غدوا راحة تكوني عروسة.......قوليلي برك الا راكي واجدة؟؟

[ام أمينة]

السلام عليكم و رحمة الله تعالى و بركاته

حبيت نطرح موضوع للعرايس المقبلات على الزواج البارح كامل و انا نخمم فالموضوع و قلت لازم نحطو لعرايسنا الحلوات

علابانا كامل بلي الطفلة ك تكون في دار باباها تكون كيما الزاوش حرة و طليقة تطير تحت جناح والديها ......مكانش ضغط ماكانش مسؤوليات و اذا كانت عندها مسؤوليات ماشي حاجة كبيرة كيا كي تكوني متزوجة


قوليلي الا راكي واجدة للمسؤولية ؟؟

و الدار لي فيه السعادة و الهناء فيه جهد و تضحية و صبر

يا لي راكم رايحين تتزوجو الزواج ماشي جهاز و عرس و احلام.......... حذاري

وحدة حكاتلي كانت تتمنى باش تتزوج كيما كامل البنات و دارت مواصفات عالية للزوج و فعلا تزوجت بشخص كيما كانت حاباتو و لكن الحياة لي عشتها ماشي كيما لي خططتلها و عرفت بلي الزواج مراحش يخليك مهمة و تنصح كل المقبلات على الزواج على انهم يثقفو نفسهم و يطورو امكانيتهم قبل الزواج


يا بنات ماراناش كاملين و اعرفو بلي الشخص لي رايحين ترتبطو بيه ماراهوش كامل هو ثاني
و ديرو في بالكم بل ماراكمش رايحين تعيشو واقع بلا صعوبات
و حياتك ماشي رايحة تكون احلام وردية


و كاين سلوكيات يضايق الطرف الاخر مثلا : وقت الماكلة ’ وقت الجلوس على الانترنت ’مثلا تروحي ضيفة و لا تعرضي ضياف ...........و تقدري تير فيها باش توالكم في زوج
و كاين سلوك لازم الواحد يغيرو مالغري صعيب و هو اللسان السليط الواحد يحاول كيفاش يتحكم فيه الماكسيموم و ما يهدرش غير اللازم


يا اخواتي حاولو كيفاش تبدلو في عيوبكم و تأثررو على الزوج باش تدري وصلتي لواش كنتي تحلمي بيه

قبل زواجك ما تجيبيش السبة بلي كاين شكون يخدم الشغل تع الدار مثلا خياتك او امك ......
و اذا كان شكون يخدم فالدار عاونيهم و اتعلمي منهم و هذا لي رايح يخليك شاطرة و كي تتزوجي و تكوني وحدك تتكلي على روحك و ما تستناي حتى واحد
طبقي وصفات الله يبارك الله راهي معمرة و ابهري بيها داركم و خودي رايهم هاذا رايح يزيدلك ثقة في نفسك
و حاولي تكوني منظمة دائما و دربي روحك تنضفي غرفتك و عطريها و نظمي خزانتك باش توالفي و ما يجيك والو صعيب بعد الزواج
و كي يجوكم الضياف دربي روحك من شكلك و كلامك و الطرق لي تحطي و ترفدي بيها الضيافة


ربي يهنيكم يا عرايس ان شاء الله تديرو بنصائحي و تنجحو في حياتكم الزوجية
تحياتي لكن

لا تنسوني من صالح دعائكم


​

 

[سكون الفجر]

رد: غدوا راحة تكوني عروسة.......قوليلي برك الا راكي واجدة؟؟

نعم، ما قلته صحيح تماماً أختي
فالزواج لا يعني فستان وحفل يحكي فيه القاصي والداني
ولا نقود ترمى هنا وهناك
بل هي مسؤولية وكبيرة أيضاً، ستكون الملكة في البيت وستهتم بكل شيء
زوجها، بيتها وأولادها وكل شيء

لكن في وقتنا الحاضر، أصبح الرجل لا يهتم والمرأءة مهملة ويضيع البيت والاولاد
الله يهدينا ويصلح حالنا

بارك الله فيك أختي الطيبة على الموضوع المميز
دمتِ بخير

 

[ام أمينة]

رد: غدوا راحة تكوني عروسة.......قوليلي برك الا راكي واجدة؟؟

نعم، ما قلته صحيح تماماً أختي
فالزواج لا يعني فستان وحفل يحكي فيه القاصي والداني
ولا نقود ترمى هنا وهناك
بل هي مسؤولية وكبيرة أيضاً، ستكون الملكة في البيت وستهتم بكل شيء
زوجها، بيتها وأولادها وكل شيء

لكن في وقتنا الحاضر، أصبح الرجل لا يهتم والمرأءة مهملة ويضيع البيت والاولاد
الله يهدينا ويصلح حالنا

بارك الله فيك أختي الطيبة على الموضوع المميز
دمتِ بخير

نورتي موضوعي بردك الجميل
للاسف ماشي كامل البنات يخممو في واش يعيشو بعد الزواج يبنو احلام وردية و من بعد تصدمهم الحياة في بيت الزوج بما في ذلك المسؤولية و علابيها كثر الطلاق ربي يعافينا

تحياتي لكي
​

 

[{مُدَلَّلَتُهُ}]

رد: غدوا راحة تكوني عروسة.......قوليلي برك الا راكي واجدة؟؟

السلام عليكم و رحمة الله وبركاته

دايما تتحفينا بمواضيعك المميزة و نصائحك الذهبية

الشيرات ضوكا راهم يتفرجو بزاف للترك على بيها راهم متخيلين الحياة الزوجية مسلسل . . ما فيها تعب ما فيها شقا ما فيها تحمل مسؤولي و نهار تتزوج تتصدم بالواقع على بيها كثرو حالات الطلاق !

بارك الله فيك على الموضوع .. ربي يجازيك و يفرحك بأمينة واخوتها ان شا الله
​

 

[ام أمينة]

رد: غدوا راحة تكوني عروسة.......قوليلي برك الا راكي واجدة؟؟

السلام عليكم و رحمة الله وبركاته

دايما تتحفينا بمواضيعك المميزة و نصائحك الذهبية

الشيرات ضوكا راهم يتفرجو بزاف للترك على بيها راهم متخيلين الحياة الزوجية مسلسل . . ما فيها تعب ما فيها شقا ما فيها تحمل مسؤولي و نهار تتزوج تتصدم بالواقع على بيها كثرو حالات الطلاق !

بارك الله فيك على الموضوع .. ربي يجازيك و يفرحك بأمينة واخوتها ان شا الله
​

صح المسلسلات التركية و الهندية تزين للبنات الزواج بلي فيه غير الاحلام وردية
الزواج مسؤولية و زوجك لازم تهتمي بيه
و الله قبل ما نتزوج جداتي ربي يطول في عمرها كانت تقولي يا بنتي الزواج ماشي رورورورو يعني العرس و الزغاريت و تصديرة تقولي شوفي الا تقدري لروحك و لزوجك و شغل الدار و فيها تان الاولاد و لتم تزيد مسؤوليتك و لازم تعدلي بين الزوج و الاولاد و شغل البيت و الا كنتي فالدار الكبيرة راحت عليك
و الله صدقيني من الاول كي قاتلي هكذا قلت اواه جدا كبرت و كي تزوجت و ولدت وليت في هدرتها سوا سوا الله المستعان

ربي يهنيك نورتي موضوعي بردك الجميل
تحياتي
​

 

[Zakia zizou mca]

رد: غدوا راحة تكوني عروسة.......قوليلي برك الا راكي واجدة؟؟

صح كلامك البنت لازم من قبل الخطبة تعلم روحها ماشي تقول مور الزواج راح ندير ونسي ممبعد كي تتزوجي مانقدرش راح جيها صعيبة لانها ما ولفتش ربي يقدر كل بنت نشاء الله

 

[ام أمينة]

رد: غدوا راحة تكوني عروسة.......قوليلي برك الا راكي واجدة؟؟

صح كلامك البنت لازم من قبل الخطبة تعلم روحها ماشي تقول مور الزواج راح ندير ونسي ممبعد كي تتزوجي مانقدرش راح جيها صعيبة لانها ما ولفتش ربي يقدر كل بنت نشاء الله

اهلا اختي
صح الطفلة لازم تهيأ روحها للحياة الزوجية و تكون مستعدة لكل شيئ لازم اي استفسار في راسها لازم تحوس عليه و تسقسي
ما تخليش حتى تتزوج و يجيها كلش صعيب

نورتي موضوعي

 

[❤️كلي أمل❤️]

رد: غدوا راحة تكوني عروسة.......قوليلي برك الا راكي واجدة؟؟

السلام عليكم
ولله معك حق اختي الكريمة كلامك كلو صواب
انا من رأيي لازم الام تفهم بنتها واش هو الزواج
واش هي المسؤولية تاع الزوج وأهل الزوج
متخليهاش تروح وهي ماعلبالهاش واش راهو يستنى فيها
بارك الله فيك اختي الغالية موضوعك رااائع

 

[آمال النجاح]

رد: غدوا راحة تكوني عروسة.......قوليلي برك الا راكي واجدة؟؟

بارك الله فيك أختي الكريمة كلامك صحيح و صواب

أنا راني متزوجة و عندي قريب عام ملي تزوجت في هاذ الشهر ندير عام بالضبط من زواجي

ربي ينورك و يفتح عليك على النصائح الثمينة​

 

[حكاية قمر]

رد: غدوا راحة تكوني عروسة.......قوليلي برك الا راكي واجدة؟؟

بارك الله فيك أختي هي صح قبل الزواج لازم بحال ستاج للبنت في دارهم لازم تقوم بمسؤولية البيت كما يستلزم الأمر لانو هكت راح يكون الواقع في دار الزوج وللانو زواج ماشي لاغوب بلونش وهادوك الأحلام الوردية راه من بعد يولي أسود وكوابيس اذا ماكانتش قد المسؤولية والراجل مهما بغاها اذا ماهيش مراة تاع دار بامتياز بجي نهار ويمل منها
شكرا أخيتي ربي يجازيك

 

[همس الوُرود]

السلام عليكم أختي

بارك الله فيك على النصائح

ربي يهنيكم أنتم المتزوجات

 

[دعاء الجنات]

شكرا اختي والله حسيت هذا الكلام ليا وأنا الحمد لله قادرة على شقايا عندي مشكل برك مانيش نوض بكري ان شاء الله تديريلنا موضوع على هذا الأمر وشكر