كيفكم حبيبآآتي ~
اولآ، عآم سعيد وكل عآم وانتم بالف خير
يآ رب تكون سنة افراح ونجاحات علينا جميعآ، وتتحقق فيها كل امآنينآ يا الله،
جبتلكم اليوم تآرت بكريمة البرتقال،
Bon
الجينوآز مآشي حاجة جديدة، غيرت برك في الطريقة
اما كريمة البرتقآل، فهي من خربشتي وتخلاطي الخآص
الحمد لله ثاني حآجة نخترعلهآ مقآديرها وتنجحلي،
طريقة التحضيــــــر:
حضرت 2 جينواز كبيرة بنفس طريقة تحضيرها للبيسكوي رولي
بلآ مانعاودهآلكم، الطريقة بالتفصيل تجدونها من هنا
حطيت الاولى في بلاطو التقديم، سقيتها بالقطر
وطليتها بكريمة الشانتي مخفوقة بعصير ذوق البرتقال،
ودائما للحشو نفضل الموز
حطيت الجينواز الثانية من فوقها وسقيتها بالقطر،
وغطيت كآمل الكيكة بكريمة الشانتي،
حمصت لوز ايفيلي مع شوية زبدة،
ودرتو في الجوانب،
كريمة البرتقال:
عصير 2 حبات برتقال تقريبا جاني نصف كاس، 4 م ك سكر لانو العصير حلو، 1 بيض، 1 م ص نشاء
حطيتها فوق نار هادئة وخلطت بالفووي حتى تعقد
نحطوها فوق التآرت بالعقل برك
وندخلوها للثلاجة تبرد
ولكم حرية التزيين
انا زينت باشكال صنعتهم من الشوكولا
اممممممم
ان شاء الله تعجبكم
ســـــــــــلآمي
آخر تعديل بواسطة المشرف:
