادهم مزالهم يخيقوهم
جانيتو هايل تقول راك تشوف فيلم هندو بصح عاقل ميضربش

ربي يحفظك ختي​

 

[الورد الأحمر]

رد: اجرو مهبول فالحومة ...

السلام عليكم ورحمة الله وبركاته

هههه ضحكتني وفكرتني في وحد المهبول مرة كنت ماشية مع جارتنا رايحين نقراو زمان الليسي ويعدي وحد المهبول ويعطيها بوكس لخشمها الغاشي الكل تخلع غير أنا جاني الضحك ولات تقولي سالي الدم ؟ قلتلها ماها أنا كملت الماها تاعي والدم هبط تقول شلال المهم هي وصلت لليسي برك وعاودو هزوها لسبيطار وعيطو لباباها وانا كملت قريت ولعشية كي خرجت رحت عندها نفاكر فيها لقيت خشمها تكسر والدعوة زراقت في وجها شبعت ضحك وامها تتفرج فيا وليت نقوللهم اسمحولي موقف ماشي تاع ضحك مي والله جاني الضحك خخخخ ... اممم نرجع للموضوع أنا الصرآحة مآ نحبش لي يضحكو بلمهابل على خآطر مآ يدريش لبنآدم في لحظة غضب ولا لحظة صدمة يروحو لفيوزات تاع عقلو ويرجع كيفهم وزيد مآشي هوما لي خيرو يكونو هكذا ... وكآين صح مهآبل مي أعقل من العاقلين والله تلقآه يخمم خير من واحد عاقل ... عندنا جآرنآ مهبول يعيطولو بدرو المهبول مي تشوفو كيفاه يبكر عالصباح يطلع لوحد الجنينة تطل على لبحر يبقى تم يطل على لبحر شوية هك يروح يشري لحليب والخبز ويطلع للدآٍر يلقى فاميلتو ناضو يشربو حليب ويشرب ويولي يخرج يهبط لبلاد والناس الكل يعرفوه مشهور كتر من الناس المعروفة عندنا ... وفي العيد يفوت على الديار الكل يعيد عليهم والله خير من العيباد لي عادت قريب ما تعيدش على بعضاها ... كيما قلت خويا خذوا الحكمة من أفواه المجانين ... مغسي عالموضوع كول ولآيت ... سلآمي

 

[Skor m@k]

رد: اجرو مهبول فالحومة ...

السلام عليكم
سيداتي تنطح سادتي ههههههه يعطيك الصحة خويا مالك على الموضوع ايه انا معرف علاه نخلع منهم رغم انهم ميخلعوش كيما الصحاح
خطرة اختي خرجت وخلات الباب مفتوح دخل لينا مهبول كنا قانا وماما ايا رحت نجري دخلت للشمبرة وصكرت الباب على روحي نسمع فيه يخبطلي في الباب قريب يكسرو قريب متت بالخلعة مريرة جا بن جيرانا ضغير خرجو وهدر معاه قالو راه مماك تعيطلك لكن خلاني نرجف من نهارها وانا دايما لازم نتفقد الباب
شكرا وتحياتي لك :regards01:

السلام عليكم
مليحة هاذي يدخل لدار واعرا شكون راح يخرجو هههه
تانيت الدولة معلبلهاش كامل بيهم
يضربو الناس يكسرو السيارات
البوليس بيقى يشوف فيه
تانيت الناس لي يزيدو يكملولو

شكرا ليك ختي كارلا​

 

[Skor m@k]

رد: اجرو مهبول فالحومة ...

والله طبيعة فيا نكون نمشي يسار نرجع فالمعاكس نخافهم بزاف مرة تلقيت هبيل وبدا يعيط ويقولي عطيني دوميل 20 دج عطيني دووووميل وهو يعيط وانا نرجف قريب نعطيه بورط موني كامل وانا نقوله صح صح صح اصبرنحوس غير نهرب هههههه ربي يهدينا كامل ​

السلام عليكم
كاين بزاف لي يبقى يعيط ويقولك اعطيني الدراهم
حتى يبهدلك
شكرا لك​

 

[Skor m@k]

رد: اجرو مهبول فالحومة ...

السلآم عليكم
عادة سلبية نشوفوها فكل حومة وكل بلاصه
غير اعطيك يشوفو مهبول ولا لحتى يبداو المضايقات
كاين واحد هنا هوا مايسكنش من جيهتنا مي مرات يجي منا بصح كامل الشعب يعرفو
وهو اصلا مشي مهبول يعني عادي برك عندو اختلال شوي فعقلو
ملا منين يشوفوه يبداو يعيطولو( تيتو) وهو ينتنارفا ويبا يخلط فالهدره يرمي فيهم بالحجر
والله حاله مسكين شحال يشفني
مرات نكون فايته برا ونسمعهم يعيطولو نبقى نستنى حجره تجي في راسي هههه
والله مجتمع متخلف ما خلاو حتى واحد طرونكيل
ربي يهدي ماخلق
يعطيك الصحة خويا مالك
وصحتك الكوستيمه الخضرا لعقوبه للزرقا ههه

السلام عليكم
كاين عندنا وحد المهبول معادش يجي ديما
الدراري يروحو يجرو موراه وحد العشر دقايق
يعاود تخدملو في راسو هذاك المهبول يولي يجري موراهم
تبقى تشوفيهم والله غير تضحك
تانيت كاين لي ماشي مهبول موسوس برك
الناس عاد يكملولو نهار كامل اوو هوما يهبلو فيه

شكرا ليك ختي أميرة ​

 

[Skor m@k]

رد: اجرو مهبول فالحومة ...

السلام عليكم خويا
يعطيك الصحة على الموضوع درتلي سكتة ضحكية (طفي الضوء ماتحرقناش )
والله صح كيما قلت كاين لي مريض وحاكم سابعو مايحكي معاك مايتبلاك ماوالو يشايخ غير مع الناس لي في راسو
وكاين يالطيف الله يحفظ ويستر تقول هو صح مريض مبصح كي يديرلك شي عفايس تقول تجيبلو كاش واحد يشعل عليه بكف يرجعلو عقلو
كيما العام لي فات انا والبنات خارجين من القرايا وكان واحد مسكين مريض وعلاش كي شافنا مايرفدش واحد لقرع تع الزجاج ويرمي علينا
هاد الحالات نورمالمون الحكومة تقوم بيهم ماشي تخليهم هكاك يقاطعو للناس
ربي يشافي جميع مريض
مرة اخرى يعطيك الصحة خويا
دمت في رعاية الله وحفظه
​

السلام عليكم
انت تحصلي فالحكومة هههه بغيتي يرفدوك خخخ
الى كاين وحد 3 ملاين ولا كثر وين يديروهم
تقريبا لمراض لي واعرين الشعب هو لي يخيقوهم حتى يولو يضربو
كاين عندنا وحد لمهابل تريح معاهم خيرمن تريح مع شي عباد
تضحك وتقسر نورمال معاهم هههه

راني طفيت الضو بهدلتيني خخخخ:p:tongue02:
شكرا ليك​

 

[Skor m@k]

رد: اجرو مهبول فالحومة ...

فكرتنا بالمهابل .. معاهم قصص

لكن أعجب مهبول شفتو .. مرّة راح رفد السماعة نتاع هاتف عمومي (معطل) و بدا يتكلم : ألو ألو .. شكون ؟ إسرائيل ؟ ... أبعثولنا ليهود الصغار نبعثولكم ليهود لكبار .. :d

و مرّة مهبول آخر عضّ يد واحد كان يتمهزا بيه حتى قطعلو صبعو (بتره نهائيا) :tongue02:
​

السلام عليكم
هذا المهبول مغلطش هههه
عيط لاسرائيل عندو الحق فعايل تاع ليهود هههه
شكرا لك خوو​

 

[بنت الـ25]

رد: اجرو مهبول فالحومة ...

السلام عليكم
مين تجيب في مصطلحاتك ههههههههههههه
ايا الحمدلله المرة هادي تاني الدخلة باطل ، مي لا فيها لا قازوز لا قهوة لا قاطو؟
ايا بطلت من موضوعك ودك نروح لمنتدى الطبخ فيه كل ما لذ وطاب
هههههههههههههههههههه
نرجعو لموضوعك مي والله عجبتني تع قصص الأنبياء كتاب مليح ، يعني يعرف يقرا وعرف بلي هداك الكتاب مش قرآن وبلي قصص الأنبياء
والله نعطيه العلامة الكاملة
المهابل مساكن ربي رفع عليهم القلم ، وكيما قلتو كاين لي يهبل من المشاكل وكاين لي من الضغط وكاين لسبب طبي وكاين كاين
مش من حقنا نستهزأوا بيهم ولا نضحكو عليهم ونضحكو عليهم الخلق
انا حكاياتي معاهم ما تخلصش، كان وحد المهبول كل يوم يجيني للخدمة ، يدخل يقولي لصقة لجمال لصقة لجمال، لازم نزرب نمدلو سكوتش سينو يروبلي الحالة
كي نمدلو طرف سكوتش يروليه على صبعو ويروح

كاين تاني واحد ديما مكسل يدو لادرواط موجدها للكف ، اي واحد يفوت عليه يخبطو بيها
لبارح شعرة وديت فيها كف كحل عصباح ربي ، سترني ربي شفتو كي خبط طوموبيل تع السيد

واللي ما ننساهاش خلاص مرة نزلت مالبيس مروحة للدار ، تكروازيت مع مهبول يحب يحكي مع لبنات
بدا يمشي مورايا ويهدر ، انا بديت نزرب فالمشية قلت قريبة الدار دك يخطيني
ايا بدا يزرب حتى ولى يمشي بجنبي ويقولي احبسي نهدر معاك انا وليت هك
بديت نجري وهو يجري حتى لقيت واحد جارنا جامي حكيت معاه
قتلو آ شوقي آشوقي شوف ليه
بدا يسب فيه سع راح هرب ، قلبي شعرة وحبس:$
ممبعد قالي جارنا هدا مرة تبع وحدة مع راجلها حكمو راجلها مرمدو هههههههههههه والله كارثة
المهم ربي يشفيهم هوما تاني المرض لي راه داير فيهم الشي هدا ، وربي يهدي الناس لي راهي تتمسخر بيهم

​