تصرفات بعض الفتيات أثناء فترة الخطوبة -مشاركة رمزية في فعالية نقاش بنات حواء-

[السلطانة]

كيف الحال والأحوال

واين راكم يابنات اللمة

شوي تفاعل واومبيونص

الفعالية ساهلة مافيها والو


اتفاعلو معانا please

موضوعي يحكي على


تصرفات بعض الفتيات أثناء فترة الخطوبة

دك الوحدة كي تتخطب لازمها قواعد وأسس تمشي عليها طبعا ماش تخلّط برك
خاصة مع أهل راجلها

لأنها من اليوم لي يروحو يشوفوه فيها تكون العين محطوطة عليها

مالا عزيزتي العروس متلعبيهاش
خاثرة بزاف وتبداي من اللول تصمطي روحك

مثلا كاين لي تبدى بالمداصرة من اللول
تولي مكالمتها معاهم في التيليفون كثيرة
وتدخل في حياتهم قبل ماتدخل لدارهم
وهاذ المداصرة ماهيش مليحة
اثقالي واركزي اتكلمي اثناء الضرورة فقط مكنلاه التكشاخ الزايد لي معندو حتى معنى

وكاين لي تهدر كلام بلاماتكونترولي روحها ويتحسب عليها هاذ الكلام
نعرف وحدة قبل عرسها تلاقات أخت راجلها قاتلها
وقتاه تديوني برك راني كرهت حابة ندير العرس

مهلا مهلا فلتتمهّل
تخيلتها زي لي تحتم في روحها قلبي محروق على العرس
ياناس ازربولي

يعني مهما تكوني حابة تروحي لدار راجلك متقوليهاش لأهلو
لأنك راح تباني في نظرهم برك تاع عايزة تتزوجي وتهربي من داركم وتبانيلهم جيعانة ووو أمورات بزاف


ولامثلا تلعبيها تدبري عليهم
تعيطي لأمو وتمديلها رايك بدون ماتطلب هي رايك
وتبداي تخرطي
أنا نحب هك وهك

وهاذي وحدة نعرفها كي جاتها عجوزتها في المولد اتصورو واش قاتلها
باه يكون في علمك أنا عندي حوايج منحبهمش في الكوزينة
مثلا :مننقيش الدجاج نعافو قلبي يطلع منو

منحبش ننقي الساردين تاني قلبي يطلع منو

التاي تاني منطيبوش ومنحبش نشم ريحتو اصلا قبلي يطلع منو

منعرفش نطيب كلش ومانكلش كلش

الله يبارك
تبا ماهذا
انتي راح تتزوجي ولا تشرطي حاسبة روحك رايحة أوتال 5 ايتوال
المهم بكمت عجوزتها ذاك النهار ومن درك تبدى تخططلها
باه تولي متعافش

واش رايكم في الموضوع

ياريت تتفضلن بنقاشات جادة قويّة

​

 

[ريحـان]

رد: تصرفات بعض الفتيات أثناء فترة الخطوبة -مشاركة رمزية في فعالية نقاش بنات حواء-

موضوع يستحق المناقشة حقا
وهذه التصرفات عندها اثر كبير
لي عودة
احسنت الانتقاء ام ياسمين

 

[iman-dz4ever]

رد: تصرفات بعض الفتيات أثناء فترة الخطوبة -مشاركة رمزية في فعالية نقاش بنات حواء-

موضوع رائع ام ياسمين
شوية و نرجع
خلولي بلاصتييييييييييييييييي
​

 

[iman-dz4ever]

رد: تصرفات بعض الفتيات أثناء فترة الخطوبة -مشاركة رمزية في فعالية نقاش بنات حواء-

اولا يعطيك الصحة على الموضوع بزااااف عرايس يغلطو في هذا الموضوع و تلقاهم يحوسو على الي تنصحهم:up:
و بجملتي المشهورة هههه كل وحدة والعقلية الي تربات عليها
بصح ما يمنعش ان الطفلة تطيح في اخطاء خصوصا في فترة الخطبة الفترة الي تكون فيها كل خطوة و حركة محسوبة عليها
على بيها الوحدة يليق تثقل شوية و تدير في راسها بلي اهل العريس راهم عالم وبيئة اخرى عكس دارهم
كيما اهلك متعودين على هبالك و تصرفاتك و يعرفوك حتى واش تقصدي من اقل حركة او تصرف تديريه
لكن في الجهة الاخرى اهل سعيد الحظ مزالهم ميعرفوكش بلاك تتصرفي معاهم ولا تقولي حاجة تقصدي بيها خيرا مايفهموهاش هوما
وتحتسبلك ضربة مرمى هههههه ام ياسمين عديتيني بتعليقاتك الرياضية:d
يعني لازم تتعاملي معاهم بحساب و ثقالة و على قولت حبايب قلبي المصرين:bravo01: شوقيي و لا تذوقيي.........
مش تسكنيلهم في التليفون و تتدخلي في حوايج متخصكش و تدخليهم في حوايج متخصهومش
و تشديها اربع و عشرين ساعة مكالمات حتى يولو يطفو عليك التليفون خخخخخخخ
ويقولو لخوهم واش ذي اللصقة الي جايبهالنا خليك شوية بعيدة عليهم باش يتوحشوك خليهم يحوسو عليك و ميصيبوكش
قصدى اقتصري مكالماتك معاهم على المناسبات اللازمة وبسسسسسسسس
وفي حديثك معاهم كوني رسمية مش تخليها غير قصرات و تمنشير
وديرولي و اخدمولي و جيبولي....عمري لا شفت اهل عريس دارتلهم عروستهم هاك و شكروها
بصح كلامي مش للكل راني نحكي على الي اهل عريسها متعرفهمش قصدي الي خاطبها ولد عمها و لا خالها اكيييد معاملتها لاهل راجلها مختلفة مع الي متعرفش اهل خطيبها
انا نحكي مع اخت خطيبي الوحيييدة لانها من سني والله غير نحكو على كلش ماعدا خوها و العرس
لاني دايرتها صاحبة وبس باش علاقتي بيها ماتتعداش الحدود وتبقا معززة مكرمة لوكان بعييد الشر نتضارب مع خوها
متتحيزلوش و تظلمني هههههه شفتو قوالبي:sport02:
لالا والله غير نعزها سيرتو عارفتها كي حالتي قاعدة في الدار مالة وكارهة يعني حديثي معاها حديث بنات قاعدين في الدار :love01:
وثاني مش كل يوم مرة في الوقت هذا واش نعرف ونزيد ان شاء الله نتعلم منكم
لااله الاانت سبحانك اني كنت من الظالمين

 

[ام أمينة]

رد: تصرفات بعض الفتيات أثناء فترة الخطوبة -مشاركة رمزية في فعالية نقاش بنات حواء-

مشكورة على الموضوع اختي
صح بزاف من المخطوبات يديرو تصرفات ممكن تكون مزعجة بعض الاحيان
بصح احيانا تكون لا اراديا
لذلك المخطوبة لازم تكون رزينة و ثقيلة باش زوجك و اهلو ياخدو عليك نضرة مليحة

بالتوفيق
​

 

[Princesse Diyor]

رد: تصرفات بعض الفتيات أثناء فترة الخطوبة -مشاركة رمزية في فعالية نقاش بنات حواء-

شكرا اختي على هاد الموضوع كاين بزاف بنات انا نعرف شخصيا بنت تديرو صوالح بيزار مع اهل راجلها

بصح واش راح نقولو ربي يهدي
و على العموم افدتينا مسبقا

 

[Ľă Mîšš HîBă]

رد: تصرفات بعض الفتيات أثناء فترة الخطوبة -مشاركة رمزية في فعالية نقاش بنات حواء-

والله سيفرري كلامك وكيما علابالك حنا فالشرق ولا بالك قاع الولايات لعروسه ماتدخلش لدار عجوزتها حتا يصرا العرس

لاني شفت بزاف بنات لي يروحو بغكزومبل تعزي حنا معدناش هادي ايلا كشما صرا تروح يماها وبسسسسس

وانا والله مانحكي حتا مع واحدمن دار شيخي عندو اختو متزوجه كبيره عليا ب5سنين مانيش حابه ندصرها حتا نجي لدار تما هكا خير تبالي ةالله اعلم
مرسي اختي ع الموضوع

 

[السلطانة]

رد: تصرفات بعض الفتيات أثناء فترة الخطوبة -مشاركة رمزية في فعالية نقاش بنات حواء-

اولا يعطيك الصحة على الموضوع بزااااف عرايس يغلطو في هذا الموضوع و تلقاهم يحوسو على الي تنصحهم:up:
و بجملتي المشهورة هههه كل وحدة والعقلية الي تربات عليها
بصح ما يمنعش ان الطفلة تطيح في اخطاء خصوصا في فترة الخطبة الفترة الي تكون فيها كل خطوة و حركة محسوبة عليها
اهلا وسهلا بيك ايمان نورتينا ونورتنا نقاشاتك الطيبة
على بيها الوحدة يليق تثقل شوية و تدير في راسها بلي اهل العريس راهم عالم وبيئة اخرى عكس دارهم
كيما اهلك متعودين على هبالك و تصرفاتك و يعرفوك حتى واش تقصدي من اقل حركة او تصرف تديريه
لكن في الجهة الاخرى اهل سعيد الحظ مزالهم ميعرفوكش بلاك تتصرفي معاهم ولا تقولي حاجة تقصدي بيها خيرا مايفهموهاش هوما
وتحتسبلك ضربة مرمى هههههه ام ياسمين عديتيني بتعليقاتك الرياضية:d
ايواه تدير في بالها مباشرة بلي اهل راجلها مستحيل يكون اهلها حتى لو كانو ناس ملاح لدرجة كبييييييييييييييييرة راه تلقى كاين فرق عمرهم يجيو كيما الاهل مهما يديرو ومهما تكون هي ناس ملاح
وي ويعطيوها هههه
يعني لازم تتعاملي معاهم بحساب و ثقالة و على قولت حبايب قلبي المصرين:bravo01: شوقيي و لا تذوقيي.........
مش تسكنيلهم في التليفون و تتدخلي في حوايج متخصكش و تدخليهم في حوايج متخصهومش
ايواه وخاصة حذاري من انك تحكي على مشاكل داركم قدامهم
وتحكي على خالاتك وعماتك كان بيناتكم مشاكل عمرك تحكي قدام دار راجلك ديما اسكتي وخلاص كان سقساوك قولهم لاباس الحمد لله وانما باه تحكيلهم كلش بالب والتا
راح تندمي من مباعد بزاف
و تشديها اربع و عشرين ساعة مكالمات حتى يولو يطفو عليك التليفون خخخخخخخ
ويقولو لخوهم واش ذي اللصقة الي جايبهالنا خليك شوية بعيدة عليهم باش يتوحشوك خليهم يحوسو عليك و ميصيبوكش
قصدى اقتصري مكالماتك معاهم على المناسبات اللازمة وبسسسسسسسس
وفي حديثك معاهم كوني رسمية مش تخليها غير قصرات و تمنشير
وديرولي و اخدمولي و جيبولي....عمري لا شفت اهل عريس دارتلهم عروستهم هاك و شكروها
ايواه نعرف عروسة منلي تخطبت وهي تشرط
هبلتهم واخرتها قاتلهم لازم تديرولي البقلاوة وتجيبوها مع العطية لي عندنا حنا الحنة
وحنا معندناش هاذي لأنو العروس هي لي تدير بقلاوتها نهار الحنة واهل العريس يديرو البقلاوة نهار العرس
وهي عكست الحالة وقاتلهم لازم تجيبوهم مالا تغزلو منها
بصح كلامي مش للكل راني نحكي على الي اهل عريسها متعرفهمش قصدي الي خاطبها ولد عمها و لا خالها اكيييد معاملتها لاهل راجلها مختلفة مع الي متعرفش اهل خطيبها
انا نحكي مع اخت خطيبي الوحيييدة لانها من سني والله غير نحكو على كلش ماعدا خوها و العرس
لاني دايرتها صاحبة وبس باش علاقتي بيها ماتتعداش الحدود وتبقا معززة مكرمة لوكان بعييد الشر نتضارب مع خوها
متتحيزلوش و تظلمني هههههه شفتو قوالبي:sport02:
ايه المعاملة بالقدر برك والعبد ميهدرش كلام يندم عليه من مباعد لأنو العرب تاعنا ذيابا
كون كاشما يصرى ينوضو للمعايرةمالا العيد يvيتي عليه
لالا والله غير نعزها سيرتو عارفتها كي حالتي قاعدة في الدار مالة وكارهة يعني حديثي معاها حديث بنات قاعدين في الدار :love01:

وثاني مش كل يوم مرة في الوقت هذا واش نعرف ونزيد ان شاء الله نتعلم منكم
ان شاءا لله ربي يدوم صداقتكم ومعزتكم ومايدخل بيناتكم شر
لااله الاانت سبحانك اني كنت من الظالمين

اخيرا يعطيك الصحة وربي يهنيك وشكرا لمناقشتك الهادفة

 

[السلطانة]

رد: تصرفات بعض الفتيات أثناء فترة الخطوبة -مشاركة رمزية في فعالية نقاش بنات حواء-

مشكورة على الموضوع اختي
صح بزاف من المخطوبات يديرو تصرفات ممكن تكون مزعجة بعض الاحيان
بصح احيانا تكون لا اراديا
لذلك المخطوبة لازم تكون رزينة و ثقيلة باش زوجك و اهلو ياخدو عليك نضرة مليحة

بالتوفيق
​

اهلا بالاخت ام امينة
راكي شايفة وعارفة
لازم ديما حدود ورزانة باش متحصلش مشاكل من مباعد
وكيما شفنا بعض الحالات يبداو المشاكل من الخطبة مع اهل الزوج بسبب التصرفات الطايشة
شكرا.

 

[السلطانة]

رد: تصرفات بعض الفتيات أثناء فترة الخطوبة -مشاركة رمزية في فعالية نقاش بنات حواء-

شكرا اختي على هاد الموضوع كاين بزاف بنات انا نعرف شخصيا بنت تديرو صوالح بيزار مع اهل راجلها

بصح واش راح نقولو ربي يهدي
و على العموم افدتينا مسبقا

اهلا اختي ياريت تفضلتي وحللتي الظاهرة معانا اكثر وناقشتينا في الموضوع

بارك الله فيك

 

[السلطانة]

رد: تصرفات بعض الفتيات أثناء فترة الخطوبة -مشاركة رمزية في فعالية نقاش بنات حواء-

والله سيفرري كلامك وكيما علابالك حنا فالشرق ولا بالك قاع الولايات لعروسه ماتدخلش لدار عجوزتها حتا يصرا العرس

لاني شفت بزاف بنات لي يروحو بغكزومبل تعزي حنا معدناش هادي ايلا كشما صرا تروح يماها وبسسسسس

وانا والله مانحكي حتا مع واحدمن دار شيخي عندو اختو متزوجه كبيره عليا ب5سنين مانيش حابه ندصرها حتا نجي لدار تما هكا خير تبالي ةالله اعلم
مرسي اختي ع الموضوع

اهلا اختي
نعرف وحدة عروضها دار شيخها للفطور كيما كانت عروسة
ونقصد خطيبها لي قال لأمو نعرضوها وأمو قبلت
مالا بعد الفطور خلاوهم وحدهم ولاو يديرو في تصرفات بينت لعروسة بايخة ضحك وتبهليل وووو

يعني متليقش طول الدصارة قبل الدخول
ربي يهنيك اختي
شكرا.

 

[ام أمينة]

رد: تصرفات بعض الفتيات أثناء فترة الخطوبة -مشاركة رمزية في فعالية نقاش بنات حواء-

حنا تاني
العروسة مهما يصرا في دار زوجها ما تروحش مثلا عرس او جنازة او عرضوهم بغرض التعارف اكثر......
حنا الطفلة اهلها همالي يمثلوها عند اهل زوجها في فترةالخطوبة يعني مهما صرا عند اهل الزوج يرحو الها يديرو الواجب
​

 

[iman-dz4ever]

رد: تصرفات بعض الفتيات أثناء فترة الخطوبة -مشاركة رمزية في فعالية نقاش بنات حواء-

حتى احنا العروسة عيب تروح لدار شيخها قبل الدخول
امها برك في المناسبات الضرورية الاعراس والو ومتروحلهمش الجنازات برك
اما العروسة الي تروح لدار شيخها قبل العرس مستحيييييييييييييييييييييييل
انا بنات خوالي خاطبتهم خالتي و ميرحولهاش حتى في الاعراس عيب

 

[فيتامين سي]

رد: تصرفات بعض الفتيات أثناء فترة الخطوبة -مشاركة رمزية في فعالية نقاش بنات حواء-

موضوووووووووووووع هايل
التالية قالتلهم رقدو منكدبش عليك حتى انا بزاف حجات الله غالب كي نشوفهم تحكمني الدوخة مي منكشفش روحي حدا الناس و في الضرورة تحطي يدك و متتبهدليش
متلا كروفات نشوفه تحكمني دوخة ههههههههههههههههههه نحسه جرلو الله غالب و ريحته منقدرلهاش مي طبع و مام دجاج ديفوا يجينا عليه هبالنا
المهم بصح كاين حاجة اسمها لباقة في الكلام خاصة ناس دارك يكونو يستناوك تغلطي و يشدوهالك طول حياتك مي نتي تحاولي تكوني قليلة الكلام و متفضحيش روحك و تبيني عيوبك و متبينيش بلي مقلقة هدي فضيحة

الهاتف انا نفضل مكالمات مع ناس دارها تكون قليلة بزاف قد ما الهدرة تكتر الخسارة تزيد هدا امر مفروغ منه

جامي تحكي في وحدة لعجوزتك او تبيني روحك يعني ما بهلولة ما متكبرة ما ثرتارة كل خطوة حسبيها مليح


نصائح من عازبة ههههههههههههههههههههههههههه زعما نطبقهم

 

[آمِيْرَتُه]

رد: تصرفات بعض الفتيات أثناء فترة الخطوبة -مشاركة رمزية في فعالية نقاش بنات حواء-

السلام عليك
موضوع مفيد يعطيك الصحة
و الله نشوف فيها تصرفات صبيانية الوحدة لازم تتثقال حتى و لو كانت مسفوقة كيما نقولو توزن هدرتها و فعايلها مي يقولك لي فيه طبيعة متروح منها

 

[السلطانة]

رد: تصرفات بعض الفتيات أثناء فترة الخطوبة -مشاركة رمزية في فعالية نقاش بنات حواء-

حنا تاني
العروسة مهما يصرا في دار زوجها ما تروحش مثلا عرس او جنازة او عرضوهم بغرض التعارف اكثر......
حنا الطفلة اهلها همالي يمثلوها عند اهل زوجها في فترةالخطوبة يعني مهما صرا عند اهل الزوج يرحو الها يديرو الواجب
​

ايواه العروسة تقعد ترونكيل ماعندو ماداها لدار راجلها وامها وباباها يروحو في بلاصتها كان لفرح ولاقرح
شكرا

 

[السلطانة]

رد: تصرفات بعض الفتيات أثناء فترة الخطوبة -مشاركة رمزية في فعالية نقاش بنات حواء-

حتى احنا العروسة عيب تروح لدار شيخها قبل الدخول
امها برك في المناسبات الضرورية الاعراس والو ومتروحلهمش الجنازات برك
اما العروسة الي تروح لدار شيخها قبل العرس مستحيييييييييييييييييييييييل
انا بنات خوالي خاطبتهم خالتي و ميرحولهاش حتى في الاعراس عيب

ايواه هكا الأصل من المفروض
لكن كاين لي تلقاهم يخلطو من مباعد يجنيو النتيجة بعد العرس
صحيتي

 

[السلطانة]

رد: تصرفات بعض الفتيات أثناء فترة الخطوبة -مشاركة رمزية في فعالية نقاش بنات حواء-

موضوووووووووووووع هايل
التالية قالتلهم رقدو منكدبش عليك حتى انا بزاف حجات الله غالب كي نشوفهم تحكمني الدوخة مي منكشفش روحي حدا الناس و في الضرورة تحطي يدك و متتبهدليش
متلا كروفات نشوفه تحكمني دوخة ههههههههههههههههههه نحسه جرلو الله غالب و ريحته منقدرلهاش مي طبع و مام دجاج ديفوا يجينا عليه هبالنا
اهلا هيبة منورة
هههههههههه اواه غير نحي هاذ العوايد او تعودي تحصلي قدام حماتك :p
المهم بصح كاين حاجة اسمها لباقة في الكلام خاصة ناس دارك يكونو يستناوك تغلطي و يشدوهالك طول حياتك مي نتي تحاولي تكوني قليلة الكلام و متفضحيش روحك و تبيني عيوبك و متبينيش بلي مقلقة هدي فضيحة
ايه vوالا المقصود هنا لازم تكون الطفلة لبقة في الكلام
متفرشش روحها من اللول مالا من مباعد كيفاه تكون الحال على الاقل تخلي الطرف الاخر يفهم قصدها ويستوعبها بلباقة ماشي تلبز برك
الهاتف انا نفضل مكالمات مع ناس دارها تكون قليلة بزاف قد ما الهدرة تكتر الخسارة تزيد هدا امر مفروغ منه
هذا امر تقريبا جميعنا اتفقنا عليه
جامي تحكي في وحدة لعجوزتك او تبيني روحك يعني ما بهلولة ما متكبرة ما ثرتارة كل خطوة حسبيها مليح
تخيطي فمك بالابرة والخيط ههههه وتهدري للضرورة يعني متخليش روحك ترخفي روحك ومتصمطيش روحك احكمي العصا من وسطها

نصائح من عازبة ههههههههههههههههههههههههههه زعما نطبقهم

هههه ان شاءا لله تطبيقهم ايه

نورتي اختي

 

[السلطانة]

رد: تصرفات بعض الفتيات أثناء فترة الخطوبة -مشاركة رمزية في فعالية نقاش بنات حواء-

السلام عليك
موضوع مفيد يعطيك الصحة
و الله نشوف فيها تصرفات صبيانية الوحدة لازم تتثقال حتى و لو كانت مسفوقة كيما نقولو توزن هدرتها و فعايلها مي يقولك لي فيه طبيعة متروح منها

ايه كاين بنات الله غالب اهدري ولااقعدي يقعدو هاكاك

نورتي

 

[ام أمينة]

رد: تصرفات بعض الفتيات أثناء فترة الخطوبة -مشاركة رمزية في فعالية نقاش بنات حواء-

موضوووووووووووووع هايل
التالية قالتلهم رقدو منكدبش عليك حتى انا بزاف حجات الله غالب كي نشوفهم تحكمني الدوخة مي منكشفش روحي حدا الناس و في الضرورة تحطي يدك و متتبهدليش
متلا كروفات نشوفه تحكمني دوخة ههههههههههههههههههه نحسه جرلو الله غالب و ريحته منقدرلهاش مي طبع و مام دجاج ديفوا يجينا عليه هبالنا
المهم بصح كاين حاجة اسمها لباقة في الكلام خاصة ناس دارك يكونو يستناوك تغلطي و يشدوهالك طول حياتك مي نتي تحاولي تكوني قليلة الكلام و متفضحيش روحك و تبيني عيوبك و متبينيش بلي مقلقة هدي فضيحة

الهاتف انا نفضل مكالمات مع ناس دارها تكون قليلة بزاف قد ما الهدرة تكتر الخسارة تزيد هدا امر مفروغ منه

جامي تحكي في وحدة لعجوزتك او تبيني روحك يعني ما بهلولة ما متكبرة ما ثرتارة كل خطوة حسبيها مليح


نصائح من عازبة ههههههههههههههههههههههههههه زعما نطبقهم

ربي يرزقك بالزوج الصالح ان شاء الله
​