اليوم درت محآجب، بطريقة جديدة للعجين
مآزلت مبتدئة فيهم لكني نتحسن بالشوية
نبدآو على بركة الله
المقــــــــــــآدير:
العجينة: 2 عبآر سميد رطب، عبر فرينة، ملح، ماء
الصلصة: بصل مقطع شرائح طويلة، طماطم حبآت، 1 م ص طماطم مصبرة، هريسة، ملح وتوابل الصوص
التحضيـــر:
نلمو العجينة بالماء وندلكوها شوي برك،
بعدها نجيبو ساشي نغطسوه في ماء دافي ونجبدوه بلا ما نعصروه ونحطو فيه العجينة ونغلقو
ونخلوها ترتاح
نحضر صلصة الطماطم
في هاته الاثناء، نعاودو ندلكو العجين شوي برك
ونرجعو الساشي في ماء دافي لكن هاته المرة نعصروه مليح ونحطو فيه العجينة
ونخلوها ترتاح شوي
في الاخير نتحصلو على عجين خفيف
ويطرطق بلا دليك ووجع كتاف
نشكلو كويرات صغار و نغطوهم مع حفظ الترتيب
نحلو كل وحدة بالزيت مليح ونضيف الصلصة الحارة في الوسط ونطوي على 4
ونطيبوهم فوق مقلاة او طاجين الحديد
وبالصحة والهنا
ســــــلآمي
آخر تعديل بواسطة المشرف:
