- إنضم
- 18 سبتمبر 2012
- المشاركات
- 2,192
- نقاط التفاعل
- 5,221
- النقاط
- 111
- العمر
- 39
السلام عليكم و رحمة الله و بركاته
حبيت نحكيلكم على زمان كيف كانت الحياة لحد الان كل ما أتذكرها ابتسم و اتمنى انها ترجع تلك الايام الخوالي ♥
كنا في الثمانينات عائلة كبيرة من رب العائلة لي هو جدي و جداتي و تحتو اولادو اي اعمامي و زوجاتهم و الاحفاد في الاخير. كنا كلنا عايشين في بيت واحد و يا سلام على تلك الايام كل شي نتقاسموه و نشترك فيه من افراح و اتراح حتى الاكل يا محلاها تلك الجَمعة على السفرة كان كي يدخل جدي الدار وقت الفطور او العشاء لازم الكل يلتم حولو على الطابلة و يا ويل ويلو لي يتقلش على كاش اكلة او يشنف عليها يمسخو هههه .
كانت الكنة متَعيَاش في تربية اولادها لانو الكل يربي معاها و النعرة تاع الان لي فسدت الطفل و خلاتو يتفرعن بكري ماكاش .
نشفى كان كاين تلفزة واحدة ووحيدة في الدار الكبيرة تاع جدي و ياعيني على اليتيمة كي كنا قانعين بيها و نسناو في فيلم او مسلسل السهرة تلقى الكناين دايرين حزب وحدهم و الخاوة الرجال مجمعين وحدهم و الرأس الكبيرة لي هو جدي راه قاعد في مضربو مع جداتي و تبدا قذائف التعليقات ارض ارض هههههه المهم تفوت هذيك السهرة حلوة كي السكر ♥
و من بعد يتفرقو كل راجل يسوق مرتو و اولادو على غرفتو و الصباح رباح .
و مننساش كنا كا عطلة لااااااااااازم نروحو للبلاد نقعدو تم مدة توصل حتى الشهر و اكثر .
و تكبر العايلة مع حضور عماتي و اولادهم و يزيد عدد الصبية و البنات باه يحلى اللعب اكثر و اكثر ♥♥
وقت الحصاد تلقى حالة استنفار قصوى الكل متعاونين و الحسد ماكانش و الغلة للجميع
كانو الكناين مسؤولين على اطعام البطون الجائعة تلقاهم يوجدو في العوين من رفيس و فطير و رقدة و لبن و طعام ووووو ماتجي تفضى ايام الحصاد حتى يكملو معاه ههههه .
فعلا ايام لا تنسى بحلوها و مرها ببراءتي و طفولتي لي عشتها ببساطة و بالشي القليل لي كان يبانلي كثير ♥♥
لحد الان نروح للبلاد لكن مش كيما بكري الارض هي نفسها و الحيوط نفسهم بصح العباد تبدلت .
شتان بين ايام زمان و هاذ الوقت لي يطل في صاحبو يشنف في وجهو ,و لي يجيه ضيف يدعي ويكت يروح و الكارثة اذا بات ليلة , و الجمعة ماهي حلوة كيف زمان راحت البركة و دات معاها القلوب الصافية .
هذي مقتطفات عن طفولتي اتمنى استمتعتو بيها ♥♥
حبيت نحكيلكم على زمان كيف كانت الحياة لحد الان كل ما أتذكرها ابتسم و اتمنى انها ترجع تلك الايام الخوالي ♥
كنا في الثمانينات عائلة كبيرة من رب العائلة لي هو جدي و جداتي و تحتو اولادو اي اعمامي و زوجاتهم و الاحفاد في الاخير. كنا كلنا عايشين في بيت واحد و يا سلام على تلك الايام كل شي نتقاسموه و نشترك فيه من افراح و اتراح حتى الاكل يا محلاها تلك الجَمعة على السفرة كان كي يدخل جدي الدار وقت الفطور او العشاء لازم الكل يلتم حولو على الطابلة و يا ويل ويلو لي يتقلش على كاش اكلة او يشنف عليها يمسخو هههه .
كانت الكنة متَعيَاش في تربية اولادها لانو الكل يربي معاها و النعرة تاع الان لي فسدت الطفل و خلاتو يتفرعن بكري ماكاش .
نشفى كان كاين تلفزة واحدة ووحيدة في الدار الكبيرة تاع جدي و ياعيني على اليتيمة كي كنا قانعين بيها و نسناو في فيلم او مسلسل السهرة تلقى الكناين دايرين حزب وحدهم و الخاوة الرجال مجمعين وحدهم و الرأس الكبيرة لي هو جدي راه قاعد في مضربو مع جداتي و تبدا قذائف التعليقات ارض ارض هههههه المهم تفوت هذيك السهرة حلوة كي السكر ♥
و من بعد يتفرقو كل راجل يسوق مرتو و اولادو على غرفتو و الصباح رباح .
و مننساش كنا كا عطلة لااااااااااازم نروحو للبلاد نقعدو تم مدة توصل حتى الشهر و اكثر .
و تكبر العايلة مع حضور عماتي و اولادهم و يزيد عدد الصبية و البنات باه يحلى اللعب اكثر و اكثر ♥♥
وقت الحصاد تلقى حالة استنفار قصوى الكل متعاونين و الحسد ماكانش و الغلة للجميع
كانو الكناين مسؤولين على اطعام البطون الجائعة تلقاهم يوجدو في العوين من رفيس و فطير و رقدة و لبن و طعام ووووو ماتجي تفضى ايام الحصاد حتى يكملو معاه ههههه .
فعلا ايام لا تنسى بحلوها و مرها ببراءتي و طفولتي لي عشتها ببساطة و بالشي القليل لي كان يبانلي كثير ♥♥
لحد الان نروح للبلاد لكن مش كيما بكري الارض هي نفسها و الحيوط نفسهم بصح العباد تبدلت .
شتان بين ايام زمان و هاذ الوقت لي يطل في صاحبو يشنف في وجهو ,و لي يجيه ضيف يدعي ويكت يروح و الكارثة اذا بات ليلة , و الجمعة ماهي حلوة كيف زمان راحت البركة و دات معاها القلوب الصافية .
هذي مقتطفات عن طفولتي اتمنى استمتعتو بيها ♥♥
