مســــآء الأنوآر حبيبآتي ~
اليوم خرجت بكري،
ومآ نقدر نشرب حليب من دون كيك
لقيت وصفة خفيفة لكيك بالبرتقآل،
جربتهآ وجبتهآلكم
المقـــــآدير:
3 بيض، 100غ سكر ( حوالي نصف كاس)، نص كاس صغير زيت (50 سل) ، نص كاس صغير عصير برتقال (50 سل)
2 كيسان فرينة (حوالي 200غ) ، 1 و نص خميرة كيميائية (حوالي 15غ)
القطر او السيرو: نص كاس عصير برتقال، 3 م ك سكر ( او حسب الذوق)
طريقة التحضير:
نخفق البيض والسكر جيدا حتى يصير لونه اصفر،
نضيف الزيت ثم عصير البرتقال،
واخيرا الخميرة مع الفرينة ،
ندهن مول الكيك بالزبدة ونرشه بالفرينة،
ونفرغ فيه الخليط،
وندخله للفرن حتى ياخذ اللون الذهبي،
من جهة اخرى، نحطو عصير البرتقال مع السكر في كاسرول على نار هادئة
ونخلوه 10د حتى يعقاد شوي
هنا بعد ما طاب الكيك،
نحطه في صحن التقديم ونسقيه بالقطر،
زينت برقائق لوز محمصة
صح قهوتكم حبيبآتي
آخر تعديل بواسطة المشرف:
