الشيفة أم منير-ضيفة المطبخ اللماوي العدد الثــآلث-

[الحلم الوردي]

نرحب بكم في العدد الثــآلث من سلسلة

للإطّلاع على الفكرة الرئيسية تفّضلوا هنا :



شيفة لماوية في استضافتنا ‏
وموضوع توقع العضوة كان :

توقّع من هي ضيفة العدد الثــآلث -شيفة لماوية في استضافتنا-


والعضوة التي سنستضيفها لمدةخمسة ايــآم هي:


شيفتنا


أم منيــــــر



إذن عليكم طرح أسئلة للعضوة عن الطبخ وعالمه وعن حياتها مع المطبخ ووصفاتها..الخ
والرجاء عدم الخروج عن فكرة الموضوع فهدف الموضوع واضح




-أهلا وسهلا بكِ طاطا أم منيــــــر في ثالث عدد من سلسلة
شيفة في استضافتنا نرحب بكِ أولا ويشرفنا قبول الدعوة
تفضلي عصير منعش نحي بيه عطش السفر وتانيك تارت نتاع الليمون







نرحبو بيكِ طاطا ام منير وبناس تلمسان الغالي


أفتتح الجلسة ببعض الأسئلة الخفيفة على الضيفة :
-أسئلتي:

1-منذ متى اكتشفتِ موهبة الطبخ لديك ؟
2-أول طبق طيبتيه ماذا كان وفي أي سنّ؟
-أطباقك المفضلة في التحضير وفي الأكل أي نوع من الأنواع تحبي تاكليه ؟

هكدا

نخلي الفرصة لأعضاءنا وعضواتنا
يسألوك ويقومو بيك

مالا ياجماعة اتهلاو في طاطامليح مليح

ونرجع نلقاكم متهليتوش فيها
نذبحكم ونشرب دمكم

ونعلقكم على أسوار اللمة :tongue02:

​

​

 

[السلطانة]

رد: الشيفة أم منير-ضيفة المطبخ اللماوي العدد الثــآلث-

وعليكم السلام ورحمة الله وبركاته

أهلا وسهلا بالخالة أم منير وبالمطبخ التلمساني :sport02:
منورة

ايواه سؤالي :


-انتم في الغرب أكيد ليكم نوع من الكسرة تطيبوه ممكن تعطينا طريقة الكسرة التلمسانية وصورة ليها
وهل تديروها بزاف كيما في الشرق ولا مرات برك ؟



​

 

[جيهان جوجو]

رد: الشيفة أم منير-ضيفة المطبخ اللماوي العدد الثــآلث-

وعليكم السلام
اهلا بضيفتنا الكريمة ام منير
نورت الموضوع
لي عودة بالاسئلة

 

[أم منيــــــر]

رد: الشيفة أم منير-ضيفة المطبخ اللماوي العدد الثــآلث-

السلام عليكم
جمعة مباركة

تلفتهالكم ملاك وحدة ما جبدتني هههه
يعطيك الصحة عالاستضافة وان شا الله نكونو عند حسن الظن
ومرحبا بيكم وباسئلتكم
​

 

[الحلم الوردي]

رد: الشيفة أم منير-ضيفة المطبخ اللماوي العدد الثــآلث-

حالياً الأعضاء النشيطين الذين يشاهدون هذا الموضوع:
21 (2 عضو و 19 ضيف)

اهلا طاطا
ان شاء الله راكي مليحة
‏
​

 

[الحلم الوردي]

رد: الشيفة أم منير-ضيفة المطبخ اللماوي العدد الثــآلث-

السلام عليكم
وعليكي السلام والرحمة:bravo01:
جمعة مباركة
جمعتكي مباركة طاطا
تلفتهالكم ملاك وحدة ما جبدتني هههه
هههههه ايه واحد:sport02: ماقدر يجيبك:up:
يعطيك الصحة عالاستضافة وان شا الله نكونو عند حسن الظن
الله يسلمك طاطا مرحبا بيك:thumb_up02:
ان شاء الله:up:
ومرحبا بيكم وباسئلتكم
​

اقامة طيبة لكي
:regards01:

 

[أم منيــــــر]

رد: الشيفة أم منير-ضيفة المطبخ اللماوي العدد الثــآلث-

اهلا بيك غاليتي ملاك
مممم يعطيك الصحة تارت تهبل وعصير منعش مشكورة
​

1-منذ متى اكتشفتِ موهبة الطبخ لديك ؟
من وقت بعيـــــــــد كان فعمري 13 سنة كنت نخربش فالمطبخ
كانت اختي اكبر مني متكفلة بالطبخ وانا نتبع
2-أول طبق طيبتيه ماذا كان وفي أي سنّ؟
بطاطا سلاطة هههه فسن 13 سنة ومن لتم بديت نتعلم العجين من امي
-أطباقك المفضلة في التحضير وفي الأكل أي نوع من الأنواع تحبي تاكليه ؟
اطباقي المفضلة فالتحضير تقريبا كل شي عندي قوسطو فالطبخ بصح اكتر شي المعجنات
نحب ناكل المالح اكتر من الحلو
كاين بزاف صوالح اهم شي الجلبانة بالقرنيع واللحم وكل حاجة فيها الفرماج نحبو كتر من اللحم ههه :p


منورة غاليتي
​

 

[الحلم الوردي]

رد: الشيفة أم منير-ضيفة المطبخ اللماوي العدد الثــآلث-

_واش هوما الاكلات التقليدية لمشهورة بيهم ولاية تلمسان؟
_الاكلة الي تحبي طيبيها ديما؟
_الحلويات المشهورة بولاية تلمسان؟
_تنوعي في الاكلات نتاعك من الشرق والوسط؟ ولا تحبي غي نتاع ناس تلمسان؟
:love01:
​

 

[Malika Tlm]

رد: الشيفة أم منير-ضيفة المطبخ اللماوي العدد الثــآلث-

السلام عليكم
اهلا وسهلا بالاخت ام منير
شرفتينا
سوف اعود باسئلتي وجدي روحك ختي
سلام

 

[أم منيــــــر]

رد: الشيفة أم منير-ضيفة المطبخ اللماوي العدد الثــآلث-

وعليكم السلام ورحمة الله وبركاته

أهلا وسهلا بالخالة أم منير وبالمطبخ التلمساني :sport02:
منورة

اهلا بيك شوشو المطبخ منور بيكم

ايواه سؤالي :


-انتم في الغرب أكيد ليكم نوع من الكسرة تطيبوه ممكن تعطينا طريقة الكسرة التلمسانية وصورة ليها
وهل تديروها بزاف كيما في الشرق ولا مرات برك ؟



​

هي كل واحد وكفاش يحب يطيبو
اما مطلوع فالطاجين ولا فالكوشة
بصح كامل خبز بالخميرة ماشي كما عندكم فطير وهادو احنا مانديروهش
الطريقة التققليدية للمطلوع كنا نديرو سميد رطب والملح والخميرة ونلموه بالماء وندلكوه مليح مليح حتى كتافنا يطيحو ههه :p
ليوم تغيرت الاوضاع وفقنا لوحد العفسة نخلطوه ونزيدو معاه الفرينة شوي برك ونخليه يرتاح وحد ربع ساعة ونبقى كل مرة نخدمو بيدي حتى يطرى مليح
نقطعو ونخليه يخمر ومن بعد نطيبو
ودرك راني الاغلب راني ننوع فالخبز ونديرو فالكوشة
بالنسبة ليا نديرو كل يوم بصح كاين يلي يعجنو مرة مرة ويشرو من برا :down:
ومداك نحب المعجنات بزاف نحب كل مرة ندير وصفة خبز جديدة
وسبق وحطيت هنا صور ليه للخبز العادي تع الكوشة

وهدا المطلوع



يعطيك الصحة ،، نورت
​

 

[ريحـان]

رد: الشيفة أم منير-ضيفة المطبخ اللماوي العدد الثــآلث-

اهلا بالأخت أم منير
نورتينا
اسئلتي:
برأيك هل الطبخ فن او مهنة
ما اهمية الطبخ بالنسبة لكي
اعطينا مكونات الطبخات التالية:
شخشوخة
مرق الزيتون
الملوخية
ماهي البهارات التي تستطيعين التخلي عنها
اعطينا طبخة مميزة لكل فصل من فصول السنة
كيف كان اندفاعك نحو الطبخ وهل ظل كما هو؟

--لي عودة----​

 

[الحلم الوردي]

رد: الشيفة أم منير-ضيفة المطبخ اللماوي العدد الثــآلث-

حالياً الأعضاء النشيطين الذين يشاهدون هذا الموضوع:
22 (5 عضو و 17 ضيف)

‏ملكة زمــآني, ‏Hiba habouba, ‏جهان 27, ‏جيهان جوجو, ‏Malika Tlm
​

 

[فيتامين سي]

رد: الشيفة أم منير-ضيفة المطبخ اللماوي العدد الثــآلث-

مرحبا بيك طاطا ام منير .واش راكي ؟؟ .ان شاء الله منقرقجوكش باسألتنا ههههه
نبدا بسؤال صغنون اول طبق ليك بعد الزواج ...واش كان

 

[أم منيــــــر]

رد: الشيفة أم منير-ضيفة المطبخ اللماوي العدد الثــآلث-

وعليكم السلام
اهلا بضيفتنا الكريمة ام منير
نورت الموضوع
لي عودة بالاسئلة

اهلا بيك أختي
منور بيكم
في انتظارك
​

 

[أم منيــــــر]

رد: الشيفة أم منير-ضيفة المطبخ اللماوي العدد الثــآلث-

_واش هوما الاكلات التقليدية لمشهورة بيهم ولاية تلمسان؟
طاجين الحلو (برقوق باللحم واللوز) ،، حريرة ،، طعام ،، بركوكس ،، تشيشة ،، والباقي كما دزاير كامل
_الاكلة الي تحبي طيبيها ديما؟
المملحات بصفة عامة خاطر خفيفة وماترفدش وقت بزاف
_الحلويات المشهورة بولاية تلمسان؟

الحلويات قريوش ، الكعك التلمساني ،مقروط، الصامصة هادو التقليديين ودرك راه تنوع كبيــــر بزاف
_تنوعي في الاكلات نتاعك من الشرق والوسط؟ ولا تحبي غي نتاع ناس تلمسان؟
:love01:
​

انا ننوع فاكلي كل مرة وكفاش ما نقتصرش على الاكل التلمساني فقط
ونحب نجرب الوصفات تع الولايات الاخرى

منورة :love01:
​

 

[Oussama.GF]

رد: الشيفة أم منير-ضيفة المطبخ اللماوي العدد الثــآلث-

هل توجدين الطبخ جيدا؟

 

[Oussama.GF]

رد: الشيفة أم منير-ضيفة المطبخ اللماوي العدد الثــآلث-

ماهي ابرز اكلات التي توجدينها؟

 

[سكون الفجر]

رد: الشيفة أم منير-ضيفة المطبخ اللماوي العدد الثــآلث-

السلام عليكم ورحمة الله ..
كيف حالك خالتي الغالية أم منير؟ إن شاء الله تكوني بخير
ما شاء الله عليكِ شطورة من وقت كنتي صغيرة ربي يحفظك

هل تحبي صنع الاطباق الرئيسية أكثر ام الحلويات؟
من بعد اذنك هل لكِ ان تصفي لنا اجواء تحضير الكعك قبل عيد الفطر؟
كم صنف تطهين في اليوم؟!
ما أكثر طبق تستمتعين بتحضيره؟

بارك الله فيكِ اختي الطيبة وربي يحفظك
اتمنى لكِ طيب المقام بيننا عزيزتي

 

[السلطانة]

رد: الشيفة أم منير-ضيفة المطبخ اللماوي العدد الثــآلث-

هي كل واحد وكفاش يحب يطيبو
اما مطلوع فالطاجين ولا فالكوشة
بصح كامل خبز بالخميرة ماشي كما عندكم فطير وهادو احنا مانديروهش
الطريقة التققليدية للمطلوع كنا نديرو سميد رطب والملح والخميرة ونلموه بالماء وندلكوه مليح مليح حتى كتافنا يطيحو ههه :p
ليوم تغيرت الاوضاع وفقنا لوحد العفسة نخلطوه ونزيدو معاه الفرينة شوي برك ونخليه يرتاح وحد ربع ساعة ونبقى كل مرة نخدمو بيدي حتى يطرى مليح
نقطعو ونخليه يخمر ومن بعد نطيبو
ودرك راني الاغلب راني ننوع فالخبز ونديرو فالكوشة
بالنسبة ليا نديرو كل يوم بصح كاين يلي يعجنو مرة مرة ويشرو من برا :down:
ومداك نحب المعجنات بزاف نحب كل مرة ندير وصفة خبز جديدة
وسبق وحطيت هنا صور ليه للخبز العادي تع الكوشة

وهدا المطلوع



يعطيك الصحة ،، نورت
​

يعطيك الصحة
يعني كسرتكم ماشي كيما تاعنا لأنو هاذي حنا عندنا تعتبر احد انواع الخبز ماشي الكسرة
ممكن الفرق في الطاجين لأنو طاجين الطين ميطبش كيما طاجين الحديد
وطريقة العجن تاني هاذي استنتجتها احنا الشرق نعجنوها بطريقة انها لمرا تحط مايدة وفوقها قصعة للحيط وتتكى على العجينة تعجن بطريقة التقطيع باليدين وتركز على ذرعيها وجسمها كامل يتحرك
شفت طريقة الدلك عند دار شيخي اسهل بكثير من طريقتنا في العجن
وتبقى هاذي بلادنا وعاداتها
وحنا استفدنا من بعض وتوسعت ثقافتنا في الأكل

وسؤال آخر:


الحريرة انتم تطيبوها في رمضان ؟ كيما الشربة فريك ولا تعملوهم في زوج
تعجبني الحريرة تاعكم تهبل

 

[ريحـان]

رد: الشيفة أم منير-ضيفة المطبخ اللماوي العدد الثــآلث-

هاني رجعتلك طاطا ام منير
انشالله مانكون عضوة تقيلة على قلبك
لخاطر راكي عارفا الاخت ملاك. تشرب دمنا لوكان ما نتهلوا فيك
اسئلتي :
الحياة بدون طبخ كيف هي بالنسبة لكي
على ماذا تركزين في طبخك
نصيحتك للطبخات المبتدئات
ماهي نظرة للمرأة التي تعتمد على الاكل الجاهز رغم انها غير عاملة
هل طبخت اكلة ولم تتناوليها
هل اكلت في مطعم واكلت اكلة جديدة وتمنيت الحصول على وصفتها


لي عودة--------​