السلام عليكم ورحمة الله تعالى وبركاته
تحية عطرة وطيبة لكافة اللمة الجزائرية وأخص بالذكر
أعضاء منتدى واش راك تهدر والمتألقة دائما
لؤلؤة قسنطينة :regards02:
اليوم حبيت نهدر معاكم على وحد المثل الشعبي
راه ولا ظاهرة واللي هو ''ديرلي كيما نديرلك''
بالفعل ماراناش رايحين ننكرو باللي
كاين نوع من الصحة في هاد لمثل يعني
المعاملة بالمثل نعطيكم
exemple
واحد يجي يحضر عرس جارو على خاطر جارو
جا لعرسو وإذا مجاش مايروحلوش
ووحدة تروح تبارك لوحدة كي وليدها جاب الباك
بالصح لوكان هي ماتجيهاش ما تروحلهاش
وكاين حتى اللي يروح يحضر جنازة ويديرلها حساب :-o
ويقول وعلاش نروح نحضر جنازتو ياخي هو ماجاش لي
كي كنت مريض لا حول ولا قوة إلا بالله :dunno01:
راهي ظواهر عجيبة غريبة تصرى في المجتمع ديالنا
حبيت نقول باللي اللي يروح يأدي واجب لازم
يديرو لوجه الله الكريم اللي وصانا على زيارة المريض
وإجابة الدعوة من خاوتنا ومالازمش نسناو المقابل
على العمل نتاعنا لأن الأجر راهو من عند المولى عز وجل
وأكبر وأعظم مثال هو رسولنا الكريم ''عليه الصلاة والسلام'' اللي كان يجيب دعوة من دعاه ويزور المريض
ويرد السيئة بالحسنة وعمرو مكان يسنى المقابل من الناس
أعظم الخلق واش كان يدير واش ولينا حنا
اللي كل حاجة نسناو منها مقابل مادي ؟؟
وفي الختام يا خاوتي ديرو الخير وأنساوه راهو
يجي النهار اللي الخير هاداك يتفكركم
رانا ضياف في الدنيا هادي ومنا للحظة اللي جاية
يا درا دالت شكون يغادر هاد العالم ؟؟
ديرو الخير ولو بكلمة طيبة
وخليو الناس يتفكروكم بالخير
رانا نسالو غير شبر في التراب
وربي يهدينا أجمعين
ودمتم سالمين :regards01:
آخر تعديل بواسطة المشرف:
